|
5.6.2007 |
MT |
Il-Ġurnal Uffiċjali ta’ l-Unjoni Ewropea |
176 |
DEĊIŻJONI TAL-KUMMISSJONI
ta’ l-20 ta’ Settembru 2006
li temenda d-Deċiżjonijiet 2005/723/KE u 2005/873/KE tal-kontribuzzjoni finanzjarja tal-Komunità għall-programmi għall-qerda u l-monitoraġġ ta’ ċerti Enċefalopatiji spongiformi li jittieħdu (TSEs) fl-Istati Membri għas-sena 2006
(innotifikata taħt dokument numru C(2006) 4150)
(2006/645/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-qasam veterinarju (1), u b’mod partikolari l-Artikolu 24(5) u (6) l-Artikolu 32 tagħha,
Billi:
|
(1) |
Ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistipola regoli għall-prevenzjoni, il-kontroll u l-qerda ta’ ċerti enċefalopatiji sponġiformi li jittieħdu (2), jinkludi regoli ta’ monitoraġġ ta’ enċefalopatiji sponġiformi li jittieħdu (TSEs) fl-annimali bovini, ovini u kaprini. Dan ir-Regolament, kif emendat mir-Regolament tal-Kummissjoni (KE) Nru 1041/2006 jipprevedi estensjoni tal-monitoraġġ tan-nagħaġ. |
|
(2) |
Id-Deċiżjoni tal-Kummissjoni 2005/723/KE ta’ l-14 ta’ Ottubru 2005 dwar programmi għall-qerda u l-monitoraġġ ta’ mard ta’ l-annimali, ta’ ċerti TSEs, u għall-prevenzjoni taż-żoonożi, li jikkwalifikaw għal kontribuzjoni finanzjarja tal-Komunità fl-2006 (3) tistabbilixxi l-lista ta’ tali programmi, kif ukoll ir-rata u l-ammont proposti tal-kontribuzzjoni finanzjarja mill-Komunità għal kull programm. |
|
(3) |
Id-Deċiżjoni tal-Kummissjoni 2005/873/KE tat-30 ta’ Novembru 2005 li tapprova programmi għal qerda u l-monitoraġġ tal-mard ta’ l-annimali, ta’ ċerti TSEs, u għall-prevenzjoni taż-żoonożi ppreżentata mill-Istati Membri għas-sena 2006 (4) tistabbilxxi l-kontribuzzjoni finanzjarja mill-Komunità għall-programmi mill-Istati Membri għall-monitoraġġ ta' enċefalopatiji sponġiformi li jittieħdu. |
|
(4) |
Fit-8 ta’ Marzu ta’ l-2006, bord ta’ l-esperti dwar it-TSEs fl-annimali żgħar li jixtarru, ippresedut mil-laboratorju Komunitarju ta' referenza għat-TSEs, ikkonferma li l-enċefalopatija sponġiformi bovina (BSE) f'dawn l-annimali ma tistax tiġi eskluża wara r-riżultati tat-tieni stadju ta' ttestjar diskriminatorju tal-kampjuni ta’ l-imħuħ minn żewġ nagħġiet minn Franza u nagħġa waħda minn Ċipru. Ittestjar ulterjuri huwa meħtieġ sabiex tiġi eskluża l-preżenza tal-BSE f’tali annimali. |
|
(5) |
Fid-dawl ta’ l-importanza ta’ implimentazzjoni effettiva ta’ aktar monitoraġġ għall-verifika tal-prevalenza tal-BSE f’annimali ovini, huwa xieraq li jiżdied l-ammont għal kull test sabiex jingħata bħala rimbors lill-Istati Membri mill-Komunità sa ammont massimu ta’ EUR 30 għal kull test rapidu mwettaq fl-annimali ovini, skond l-ispiża għal kull test rapidu mwettaq fl-annimali kaprini. |
|
(6) |
Wara s-sejba ta’ l-ewwel każ tal-BSE fl-Iżvezja, ir-Regolament (KE) Nru 999/2001 kif emendat mir-regolament tal-Kummissjoni (KE) 688/2006/KE żied il-livelli ta’ ttestjar fl-annimali bovini f’dan l-Istat Membru. Għalhekk huwa xieraq li jiżdied il-livell tal-kontribuzzjoni finanzjarja tal-Komunità għal programmi għall-monitoraġġ tat-TSEs fl-Iżvezja, kif previst fid-Deċiżjonijiet 2005/723/KE u 2005/873/KE. |
|
(7) |
Id-Deċiżjonijiet 2005/723/KE u 2005/873/KE għandhom għalhekk jiġu emendati skond dan. |
|
(8) |
Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTA DIN ID-DEĊIŻJONI
Artikolu 1
L-Anness III għad-Deċiżjoni 2005/723/KE jinbidel permezz tat-test fl-Anness għal din id-Deċiżjoni.
Artikolu 2
Id-Deċiżjoni 2005/873/KE hija emendata kif ġej: Il-Kapitolu XI, l-Artikolu 11(2) u (3) jinbidlu b'dan li ġej:
“2. Il-kontribuzzjoni finanzjarja mill-Komunità għandha tkun bir-rata ta’ 100 % ta’ l-ispejjeż eliġibbli li jġarrab kull Stat Membru msemmija fil-paragrafu 1 għall-implimentazzjoni ta’ dawn il-programmi u ma għandhomx jaqbżu:
|
(a) |
EUR 3 375 000 għall-Belġju; |
|
(b) |
EUR 1 640 000 għar-Repubblika Ċeka; |
|
(ċ) |
EUR 2 380 000 għad-Danimarka; |
|
(d) |
EUR 15 155 000 għall-Ġermanja; |
|
(e) |
EUR 285 000 għall-Estonja; |
|
(f) |
EUR 1 625 000 għall-Greċja; |
|
(g) |
EUR 9 945 000 għal Spanja; |
|
(h) |
EUR 25 760 000 għal Franza; |
|
(i) |
EUR 6 695 000 għall-Irlanda; |
|
(j) |
EUR 9 045 000 għall-Italja; |
|
(k) |
EUR 565 000 għal Ċipru; |
|
(l) |
EUR 355 000 għal-Latvja; |
|
(m) |
EUR 770 000 għal-Litwanja; |
|
(n) |
EUR 140 000 għal-Lussemburgu; |
|
(o) |
EUR 1 415 000 għall-Ungerija; |
|
(p) |
EUR 35 000 għal Malta; |
|
(q) |
EUR 5 515 000 għall-Olanda; |
|
(r) |
EUR 2 230 000 għall-Awstrija; |
|
(s) |
EUR 3 800 000 għall-Polonja; |
|
(t) |
EUR 2 205 000 għall-Portugall; |
|
(u) |
EUR 410 000 għas-Slovenja; |
|
(v) |
EUR 845 000 għas-Slovakkja; |
|
(w) |
EUR 1 020 000 għall-Finlandja; |
|
(x) |
EUR 1 440 000 għall-Iżvezja; |
|
(y) |
EUR 7 700 000 għar-Renju Unit. |
3. Il-kontribuzzjoni finanzjarja mill-Komunità tal-programmi msemmija fil-paragrafi 1 u 3 għandha tkun għat-testijiet imwettqa u l-ammont massimu ma għandux jaqbeż:
|
(a) |
EUR 7 għal kull test, għat-testijiet imwettqa fl-annimali bovini msemmija fl-Annex III għar-Regolament (KE) Nru 999/2001; |
|
(b) |
EUR 30 għal kull test, għat-testijiet imwettqa fl-annimali ovini msemmija fl-Annex III għar-Regolament (KE) Nru 999/2001; |
|
(ċ) |
EUR 145 għal kull test, għal testijiet primarji molekolari diskriminatorji f’annimali ovini u kaprini mwettqa kif imsemmi fl-Annex X, il-Kapitolu C, il-punt 3.2(c)(i) għar-regolament (KE) Nru 999/2001;” |
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, nhar l-20 ta’ Settembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 19. Id-Deċiżjoni kif emendata l-aħħar bid-Deċiżjoni Nru 2006/53/KE (ĠU L 29, 2.2.2006, p. 37).
(2) ĠU L 147, 31.5.2001, p. 1. Ir-Regolament kif emendat l-aħħar mir-Regolament tal-Kummissjoni (KE) Nru 688/2006 (ĠU L 120, 5.5.2006, p. 10).
ANNESS
“ANNESS III
LISTA TA' PROGRAMMI GĦALL-MONITORAĠĠ TAT-TSES (ARTIKOLU 3(1))
Rata u ammont massimu tal-kontribuzzjoni finanzjarja tal-komunità
|
Il-Marda |
L-Istat Membru |
It-testijiet rapidi tar-rata u t-testijiet diskriminatorji mwettqa (%) |
L-ammont massimu (EUR) |
|
TSEs |
Il-Belġju |
100 |
3 375 000 |
|
Ir-Repubblika Ċeka |
100 |
1 640 000 |
|
|
Id-Danimarka |
100 |
2 380 000 |
|
|
Il-Ġermanja |
100 |
15 155 000 |
|
|
L-Estonja |
100 |
285 000 |
|
|
Il-Greċja |
100 |
1 625 000 |
|
|
Spanja |
100 |
9 945 000 |
|
|
Franza |
100 |
25 760 000 |
|
|
L-Irlanda |
100 |
6 695 000 |
|
|
L-Italja |
100 |
9 045 000 |
|
|
Ċipru |
100 |
565 000 |
|
|
Il-Latvija |
100 |
355 000 |
|
|
Il-Litwanja |
100 |
770 000 |
|
|
Il-Lussemburgu |
100 |
140 000 |
|
|
L-Ungerija |
100 |
1 415 000 |
|
|
Malta |
100 |
35 000 |
|
|
L-Olanda |
100 |
5 515 000 |
|
|
L-Awstrija |
100 |
2 230 000 |
|
|
Il-Polonja |
100 |
3 800 000 |
|
|
Il-Portugall |
100 |
2 205 000 |
|
|
Is-Slovenja |
100 |
410 000 |
|
|
Is-Slovakkja |
100 |
845 000 |
|
|
Il-Finlandja |
100 |
1 020 000 |
|
|
L-Iżvezja |
100 |
1 440 000 |
|
|
Ir-Renju Unit |
100 |
7 700 000 |
|
|
It-Total |
104 350 000 ” |
||