IARSCRÍBHINN I

CUID 1

NÓTAÍ MAIDIR LE hÚSÁID NA FOIRME

FAISNÉIS GHINEARÁLTA Tá an oibleagáid maidir le hairgead tirim a dhearbhú le linn teacht isteach san Aontas nó le linn dul amach as an Aontas ina cuid de straitéis an Aontais Eorpaigh chun cosc a chur ar sciúradh airgid agus chun maoiniú sceimhlitheoireachta a chomhrac. Ní mór an fhoirm dearbhaithe seo a líonadh isteach le linn teacht isteach san Aontas Eorpach nó le linn dul amach as an Aontas agus airgead tirim EUR 10 000 nó níos mó ar iompar (nó a choibhéis sin in airgeadraí eile) (Airteagal 3 de Rialachán (AE) 2018/1672 ó Pharlaimint na hEorpa agus ón gComhairle). I gcás ina soláthraítear faisnéis mhícheart nó neamhiomlán, nó i gcás nach gcuirtear an t-airgead tirim ar fáil lena rialú, ní mheastar gur chomhlíon an t-iompróir a oibleagáid agus d’fhéadfadh sé go ngearrfar pionóis air faoin reachtaíocht náisiúnta is infheidhme. Déanfaidh na húdaráis inniúla an fhaisnéis agus na sonraí pearsanta a thaifeadadh agus a phróiseáil agus cuirfear an fhaisnéis sin ar fáil don Aonad um Fhaisnéis Airgeadais (AFA) i gcomhréir le hAirteagal 9 de Rialachán (AE) 2018/1672. Sna cásanna dá dtagraítear in Airteagail 10 agus 11 den Rialachán sin, cuirfear na sonraí ar fáil freisin do na húdaráis a luaitear iontu. Feidhmeoidh údaráis inniúla an Bhallstáit ina gcuirtear an dearbhú isteach mar rialaitheoirí ar na sonraí pearsanta a fhaigheann siad agus coinneoidh siad na sonraí a bhailítear i gcomhréir le hAirteagal 13 de Rialachán (AE) 2018/1672, trí réamhshocrú ar feadh cúig bliana. Is chun gníomhaíochtaí coiriúla a chosc agus a chomhrac, agus chuige sin amháin, a dhéanfar sonraí pearsanta a phróiseáil. Maidir le rochtain a fháil ar an bhfaisnéis iomlán, lena n-áirítear faisnéis faoi do chearta, féach an ráiteas príobháideachais i gceangal leis/ an nasc chuig faisnéis ar líne de chuid na mBallstát maidir le cosaint sonraí. MÍNIÚ AR NA TÉARMAÍ A ÚSÁIDTEAR I gCOMHRÉIR LE RIALACHÁN (AE) 2018/1672 Ciallaíonn iompróir aon duine nádúrtha a thagann isteach san Aontas Eorpach nó a théann amach as agus a bhfuil airgead tirim ar iompar ar a sheilbh aige, ina bhagáiste nó ina chóir iompair. Ciallaíonn airgeadra nótaí bainc agus monaí atá i gcúrsaíocht mar mhodh malartaithe, nó a bhí i gcúrsaíocht mar mhodh malartaithe agus is féidir a mhalartú fós trí institiúidí airgeadais nó bainc cheannais le haghaidh nótaí bainc agus monaí atá i gcúrsaíocht mar mhodh malartaithe. Ciallaíonn ionstraimí soshannta iompróra ionstraimí seachas airgeadra agus a thugann teideal dá sealbhóirí suim airgeadais a éileamh ar na ionstraimí a thíolacadh, gan a bheith de dhualgas ar an sealbhóir a aitheantas ná a haitheantas ná teideal chun na suime sin a chruthú. Is iad seo a leanas na hionstraimí sin: (a) seiceanna taistil; [agus] (b) seiceanna, nótaí gealltanais nó orduithe airgid atá i bhfoirm iompróra, atá sínithe ach le hainm an íocaí fágtha ar lár, atá formhuinithe gan srian, atá déanta amach d’íocaí samhailteach, nó i bhfoirm eile a fhágann go n-aistrítear an teideal nuair a sheachadtar an t-airgead. Tráchtearraí a úsáidtear mar stórtha luacha fíorleachtacha (a) monaí le cion óir 90 % ar a laghad; [agus] (b) buillean amhail barraí, cnapanna nó meallta le cion óir 99,5 % ar a laghad.

•	Tá gach réimse ar an bhfoirm seo éigeantach agus ní mór gach réimse a líonadh isteach. Ní mór na réimsí san fhoirm atá marcáilte le réiltín (*) a líonadh isteach, i gcás ina mbaineann siad le hábhar nó i gcás inarb ann dóibh.

•	Ní mór gach cuid bhán a líonadh isteach i gceannlitreacha agus i ndúch dubh. Níor cheart ábhar a bhfuil líne curtha tríd, focail a bhfuil ábhar eile scríofa anuas orthu nó athruithe eile a bheith sna foirmeacha.

•	Ní mór na codanna atá marcáilte ‘le haghaidh úsáid oifigiúil’ a fhágáil bán.

•

Uimhir aitheantais phearsanta (i.e. ní mór cáin phearsanta, uimhir slándála sóisialta nó uimhir aitheantais phearsanta ar leith atá comhchosúil leis an uimhir sin), seoladh, cód poist, uimhir theileafóin agus seoladh ríomhphoist a líonadh isteach, má bhaineann siad le hábhar. Mura mbaineann le hábhar, sonraigh ‘N/B’.

•

Ní mór an uimhir chánach breisluacha (CBL) agus an Uimhir chláraithe agus aitheantais oibreoirí eacnamaíocha a líonadh isteach (Uimhir EORI - is uimhir uathúil í seo, ar fud na hEorpa, arna sannadh ag údarás custaim an Bhallstáit d’oibreoirí eacnamaíocha a bhfuil baint acu le gníomhaíochtaí custaim), i gcás inarb ann dóibh. Murab ann dóibh, sonraigh ‘N/B’.

•	I gcás nach eol don iompróir an fhaisnéis a iarrtar, sonraigh ‘ní heol’.

•	Ní mór an fhoirm a líonadh isteach i gceann de theangacha oifigiúla an Aontais Eorpaigh a nglacann údaráis inniúla an Bhallstáit leo san áit ina ndéantar an dearbhú.

Roinn 1: Ag teacht isteach san Aontas nó ag dul amach as an Aontas

Cuir tic leis an mbosca cuí lena shonrú cé acu atá an t-iompróir ag teacht isteach san Aontas nó ag dul amach as an Aontas. I gcás idirthuras tríd an Aontas, éilítear dearbhú freisin le linn teacht isteach san Aontas agus le linn dul amach as an Aontas.

Roinn 2: Sonraí iompróir an airgid thirim

Ní mór sonraí pearsanta an iompróra a líonadh isteach sa roinn seo mar atá siad ar a dhoiciméad aitheantais.

I gcás nach féidir leis an iompróir an dearbhú a shíniú go dlíthiúil, cuirfidh ionadaí dlíthiúil an iompróra an dearbhú isteach.

Roinn 3: Mionsonraí an turais

Ní mór an fhaisnéis faoi thír an chéad imeachta, tír an chinn scríbe agus na cóir iompair a sholáthar. Ní mór faisnéis faoin tír idirthurais nó faoi na tíortha idirthurais ina ndéanann an t-iompróir an t-airgead tirim a aistriú a shonrú chomh maith leis an gcuideachta iompair, má bhaineann le hábhar.

—

Cuir tic le ‘Aeriompar’ más ag teacht isteach san Aontas nó ag dul amach as an Aontas in aerárthach atá tú. Ní mór an cineál aerárthaigh (eitilt tráchtála, scairdeitleán príobháideach, eile) a sholáthar. Ní mór uimhir na heitilte nó uimhir chlárúcháin an aerárthaigh (i gcás scairdeitleán príobháideach) a sholáthar sa réimse ‘Uimhir thagartha’.

—

Cuir tic leis an mbosca ‘Ar muir / Ar abhainn’ más ag teacht isteach san Aontas nó ag dul amach as ar muir nó ar abhainn atá tú. Ní mór an cineál soithigh (soitheach tráchtála, luamh, eile) a sholáthar. Ní mór ainm an tsoithigh a sholáthar sa réimse ‘Uimhir thagartha’ agus na sonraí i ndáil leis an líne loingis a sholáthar faoi ‘Cuideachta iompair’.

—	Cuir tic le ‘Ar Bóthar’ más ag teacht isteach san Aontas nó ag imeacht as an Aontas atá tú d’aon chineál feithicle bóthair innealta. Ní mór cineál an iompair de bhóthar a sholáthar (leoraí, carr bus, eile). Ní mór cód tíre agus uimhirphláta na feithicle a sholáthar sa réimse ‘Uimhir thagartha’.

—	Cuir tic leis an mbosca ‘Ar iarnród’ más ag teacht isteach san Aontas nó ag imeacht as an Aontas ar thraein atá tú. Ní mór uimhir na traenach a sholáthar sa réimse ‘Uimhir thagartha’ agus an chuideachta traenach a sholáthar faoi ‘Cuideachta traenach’.

—	Cuir tic leis an mbosca ‘Eile’ i gcás nach n-úsáidtear aon cheann de na modhanna iompair eile agus sonraigh an cineál iompair (e.g. de shiúl na gcos, rothar).

Roinn 4: Sonraí an airgid thirim

Ní mór méid iomlán an airgid thirim atá ar iompar ag an iompróir a líonadh isteach sa Roinn seo. Sainmhínítear ‘airgead tirim’ faoi ‘Faisnéis Ghinearálta’. Ní mór ar a laghad ceann amháin de na roghanna [(i) airgeadra; (ii) ionstraimí soshannta iompróra nó (iii) tráchtearraí a úsáidtear mar stórtha luacha fíorleachtacha] a líonadh isteach.

I gcás nach leor an méid spáis atá ar fáil ar an bhfoirm dhearbhúcháin, ní mór bileoga breise a úsáid chun sonraí an airgid thirim a sholáthar. Is dearbhú aonair é gach faisnéis a sholáthraítear agus ní mór gach bileog bhreise a uimhriú agus a shíniú.

Roinn 5: Foinse eacnamaíoch agus úsáid bheartaithe an airgid thirim

Ní mór Foroinn 5.A a líonadh isteach i gcónaí más aonúinéir é an t-iompróir nó mura bhfuil ach úinéir amháin ann chun an fhoinse eacnamaíochábhartha a shonrú.

Ní mór Foroinn 5.B a líonadh isteach más é an t-iompróir an t-aonúinéir agus an t-aonfhaighteoir beartaithe freisin nó i gcás nach bhfuil ach faighteoir amháin le húsáid bheartaithe an airgid thirim a shonrú.

Is féidir níos mó ná rogha amháin a roghnú i ngach Foroinn. Mura mbaineann aon cheann de na roghanna le hábhar, cuir tic leis an mbosca ‘eile’ agus sonraigh na mionsonraí.

Má tá níos mó ná úinéir amháin nó níos mó ná faighteoir beartaithe amháin ann, ní mór an fhaisnéisábhartha faoi fhoinse eacnamaíoch agus úsáid bheartaithe an airgid le haghaidh na n-úinéirí agus/nó na bhfaighteoirí beartaithe a líonadh isteach ar bhileoga breise mar a luaitear thíos. Sa chás sin, cuir tic le ‘eile’ agus sonraigh ‘bileoga breise’.

Roinn 6: Úinéir an airgid thirim

Aon úinéir amháin

Más é an t-iompróir aonúinéir an airgid thirim, cuir tic leis an mbosca cuí agus lean ar aghaidh go dtí Roinn 7.

Murab ionann an t-iompróir agus an t-aonúinéir, sonraigh cé acu is duine nádúrtha eile nó duine dlítheanach eile é an t-aonúinéir agus cuir tic leis an mbosca cuí. Ní mór na sonraí a líonadh isteach i bhForoinn 6.A (le haghaidh duine nádúrtha) nó i bhForoinn 6.B (le haghaidh duine dlítheanach) agus dul ar aghaidh go dtí Roinn 7. Más duine nádúrtha é an t-iompróir, ní mór na sonraí pearsanta a líonadh isteach mar atá siad ar a dhoiciméad aitheantais.

Níos mó ná úinéir amháin

I gcás ina bhfuil níos mó ná úinéir amháin ann, ní mór an líon iomlán úinéirí a líonadh isteach sa bhosca cuí. Le haghaidh gach úinéir breise, ní mór bileoga breise ar leith a líonadh isteach ina dtugtar a shonraí, an méid airgid thirim atá faoina úinéireacht, foinse eacnamaíoch an airgid thirim agus an úsáid atá beartaithe a bhaint as. Má tá an t-iompróir ar dhuine de na húinéirí, ní mór bileog bhreise a líonadh isteach dósan freisin, ina sonraítear méid an airgid thirim atá faoi úinéireacht an iompróra, foinse eacnamaíoch an airgid thirim agus an úsáid atá beartaithe a bhaint as. Is dearbhú aonair é gach faisnéis a sholáthraítear agus ní mór gach bileog bhreise a uimhriú agus a shíniú.

Roinn 7: Faighteoir beartaithe an airgid thirim

Aon fhaighteoir beartaithe amháin

Sonraigh an é an t-iompróir aonfhaighteoir beartaithe an airgid thirim. Más amhlaidh atá, cuir tic leis an mbosca cuí agus lean ar aghaidh go dtí Roinn 8.

Murab é an t-iompróir an t-aonfhaighteoir beartaithe, cuir tic leis an mbosca cuí lena shonrú cé acu is duine nádúrtha nó duine dlítheanach an t-aonfhaighteoir beartaithe. Ní mór an fhaisnéis a líonadh isteach i bhForoinn 7.A (le haghaidh duine nádúrtha) nó i bhForoinn 7.B (le haghaidh duine dlítheanach) agus dul ar aghaidh go dtí Roinn 8. I gcás gur duine nádúrtha é an t-iompróir, ní mór na sonraí pearsanta a líonadh isteach mar atá siad ar a dhoiciméad aitheantais.

Níos mó ná faighteoir beartaithe amháin

I gcás ina bhfuil níos mó ná faighteoir beartaithe amháin, ní mór an líon iomlán faighteoirí beartaithe a líonadh isteach sa bhosca cuí. Le haghaidh gach faighteoir beartaithe, ní mór bileoga breise ar leithligh a líonadh isteach ina dtabharfar sonraí gach faighteora bheartaithe, an méid airgid atá le fáil aige agus an úsáid a bheartaítear a bhaint as. Má tá an t-iompróir ar dhuine de na faighteoirí beartaithe, ní mór bileog bhreise a líonadh isteach dósan freisin, lena n-áirítear méid an airgid thirim atá le fáil ag an iompróir agus an úsáid a bheartaítear a bhaint as. Is dearbhú aonair é gach faisnéis a sholáthraítear agus ní mór gach bileog bhreise a uimhriú agus a shíniú.

Roinn 8: Síniú

Cuir isteach an dáta, an áit agus an t-ainm agus sínigh an fhoirm dhearbhúcháin. Sonraigh an líon iomlán bileog breise a úsáideadh. Murar úsáideadh aon bhileog breise, sonraigh nialas (0). Is féidir leis an iompróir tic a chur leis an mbosca cuí chun cóip fhormhuinithe den dearbhú a iarraidh.

CUID 2

NÓTAÍ MAIDIR LE hÚSÁID NA FOIRME

FAISNÉIS GHINEARÁLTA Tá an oibleagáid maidir le hairgead tirim a nochtadh, arna iarraidh sin, le linn teacht isteach san Aontas agus le linn dul amach as an Aontas ina cuid de straitéis an Aontais Eorpaigh chun cosc a chur ar sciúradh airgid agus chun maoiniú sceimhlitheoireachta a chomhrac. Ní mór an fhoirm dhearbhúcháin seo a líonadh isteach le linn teacht isteach san Aontas agus le linn dul amach as an Aontas agus airgead tirim EUR 10 000 nó níos mó ar iompar (nó ó a choibhéis in airgeadraí eile), cuireann údaráis inniúla an Bhallstáit, trína bhfuil an t-airgead tirim ag teacht isteach nó ag imeacht, de cheangal ar an seoltóir nó ar fhaighteoir an airgid thirim, nó ar ionadaí de chuid an fhaighteora, de réir mar a bheidh, dearbhú nochta a dhéanamh laistigh de sprioc 30 lá (Airteagal 4 de Rialachán (AE) 2018/1672 ó Pharlaimint na hEorpa agus ón gComhairle). Mura ndéantar an dearbhú nochta laistigh de 30 lá, nó má sholáthraítear faisnéis mhíchruinn nó neamhiomlán, nó murar cuireadh an t-airgead ar fáil lena rialú, ní mheastar go bhfuil a oibleagáid comhlíonta ag an ndearbhóir agus d'fhéadfadh sé go ngearrfaí pionóis ar an dearbhóir sin faoin reachtaíocht náisiúnta is infheidhme. Déanfaidh na húdaráis inniúla an fhaisnéis agus na sonraí pearsanta a thaifeadadh agus a phróiseáil agus cuirfear an fhaisnéis sin ar fáil don Aonad um Fhaisnéis Airgeadais (AFA) i gcomhréir le hAirteagal 9 de Rialachán (AE) 2018/1672. Sna cásanna dá dtagraítear in Airteagail 10 agus 11 den Rialachán sin, cuirfear na sonraí ar fáil freisin do na húdaráis a luaitear iontu. Feidhmeoidh údaráis inniúla an Bhallstát ina gcuirtear an dearbhú nochta isteach mar rialaitheoirí ar na sonraí pearsanta a fhaigheann siad agus coinneoidh siad na sonraí a bhailítear i gcomhréir le hAirteagal 13 de Rialachán (AE) 2018/1672, trí réamhshocrú ar feadh cúig bliana. Is chun gníomhaíochtaí coiriúla a chosc agus a chomhrac, agus chuige sin amháin, a dhéanfar sonraí pearsanta a phróiseáil. Chun rochtain a bheith agat ar an bhfaisnéis iomlán, lena n-áirítear faisnéis faoi do chearta, féach an ráiteas príobháideachais i gceangal agus an nasc chuig faisnéis ar líne de chuid na mBallstát maidir le cosaint sonraí. MÍNIÚ AR NA TÉARMAÍ A ÚSÁIDTEAR I gCOMHRÉIR LE RIALACHÁN (AE) 2018/1672 Ciallaíonn airgeadra nótaí bainc agus monaí atá i gcúrsaíocht mar mhodh malartaithe , nó a bhí i gcúrsaíocht mar mhodh malartaithe agus is féidir a mhalartú fós trí institiúidí airgeadais nó bainc cheannais le haghaidh nótaí bainc agus monaí atá i gcúrsaíocht mar mhodh malartaithe. Ciallaíonn Ionstraimí soshannta iompróra ionstraimí seachas airgeadra agus a thugann teideal dá sealbhóirí suim airgeadais a éileamh ar na ionstraimí a thíolacadh, gan a bheith de dhualgas ar an sealbhóir a aitheantas ná a haitheantas ná teideal chun na suime sin a chruthú. Is iad seo a leanas na hionstraimí sin: (a) seiceanna taistil; [agus] (b) seiceanna, nótaí gealltanais nó orduithe airgid atá i bhfoirm iompróra, atá sínithe ach le hainm an íocaí fágtha ar lár, atá formhuinithe gan srian, atá déanta amach d’íocaí samhailteach, nó i bhfoirm eile a fhágann go n-aistrítear an teideal nuair a sheachadtar an t-airgead. Tráchtearraí a úsáidtear mar stórtha luacha fíorleachtacha, (a) monaí le cion óir 90 % ar a laghad; [agus] (b) buillean amhail barraí, cnapanna nó meallta le cion óir 99,5 % ar a laghad.

•	Tá gach réimse ar an bhfoirm seo éigeantach agus ní mór gach réimse a líonadh isteach. Ní mór na réimsí san fhoirm atá marcáilte le réiltín (*) a líonadh isteach, i gcás ina mbaineann siad le hábhar nó i gcás inarb ann dóibh.

•	Ní mór gach cuid bhán a líonadh isteach i gceannlitreacha agus i ndúch dubh. Níor cheart ábhar a bhfuil líne curtha tríd, focail a bhfuil ábhar eile scríofa anuas orthu nó athruithe eile a bheith sna foirmeacha.

•	Ní mór na codanna atá marcáilte ‘le haghaidh úsáid oifigiúil’ a fhágáil bán.

•

Uimhir aitheantais phearsanta (i.e. ní mór cáin phearsanta, uimhir slándála sóisialta nó uimhir aitheantais phearsanta ar leith atá comhchosúil leis an uimhir sin), seoladh, cód poist, uimhir theileafóin agus seoladh ríomhphoist a líonadh isteach, má bhaineann siad le hábhar. Mura mbaineann le hábhar, sonraigh ‘N/B’.

•

Ní mór an uimhir chánach breisluacha (CBL) agus an Uimhir chláraithe agus aitheantais oibreoirí eacnamaíocha a líonadh isteach (Uimhir EORI - is uimhir uathúil í seo, ar fud na hEorpa, arna sannadh ag údarás custaim an Bhallstáit d’oibreoirí eacnamaíocha a bhfuil baint acu le gníomhaíochtaí custaim), i gcás inarb ann dóibh. Murab ann dóibh, sonraigh ‘N/B’.

•	I gcás nach eol don iompróir an fhaisnéis, sonraigh ‘ní heol’.

•	Ní mór an fhoirm a líonadh isteach i gceann de theangacha oifigiúla an Aontais Eorpaigh a nglacann údaráis inniúla an Bhallstáit leo san áit ina ndéantar an dearbhú.

Roinn 1: Ag teacht isteach san Aontas nó ag dul amach as

Cuir tic leis an mbosca cuí lena shonrú an bhfuil an t-airgead tirim ag teacht isteach san Aontas nó ag dul amach as an Aontas.

Roinn 2: Sonraí an dearbhóra

Ní mór sonraí pearsanta an dearbhóra a líonadh isteach sa roinn seo mar atá siad ar a dhoiciméad aitheantais.

I gcás nach féidir an dearbhóir an nochtadh a shíniú go dlíthiúil, cuirfidh ionadaí dlíthiúil an dearbhóra an nochtadh isteach.

Roinn 3: Sonraí an airgid thirim

Ní mór méid iomlán an airgid thirim ar iarradh nochtadh ina leith a líonadh isteach sa roinn seo. Sainítear ‘airgead tirim’ faoi ‘Faisnéis Ghinearálta’. Ní mór ar a laghad ceann de na roghanna [(i) airgeadra; (ii) ionstraimí soshannta iompróra nó (iii) tráchtearraí a úsáidtear mar stórtha luacha fíorleachtacha] a líonadh isteach.

I gcás nach bhfuil dóthain spáis ar an bhfoirm nochta, ní mór bileoga breise a úsáid chun sonraí an airgid thirim a sholáthar. Nochtadh amháin atá san fhaisnéis uile a sholáthraítear agus ní mór na bileoga breise uile a uimhriú agus a shíniú.

Roinn 4: An gaol leis an airgead neamhthionlactha

Cuir tic leis na boscaí cuí chun stádas an dearbhóra agus an gaol atá aige leis an airgead tirim a shainaithint. Is féidir roghanna eile a dhéanamh.

Roinn 5: Seoltóir an airgid thirim

Ní mór an fhaisnéis faoin seoltóir a áireamh sa roinn seo, i gcás nach é an dearbhóir seoltóir an airgid thirim. Cuir tic leis an mbosca lena shonrú an duine nádúrtha nó duine dlítheanach é an seoltóir. Ní mór faisnéis faoin seoltóir a líonadh isteach i bhForoinn 5.A (le haghaidh duine nádúrtha) nó i bhForoinn 5.B (le haghaidh duine dlítheanach). Más duine nádúrtha é an seoltóir, ní mór na sonraí pearsanta a líonadh isteach mar atá siad ar a dhoiciméad aitheantais.

Roinn 6: Faighteoir nó faighteoir beartaithe an airgid thirim

Aon fhaighteoir amháin

I gcás nach é an dearbhóir aonfhaighteoir beartaithe an airgid thirim, ní mór faisnéis faoin bhfaighteoir nó faoi fhaighteoir beartaithe an airgid thirim a áireamh sa roinn seo.

Cuir tic leis an mbosca cuí lena shonrú an bhfuil aonúinéir an airgid thirim ann agus cé acu is duine nádúrtha nó duine dlítheanach an t-aonúinéir. Ní mór faisnéis faoin aonúinéir a líonadh isteach i bhForoinn 6.A (le haghaidh duine nádúrtha) nó i bhForoinn 6.B (le haghaidh duine dlítheanach). Más duine nádúrtha é an faighteoir nó an faighteoir beartaithe, ní mór na sonraí pearsanta a líonadh isteach mar atá siad ar a dhoiciméad aitheantais.

Níos mó ná faighteoir amháin nó faighteoir beartaithe amháin

I gcás ina bhfuil níos mó ná faighteoir amháin nó faighteoir beartaithe amháin, ní mór an líon iomlán faighteoirí nó faighteoirí beartaithe a líonadh isteach sa bhosca cuí. Le haghaidh gach faighteoir breise nó faighteoir beartaithe breise, ní mór bileoga breise ar leithligh a líonadh isteach, ina dtugtar a cuid sonraí, méid an airgid thirim atá le fáil agus an úsáid a bhainfear as. Nochtadh amháin atá san fhaisnéis uile a sholáthraítear agus ní mór na bileoga breise uile a uimhriú agus a shíniú.

Roinn 7: Úinéir an airgid thirim

Aon úinéir amháin

Murab é aonúinéir an airgid thirim an seoltóir ná aonfhaighteoir beartaithe an airgid thirim, ní mór sonraí an aonúinéara a áireamh sa roinn seo.

Cuir tic leis an mbosca cuí lena shonrú an bhfuil aonúinéir an airgid thirim ann agus cé acu is duine nádúrtha nó duine dlítheanach an t-aonúinéir. Ní mór sonraí an aonúinéara a líonadh isteach i bhForoinn 7.A (le haghaidh duine nádúrtha) nó i bhForoinn 7.B (le haghaidh duine dlítheanach). Más duine nádúrtha é an t-úinéir, ní mór na sonraí pearsanta a líonadh isteach mar atá siad ar a dhoiciméad aitheantais.

Níos mó ná úinéir amháin

I gcás ina bhfuil níos mó ná úinéir amháin ann, ní mór an líon iomlán úinéirí a líonadh isteach sa bhosca cuí. Le haghaidh gach úinéir breise, ní mór bileoga breise ar leith a líonadh isteach ina dtugtar a shonraí, an méid airgid thirim atá faoina úinéireacht, foinse eacnamaíoch an airgid thirim agus an úsáid atá beartaithe a bhaint as. Nochtadh amháin atá san fhaisnéis uile a sholáthraítear agus ní mór na bileoga breise uile a uimhriú agus a shíniú.

Roinn 8: Foinse eacnamaíoch an airgid thirim agus an úsáid atá beartaithe a bhaint as

Ní mór Foroinn 8.A a líonadh isteach i gcónaí má tá aonúinéir ann agus an fhoinse eacnamaíoch ábhartha a shonrú.

Ní mór Foroinn 8.B a líonadh isteach i gcónaí má tá aonfhaighteoir ann agus úsáid bheartaithe an airgid thirim a shonrú.

Is féidir níos mó ná rogha amháin a roghnú i ngach Foroinn. Mura mbaineann aon cheann de na roghanna le hábhar, cuir tic leis an mbosca ‘eile’ agus sonraigh na sonraí.

I gcás ina bhfuil níos mó ná úinéir amháin nó níos mó ná faighteoir amháin (nó faighteoir beartaithe), an fhaisnéis faoi fhoinse eacnamaíoch an airgid thirim agus an úsáid bheartaithe a bhainfidh na húinéirí agus/nó na faighteoirí (nó faighteoirí beartaithe) as, ní mór í a líonadh isteach ar bhileoga breise mar a luaitear thuas. Sa chás sin, cuir tic leis an mbosca ‘eile’ agus sonraigh ‘bileoga breise’.

Roinn 9: Síniú

Cuir isteach an dáta, an áit agus an t-ainm, agus sínigh an nochtadh. Sonraigh an líon iomlán bileog breise a úsáideadh. Murar úsáideadh aon bhileog, sonraigh nialas (0). Is féidir leis an dearbhóir tic a chur leis an mbosca cuí chun cóip fhormhuinithe den nochtadh a iarraidh.

CUID 3

NÓTAÍ MAIDIR LE hÚSÁID NA FOIRME

Faisnéis ghinearálta

Tá feidhm ag na nótaí maidir le húsáid na foirme a bhaineann leis an bhfoirm dhearbhúcháin airgid thirim a úsáid anseo freisin.

Roinn A: Uimhir na Bileoige Breise

Ní mór bileoga breise a uimhriú le huimhreacha leantacha (i.e. 1 ar an gcéad bhileog bhreise a úsáidtear, 2 ar an dara ceann, etc.).

Sonraigh an líon iomlán bileog breise a úsáidtear ar an dara leathanach d’fhoirm dhearbhúcháin airgid thirim.

Roinn B: Sonraí na Bileoige Breise

Luaigh an chúis atá leis an mbileog bhreise a líonadh isteach. Níor cheart tic a chur ach le rogha amháin. Más infheidhme níos mó roghanna, úsáid bileog bhreise ar leithligh le haghaidh gach rogha bhreise.

B.1: ‘Sonraí an airgid thirim’ ar leanúint: Ná roghnaigh an rogha seo ach i gcás nach bhfuil dóthain spáis le haghaidh an airgid thirim uile ar fáil i Roinn 4 ‘Sonraí an airgid thirim’ ar an bhfoirm dearbhaithe. Líon isteach Roinn C agus déan neamhaird de Ranna D agus E.

B.2: Is é an t-iompróir an t-úinéir agus an faighteoir beartaithe a bhfuil cuid den airgead tirim le fáil aige: Roghnaigh i gcás inarb é an t-iompróir an t-úinéir agus an faighteoir beartaithe atá le cuid den airgead tirim a fháil. Le haghaidh gach úinéir agus faighteoir beartaithe eile, ní mór bileog bhreise ar leithligh a líonadh isteach. Sonraigh i Roinn C méid an airgid thirim atá faoi úinéireacht agus méid an airgid thirim atá le fáil. Sonraigh i bhForoinn D.1 agus i bhForoinn D.2 foinse eacnamaíoch agus úsáid bheartaithe an airgid thirim atá faoi úinéireacht an iompróra.

B.3: Is faoi úinéireacht an iompróra atá cuid den airgead tirim: Roghnaigh i gcás ina bhfuil cuid den airgead tirim faoi úinéireacht an iompróra freisin. Le haghaidh gach úinéir eile, ní mór bileog bhreise ar leithligh a líonadh isteach. Sonraigh i bhForoinn C méid an airgid thirim atá faoi úinéireacht an iompróra. Sonraigh i bhForoinn D.1 agus i bhForoinn D.2 foinse eacnamaíoch agus úsáid bheartaithe an airgid thirim atá faoi úinéireacht an iompróra.

B.4: Is é an t-iompróir an faighteoir beartaithe a bhfuil cuid den airgead tirim le fáil aige: Roghnaigh i gcás ina bhfuil cuid den airgead tirim faoi úinéireacht an aonfhaighteora bheartaithe freisin. Le haghaidh gach faighteoir beartaithe eile, ní mór bileog bhreise ar leithligh a líonadh isteach. Sonraigh i bhForoinn C méid an airgid thirim atá le fáil ag an iompróir. Sonraigh i bhForoinn D.2 úsáid bheartaithe an airgid thirim atá le fáil ag an iompróir.

B.5: Úinéir eile atá ina fhaighteoir beartaithe a bhfuil cuid den airgead tirim le fáil aige (seachas an t-iompróir): Roghnaigh i gcás ina bhfuil níos mó ná úinéir amháin, agus nuair is faighteoir beartaithe an airgid thirim é gach úinéir. Le haghaidh gach úinéir atá ina fhaighteoir beartaithe den airgead tirim freisin, ní mór bileog bhreise ar leithligh a líonadh isteach. Sonraigh i Roinn C méid an airgid thirim atá faoi úinéireacht an úinéara agus an méid atá le fáil aigesean agus ag an bhfaighteoir beartaithe. Sonraigh i bhForoinn D.1 agus Foroinn D.2 foinse eacnamaíoch agus úsáid bheartaithe an airgid thirim atá faoi úinéireacht an úinéara agus an fhaighteora bheartaithe. Ní mór sonraí an úinéara agus an fhaighteora bheartaithe a líonadh isteach i bhForoinn E.1 más duine nádúrtha é agus i bhForoinn E.2 más duine dlítheanach é.

B.6: An t-úinéir a bhfuil cuid den airgead tirim faoina úinéireacht (seachas an t-iompróir): Roghnaigh i gcás ina bhfuil níos mó ná úinéir amháin. Le haghaidh gach úinéir eile, ní mór bileog bhreise ar leithligh a líonadh isteach. Sonraigh i bhForoinn C an chuid den airgead atá faoi úinéireacht an úinéara. Sonraigh i bhForoinn D.1 agus Foroinn D.2 foinse eacnamaíoch agus úsáid bheartaithe an airgid thirim atá faoi úinéireacht an úinéara. Ní mór sonraí an úinéara a líonadh isteach i bhForoinn E.1 más duine nádúrtha é agus i bhForoinn E.2 más duine dlítheanach é.

B.7: An faighteoir beartaithe a bhfuil cuid den airgead tirim le fáil aige (seachas an t-iompróir): Roghnaigh i gcás ina bhfuil níos mó ná faighteoir beartaithe amháin. Le haghaidh gach faighteoir beartaithe, ní mór bileog bhreise ar leithligh a líonadh isteach. Sonraigh i bhForoinn C méid an airgid thirim atá le fáil ag an bhfaighteoir beartaithe. Sonraigh i bhForoinn D.2 úsáid bheartaithe an airgid thirim atá le fáil ag an bhfaighteoir beartaithe. Ní mór sonraí an fhaighteora bheartaithe a líonadh isteach i bhForoinn E.1 más duine nádúrtha é agus i bhForoinn E.2 más duine dlítheanach é.

Roinn C: Sonraí an airgid thirim

Mínítear ‘airgead tirim’ faoin roinn ‘Faisnéis Ghinearálta’ sna nótaí maidir le húsáid na foirme a bhaineann leis an bhfoirm nochta airgid thirim.

Roinn D: Foinse eacnamaíoch an airgid thirim agus an úsáid atá beartaithe a bhaint as

Cuir tic leis na boscaí chun foinse eacnamaíoch agus úsáid bheartaithe an airgid thirim a shonrú faoi mar a shonraítear i Roinn B. Is féidir níos mó ná rogha amháin a roghnú. Murab infheidhme aon rogha, cuir tic leis an mbosca ‘eile’ agus sonraigh na sonraí.

Roinn E: Na daoine a bhfuil baint acu leis

Cuir isteach sonraí pearsanta na ndaoine a bhfuil baint acu leis. Is féidir na daoine sin a bheith ina ndaoine nádúrtha nó ina ndaoine dlítheanacha. Ní mór duit tic a chur leis an mbosca cuí agus na sonraí a líonadh isteach.

Roinn F: Síniú

Sonraigh an dáta, an áit, an t-ainm, sínigh é agus cuir an bhileog bhreise leis an bpríomhfhoirm dhearbhúcháin airgid thirim. Dearbhú amháin atá san fhaisnéis uile a sholáthraítear.

CUID 4

NÓTAÍ MAIDIR LE hÚSÁID NA FOIRME

Faisnéis ghinearálta

Tá feidhm ag na nótaí maidir le húsáid na foirme a bhaineann leis an bhfoirm nochta airgid thirim anseo freisin.

Roinn A: Uimhir na bileoige breise

Ní mór bileoga breise a uimhriú le huimhreacha leantacha (i.e. 1 ar an gcéad bhileog bhreise, 2 ar an dara bileog breise etc.).

Sonraigh an líon iomlán bileog breise a úsáidtear ar an dara leathanach den fhoirm i dtaca leis an dearbhú nochta airgid thirim.

Roinn B: Sonraí na bileoige breise

Luaigh an chúis atá leis an mbileog bhreise a líonadh isteach. Níor cheart tic a chur ach le rogha amháin. Más infheidhme níos mó roghanna, úsáid bileog bhreise ar leithligh le haghaidh gach rogha bhreise.

B.1: ‘Sonraí an airgid thirim’ ar leanúint: Ná roghnaigh an rogha seo ach amháin i gcás nach leor an méid spáis atá ar fáil le haghaidh an airgid thirim uile i Roinn 3 ‘Sonraí an airgid thirim’ ar an bhfoirm dhearbhúcháin nochta. Líon isteach Roinn C agus déan neamhaird de Ranna D agus E.

B.2: An seoltóir agus an t-úinéir a bhfuil cuid den airgead tirim faoina úinéireacht: Ná roghnaigh an rogha seo ach amháin i gcás ina bhfuil níos mó ná úinéir amháin agus nuair is seoltóir an airgid thirim é duine díobh sin. Le haghaidh gach úinéir, ní mór bileog bhreise ar leithligh a líonadh isteach. Sonraigh i Roinn C méid an airgid thirim atá faoi úinéireacht an tseoltóra. Sonraigh i bhForoinn D.1 agus i bhForoinn D.2 an fhoinse eacnamaíoch agus úsáid bheartaithe mhéid an airgid thirim atá faoi úinéireacht an tseoltóra.

B.3: An t-aonfhaighteoir agus an t-úinéir a bhfuil cuid den airgead tirim faoina úinéireacht: Roghnaigh i gcás ina bhfuil níos mó ná úinéir amháin arb é aonfhaighteoir (nó aonfhaighteoir beartaithe) an airgid thirim é. Le haghaidh gach úinéir breise, ní mór bileog bhreise ar leithligh a líonadh isteach. Sonraigh i Roinn C méid an airgid thirim atá faoi úinéireacht an aonfhaighteora. Sonraigh i bhForoinn D.1 agus i bhForoinn D.2 an fhoinse eacnamaíoch agus úsáid bheartaithe an airgid thirim atá faoi úinéireacht an aonfhaighteora.

B.4: An faighteoir nó an faighteoir beartaithe a bhfuil cuid den airgead tirim faoina úinéireacht: Roghnaigh i gcás ina bhfuil níos mó ná úinéir amháin arb é faighteoir (nó faighteoir beartaithe) an airgid thirim é. Le haghaidh gach úinéir agus/nó faighteoir (nó faighteoir beartaithe), ní mór bileog bhreise ar leithligh a líonadh isteach. Sonraigh i Roinn C méid an airgid thirim atá faoi úinéireacht an fhaighteora agus atá le fáil aige. Sonraigh i bhForoinn D.1 agus Foroinn D.2 foinse eacnamaíoch agus úsáid bheartaithe an airgid thirim atá faoi úinéireacht an úinéara agus an fhaighteora (nó an fhaighteora bheartaithe). Ní mór sonraí an úinéara arb é an faighteoir (nó an faighteoir beartaithe) é freisin a líonadh isteach, i bhForoinn E.1 más duine nádúrtha é agus i bhForoinn E.2 más duine dlítheanach é.

B.5: Úinéir a bhfuil cuid den airgead tirim faoina úinéireacht: Roghnaigh i gcás ina bhfuil níos mó ná úinéir amháin. Le haghaidh gach úinéir, ní mór bileog bhreise ar leithligh a líonadh isteach. Sonraigh i Roinn C méid an airgid thirim atá faoi úinéireacht an úinéara. Sonraigh i bhForoinn D.1 agus i bhForoinn D.2 foinse eacnamaíoch agus úsáid bheartaithe an airgid thirim atá faoi úinéireacht an úinéara. Ní mór sonraí an úinéara a líonadh isteach i bhForoinn E.1 más duine nádúrtha é agus i bhForoinn E.2 más duine dlítheanach é.

B.6: An faighteoir nó an faighteoir beartaithe a bhfuil cuid den airgead tirim faoina úinéireacht: Roghnaigh i gcás ina bhfuil níos mó ná faighteoir (nó faighteoir beartaithe) amháin. Le haghaidh gach faighteoir (nó faighteoir beartaithe), ní mór bileog bhreise ar leithligh a líonadh isteach. Sonraigh i Roinn C méid an airgid thirim atá le fáil ag an bhfaighteoir (nó ag an bhfaighteoir beartaithe). Sonraigh i bhForoinn D.2 úsáid bheartaithe an airgid thirim atá le fáil ag an bhfaighteoir (nó ag an bhfaighteoir beartaithe). Ní mór sonraí an fhaighteora bheartaithe a líonadh isteach i bhForoinn E.1 más duine nádúrtha é agus i bhForoinn E.2 más duine dlítheanach é.

Roinn C: Sonraí an airgid thirim

Mínítear ‘airgead tirim’ faoin roinn ‘Faisnéis Ghinearálta’ sna nótaí maidir le húsáid na foirme a bhaineann leis an dearbhú nochta airgid thirim.

Roinn D: Foinse eacnamaíoch an airgid thirim agus an úsáid atá beartaithe a bhaint as

Cuir tic leis na boscaí chun foinse eacnamaíoch agus úsáid bheartaithe an airgid thirim a shonrú faoi mar a shonraítear i Roinn B. Is féidir níos mó ná rogha amháin a roghnú. Murab infheidhme aon rogha, cuir tic leis an mbosca ‘eile’ agus líon isteach na sonraí.

Roinn E: Daoine a bhfuil baint acu leis

Iontráil sonraí pearsanta na ndaoine a bhfuil baint acu leis. Is féidir na daoine sin a bheith ina ndaoine nádúrtha nó ina ndaoine dlítheanacha. Ní mór duit tic a chur leis an mbosca cuí agus na sonraí a líonadh isteach.

Roinn F: Síniú

Sonraigh an dáta, an áit, an t-ainm, sínigh é agus cuir an bhileog bhreise leis an bpríomhfhoirm i dtaca leis an dearbhú nochta airgid thirim. Dearbhú amháin maidir le nochtadh atá san fhaisnéis uile a sholáthraítear.

IARSCRÍBHINN II

CUID 1

CUID 2

Foirm le haghaidh faisnéis anaithnid faoi rioscaí agus torthaí anailíse riosca a mhalartú i gcomhréir le hAirteagal 10(1)(d) de Rialachán (AE) 2018/1672

NÓTAÍ MAIDIR LE hÚSÁID NA FOIRME

Ní mór an fhoirm seo a líonadh isteach agus a tharchur gach sé mhí i gcomhréir le hAirteagal 10(1)(d) agus Airteagal 10(5) de Rialachán (AE) 2018/1672 maidir le rialuithe ar airgead tirim atá ag teacht isteach san Aontas nó ag imeacht as an Aontas. Ní mór an fhaisnéis a chuimsiú inti a measann an Ballstát go mbeadh conclúidí tábhachtacha mar thoradh uirthi nó faisnéis a chuirfeadh breisluach suntasach le bainistíocht riosca agus i gcás ina bhféadfadh sé go mbeadh baol mór in áiteanna eile sa Aontas de thoradh na bagairte.

Cuid A

Tabhair ainm an Bhallstáit atá ag seoladh na faisnéise, ainm an údaráis inniúil ábhartha agus an seoladh ríomhphoist.

Soláthair an uimhir thagartha san fhormáid seo a leanas: An Ballstát, bliain, A (le haghaidh an chéad seimeastair) nó B (le haghaidh an dara seimeastar).

Líon isteach an dáta agus an tréimhse thagartha.

Sonraigh an bhfuil an Ballstát ag roinnt faisnéis anaithnid faoi rioscaí agus torthaí anailíse riosca le haghaidh na tréimhse tagartha. Mura bhfuil, níor cheart ach cuid A a uaslódáil sa Chóras Faisnéise Custaim.

Cuir isteach an líon iomlán leathanach atáthar a sheoladh (lena n-áirítear cuid A).

Cuid B

Faisnéis anaithnid faoi rioscaí agus torthaí anailíse riosca nach féidir a aisghabháil go díreach tríd an gCóras Faisnéis Custaim agus atá bunaithe ar chásanna aonair, ní mór an fhaisnéis sin a sholáthar sa chuid seo.

Sonraigh cé acu is le hairgead tirim tionlactha nó le hairgead tirim neamhthionlactha a bhaineann an fhaisnéis.

Má thugtar treocht nua nó patrún atriallach faoi deara, sonraigh sin agus soláthair faisnéis bhreise.

Ciallaíonn treocht nua athrú nó claonadh ginearálta a tugadh faoi deara le déanaí i réimse ghluaiseacht fhisiciúil an airgid thirim.

Ciallaíonn patrún atriallach a thugtar faoi deara patrún nó seicheamh a tharlaíonn arís is arís eile. Sonraigh cé acu is de thoradh rialú riosca-bhunaithe nó de thoradh seiceáil randamach an cás nó na cásanna atáthar a thuairisciú.

Ciallaíonn rialuithe riosca-bhunaithe rialuithe atá bunaithe ar na critéir riosca i ndáil le gluaiseachtaí airgid thirim, agus go háirithe ar anailís riosca ina mbaintear úsáid as teicnící próiseála sonraí arb é is cuspóir di an riosca a aithint agus meastóireacht a dhéanamh air agus na frithbhearta is gá a fhorbairt, ar bhonn critéar a forbraíodh ar an leibhéal náisiúnta, ar leibhéal an Aontais, agus i gcás ina mbeidh fáil orthu, ar an leibhéal idirnáisiúnta.

Ciallaíonn seiceálacha randamacha seiceálacha a dhéantar nach bhfuil bunaithe ar na critéir riosca i ndáil le gluaiseachtaí airgid thirim.

Soláthair sonraí an cháis/na gcásanna (e.g. modus operandi speisialta, i gcásanna comhchosúla, nó faisnéis mhionsonraithe maidir le modh folaigh, etc.), sonraí maidir le cineál an airgid thirim (e.g. nótaí bainc d’ainmníocht ard, etc.) agus aon fhaisnéis neamh-ainmniúil eile a mheastar is tábhachtach a roinnt.

Má tá pictiúir i gceangal leis an tarchur, sonraigh sin agus sonraigh a líon.

Más gá, is féidir Cuid B a líonadh isteach roinnt uaireanta le haghaidh na tréimhse tagartha céanna.

Cuid C

Ní mór Cuid C a líonadh isteach i gcás inar thionscain an Ballstát tionscadal riosca-dhírithe i réimse rialuithe an airgid thirim laistigh den tréimhse thagartha.

Tabhair tuairisc ar an tionscadal a tionscnaíodh.

Soláthair faisnéis faoi shainiúlachtaí an cháis, faoi na conclúidí ar thángthas orthu agus faoi aon bharúil ar thángthas uirthi. (e.g. faoin tréimhse, faoi na modhanna (e.g. madraí bolaíochta, scanadh), faoi scála na rialuithe a rinneadh etc.).

Soláthair faisnéis faoi chás sampla má mheastar go bhfuil gá leis sin.

Sonraigh cé acu is de thoradh rialú riosca-bhunaithe nó de thoradh seiceáil randamach an cás sampla.

Má tá pictiúir i gceangal leis an tarchur, sonraigh sin agus sonraigh a líon.

Más gá, is féidir Cuid C a líonadh isteach roinnt uaireanta ag brath ar an líon tionscadal a tionscnaíodh le haghaidh na tréimhse tagartha céanna.

Cuid D

Soláthair faisnéis a mheastar is tábhachtach a roinnt, ach nach féidir a chuimsiú faoi Chodanna B ná C.

Má tá pictiúir i gceangal leis an tarchur, sonraigh sin agus sonraigh a líon.