(1)

Foráiltear le Cinneadh Cur Chun Feidhme (AE) 2018/1137 ón gCoimisiún (3) do sheiceálacha sláinte plandaí agus do bhearta atá le déanamh maidir le hábhar pacáistíochta adhmaid atá in úsáid in iompar tráchtearraí sonraithe de thionscnamh na Bealarúise agus na Síne agus bhí sé infheidhme go dtí an 30 Meitheamh 2020. Bhí feidhm ag na rialacha sin i dteannta na rialacha atá i Rialachán Tarmligthe (AE) 2019/2125 ón gCoimisiún (4) maidir le rialuithe oifigiúla sonracha ar ábhar pacáistíochta adhmaid.

(2)

Maidir le seiceálacha sláinte plandaí arna ndéanamh ag Ballstáit ar bhonn Chinneadh Cur Chun Feidhme (AE) 2018/1137, tá sé léirithe iontu nach gcomhlíonann an mharcáil ar ábhar pacáistíochta adhmaid, a úsáidtear in iompar tráchtearraí áirithe de thionscnamh na Bealarúise agus na Síne, Rialachán (AE) 2016/2031 i gcónaí. Thairis sin, maidir le seiceálacha sláinte plandaí arna ndéanamh ag Ballstáit ar bhonn a measúnuithe riosca, arna dtaifeadadh in TRACES agus i gcóras gréasáin EUROPHYT-Idircheaptha roimhe seo, tá sé léirithe iontu nach gcomhlíonann an mharcáil ar ábhar pacáistíochta adhmaid a úsáidtear chun tráchtearraí áirithe de thionscnamh na hIndia a iompar an Rialachán sin i gcónaí.

(3)

Is éard a léirítear leis neamhchomhlíonadh ar tháinig na Ballstáit orthu go bhfuil riosca ann go dtabharfar lotnaidí beo isteach leis an ábhar pacáistíochta adhmaid a úsáidtear chun tráchtearraí áirithe ó na trí thír thionscnaimh sin a iompar, eadhon an Bhealarúis, an tSín agus an India, agus gur cheart na tráchtearraí sin a bheith faoi réir seiceálacha sonracha.

(4)

Chun na hiarmhairtí a bhaineann le neamhchomhlíonadh den sórt sin a chosc amach anseo, ba cheart bearta a ghlacadh maidir le hábhar pacáistíochta adhmaid chun tráchtearraí áirithe de thionscnamh na Bealarúise, na Síne agus na hIndia a iompar.

(5)

Chun a áirithiú go n-ullmhófar na húdaráis a dhéanann na seiceálacha sláinte plandaí faoi seach ar bhealach níos fearr, ba cheart do na húdaráis inniúla nó do na hoibreoirí a bhfuil baint acu le hallmhairiú na dtráchtearraí sonraithe, a bhfuil ábhar pacáistíochta adhmaid ag gabháil leo, réamhfhógra ina thaobh sin a thabhairt don údarás inniúil ag post rialaithe teorann an chéad teacht isteach a luaithe is eol dóibh gur tháinig an phacáistíocht adhmaid sin isteach.

(6)

Ba cheart ábhar pacáistíochta adhmaid de choinsíneachtaí na dtráchtearraí sonraithe a bheith faoi réir seiceálacha sláinte plandaí ar bhonn rialta. Bunaithe ar an riosca sainaitheanta do shláinte plandaí, níor cheart ráta na seiceálacha sin a bheith níos lú ná 15 % d’ábhar pacáistíochta adhmaid allmhairithe na dtráchtearraí sonraithe, chun a áirithiú go seiceálfar sampla ionadaíoch.

(7)

Ba cheart an t-ábhar pacáistíochta adhmaid, mar aon leis na coinsíneachtaí sonraithe, a bheith faoi réir rialacha an Aontais maidir le maoirseacht chustaim go dtí go gcuirfear na seiceálacha ar shláinte plandaí i gcrích, chun a áirithiú nach mbeidh aon riosca fíteashláintíochta ann mar thoradh ar a saorghluaiseacht laistigh de chríoch an Aontais.

(8)

Ba cheart seiceálacha sláinte plandaí a dhéanamh ag post rialaithe teorann an chéad teacht isteach i gcríoch an Aontais nó ag pointí rialaithe dá dtagraítear i bpointe (a) d’Airteagal 53(1) de Rialachán (AE) 2017/625, chun a áirithiú go ndéantar na seiceálacha sin sna saoráidí is iomchuí.

(9)

Ar mhaithe leis an tsoiléireacht dhlíthiúil, ba cheart Cinneadh Cur Chun Feidhme (AE) 2018/1137 a aisghairm agus an Rialachán seo a chur ina ionad, chun Rialachán (AE) 2016/2031 agus Rialachán (AE) 2017/625 is infheidhme ón 14 Nollaig 2019 a chur san áireamh.

(10)

Chun go mbeidh dóthain ama ag na Ballstáit oiriúnú do na ceanglais dá bhforáiltear sa Rialachán seo, ba cheart feidhm a bheith aige ón 1 Márta 2021.

(11)

Ba cheart feidhm a bheith ag an Rialachán seo go dtí an 31 Nollaig 2023 chun am a thabhairt chun faireachán a dhéanamh ar an gcás agus chun comhlíonadh an ábhair pacáistíochta adhmaid agus na gcoinsíneachtaí faoi seach leis an Rialachán seo agus Rialachán (AE) 2016/2031 a chinneadh.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

ciallaíonn “ábhar pacáistíochta adhmaid” aon táirge adhmaid i bhfoirm cásanna pacála, boscaí, cliathbhoscaí, drumaí agus pacáistithe comhchosúla, sráideoga, sráideoga bosca agus boird ualaigh eile, coiléir sráideoige, starrála, bídís in úsáid in iompar réad de gach cineál nó ná bídís; ní chuirtear san áireamh adhmad amh atá 6 mm nó níos lú ar tiús, adhmad próiseáilte arna tháirgeadh le gliú, teas ná brú, nó meascán díobh sin, ná starráil lena dtacaítear le coinsíneachtaí adhmaid, atá déanta as adhmad den chineál céanna agus den cháilíocht chéanna leis an adhmad atá sa choinsíneacht;

(2)

ciallaíonn “coinsíneachtaí sonraithe” coinsíneachtaí a chomhlíonann gach ceann de na nithe seo a leanas:

(1)

maidir leis na húdaráis inniúla nó na hoibreoirí atá freagrach as an ábhar pacáistíochta adhmaid lena mbaineann a thabhairt isteach nó atá ar an eolas gur tháinig an phacáistíocht adhmaid sin isteach i gcríoch an Aontais, go dtabharfaidh siad réamhfhógra don údarás inniúil ag post rialaithe teorann an chéad teacht isteach agus an t-ábhar pacáistíochta adhmaid lena mbaineann á thabhairt isteach i gcríoch an Aontais;

(2)

go léirítear leis na seiceálacha sláinte plandaí dá bhforáiltear i bpointe (a) d’Airteagal 4(1) den Rialachán seo go gcomhlíonann an t-ábhar pacáistíochta adhmaid lena mbaineann ceanglais phointí (a) agus (b) d’Airteagal 43(1) de Rialachán (AE) 2016/2031.