1.   

Fit-23 ta’ Lulju 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Bain Capital Credit L.P. (“Bain Capital Credit”, l-Istati Uniti), ikkontrollat minn Bain Capital, LP (“Bain Capital”, l-Istati Uniti),

—	Intermediate Capital Group plc (“ICG”, ir-Renju Unit),

—	SG Global Midco Limited (“Study Group”, ir-Renju Unit), ikkontrollat minn Ardian (Franza).

Bain Capital Credit u ICG se jakkwistaw, fis-sens tal-Artikolu 3(1), punt (b) tar-Regolament dwar l-Għaqdiet, il-kontroll konġunt tat-totalità ta’ Study Group.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—	Bain Capital Credit hija speċjalista globali tal-kreditu u hija attiva madwar l-Ewropa, l-Asja-Paċifiku u l-Istati Uniti,

—	ICG hija maniġer tal-assi alternattivi globali f’ekwità strutturata u privata, dejn privat, assi reali, u kreditu bbażata madwar l-Ewropa, l-Asja-Paċifiku u l-Istati Uniti,

—	Study Group jipprovdi servizzi edukattivi mmirati lejn it-tħejjija ta’ studenti internazzjonali għall-edukazzjoni għolja, madwar l-Ewropa, il-Kontinent Amerikan, l-Afrika u l-Asja-Paċifiku.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont in-Notifika tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12069 — BAIN CAPITAL CREDIT / ICG / STUDY GROUP

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Indirizz elettroniku: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË