|
30.4.2008 |
MT |
Il-Ġurnal Uffiċjali ta’ l-Unjoni Ewropea |
L 116/56 |
POŻIZZJONI KOMUNI TAL-KUNSILL 2008/348/PESK
tad-29 ta’ April 2008
dwar miżuri restrittivi kontra l-Uzbekistan
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 15 tiegħu,
Billi:
|
(1) |
Fit-13 ta’ Novembru 2007, il-Kunsill adotta l-Pożizzjoni Komuni 2007/734/PESK dwar miżuri restrittivi kontra l-Uzbekistan (1). Dik il-Pożizzjoni Komuni ġeddet ċerti miżuri restrittivi li kienu imposti mill-Pożizzjoni Komuni 2005/792/PESK (2) b’reazzjoni għal użu eċċessiv, sproporzjonat u indiskriminatorju ta’ forza mill-forzi tas-sigurtà Uzbeki matul l-avvenimenti f’Andijan f’Mejju 2005. Madankollu, bil-ħsieb li l-awtoritajiet Uzbeki jiġu inkoraġġiti jieħdu passi pożittivi biex itejbu s-sitwazzjoni tad-drittijiet tal-bniedem u b’kont meħud ta’ l-impenji ta’ l-awtoritajiet Uzbeki, ir-restrizzjonijiet fuq l-ammissjoni kienu sospiżi għal perijodu ta’ sitt xhur. |
|
(2) |
Konsegwentement għal reviżjoni tas-sitwazzjoni fl-Uzbekistan, il-Kunsill jikkunsidra kunsiljabbli li jestendi s-sospensjoni tar-restrizzjonijiet fuq l-ammissjoni b’perijodu ulterjuri ta’ sitt xhur, |
ADOTTA DIN IL-POŻIZZJONI KOMUNI:
Artikolu 1
L-applikazzjoni tal-miżuri msemmijin fl-Artikolu 3 tal-Pożizzjoni Komuni 2007/734/PESK għandha tkun sospiża sat-13 ta’ Novembru 2008.
Artikolu 2
Din il-Pożizzjoni Komuni għandha jkollha effett fid-data ta’ l-adozzjoni tagħha.
Artikolu 3
Din il-Pożizzjoni Komuni għandha tiġi pubblikata fil-Ġurnal Uffiċjali ta’ l-Unjoni Ewropea.
Magħmula fil-Lussemburgu, 29 ta’ April 2008.
Għall-Kunsill
Il-President
D. RUPEL
(1) ĠU L 295, 14.11.2007, p. 34.
(2) ĠU L 299, 16.11.2005, p. 72. il-Pożizzjoni Komuni kif emendata bil-Pożizzjoni Komuni 2007/338/PESK (ĠU L 128, 16.5.2007, p. 50.)