|
18.2.2020 |
GA |
Iris Oifigiúil an Aontais Eorpaigh |
L 45/8 |
CINNEADH CUR CHUN FEIDHME (AE) 2020/216 ÓN GCOMHAIRLE
an 17 Feabhra 2020
maidir leis an Leas-Chathaoirleach agus beirt chomhaltaí lánaimseartha eile a cheapadh ar an mBord Réitigh Aonair
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 806/2014 ó Pharlaimint na hEorpa agus ón gComhairle an 15 Iúil 2014 lena mbunaítear rialacha aonfhoirmeacha agus nós imeachta aonfhoirmeach maidir le réiteach institiúidí creidmheasa agus gnólachtaí infheistíochta áirithe faoi chuimsiú Sásra Réitigh Aonair agus Ciste Réitigh Aonair agus lena leasaítear Rialachán (AE) Uimh. 1093/2010 (1), go háirithe Airteagal 56(4) agus (6) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
An 13 Samhain 2019, ghlac an Coimisiún, tar éis dó an Bord Réitigh Aonair (“an Bord”) a éisteacht ina sheisiún iomlánach, gearrliostaí iarrthóirí le haghaidh cheapadh an Leas-Chathaoirligh agus beirt chomhaltaí lánaimseartha eile ar an mBord, agus chuir sé na gearrliostaí sin ar fáil do Pharlaimint na hEorpa. |
|
(2) |
Cuireadh an Chomhairle ar an eolas faoi na gearrliostaí sin an 14 Samhain 2019. |
|
(3) |
De bhun Airteagal 56(5) de Rialachán (AE) Uimh. 806/2014, 5 bliana a mhaireann téarma oifige an Leas-Chathaoirligh agus na gcomhaltaí lánaimseartha breise ar an mBord. |
|
(4) |
An 14 Eanáir 2020, ghlac an Coimisiún togra le haghaidh Jan Reinder DE CARPENTIER, Uas. a cheapadh ina Leas-Chathaoirleach ar an mBord, agus Jesús SAURINA, Uas. agus Pedro MACHADO, Uas. a cheapadh ina gcomhaltaí lánaimseartha breise ar an mBord agus chuir sé faoi bhráid Pharlaimint na hEorpa an togra sin lena cheadú. |
|
(5) |
D’fhormheas Parlaimint na hEorpa an togra sin an 30 Eanáir 2020. |
|
(6) |
Comhlíonann na hiarrthóirí arna moladh na ceanglais uile a leagtar amach in Airteagal 56(4) de Rialachán (AE) Uimh. 806/2014, |
TAR ÉIS AN CINNEADH SEO A GHLACADH:
Airteagal 1
Ceaptar leis seo na daoine seo a leanas ina gcomhaltaí lánaimseartha ar an mBord Réitigh Aonair ar feadh téarma oifige cúig bliana amhail ón 1 Márta 2020:
|
— |
Jan Reinder DE CARPENTIER, Uas. mar Leas-Chathaoirleach, |
|
— |
Jesús SAURINA, Uas. mar Stiúrthóir Pleanála agus Cinntí Réitigh, |
|
— |
Pedro MACHADO, Uas. mar Stiúrthóir Pleanála agus Cinntí Réitigh. |
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 17 Feabhra 2020.
Thar ceann na Comhairle
An tUachtarán
J. BORRELL FONTELLES