(1)

Déantar foráil le Rialachán (AE) Uimh. 1380/2013 maidir le tabhairt i dtír na ngabhálacha uile speiceas atá faoi réir teorainneacha gabhála agus, sa Mheánmhuir, gabhálacha speiceas atá faoi réir íosmhéideanna gabhála (‘an oibleagáid gabhálacha a thabhairt i dtír’) freisin. Le hAirteagal 15(1) den Rialachán sin cumhdaítear gníomhaíochtaí iascaireachta in uiscí an Aontais nó gníomhaíochtaí iascaireachta a dhéanann soithí iascaireachta de chuid an Aontais lasmuigh d’uiscí an Aontais nach dtagann faoi cheannasacht nó dlínse tríú tíortha.

(2)

Le hAirteagal 15(2) de Rialachán (AE) Uimh. 1380/2013 cumhachtaítear an Coimisiún le gníomhartha tarmligthe a ghlacadh chun oibleagáidí idirnáisiúnta a chur chun feidhme i ndlí an Aontais, lena n-áirítear go háirithe maoluithe ar an oibleagáid gabhálacha a thabhairt i dtír.

(3)

Le Moladh CIGM/46/2023/2 ón gCoimisiún Ginearálta Iascaigh don Mheánmhuir (‘CGIM’), cuirtear toirmeasc ar choinneáil ar bord agus tabhairt i dtír séaclaí móra dearga agus séaclaí móra gorma agus dearga i gCaolas na Sicile atá níos lú ná 25 mm ar fhad carapáis.

(4)

Le Moladh CIGM/46/2023/3 ón gCoimisiún Ginearálta Iascaigh don Mheánmhuir (‘CGIM’), cuirtear toirmeasc ar choinneáil ar bord agus tabhairt i dtír séaclaí móra dearga agus séaclaí móra gorma agus dearga sa Mhuir Iónach atá níos lú ná 25 mm ar fhad carapáis.

(5)

Le Moladh CGIM/46/2023/4 ón gCoimisiún Ginearálta Iascaigh don Mheánmhuir (‘CGIM’), cuirtear toirmeasc ar choinneáil ar bord agus tabhairt i dtír séaclaí móra dearga agus séaclaí móra gorma agus dearga i Muir na Leiveainte atá níos lú ná 25 mm ar fhad carapáis.

(6)

Le mír 4 de na moltaí sin, tugtar an fhéidearthacht corrlach lamháltais 5 % a bheith ann le haghaidh gabhálacha de thaisme de shéaclaí móra dearga agus séaclaí móra gorma agus dearga atá faoi bhun na híosmhéide.

(7)

Le Moladh CIGM/46/2023/14 ón gCoimisiún Ginearálta Iascaigh don Mheánmhuir (‘CGIM’), cuirtear toirmeasc ar choinneáil ar bord agus tabhairt i dtír dorád coiteann sa Mheánmhuir atá níos lú ná 35 cm ar fhad carapáis. Thairis sin, le mír 16 den Mholadh tugtar an fhéidearthacht corrlach lamháltais 5 % a bheith ann le haghaidh gabhálacha de thaisme de dhoráid atá faoi bhun na híosmhéide.

(8)

Chun comhsheasmhacht a áirithiú idir na Moltaí sin agus dlí an Aontais Eorpaigh, níor cheart feidhm a bheith ag an oibleagáid gabhálacha a thabhairt i dtír in Airteagal 15(1) de Rialachán (AE) Uimh. 1380/2013 maidir le soithí de chuid an Aontais atá rannpháirteach sna hiascaigh a chumhdaítear leis na moltaí sin.

(9)

Ós rud é go bhfuil feidhm ag an toirmeasc sin faoi láthair i limistéar chur i bhfeidhm Chomhaontú CGIM, chun leanúnachas dlíthiúil a áirithiú, ba cheart an Rialachán seo a theacht i bhfeidhm an lá tar éis lá a fhoilsithe,

1.

ciallaíonn ‘Fo-Limistéir Gheografacha CGIM’ (‘FLGanna’) Fo-Limistéir Gheografacha an Choimisiúin Ghinearálta Iascaigh don Mheánmhuir (CGIM), mar a shainítear in Iarscríbhinn I a ghabhann le Rialachán (AE) 2023/2124 ó Pharlaimint na hEorpa agus ón gComhairle (2);

2.

ciallaíonn ‘an Mheánmhuir’ na huiscí i bhfolimistéir gheografacha 1 go 27 CGIM mar a shainítear in Iarscríbhinn I a ghabhann le Rialachán (AE) 2023/2124;

3.

ciallaíonn ‘Caolas na Sicile’ na huiscí i bhfolimistéir gheografacha 12, 13, 14, 15, agus 16 CGIM mar a shainítear in Iarscríbhinn I a ghabhann le Rialachán (AE) 2023/2124;

4.

ciallaíonn ‘An Mhuir Iónach’ na huiscí i bhfolimistéir gheografacha 19, 20 agus 21 CGIM mar a shainítear in Iarscríbhinn I a ghabhann le Rialachán (AE) 2023/2124;

5.

ciallaíonn ‘Muir na Leiveainte’ na huiscí i bhfolimistéir gheografacha 24, 25, 26 agus 27 CGIM mar a shainítear in Iarscríbhinn I a ghabhann le Rialachán (AE) 2023/2124.