IL-KUMMISSJONI EWROPEA

Brussell, 23.10.2026

COM(2026) 579 final

2026/0329(COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

li tistabbilixxi azzjoni tal-Unjoni Ewropea għal-Lista tal-Wirt Ewropew u li tħassar id-Deċiżjoni Nru 1194/2011/UE

(Test b’rilevanza għaż-ŻEE)

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

L-iskema intergovernattiva taċ-Ċertifikat tal-Patrimonju Ewropew tnediet fi Granada f’April 2006 minn diversi Stati Membri. Fl-20 ta’ Novembru 2008 l-Kunsill tal-Unjoni Ewropea adotta konklużjonijiet bl-għan li jittrasforma ċ-Ċertifikat tal-Patrimonju Ewropew intergovernattiv f’azzjoni tal-Unjoni Ewropea. Il-Kummissjoni Ewropea ppreżentat proposta għal Deċiżjoni tal-Parlament Ewropew u tal-Kunsill li tistabbilixxi azzjoni f’livell tal-Unjoni Ewropea għaċ-Ċertifikat tal-Patrimonju Ewropew, li ġiet adottata fis-16 ta’ Novembru 2011 (Deċiżjoni Nru 1194/2011/UE).

Din il-proposta għal Deċiżjoni tal-Parlament Ewropew u tal-Kunsill tressaq reviżjoni tal-bażi legali taċ-Ċertifikat tal-Patrimonju Ewropew biex tiġġedded u tissaħħaħ dik l-azzjoni biex jiġi żgurat li jibqa’ jkun rilevanti. Hija tibdel ukoll l-isem tal-azzjoni billi toħloq “status” ta’ Wirt Ewropew, li se jingħata lis-siti magħżula li jkunu iskritti fil-Lista tal-Patrimonju Ewropew. L-evalwazzjonijiet taċ-Ċertifikat tal-Patrimonju Ewropew fl-2018 u fl-2024 enfasizzaw is-suċċess tiegħu, b’mod partikolari biex jikber il-profil tas-siti magħżula u jiżdied is-sinifikat Ewropew tagħhom. Massa kritika ta’ 80 sit fi 23 pajjiż issa rċevew iċ-Ċertifikat tal-Patrimonju Ewropew. Kemm l-evalwazzjoni tal-2024 kif ukoll l-esperjenza miksuba fl-implimentazzjoni tal-azzjoni jenfasizzaw ir-rilevanza tiegħu iżda jindikaw ukoll il-ħtieġa li jiġi adattat f’konformità mal-iżviluppi. Skont il-proposta, is-siti kollha li jingħataw iċ-Ċertifikat tal-Patrimonju Ewropew skont id-Deċiżjoni 1194/2011/UE se jitniżżlu fil-Lista tal-Patrimonju Ewropew u se jgawdu mill-istatus ta’ Patrimonju Ewropew.

•Konsistenza mad-dispożizzjonijiet eżistenti fil-qasam ta’ politika kkonċernat

L-inizjattiva hija konsistenti mal-komunikazzjoni tal-Kummissjoni “Boxxla Kulturali għall-Ewropa”, li bħala azzjoni ewlenija tidentifika t-tiġdid u t-tisħiħ taċ-Ċertifikat tal-Patrimonju Ewropew biex jiġi żgurat li jibqa’ rilevanti. Il-komunikazzjoni tistabbilixxi prijoritajiet u azzjonijiet ta’ politika ewlenin għall-Kummissjoni fil-qasam tal-kultura, inkluż attivitajiet għas-salvagwardja, il-protezzjoni u l-promozzjoni tal-wirt kulturali, għat-trawwim tal-aċċess għall-kultura u l-wirt kulturali, għat-trawwim tad-diversità kulturali, għall-promozzjoni tal-koeżjoni u l-iżvilupp soċjetali u territorjali mmexxija mill-kultura, inkluż permezz tat-turiżmu kulturali, għall-promozzjoni tal-kultura bħala katalist għall-kreattività u l-innovazzjoni, u għall-promozzjoni tal-azzjoni klimatika bbażata fuq il-kultura u l-wirt kulturali u l-preparatezza u l-ġestjoni tar-riskju ta’ diżastri.

L-objettivi tal-azzjoni huma allinjati bis-sħiħ mal-objettivi tal-Programm Ewropa Kreattiva (2021–2027) u l-objettivi tar-Regolament li ġej tal-Parlament Ewropew u tal-Kunsill li jistabbilixxi l-programm AgoraEU, li għandu l-għan, fost affarijiet oħra, li jippromwovi d-diversità u l-wirt kulturali u lingwistiċi u li jżid il-kompetittività tas-setturi kulturali u kreattivi.

Il-proposta hija konsistenti wkoll ma’ inizjattivi kulturali u ta’ wirt oħrajn, bħal-Lista tal-Patrimonju Dinji tal-UNESCO, il-Lista Rappreżentattiva tal-Wirt Kulturali Intanġibbli tal-Umanità tal-UNESCO, ir-“Rotot Kulturali Ewropej” tal-Kunsill tal-Ewropa u inizjattivi Ewropej oħrajn bħall-Jiem Ewropej tal-Wirt.

F’dan il-kuntest, il-valur miżjud tal-Lista tal-Patrimonju Ewropew jinsab fis-sinifikat Ewropew tas-siti magħżula, fid-dimensjoni edukattiva li jkollhom, fl-isforzi tagħhom biex jilħqu liċ-ċittadini, b’mod partikolari liż-żgħażagħ, u fil-kooperazzjoni tagħhom ma’ siti magħżula oħra.

•Konsistenza ma’ politiki oħra tal-Unjoni

Il-proposta ta’ reviżjoni tal-bażi legali taċ-Ċertifikat tal-Patrimonju Ewropew u ta’ ħolqien tal-Lista tal-Patrimonju Ewropew hija konformi mar-Riżoluzzjoni tal-Kunsill tal-2026 dwar it-tieni ċiklu tal-qafas strateġiku taż-Żona Ewropea tal-Edukazzjoni (2026–2030), l-Unjoni tal-Ħiliet, l-istrateġiji tal-Unjoni tal-Ugwaljanza u t-Tarka Ewropea għad-Demokrazija, fid-dawl tal-importanza tal-azzjoni għall-promozzjoni tal-valuri komuni Ewropej u l-edukazzjoni dwar iċ-ċittadinanza demokratika bħala vetturi għall-koeżjoni u l-inklużjoni.

Is-sinerġiji għandhom jiġu żviluppati wkoll bejn din l-azzjoni u azzjonijiet jew programmi komplementari oħra tal-Unjoni, bħall-Kapitali Ewropej tal-Kultura, Erasmus+ (b’mod partikolari l-komponent DiscoverEU), il-Bauhaus Ewropea l-Ġdida, il-Kapitali Ewropej tat-Turiżmu, il-pjanijiet ta’ sħubija nazzjonali u reġjonali, Orizzont Ewropa u programmi oħra tal-Unjoni. L-azzjoni għandha tgħin ukoll fil-promozzjoni tas-siti magħżula u tgħin fil-ġestjoni tal-flussi tat-turiżmu f’konformità mal-istrateġija Ewropea li ġejja għat-turiżmu sostenibbli.

2.BAŻI LEGALI, SUSSIDJARJETÀ U PROPORZJONALITÀ

•Bażi legali

L-azzjoni tal-Wirt Ewropew hija bbażata fuq l-Artikolu 167(5), l-ewwel inċiż, tat-Trattat dwar il-Funzjonament tal-Unjoni Ewropea. Dak l-Artikolu jagħti lill-UE l-mandat li “tikkontribwixxi għall-fjoritura tal-kulturi tal-Istati Membri, filwaqt li tirrispetta d-diversità nazzjonali u reġjonali tagħhom u fl-istess waqt tirriżalta l-wirt kulturali komuni”. L-Unjoni għandha wkoll tinkoraġġixxi “l-koperazzjoni bejn l-Istati Membri” fil-qasam tal-kultura u, “jekk jinħtieġ, tappoġġa u tissupplimenta l-azzjoni tagħhom”.

•Sussidjarjetà (għall-kompetenza mhux esklużiva)

Il-proposta hija konformi mal-prinċipji tas-sussidjarjetà u tal-proporzjonalità.

Hemm bżonn li jiġu stabbiliti kriterji u proċeduri komuni, ċari u trasparenti għall-azzjoni dwar il-Wirt Ewropew u għall-identifikazzjoni u għall-promozzjoni kkoordinata ta’ siti li jingħataw l-istatus ta’ Wirt Ewropew fl-Istati Membri. Minħabba li dan ma jistax jinkiseb b’mod suffiċjenti mill-Istati Membri waħedhom, iżda jista’, minħabba l-iskala u l-effetti tal-azzjoni, jinkiseb aħjar fil-livell tal-Unjoni, l-Unjoni tista’ tadotta miżuri f’konformità mal-prinċipju tas-sussidjarjetà biex tiżgura l-implimentazzjoni adegwata tal-Lista tal-Wirt Ewropew.

L-Unjoni Ewropea tipprovdi wkoll appoġġ billi tagħżel, tħejji u tikkoordina l-bord Ewropew ta’ esperti u tikkoordina l-organizzazzjoni ta’ appoġġ għall-implimentazzjoni tal-azzjoni.

•Proporzjonalità

F’konformità mal-prinċipju tal-proporzjonalità, il-Kummissjoni Ewropea ma tmurx lil hinn minn dak li huwa meħtieġ biex jintlaħqu l-objettivi stabbiliti fil-proposta.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

Iċ-Ċertifikat tal-Wirt Ewropew (EHL) ġie evalwat fl-2018 u fl-2024, kif speċifikat fid-Deċiżjoni li tistabbilixxi l-azzjoni. L-aktar evalwazzjoni reċenti kienet ibbażata fuq feedback mill-partijiet ikkonċernati u riċerka bbażata fuq id-dokumentazzjoni u vvalutat il-progress tal-azzjoni matul it-tieni fażi tagħha (2018–2024). Ġiet ippubblikata fid-9 ta’ Lulju 2025 1 .

L-evalwazzjoni wriet progress sinifikanti b’rabta mal-azzjoni, b’mod partikolari fit-titjib tal-profil tas-siti u fit-titjib tas-sinifikat Ewropew tagħhom. L-EHL integra tajjeb ma’ inizjattivi oħra tal-patrimonju kulturali tal-UE, minkejja sfidi fid-definizzjoni tal-identità Ewropea. Iċ-ċertifikat saħħaħ in-networks fost is-siti tal-patrimonju, u ppermetta l-kollaborazzjoni u l-iskambju tal-għarfien li l-isforzi nazzjonali waħedhom ma setgħux jiksbu. Iffaċilita wkoll l-aċċess tas-siti għall-finanzjament tal-UE.

L-EHL adatta għall-prijoritajiet tal-UE bħas-sostenibbiltà, l-innovazzjoni diġitali u l-inklużjoni. Sar progress fit-titjib tal-aċċessibbiltà u tal-ugwaljanza bejn il-ġeneri, għalkemm l-implimentazzjoni varjat fis-siti kollha. L-evalwazzjoni tenfasizza l-ħtieġa ta’ gwida aktar ċara u għodod prattiċi għas-siti biex id-dimensjoni Ewropea tiġi integrata aħjar.

L-EHL għamel passi sinifikanti fit-tisħiħ tal-viżibbiltà tal-wirt Ewropew u fil-promozzjoni tad-djalogu interkulturali fl-aħħar snin, iżda l-evalwazzjoni identifikat għadd ta’ sfidi li fadal, li wasslu għall-abbozzar ta’ din il-proposta tal-Kummissjoni biex jiġi żgurat li l-EHL jibqa’ rilevanti.

Tisħiħ tal-kriterju tas-sinifikat Ewropew. Konklużjoni ewlenija mill-evalwazzjoni kienet l-isfida fid-definizzjoni ta’ “sinifikat Ewropew”. Filwaqt li l-EHL irnexxielha tixħet dawl fuq is-siti ta’ wirt li jirrappreżentaw il-valuri Ewropej, ħafna siti batew biex juru b’mod ċar kif il-wirt tagħhom huwa marbut man-narrattiva Ewropea usa’.

Tisħiħ tal-involviment u l-aċċessibbiltà diġitali. L-evalwazzjoni enfasizzat ukoll l-importanza dejjem akbar tal-involviment diġitali, b’mod partikolari għal udjenzi iżgħar u li huma midħla tat-teknoloġija.

Appoġġ għal siti iżgħar u l-iżgurar tal-ekwità. Sejba kritika oħra kienet l-iżbilanċ bejn siti akbar u siti iżgħar, li spiss qed jesperjenzaw sfidi finanzjarji u amministrattivi, b’mod partikolari fiż-żoni rurali.

Titjib tal-mekkaniżmi ta’ feedback u tal-proċess tal-għażla. L-evalwazzjoni sabet ineffiċjenzi fil-mekkaniżmi attwali ta’ feedback, b’mod partikolari għall-applikanti li ma kellhomx suċċess.

Sostenibbiltà u tkabbir futur. L-evalwazzjoni enfasizzat li, hekk kif jikber l-għadd ta’ siti b’EHL, huwa meħtieġ qafas aktar sostenibbli għall-ġestjoni tan-network li qed jespandi.

Sinerġiji ma’ programmi oħra tal-UE. L-evalwazzjoni identifikat opportunitajiet għal sinerġiji akbar ma’ programmi oħra tal-UE, bħal Ewropa Kreattiva jew Erasmus+.

Għalhekk, ġie deċiż li l-azzjoni titkompla b’bażi legali ġdida li tindirizza l-problemi li nqalgħu fl-implimentazzjoni tal-azzjoni fil-qafas tad-Deċiżjoni attwali.

•Konsultazzjonijiet mal-partijiet ikkonċernati

Fil-kuntest tar-reviżjoni taċ-Ċertifikat tal-Wirt Ewropew, u f’konformità mal-Linji Gwida għal Regolamentazzjoni Aħjar, fl-1 ta’ Diċembru 2025 tnediet sejħa għal evidenza dwar il-futur tal-inizjattiva u konsultazzjoni pubblika miftuħa. Iż-żewġ konsultazzjonijiet intemmu fl-istess jum, it-23 ta’ Frar 2026.

L-istrateġija ta’ konsultazzjoni kienet immirata b’mod speċjali lejn il-maniġers tas-siti b’EHL, l-awtoritajiet maniġerjali tal-EHL fl-Istati Membri (il-koordinaturi nazzjonali u l-awtoritajiet pubbliċi), l-esperti akkademiċi fl-iżvilupp kulturali tal-wirt Ewropew, il-pubbliku ġenerali, in-networks kulturali, l-organizzazzjonijiet nongovernattivi u l-organizzazzjonijiet tas-soċjetà ċivili.

Meta għalqet is-sejħa għal evidenza, kienu waslu 29 tweġiba unika minn istituzzjonijiet u networks kulturali, xjenzati, kumpaniji u negozji, organizzazzjonijiet nongovernattivi, awtoritajiet pubbliċi u ċittadini mill-pajjiżi tal-UE. Il-konsultazzjoni pubblika miftuħa rċeviet 21 tweġiba minn seba’ pajjiżi tal-UE u pajjiż wieħed mhux tal-UE (il-Marokk). Il-biċċa l-kbira tat-tweġibiet ġew sottomessi mill-awtoritajiet pubbliċi, miċ-ċittadini tal-UE u mill-istituzzjonijiet akkademiċi/ta’ riċerka.

•Ġbir u użu tal-għarfien espert

Matul il-proċess tal-evalwazzjoni, il-Kummissjoni ġabret evidenza permezz ta’ konsultazzjoni mfassla apposta adattata għall-partijiet ikkonċernati differenti. Dan kienet tinkludi:

·stħarriġiet immirati tas-siti b’EHL u tal-koordinaturi nazzjonali tal-EHL biex tinġabar data kwantitattiva dwar l-azzjoni;

·intervisti mal-partijiet involuti fl-azzjoni biex jinġabru għarfien u informazzjoni kwalitattiva;

·intervisti ma’ esperti esterni u partijiet ikkonċernati fis-settur tal-wirt tal-UE biex jinkiseb feedback kwalitattiv dwar l-azzjoni.

Barra minn hekk, il-Kummissarju Micallef wettaq djalogu ta’ implimentazzjoni fit-22 ta’ April 2026 mar-rappreżentanti tas-siti b’EHL (magħżula biex jirriflettu d-diversità tagħhom f’termini ta’ post u tip), il-koordinaturi nazzjonali, id-Direttur tal-Bureau tal-EHL, il-President tal-bord Ewropew ta’ esperti responsabbli għall-għażla u l-monitoraġġ tas-siti, u membru tal-Bord Konsultattiv taż-Żgħażagħ tal-EHL.

•Valutazzjoni tal-impatt

Ma saret l-ebda valutazzjoni tal-impatt minħabba r-raġunijiet ta’ hawn taħt.

(1) L-iskala tal-impatt tal-azzjoni hija limitata.

(2) L-azzjoni mhijiex programm tal-Qafas Finanzjarju Pluriennali (QFP), peress li l-kostijiet tagħha huma integrati fil-programm Ewropa Kreattiva (dan l-approċċ mistenni jkompli anke fil-futur). L-azzjoni għandha biss impatt limitat, billi attwalment ma hemmx fondi allokati għas-siti magħżula skont id-Deċiżjoni 1194/2011/UE.

•Idoneità regolatorja u simplifikazzjoni

•Drittijiet fundamentali

Il-proposta hija konformi għalkollox mal-Karta tad-Drittijiet Fundamentali tal-Unjoni Ewropea, u mal-oqfsa politiċi u leġiżlattivi rilevanti kollha tal-UE fil-qasam tal-ugwaljanza u n-nondiskriminazzjoni.

L-aderenza tas-siti mal-Karta tad-Drittijiet Fundamentali tal-Unjoni Ewropea tiġi vvalutata meta jintgħażlu s-siti kandidati u meta jiġu mmonitorjati s-siti li jingħataw l-istatus ta’ Wirt Ewropew.

4.IMPLIKAZZJONIJIET BAĠITARJI

Il-perjodu kopert mill-proposta se jikkoinċidi ma’ diversi oqfsa finanzjarji pluriennali.

Għas-snin ta’ wara l-2027, l-aspetti legali u finanzjarji tal-Lista tal-Wirt Ewropew se jkunu marbuta direttament mad-dispożizzjonijiet inklużi fl-oqfsa finanzjarji pluriennali futuri. Abbażi ta’ dan, dawn se jiġu ttrattati wkoll fil-qafas tal-programmi rispettivi tal-Unjoni li jappoġġaw il-kultura, jiġifieri l-programm AgoraEU (il-fergħa kulturali ta’ Ewropa Kreattiva) propost mill-Kummissjoni, u l-programmi suċċessuri tiegħu.

Soġġett għad-disponibbiltà tal-baġit, l-ispejjeż eżistenti għar-rimborż tal-ħidma tal-bord u għotja mogħtija lil organizzazzjoni li tappoġġa l-implimentazzjoni tal-azzjoni se jkomplu. Barra minn hekk, il-Kummissjoni Ewropea tista’ tagħti premju ta’ ammont baxx — lil siti magħżula u mmonitorjati mniżżla fil-Lista tal-Wirt Ewropew.

Għal aktar dettalji, ara d-dikjarazzjoni finanzjarja u diġitali leġiżlattiva.

2026/0329 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

li tistabbilixxi azzjoni tal-Unjoni Ewropea għal-Lista tal-Wirt Ewropew u li tħassar id-Deċiżjoni Nru 1194/2011/UE

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-ewwel inċiż tal-Artikolu 167(5) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 2 ,

Wara li kkunsidraw l-opinjoni tal-Kumitat tar-Reġjuni 3 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Skont l-Artikoli 2 u 3 tat-Trattat dwar l-Unjoni Ewropea, l-Unjoni għandha tirrispetta r-rikkezza tal-wirt kulturali u lingwistiku tagħha. Dawn il-valuri huma riflessi fid-drittijiet, fil-libertajiet u fil-prinċipji minquxa fil-Karta tad-Drittijiet Fundamentali tal-Unjoni Ewropea (il-“Karta”).

(2)It-Trattat dwar il-Funzjonament tal-Unjoni Ewropea jimmira għal unjoni dejjem eqreb fost il-popli tal-Ewropa u, fost l-oħrajn, jagħti lill-Unjoni Ewropea l-kompitu li tħeġġeġ il-kooperazzjoni bejn l-Istati Membri u, jekk meħtieġ, tappoġġa u tissupplimenta l-azzjoni tagħhom fil-qasam tal-konservazzjoni u tas-salvagwardja tal-wirt kulturali sinifikanti għall-Ewropa, filwaqt li tirrispetta d-diversità nazzjonali u reġjonali tagħhom u fl-istess waqt tagħti prominenza lill-wirt kulturali komuni.

(3)Il-wirt kulturali għani tal-Ewropa jikkostitwixxi riżorsa kondiviża fundamentali għall-għoti ta’ espressjoni konkreta lill-valuri tal-Unjoni. Is-siti ta’ wirt assoċjati mal-istorja tal-integrazzjoni tal-Ewropa, l-iżvilupp demokratiku, il-kunflitt u r-rikonċiljazzjoni, l-iskambji kulturali u l-esperjenzi kondiviżi jippermettu liċ-ċittadini jinvolvu ruħhom mal-valuri li fuqhom hija msejsa l-Unjoni. Dan isaħħaħ is-sens ta’ appartenenza tagħhom għall-Unjoni u jsaħħaħ id-djalogu interkulturali.

(4)Ir-Riżoluzzjoni tal-Kunsill tal-2026 dwar it-tieni ċiklu tal-qafas strateġiku taż-Żona Ewropea tal-Edukazzjoni (2026–2030) 4 , l-Unjoni tal-Ħiliet 5 , l-istrateġiji tal-Unjoni tal-Ugwaljanza 6 u t-Tarka Ewropea għad-Demokrazija 7 jenfasizzaw l-importanza strateġika tal-promozzjoni tal-valuri komuni Ewropej u l-edukazzjoni dwar iċ-ċittadinanza demokratika bħala vetturi għall-koeżjoni u għall-inklużjoni, minn età bikrija u matul il-ħajja.

(5)Il-valur miżjud tal-Lista tal-Wirt Ewropew jinsab fis-sinifikat Ewropew tas-siti magħżula, fid-dimensjoni edukattiva li jkollhom, fil-ħidma tagħhom biex jilħqu liċ-ċittadini, b’mod partikolari liż-żgħażagħ, u fil-kooperazzjoni ma’ siti magħżula oħra. F’dan il-kuntest, is-sinifikat Ewropew jenħtieġ li jinftiehem bħala l-kapaċità ta’ sit li juri, permezz tal-istorja, in-narrattivi u l-attivitajiet tiegħu, l-iżvilupp tal-Ewropa u tal-Unjoni Ewropea.

(6)Id-Deċiżjoni Nru 1194/2011/UE tal-Parlament Ewropew u tal-Kunsill 8 stabbiliet azzjoni tal-Unjoni Ewropea għaċ-Ċertifikat tal-Wirt Ewropew (“iċ-ċertifikat”). L-evalwazzjonijiet tal-2019 u l-2024 taċ-ċertifikat enfasizzaw is-suċċess tal-azzjoni, billi aġevola l-profil tas-siti magħżula u żied is-sinifikat Ewropew tagħhom. Dan ippermetta l-kollaborazzjoni u l-iskambju tal-għarfien fost is-siti, li kkomplementa l-isforzi nazzjonali fil-qasam tal-wirt kulturali. L-evalwazzjoni tal-2024 identifikat ukoll oqsma ta’ żvilupp biex jiġi żgurat li ċ-ċertifikat jibqa’ jħalli impatt fil-preservazzjoni u l-promozzjoni tal-wirt u l-valuri kondiviżi tal-Ewropa. Ikkonfermat ukoll ir-rilevanza tiegħu fil-preservazzjoni u l-promozzjoni tal-wirt komuni tal-Ewropa.

(7)Il-komunikazzjoni tal-Kummissjoni “Boxxla Kulturali għall-Ewropa” 9 stabbiliet qafas strateġiku għat-tisħiħ tar-rwol tal-kultura fit-trawwim tad-demokrazija, il-koeżjoni soċjali, il-kreattività, u d-diversità kulturali tal-Ewropa, inkluż għas-salvagwardja, il-protezzjoni u l-promozzjoni tal-wirt kulturali. F’konformità ma’ dik il-komunikazzjoni, iċ-Ċertifikat tal-Wirt Ewropew jenħtieġ li jiġġedded u jissaħħaħ biex ikun żgurat li jibqa’ rilevanti. Għalhekk, jenħtieġ li d-Deċiżjoni Nru 1194/2011/UE tiġi sostitwita.

(8)Id-Dikjarazzjoni Konġunta “L-Ewropa għall-Kultura – Il-Kultura għall-Ewropa” 10 tittrasforma l-viżjoni tal-Boxxla Kulturali f’impenn politiku kondiviż bejn il-Kummissjoni Ewropea, il-Parlament Ewropew u l-Kunsill tal-Unjoni Ewropea, u tipprovdi qafas strateġiku li jqiegħed il-kultura fil-qalba tal-identità tal-Ewropa u jenfasizza l-importanza tagħha għall-individwi, għall-komunitajiet u għall-Unjoni Ewropea.

(9)Massa kritika ta’ siti issa rċevew iċ-Ċertifikat tal-Wirt Ewropew. Il-prinċipju ta’ eċċellenza fl-għażla u l-operat ta’ dawk is-siti jenħtieġ li jiggwida l-fażi li jmiss tal-azzjoni u jenħtieġ li jiġi sostnut permezz ta’ qafas ta’ appoġġ li jiffoka fuq id-djalogu, l-iskambju bejn il-pari u t-titjib kontinwu, filwaqt li jirrispetta l-awtonomija tas-siti u l-istrutturi tas-sjieda. L-enfasi jenħtieġ li tkompli tkun fuq il-promozzjoni u l-iffaċilitar tal-aċċessibbiltà tas-siti kif ukoll il-kwalità u l-aċċessibbiltà tal-attivitajiet li joffru. Il-konservazzjoni tas-siti jenħtieġ li tiġi żgurata permezz ta’ reġimi ta’ protezzjoni eżistenti. Fost affarijiet oħra, huwa meħtieġ li jiġi aġġustat il-proċess għall-monitoraġġ tas-siti biex jiġi ssimplifikat għal dawk kollha involuti, filwaqt li jkompli jiġi żgurat proċess ta’ valutazzjoni rigoruż.

(10)L-objettivi tal-azzjoni huma allinjati bis-sħiħ mal-objettivi tal-Programm Ewropa Kreattiva stabbilit bir-Regolament (UE) 2021/818 tal-Parlament Ewropew u tal-Kunsill 11 , li għandu l-għan li jissalvagwardja, jiżviluppa u jippromwovi d-diversità u l-wirt kulturali u lingwistiċi Ewropej. L-objettivi tal-azzjoni stabbilita b’din id-Deċiżjoni jenħtieġ li jkunu kompletament konformi mal-objettivi tal-proposta għal Regolament tal-Parlament Ewropew u tal-Kunsill li jistabbilixxi l-programm AgoraEU, u partikolarment il-fergħa tiegħu Ewropa Kreattiva — Kultura, li timmira, fost l-oħrajn, li tippromwovi d-diversità u l-wirt kulturali u lingwistiċi u li żżid il-kompetittività tas-setturi kulturali u kreattivi.

(11)Biex timmassimizza l-impatt tagħha, l-azzjoni jenħtieġ li ssaħħaħ is-sinerġiji ma’ azzjonijiet komplementari tal-Unjoni, bħall-Kapitali Ewropej tal-Kultura, il-Bauhaus Ewropea l-Ġdida, il-Kapitali Ewropej tat-Turiżmu, il-pjanijiet ta’ sħubija nazzjonali u reġjonali, Orizzont Ewropa u programmi u inizjattivi oħrajn tal-Unjoni rilevanti għall-objettivi tagħha. Dan jinkludi azzjonijiet u inizjattivi rilevanti għall-involviment taż-żgħażagħ u l-ekwità interġenerazzjonali, bħall-programm Erasmus+, b’mod partikolari r-rotot kulturali DiscoverEU tiegħu. Jenħtieġ li tinkoraġġixxi wkoll il-promozzjoni tas-siti u l-ġestjoni tal-flussi tat-turiżmu f’konformità mal-istrateġija Ewropea għat-turiżmu sostenibbli. L-azzjoni jenħtieġ li timmira biex toħloq sinerġiji u komplementarjetajiet ma’ inizjattivi kulturali u ta’ wirt oħrajn, bħal-Lista tal-Wirt Dinji tal-UNESCO, il-Lista Rappreżentattiva tal-Wirt Kulturali Intanġibbli tal-Umanità tal-UNESCO, ir-“Rotot Kulturali Ewropej” tal-Kunsill tal-Ewropa u inizjattivi Ewropej oħrajn bħall-Jiem Ewropej tal-Wirt.

(12)Is-siti jenħtieġ li jiġu appoġġati fl-esplorazzjoni tal-possibbiltà, fejn xieraq, li jfittxu appoġġ finanzjarju mill-programmi u l-fondi tal-Unjoni. Il-Kummissjoni jenħtieġ li tappoġġa dan billi tqajjem kuxjenza, tipprovdi mentoraġġ u bini tal-kapaċità mfassla skont id-daqs u l-post ta’ kull sit, u timplimenta attivitajiet biex tassisti lis-siti f’dawn l-isforzi.

(13)L-azzjoni jenħtieġ li tkompli tippremja lis-siti nazzjonali, transnazzjonali u tematiċi, inklużi siti tematiċi transnazzjonali, b’riflessjoni tan-natura interkonnessa tal-istorja Ewropea fid-diversità tal-forom kollha tagħha. Jenħtieġ li tkun miftuħa wkoll għal applikazzjonijiet konġunti. Il-wirt kulturali intanġibbli fl-espressjonijiet diversi kollha tiegħu, bħall-ħiliet, is-snajja’, il-prattiki, l-għarfien u l-espressjonijiet tal-kreattività umana, jenħtieġ li jiġi inkluż fl-azzjoni.

(14)Il-proċedura għall-għażla tas-siti taħt l-azzjoni jenħtieġ li titwettaq f’kollaborazzjoni mal-pajjiżi parteċipi. Is-siti jenħtieġ li inizjalment jintgħażlu fil-livell nazzjonali, filwaqt li l-għażla finali jenħtieġ li mbagħad issir fil-livell tal-Unjoni. Meta jkun rilevanti, l-Istati Membri jistgħu jinvolvu l-awtoritajiet lokali u reġjonali.

(15)Fejn ikun hemm rabta tematika ċara bejn diversi siti li jinsabu fi Stat Membru wieħed, l-azzjoni jenħtieġ li tippermetti applikazzjonijiet konġunti. Bl-istess mod, minħabba d-dimensjoni transnazzjonali ta’ ċerti siti, l-azzjoni jenħtieġ li tippermetti applikazzjonijiet konġunti għal siti li jinsabu fi Stati Membri differenti iżda li jiffokaw fuq tema speċifika waħda, u għal sit li jinsab fit-territorju ta’ mill-inqas żewġ Stati Membri.

(16)Sabiex jiġu ggarantiti l-eċċellenza u l-ġustizzja fil-proċessi tal-għażla u tal-monitoraġġ, is-siti jenħtieġ li jintgħażlu u jiġu mmonitorjati abbażi ta’ kriterji u proċeduri komuni, ċari u trasparenti. Dan jenħtieġ li jsir minn bord ta’ esperti indipendenti nnominati mill-istituzzjonijiet rilevanti tal-Unjoni Ewropea.

(17)Bil-għan li jissaħħu r-rabtiet kulturali mal-pajjiżi tal-Assoċjazzjoni Ewropea tal-Kummerċ Ħieles li huma partijiet għall-Ftehim dwar iż-Żona Ekonomika Ewropea 12 (“il-pajjiżi tal-EFTA/taż-ŻEE”), mal-pajjiżi kandidati u l-kandidati potenzjali għas-sħubija mal-Unjoni, jenħtieġ li l-azzjoni tkun miftuħa wkoll, soġġett għal kundizzjonijiet, għas-siti ta’ dawk il-pajjiżi f’konformità ma’ dak il-ftehim.

(18)Sabiex tissaħħaħ l-effettività tal-azzjoni, jenħtieġ li jingħata appoġġ finanzjarju mmirat fil-forma ta’ premju lil siti magħżula ġodda jew immonitorjati biex tiġi ppremjata l-kwalità tal-isforzi tagħhom għall-promozzjoni tal-valuri Ewropej permezz tal-attivitajiet li jimplimentaw.

(19)Minħabba li l-objettivi ta’ din id-Deċiżjoni ma jistgħux jinkisbu b’mod suffiċjenti mill-Istati Membri waħedhom iżda pjuttost jistgħu, minħabba l-iskala jew l-effetti tal-azzjoni, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, din id-Deċiżjoni ma tmurx lil hinn minn dak li huwa meħtieġ sabiex jintlaħqu dawk l-objettivi.

(20)Sabiex jiġu żgurati l-kontinwità u t-tranżizzjoni mid-Deċiżjoni Nru 1194/2011/UE għal din id-Deċiżjoni, u fl-interess taċ-ċertezza legali u l-kontinwità, jenħtieġ li d-Deċiżjoni Nru 1194/2011/UE tkompli tapplika għall-għażla tas-siti ta’ Wirt Ewropew għall-2027. Barra minn hekk, is-siti magħżula skont id-Deċiżjoni preċedenti jenħtieġ li jitqiesu li ntgħażlu skont din id-Deċiżjoni għall-finijiet ta’ monitoraġġ. Fl-aħħar nett, sabiex tiġi żgurata l-kontinwità fil-ħidma tal-bord, l-esperti maħtura f’konformità mad-Deċiżjoni Nru 1194/2011/UE jenħtieġ li jkomplu u jtemmu l-mandat tagħhom f’konformità mad-Deċiżjoni msemmija hawn fuq.

ADOTTAW DIN ID-DEĊIŻJONI:

Artikolu 1
Stabbiliment tal-Lista tal-Wirt Ewropew

Il-“Lista tal-Wirt Ewropew” magħmula minn siti li għandhom status ta’ Wirt Ewropew hija b’dan stabbilita bħala azzjoni tal-Unjoni (“azzjoni”).

Artikolu 2
Definizzjonijiet

Għall-finijiet ta’ din id-Deċiżjoni, għandhom japplikaw id-definizzjonijiet li ġejjin:

1.“sit” tfisser element ta’ wirt tanġibbli, bħal monumenti, siti naturali, ta’ taħt l-ilma, arkeoloġiċi, industrijali jew urbani, bini jew gruppi ta’ bini, pajsaġġi kulturali, postijiet ta’ tifkira, azjendi arkivjali, prodotti u oġġetti kulturali, jew element ta’ wirt kulturali intanġibbli assoċjat ma’ post, bħall-wirt mużikali, letterarju u teatrali, snajja’ artistiċi, prattiki ta’ wirt ħaj u wirt kontemporanju;

2.“sit transnazzjonali” tfisser kwalunkwe waħda minn dawn li ġejjin:

(a)bosta siti, li jinsabu f’pajjiżi parteċipi differenti, li jiffukaw fuq tema waħda speċifika sabiex jissottomettu applikazzjoni konġunta;

(b)sit wieħed li jinsab fuq it-territorju ta’ mill-inqas żewġ pajjiżi parteċipi;

3.“sit tematiku” tfisser diversi siti, li jinsabu fl-istess pajjiż parteċipi, li jiffokaw fuq tema speċifika biex iressqu applikazzjoni konġunta.

Artikolu 3
Objettivi

1.L-azzjoni għandha tikkontribwixxi għall-għanijiet ġenerali li ġejjin:

(a)it-tisħiħ tas-sens ta’ appartenenza taċ-ċittadini Ewropej, inkluż taż-żgħażagħ, għall-Unjoni, abbażi ta’ valuri kondiviżi u elementi tal-istorja u l-wirt kulturali Ewropew, kif ukoll apprezzament tad-diversità nazzjonali u reġjonali;

(b)it-tisħiħ tad-djalogu u l-koeżjoni interkulturali.

2.Sabiex tikseb l-għanijiet previsti fil-paragrafu 1, l-azzjoni għandha tfittex li tikseb l-għanijiet intermedji li ġejjin:

(a)isir enfasi fuq il-valur simboliku u jiżdied il-profil tas-siti u l-importanza tagħhom għall-istorja u l-kultura tal-Ewropa jew il-bini tal-Unjoni;

(b)jiżdied il-fehim taċ-ċittadini Ewropej dwar l-istorja tal-integrazzjoni Ewropea, u tal-wirt kulturali komuni tagħhom u fl-istess ħin divers, speċjalment fir-rigward tal-valuri demokratiċi u d-drittijiet tal-bniedem li jsejsu l-Unjoni;

(c)jingħata kontribut għall-attrattività u għall-iżvilupp ekonomiku u sostenibbli taż-żoni, tar-reġjuni u tat-territorji lokali, b’mod partikolari permezz tat-turiżmu kulturali.

3.Is-siti nfushom għandhom ifittxu li jiksbu l-għanijiet speċifiċi li ġejjin:

(a)isir enfasi fuq is-sinifikat Ewropew tagħhom;

(b)jgħinu liċ-ċittadini Ewropej, speċjalment liż-żgħażagħ, isiru aktar konxji mill-wirt kulturali komuni tagħhom;

(c)tiġi ffaċilitata l-kondiviżjoni tal-esperjenzi u tal-aħjar prassi bejn il-pajjiżi parteċipi;

(d)jiżdied u/jew jitjieb l-aċċess għal kulħadd, speċjalment għaż-żgħażagħ;

(e)il-faċilitazzjoni tad-djalogu interkulturali u interġenerazzjonali permezz tal-edukazzjoni artistika, kulturali u storika;

(f)jitrawmu sinerġiji bejn il-wirt kulturali, minn naħa, u s-settur tal-kreazzjoni u l-kreattività kontemporanji, min-naħa l-oħra.

Artikolu 4
Parteċipazzjoni fl-azzjoni

1.L-azzjoni għandha tkun miftuħa għall-parteċipazzjoni tal-Istati Membri.

2.L-azzjoni għandha tkun miftuħa wkoll għall-parteċipazzjoni tal-pajjiżi tal-Assoċjazzjoni Ewropea tal-Kummerċ Ħieles li huma partijiet għall-Ftehim dwar iż-Żona Ekonomika Ewropea (“il-pajjiżi tal-EFTA/taż-ŻEE”), il-pajjiżi kandidati u l-kandidati potenzjali għas-sħubija fl-Unjoni assoċjati mal-Programm Ewropa Kreattiva jew ma’ programmi sussegwenti tal-Unjoni li jappoġġaw il-kultura.

3.Kull pajjiż parteċipi għandu jaħtar koordinatur nazzjonali responsabbli għall-koordinazzjoni tal-azzjoni fil-livell nazzjonali u li jaġixxi bħala l-kollegament ewlieni bejn is-siti, il-Kummissjoni u l-bord.

4.Il-parteċipazzjoni fil-Lista tal-Wirt Ewropew għandha tkun volontarja.

Artikolu 5
Eliġibbiltà

Is-siti kollha definiti fl-Artikolu 2 għandhom ikunu eliġibbli biex jiġu inklużi fil-Lista tal-Wirt Ewropew.

Artikolu 6
Kriterji

1.L-applikazzjonijiet għandhom jiġu vvalutati skont il-kriterji li ġejjin (“il-kriterji”) għal kull sit:

(a)is-sinifikat Ewropew,

(b)il-kwalità tal-pjan ta’ azzjoni tas-sit,

(c)il-kapaċità operazzjonali.

Kull sit għandu jiġi vvalutat b’mod proporzjonat, filwaqt li jitqiesu l-karatteristiċi tiegħu.

2.Għall-finijiet tal-paragrafu 1, il-punt (a), is-sinifikat Ewropew ta’ sit għandu jiġi evalwat abbażi tal-kapaċità tiegħu li juri, jinterpreta jew jissimbolizza l-valuri tal-Unjoni. Meta titwettaq dik il-valutazzjoni, għandu jitqies wieħed jew aktar mill-elementi li ġejjin:

(a)il-post u r-rwol tas-sit fl-istorja Ewropea u l-integrazzjoni Ewropea, jew ir-rabtiet tiegħu ma’ avvenimenti, personalitajiet u movimenti Ewropej ewlenin, bil-qofol ikun fuq il-post u r-rwol tiegħu fl-iżvilupp tal-valuri komuni li jirfdu l-integrazzjoni Ewropea;

(b)il-promozzjoni, l-interpretazzjoni u t-trażmissjoni tal-valuri minquxin fl-Artikolu 2 tat-Trattat dwar l-Unjoni Ewropea u d-drittijiet, il-libertajiet u l-prinċipji stabbiliti fil-Karta tad-Drittijiet Fundamentali tal-Unjoni Ewropea;

(c)il-kontribut tas-sit għall-kooperazzjoni transfruntiera, id-djalogu u l-fehim reċiproku fost il-popli u l-kulturi tal-Ewropa;

(d)ir-rilevanza u l-kapaċità tas-sit li jikkontribwixxi għat-tifkira Ewropea u għall-edukazzjoni dwar iċ-ċittadinanza demokratika, inkluża l-kapaċità tiegħu li jrawwem riflessjoni kritika, inklużiva u pluralistika dwar l-istorja tal-Ewropa fid-diversità, il-kumplessità u n-narrattiva kkontestata kollha tagħha;

(e)il-promozzjoni tal-multilingwiżmu u l-għoti tal-aċċess għas-sit b’diversi lingwi tal-Unjoni.

3.Għall-finijiet tal-paragrafu 1, il-punt (b), il-kwalità tal-pjan ta’ azzjoni tas-sit (“il-pjan ta’ azzjoni”) għandha tiġi evalwata abbażi tal-miżuri li s-sit se juża biex jikkomunika, jimplimenta u jsostni l-objettivi tal-azzjoni. Il-pjan ta’ azzjoni għandu jispeċifika kif is-sit se jwettaq l-azzjonijiet li ġejjin:

(a)iqajjem għarfien dwar is-sinifikat Ewropew tas-sit, b’mod partikolari permezz ta’ attivitajiet ta’ informazzjoni xierqa, sinjalazzjoni u taħriġ tal-persunal;

(b)jipproduċi, jikkondividi u jittrażmetti l-għarfien permezz ta’ attivitajiet edukattivi, ibbażati fuq ir-riċerka u ta’ informazzjoni li jrawmu l-fehim tas-sit u s-sinifikat Ewropew tiegħu, inkluż f’formati multilingwi;

(c)jgħolli l-profil u l-attraenza tas-sit fuq skala Ewropea u jiżviluppa u jimplimenta strateġija ta’ sensibilizzazzjoni lokali u reġjonali, bl-użu ta’ għodod diġitali u teknoloġiji emerġenti;

(d)jinvolvi lill-viżitaturi, il-komunitajiet lokali u ż-żgħażagħ u jikkoopera mal-artisti u l-intraprendituri kulturali u fi ħdan il-komunità tal-wirt Ewropew;

(e)irawwem il-mobbiltà ta’ professjonisti kulturali, artisti u kollezzjonijiet, jistimula d-djalogu interkulturali u jinkoraġġixxi konnessjoni bejn il-wirt u s-settur tal-kreazzjoni u l-kreattività kontemporanji kull meta n-natura speċifika tas-sit tippermetti dan.

4.Għall-finijiet tal-paragrafu 1, il-punt (c), il-kapaċità operazzjonali tas-sit tirreferi għall-kapaċità tas-sit li jimplimenta effettivament pjan ta’ azzjoni u jappoġġa l-objettivi tal-azzjoni maż-żmien. Għandhom jitqiesu l-elementi li ġejjin:

(a)il-ġestjoni tas-sit, u l-arranġamenti ta’ governanza tiegħu;

(b)l-istatus legali u s-sjieda;

(c)is-sostenibbiltà finanzjarja;

(d)ir-riżorsi umani, l-għarfien espert professjonali u l-kapaċità ta’ rendiment;

(e)il-kapaċità ta’ konservazzjoni u salvagwardja;

(f)l-aċċessibbiltà u l-ġestjoni tal-viżitaturi;

(g)il-kapaċità ta’ monitoraġġ u ta’ rapportar.

5.Għas-siti tematiċi u transnazzjonali, il-pjan ta’ azzjoni għandu juri l-kapaċità operazzjonali ta’ kull sit elenkat fl-applikazzjoni u l-koerenza ġenerali tal-applikazzjoni u tan-narrattiva tematika, u għandu jistabbilixxi l-mekkaniżmi għall-koordinazzjoni bejn il-postijiet parteċipi.

6.Il-pjan ta’ azzjoni għandu jservi bħala bażi għall-għażla tas-sit u għall-parteċipazzjoni tiegħu fl-iskema ta’ rieżami perjodiku stabbilita fl-Artikolu 15.

Artikolu 7
Bord ta’ esperti

1.Bord ta’ esperti indipendenti (“il-bord”) għandu jiġi stabbilit biex iwettaq l-għażla u l-monitoraġġ fil-pajjiżi parteċipi. Dan għandu jiżgura li l-kriterji jiġu applikati b’mod konsistenti mis-siti fil-pajjiżi parteċipi.

2.Il-bord għandu jikkonsisti minn 12-il membru nnominati mill-istituzzjonijiet u mill-korpi tal-Unjoni f’konformità ma’ dan il-paragrafu.

Il-Kummissjoni għandha tipproponi lill-istituzzjonijiet u l-korpi tal-Unjoni inkarigati bin-nomina, grupp ta’ esperti potenzjali abbażi ta’ sejħa miftuħa għal espressjonijiet ta’ interess.

Il-Parlament Ewropew, il-Kunsill u l-Kummissjoni għandhom jaħtru tliet esperti kull wieħed mir-riżerva ta’ esperti potenzjali, f’konformità mal-proċeduri rispettivi tagħhom, u għandhom jinnominaw tliet esperti oħra kull wieħed bħala esperti ta’ riżerva. Il-Kumitat Ekonomiku u Soċjali Ewropew u l-Kumitat Ewropew tar-Reġjuni għandhom jaħtru espert kull wieħed mir-riżerva ta’ esperti potenzjali, f’konformità mal-proċeduri rispettivi tagħhom, u għandhom jinnominaw espert kull wieħed bħala riżerva. Barra minn hekk, il-Kummissjoni għandha taħtar espert wieħed min-Network tal-Ambaxxaturi Kulturali Żgħażagħ 13 u għandha tinnomina espert wieħed bħala espert ta’ riżerva, f’konformità mal-proċedura tagħha.

3.Il-membri tal-bord għandhom ikunu ċittadini tal-Unjoni, residenti fl-Unjoni u esperti indipendenti b’esperjenza u kompetenza sostanzjali fl-oqsma rilevanti għall-għanijiet tal-azzjoni. Meta jaħtru l-membri tal-bord, l-istituzzjonijiet u l-korpi kompetenti tal-Unjoni għandhom jeżiġu mill-esperti magħżula li jiddikjaraw kwalunkwe kunflitt ta’ interess attwali jew potenzjali fir-rigward tal-azzjoni. Meta tali dikjarazzjoni tiżvela kunflitt ta’ interess, l-istituzzjoni jew il-korp tal-Unjoni li jaħtru għandhom jagħżlu espert ieħor. Jekk tali kunflitt ta’ interess isir apparenti matul il-mandat ta’ espert, dak l-espert għandu jirriżenja u l-istituzzjoni rilevanti tal-Unjoni għandha tissostitwixxi lil dak l-espert għall-bqija tal-mandat, f’konformità mal-proċedura rilevanti. Huma għandhom jippruvaw jiżguraw ukoll taħlita komplementari ta’ kompetenzi, distribuzzjoni ġeografika bbilanċjata u bilanċ bejn il-ġeneri fil-kompożizzjoni ġenerali tal-bord.

4.Il-bord għandu jinnomina l-president tiegħu.

5.L-esperti għandhom jinħatru għal mandat ta’ 3 snin, li jista’ jiġġedded. L-esperti ma għandhomx iservu fil-bord għal aktar minn żewġ mandati konsekuttivi.

6.Il-membri tal-bord għandhom ikunu intitolati għal remunerazzjoni għas-servizzi tagħhom, kif ukoll għall-ħlas tal-ispejjeż kollha relatati direttament mat-twettiq ta’ dmirijiethom skont dan il-mandat.

Tali remunerazzjoni u spejjeż għandhom jitħallsu għat-tul kollu tal-ħatra tagħhom.

Il-membri kollha tal-bord għandhom jirċievu remunerazzjoni ugwali, irrispettivament mill-istituzzjoni li ħatrithom.

7.Jekk espert jirriżenja jew ma jkunx jista’ jwettaq il-kompiti tiegħu qabel it-tmiem tal-mandat tiegħu, dak l-espert għandu jiġi sostitwit mill-istess entità li nnominatu għall-bqija tal-mandat.

8.Il-membri tal-bord għandhom jiddikjaraw kwalunkwe kunflitt ta’ interess attwali jew potenzjali fir-rigward tal-għażla jew tal-monitoraġġ ta’ sit speċifiku. Fil-każ ta’ tali dikjarazzjoni minn xi membru, jew jekk jirriżulta tali kunflitt ta’ interess, dak il-membru ma għandux jieħu sehem fl-evalwazzjoni tas-sit jew ta’ xi siti oħra mill-pajjiżi parteċipi kkonċernati.

Artikolu 8
Formoli ta’ applikazzjoni

Il-Kummissjoni għandha tipprovdi formoli ta’ applikazzjoni komuni (“formoli ta’ applikazzjoni”) ibbażati fuq il-kriterji stabbiliti fl-Artikolu 6. Is-siti kandidati għandhom jużaw dawk il-formoli.

Il-Kummissjoni għandha tiżgura t-traduzzjoni tal-formoli fil-lingwi uffiċjali kollha tal-Unjoni.

Artikolu 9
Għażla nazzjonali fl-Istati Membri

1.L-għażla nazzjonali ta’ siti għal-Lista ta’ Wirt Ewropew għandha ssir mill-Istati Membri.

2.Kull Stat Membru jista’ jagħżel sa tliet siti kull sentejn.

3.Kull Stat Membru parteċipi għandu jistabbilixxi l-proċeduri proprji skont l-objettivi tal-azzjoni u l-kalendarju proprju tiegħu għall-għażla nazzjonali f’konformità mal-prinċipju tas-sussidjarjetà, filwaqt li jiżgura li l-arranġamenti amministrattivi jibqgħu kemm jista’ jkun ħfief u flessibbli. Sal-1 ta’ Frar tas-sena tal-proċedura ta’ għażla, huwa għandu jibgħat lill-Kummissjoni l-formoli ta’ applikazzjoni għas-siti magħżula fil-livell nazzjonali, f’konformità mal-kalendarju li jinsab fl-Anness.

4.Il-Kummissjoni għandha tippubblika l-lista sħiħa ta’ siti magħżula fil-livell nazzjonali u għandha tinforma lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat Ewropew tar-Reġjuni b’dan mingħajr dewmien wara l-finalizzazzjoni tal-istadju tal-għażla nazzjonali, sabiex, il-Parlament Ewropew, il-Kunsill, l-Istati Membri, il-Kumitat Ekonomiku u Soċjali Ewropew, il-Kumitat Ewropew tar-Reġjuni jew kwalunkwe persuna jew entità oħra jkunu jistgħu jippreżentaw lill-Kummissjoni kwalunkwe osservazzjoni li jista’ jkollha impatt fuq l-għażla ta’ dawk is-siti.

Artikolu 10
Għażla tas-siti f’pajjiżi tal-EFTA/taż-ŻEE, f’pajjiżi kandidati u f’pajjiżi kandidati potenzjali

1.Il-pajjiżi tal-EFTA/taż-ŻEE, il-pajjiżi kandidati u l-kandidati potenzjali li jixtiequ jissottomettu applikazzjonijiet biex jipparteċipaw fl-azzjoni għandhom jinnotifikaw lill-Kummissjoni b’dan permezz ta’ komunikazzjoni uffiċjali u għandhom jaħtru koordinatur nazzjonali għall-azzjoni.

2.L-għażla nazzjonali tas-siti għal-Lista tal-Wirt Ewropew għandha titwettaq taħt ir-responsabbiltà ta’ kull pajjiż tal-EFTA/taż-ŻEE, pajjiż kandidat jew pajjiż kandidat potenzjali f’konformità mal-proċeduri tiegħu stess. Kull pajjiż jista’ jagħżel sa żewġ siti għal kull ċiklu tal-għażla fil-livell nazzjonali.

3.Il-formoli tal-applikazzjoni għas-siti magħżula fil-livell nazzjonali f’pajjiż tal-EFTA/taż-ŻEE parteċipi, f’pajjiż kandidat jew f’pajjiż kandidat potenzjali għandhom jintbagħtu lill-Kummissjoni sal-1 ta’ Frar tas-sena tal-proċedura tal-għażla, f’konformità mal-Artikolu 9. Il-formoli tal-applikazzjoni għandhom ikunu bl-Ingliż biss.

4.Il-bord għandu jagħżel massimu ta’ sit wieħed li jinsab f’pajjiż tal-EFTA/taż-ŻEE, f’pajjiż kandidat jew f’pajjiż kandidat potenzjali f’kull ċiklu tal-għażla.

Artikolu 11
Għażla minn qabel u għażla fil-livell Ewropew

1.L-għażla ta’ siti għal-Lista ta’ Wirt Ewropew għandha ssir mill-bord taħt ir-responsabbiltà tal-Kummissjoni, skont proċedura f’żewġ stadji.

2.Il-bord għandu jwettaq għażla inizjali minn qabel tas-siti ppreżentati mill-koordinaturi nazzjonali wara l-proċedura għall-għażla fil-livell nazzjonali f’konformità mal-Artikolu 9. L-għażla inizjali minn qabel għandha tkun ibbażata fuq il-kriterju tas-sinifikat Ewropew imsemmi fl-Artikolu 6(1), il-punt (a). Wara li jkun ivvaluta l-applikazzjonijiet f’konformità ma’ dak il-kriterju, il-bord għandu jaqbel dwar lista mqassra ta’ siti u għandu joħroġ rapport ta’ għażla minn qabel dwar l-applikazzjonijiet kollha sal-31 ta’ Mejju tas-sena tal-proċedura tal-għażla.

3.Is-siti magħżulin minn qabel għandhom iħejju l-formola tal-għażla finali, inkluż il-pjan ta’ azzjoni tagħhom u deskrizzjoni tal-kapaċità operazzjonali tagħhom imsemmija fl-Artikolu 6(1), il-punti (b) u (c), bl-appoġġ tal-koordinatur nazzjonali tagħhom. Il-koordinaturi nazzjonali għandhom jissottomettu l-formoli tal-għażla finali lill-Kummissjoni sa mhux aktar tard mill-31 ta’ Awwissu tas-sena tal-proċedura tal-għażla.

4.Il-bord jista’ jagħżel massimu ta’ sit wieħed għal kull pajjiż parteċipi. Jekk ikun meħtieġ, tista’ tintalab aktar informazzjoni u jistgħu jiġu organizzati żjarat għas-siti.

5.L-għażla tal-bord għandha tkun ibbażata fuq il-kriterji stabbiliti fl-Artikolu 6 u fuq il-formoli ta’ applikazzjoni. Il-bord għandu jieħu wkoll kont tal-osservazzjonijiet imsemmija fl-Artikolu 9(4).

6.Il-bord għandu jagħżel massimu ta’ 15-il sit f’kull ċiklu tal-għażla. Mis-siti magħżula, massimu ta’ żewġ siti li jinsabu fil-pajjiżi tal-EFTA/taż-ŻEE, il-pajjiżi kandidati u l-kandidati potenzjali li jipparteċipaw fl-azzjoni jistgħu jintgħażlu f’kull ċiklu tal-għażla fil-livell Ewropew.

7.Il-bord għandu joħroġ rapport dwar is-siti magħżula u jibagħtu lill-Kummissjoni sa mhux aktar tard minn tmiem is-sena tal-proċedura ta’ għażla. Dak ir-rapport għandu jinkludi rakkomandazzjoni għall-għoti tal-istatus ta’ Wirt Ewropew u jiġi akkumpanjat minn spjegazzjoni dwar il-konklużjonijiet tiegħu rigward is-siti li ntgħażlu u s-siti li ma ntgħażlux. Il-Kummissjoni għandha tgħaddi dak ir-rapport lill-Parlament Ewropew, lill-Kunsill, lill-Kumitat Ekonomiku u Soċjali Ewropew, u lill-Kumitat Ewropew tar-Reġjuni għall-informazzjoni.

8.Is-siti kandidati li ma ġewx magħżula jistgħu jippreżentaw applikazzjonijiet ġodda għall-għażla fil-livell nazzjonali fis-snin ta’ wara.

9.L-opinjoni tal-bord għandha tkun finali.

Artikolu 12
Siti transnazzjonali

1.Sabiex sit transnazzjonali jkun eliġibbli għall-istatus ta’ wirt Ewropew, għandu jkun konformi mal-kundizzjonijiet kollha li ġejjin:

(a)kull sit parteċipi għandu jikkonforma mal-kriterji stabbiliti fl-Artikolu 6;

(b)l-applikazzjoni għandha tiġi ppreżentata taħt isem komuni;

(c)jekk ikun involut aktar minn sit wieħed:

(i)wieħed mis-siti parteċipi għandu jinħatar bħala l-koordinatur u għandu jkun il-punt uniku ta’ kuntatt għall-Kummissjoni;

(ii)għandha tintwera rabta tematika ċara bejn is-siti.

2.L-applikazzjonijiet fir-rigward ta’ siti transnazzjonali għandhom isegwu l-istess proċedura bħal dik għal siti oħrajn. Wara konsultazzjoni fost is-siti parteċipi, bl-involviment tal-awtoritajiet nazzjonali rilevanti, kull sit parteċipi għandu jiġi inkluż fil-formola tal-applikazzjoni tas-sit koordinatur. Is-siti transnazzjonali għandhom jitressqu mill-pajjiż parteċipi li fih ikun jinsab is-sit koordinatur, soġġett għal-limiti numeriċi stabbiliti fl-Artikolu 9(2) u fl-Artikolu 11(4), u jiġu proposti f’isem il-pajjiżi parteċipi kollha kkonċernati, wara qbil bejn dawk il-pajjiżi parteċipi. Il-kriterji tan-nazzjonalità li jappartjenu għall-proċedura tal-għażla għandhom japplikaw għas-sit koordinatur biss.

3.Meta jintgħażel sit transnazzjonali, l-istatus ta’ wirt Ewropew għandu jingħata lis-sit transnazzjonali kollu kemm hu u taħt l-isem komuni.

4.Jekk sit transnazzjonali jissodisfa l-kriterji kollha, għandha tingħata prijorità għal dak is-sit matul il-proċess tal-għażla.

5.L-applikazzjonijiet fir-rigward ta’ siti transnazzjonali b’koordinatur f’pajjiż tal-EFTA/taż-ŻEE, f’pajjiż kandidat jew f’pajjiż kandidat potenzjali għandhom isegwu l-istess proċedura ta’ għażla minn qabel u ta’ għażla bħal dik għal siti oħrajn. Siti f’pajjiż tal-EFTA/taż-ŻEE, pajjiż kandidat jew pajjiż kandidat potenzjali jistgħu jissieħbu f’applikazzjoni ta’ sit transnazzjonali, irrispettivament min-nazzjonalità tal-koordinatur tas-sit transnazzjonali.

6.Sit transnazzjonali li ngħata status ta’ wirt Ewropew jista’ jiġi estiż permezz tal-inklużjoni ta’ sit parteċipi ġdid wieħed jew aktar. Meta sit transnazzjonali jiġi estiż permezz tal-inklużjoni ta’ sit parteċipi ġdid, jew aktar minn wieħed, dan ma għandux jingħadd bħala sit ġdid magħżul minn qabel. Għal dak l-għan, il-koordinatur nazzjonali responsabbli għas-sit parteċipi l-ġdid għandu jissottometti proposta permezz ta’ komunikazzjoni uffiċjali lill-Kummissjoni u lill-koordinaturi nazzjonali responsabbli għas-siti eżistenti qabel l-1 ta’ Marzu tas-sena ta’ monitoraġġ, li turi l-konformità tas-sit addizzjonali mal-kriterji u r-rabta tematika mas-siti eżistenti. Jekk l-ebda wieħed mill-koordinaturi nazzjonali responsabbli għas-siti ta’ wirt Ewropew eżistenti ma joġġezzjona għall-proposta, il-bord għandu jirrieżamina l-proposta u jipprovdi r-rakkomandazzjoni tiegħu lill-Kummissjoni.

Artikolu 13
Siti tematiċi nazzjonali

1.Sabiex sit tematiku nazzjonali jkun eliġibbli għal-Lista ta’ Wirt Ewropew, għandu jkun konformi mal-kundizzjonijiet kollha li ġejjin:

(a)għandu juri l-valur miżjud Ewropew ta’ applikazzjoni konġunta meta mqabbel ma’ applikazzjonijiet individwali;

(b)għandu juri rabta tematika ċara bejn is-siti kkonċernati;

(c)kull sit parteċipi għandu jikkonforma mal-kriterji;

(d)għandu jaħtar wieħed mis-siti parteċipi bħala koordinatur li għandu jkun il-punt ta’ kuntatt uniku għall-Kummissjoni;

(e)għandu jissottometti l-applikazzjoni taħt isem komuni.

2.L-applikazzjonijiet fir-rigward ta’ siti tematiċi nazzjonali għandhom isegwu l-istess proċedura bħal dik għal siti oħrajn. Kull sit parteċipi għandu jiġi inkluż fil-formola tal-applikazzjoni tas-sit koordinatur. Is-siti tematiċi nazzjonali għandhom jiġu proposti mill-pajjiż parteċipi kkonċernat, soġġett għal-limiti numeriċi stabbiliti fl-Artikolu 9(2) u fl-Artikolu 11(4).

3.Meta jintgħażel sit tematiku nazzjonali, l-istatus ta’ wirt Ewropew għandu jingħata lis-sit tematiku nazzjonali kollu kemm hu u taħt l-isem komuni.

4.Sit tematiku nazzjonali li ngħata status ta’ wirt Ewropew jista’ jiġi estiż permezz tal-inklużjoni ta’ sit parteċipi ġdid wieħed jew aktar. Meta sit tematiku nazzjonali jiġi estiż permezz tal-inklużjoni ta’ sit parteċipi ġdid, jew aktar minn wieħed, dan ma għandux jingħadd bħala sit ġdid magħżul minn qabel. Għal dak l-għan, il-koordinatur nazzjonali responsabbli għas-sit parteċipi l-ġdid għandu jissottometti proposta lill-Kummissjoni permezz ta’ komunikazzjoni uffiċjali qabel l-1 ta’ Marzu tas-sena ta’ monitoraġġ, li turi l-konformità tas-sit addizzjonali mal-kriterji ta’ eliġibbiltà u r-rabta tematika mas-siti eżistenti. Il-bord għandu jirrieżamina l-proposta u jipprovdi r-rakkomandazzjoni tiegħu lill-Kummissjoni.

Artikolu 14
Deżinjazzjoni

1.Il-Kummissjoni għandha tiddeżinja s-siti li se jingħataw l-istatus ta’ wirt Ewropew, b’kont meħud tar-rakkomandazzjoni tal-bord. Il-Kummissjoni għandha tinforma lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat Ewropew tar-Reġjuni b’dan.

2.Is-siti li jingħataw l-istatus ta’ wirt Ewropew għandhom juru l-logo tal-Lista ta’ Wirt Ewropew disponibbli fuq is-sit web tal-Kummissjoni.

3.L-istatus ta’ wirt Ewropew għandu jingħata fuq bażi permanenti, soġġett għall-konformità mal-kundizzjonijiet stabbiliti fl-Artikolu 15 u għall-kontinwazzjoni tal-azzjoni u mingħajr preġudizzju għall-Artikolu 16.

Artikolu 15
Monitoraġġ

1.Kull sit li jingħata l-istatus ta’ wirt Ewropew għandu jiġi mmonitorjat fuq bażi regolari sabiex jiġi żgurat li huwa jkompli jissodisfa l-kriterji u li jżomm mal-pjan ta’ azzjoni sottomess fl-applikazzjoni tiegħu.

2.Il-monitoraġġ ta’ siti li jingħataw l-istatus ta’ wirt Ewropew mill-bord għandu jsir kull sentejn abbażi ta’ lista predefinita ta’ pajjiżi parteċipi għal sena partikolari. Dik il-lista għandha tiġi ppubblikat fuq is-sit web tal-Kummissjoni.

3.Il-pajjiżi parteċipi għandhom ikunu responsabbli għall-monitoraġġ tas-siti kollha li jinsabu fit-territorju tagħhom. Il-monitoraġġ ta’ sit transnazzjonali għandu jkun ir-responsabbiltà tal-pajjiż li fih jinsab is-sit koordinatur.

4.Il-pajjiżi parteċipi għandhom jiġbru l-informazzjoni kollha meħtieġa u jħejju rapport dwar is-siti mmonitorjati f’konformità mal-kalendarju ppubblikat mill-Kummissjoni. Il-pajjiżi parteċipi għandhom jibagħtu r-rapport lill-Kummissjoni sal-1 ta’ Marzu tas-sena tal-monitoraġġ. Il-Kummissjoni għandha tippreżenta r-rapport lill-bord sabiex jiġi eżaminat.

5.Sa tmiem is-sena ta’ monitoraġġ, il-bord għandu joħroġ rapport dwar l-istat tas-siti vvalutati, li jipprovdi rakkomandazzjonijiet li għandhom jitqiesu għas-sena ta’ monitoraġġ ta’ wara.

6.Iż-żieda ta’ siti ġodda ma’ siti tematiċi jew transnazzjonali mogħtijin l-istatus ta’ wirt Ewropew għandha tiġi vvalutata b’mod parallel mal-monitoraġġ tas-siti. Ir-rakkomandazzjonijiet tal-bord dwar iż-żieda ta’ siti ġodda ma’ siti tematiċi jew transnazzjonali eżistenti għandhom jiġu inklużi fir-rapport ta’ monitoraġġ imsemmi fil-paragrafu 5.

7.Il-koordinaturi nazzjonali għandhom iservu bħala l-punt prinċipali ta’ assistenza għas-siti u għandhom jikkollaboraw b’mod attiv mas-siti biex jirranġaw kwalunkwe nuqqas identifikat matul il-proċess ta’ monitoraġġ. Għal dak l-għan, il-koordinatur nazzjonali, f’kollaborazzjoni mas-sit u mal-bord, għandu jiżviluppa u jgħin fl-implimentazzjoni ta’ pjan ta’ appoġġ imfassal apposta. Dak il-pjan għandu jinkludi:

(a)miżuri ċari u azzjonabbli biex jiġu indirizzati n-nuqqasijiet identifikati;

(b)sorsi possibbli ta’ assistenza teknika jew finanzjarja, fejn meħtieġ u proporzjonat għar-riżorsi disponibbli;

(c)skeda ta’ żmien definita għall-azzjonijiet ta’ rimedju, b’punti ta’ kontroll interim biex jiġi vvalutat il-progress.

8.Meta l-bord isib li l-kriterji ma għadhomx issodisfati biżżejjed, jista’ jwettaq monitoraġġ addizzjonali, irrispettivament mill-iskeda ta’ żmien speċifikata fl-Anness.

Artikolu 16
Irtirar u rinunzja tal-istatus ta’ wirt Ewropew ta’ sit

1.Jekk, wara monitoraġġ ta’ sit jew kwalunkwe żjara addizzjonali kif stabbilit fl-Artikolu 15(8), il-bord jistabbilixxi li sit naqas sostanzjalment milli i) ikompli jissodisfa l-kriterji li abbażi tagħhom ingħata l-istatus ta’ wirt Ewropew jew ii) jaderixxi mal-pjan ta’ azzjoni ppreżentat fl-applikazzjoni tiegħu, huwa għandu jibda djalogu mas-sit ikkonċernat, bl-appoġġ tal-koordinatur nazzjonali u tal-Kummissjoni, bil-ħsieb li jiġu ffaċilitati l-aġġustamenti meħtieġa għas-sit.

2.Jekk l-aġġustamenti meħtieġa ma jkunux saru fil-ħin, il-bord għandu jinnotifika lill-Kummissjoni b’dak il-fatt. In-notifika għandha tkun akkumpanjata minn dikjarazzjoni tar-raġunijiet, u għandha tinkludi rakkomandazzjonijiet dwar kif tista’ tittejjeb is-sitwazzjoni.

3.Jekk ir-rakkomandazzjonijiet prattiċi ma jkunux ġew implimentati fil-ħin, il-bord għandu joħroġ opinjoni lill-Kummissjoni biex is-sit ikkonċernat jitlef l-istatus ta’ wirt Ewropew.

4.Jekk il-bord jistabbilixxi li sit li jkun qed jifforma parti minn sit transnazzjonali jew f’sit tematiku nazzjonali ma għadux jissodisfa l-kriterji jew li ma għadux iżomm mal-pjan ta’ azzjoni sottomess fl-applikazzjoni tiegħu, għandha tapplika l-proċedura stabbilita fil-paragrafi 1, 2 u 3 ta’ dan l-Artikolu. L-irtirar skont dan il-paragrafu, għandu japplika kompletament għas-sit transnazzjonali jew is-sit tematiku nazzjonali. Madankollu, jekk il-koerenza tas-sit transnazzjonali jew tas-sit tematiku nazzjonali ma tkunx imminata, il-bord jista’ jirrakkomanda l-limitar tal-irtirar għas-sit parteċipi kkonċernat.

5.Il-Kummissjoni għandha tieħu d-deċiżjoni li tirtira l-istatus ta’ wirt Ewropew, b’kont meħud tar-rakkomandazzjoni msemmija fil-paragrafu 3. Il-Kummissjoni għandha tinforma lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat Ewropew tar-Reġjuni dwar dak l-irtirar.

6.Is-siti jistgħu fi kwalunkwe ħin jirrinunzjaw l-istatus ta’ wirt Ewropew. F’każijiet bħal dawn, huma għandhom jinnotifikaw lill-pajjiżi parteċipi kkonċernati, li min-naħa tagħhom għandhom jinfurmaw lill-Kummissjoni b’dik ir-rinunzja. Il-Kummissjoni għandha tifformalizza r-rinunzja u tinforma lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat Ewropew tar-Reġjuni għal dak l-għan.

Artikolu 17
Premju

Il-Kummissjoni tista’ tikkunsidra li tagħti premju fi flus (“il-premju”) lil siti magħżula ġodda jew lil siti mmonitorjati, soġġett għad-disponibbiltà ta’ fondi skont il-qafas finanzjarju applikabbli. L-aspetti legali u finanzjarji tal-premju għandhom jiġu ttrattati fil-qafas tal-programmi rispettivi tal-Unjoni ta’ appoġġ għall-kultura.

Artikolu 18
Arranġamenti prattiċi

1.Il-Kummissjoni għandha timplimenta l-azzjoni. Għal dak il-għan, għandha:

(a)tiżgura l-koerenza u l-kwalità ġenerali tal-azzjoni;

(b)tiżgura l-koordinazzjoni bejn il-pajjiżi parteċipi, il-koordinaturi nazzjonali u l-bord;

(c)fid-dawl tal-objettivi msemmija fl-Artikolu 3 u tal-kriterji msemmija fl-Artikolu 6, tistabbilixxi linji gwida biex tassisti fil-proċeduri tal-għażla u tal-monitoraġġ f’kooperazzjoni mill-qrib mal-bord;

(d)tipprovdi appoġġ tekniku lill-bord;

(e)tippubblika, fuq is-sit web tagħha, ir-rapporti kollha tal-bord.

2.Il-Kummissjoni għandha tappoġġa l-azzjoni. Għal dak il-għan, għandha:

(a)trawwem attivitajiet ta’ networking u ta’ bini tal-kapaċità bejn il-koordinaturi nazzjonali, is-siti u l-bord;

(b)trawwem l-iskambju ta’ esperjenza u prattiki tajbin bejn is-siti li diġà ngħataw l-istatus ta’ wirt Ewropew u s-siti kandidati, u tippromwovi disseminazzjoni akbar tar-rapporti ta’ monitoraġġ tas-siti u t-tagħlimiet meħuda;

(c)tippromwovi l-viżibbiltà u l-firxa tal-azzjoni u tas-siti fil-livell Ewropew u internazzjonali, inkluż permezz tat-tixrid ta’ informazzjoni u materjal rilevanti u permezz ta’ attivitajiet ta’ komunikazzjoni mmirati

(d)tipprovdi informazzjoni dwar il-fondi Ewropej eżistenti biex tassisti lis-siti fl-iżvilupp ta’ proġetti, inkluż permezz ta’ mentoraġġ u taħriġ.

3.Il-koordinaturi nazzjonali għandhom jikkoordinaw l-implimentazzjoni tal-azzjoni fil-livell nazzjonali. Għandu jkollhom il-funzjonijiet li ġejjin:

(a)jaġixxu bħala l-punt ewlieni ta’ kuntatt bejn is-siti, il-Kummissjoni u l-istrutturi ta’ appoġġ possibbli;

(b)jappoġġaw lis-siti kandidati fit-tħejjija tal-applikazzjonijiet tagħhom f’konformità mal-Artikoli 9 u 11;

(c)jiżguraw l-għażla nazzjonali tas-siti fil-livell nazzjonali, f’konformità mal-Artikolu 9;

(d)jappoġġaw is-siti li jgħaddu b’suċċess mill-proċedura ta’ għażla minn qabel tal-bord fit-tħejjija tas-sottomissjoni finali tagħhom lill-bord;

(e)jipparteċipaw f’laqgħat ta’ koordinazzjoni u ta’ skambju relatati mal-azzjoni.

Artikolu 19
Evalwazzjoni

1.Il-Kummissjoni għandha tiżgura l-evalwazzjoni esterna u indipendenti tal-azzjoni. Tali evalwazzjoni għandha ssir kull 6 snin f’konformità mal-kalendarju stabbilit fl-Anness u għandha teżamina dan li ġej:

(a)l-effiċjenza tal-proċessi involuti fit-tmexxija tal-azzjoni;

(b)l-għadd ta’ siti;

(c)l-impatt tal-azzjoni;

(d)it-twessigħ tal-ambitu ġeografiku tal-azzjoni;

(e)kif l-azzjoni tista’ tittejjeb;

(f)jekk l-azzjoni jenħtieġ li titkompliex.

2.Il-Kummissjoni għandha tissottometti rapport dwar l-evalwazzjoni prevista fil-paragrafu 1 lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat Ewropew tar-Reġjuni fi żmien 6 xhur minn meta tiġi ffinalizzata, akkumpanjata, jekk ikun il-każ, minn proposti rilevanti.

Artikolu 20
Tħassir

Id-Deċiżjoni Nru 1194/2011/UE hija revokata.

Artikolu 21
Dispożizzjonijiet tranżizzjonali

Id-Deċiżjoni Nru 1194/2011/UE għandha tkompli tapplika għall-għażla tas-siti taċ-Ċertifikat tal-Wirt Ewropew fl-2027. Is-siti li jingħataw iċ-ċertifikat skont id-Deċiżjoni Nru 1194/2011/UE għandhom jitqiesu li ngħataw l-istatus ta’ wirt Ewropew skont din id-Deċiżjoni.

L-esperti maħtura fil-bord f’konformità mad-Deċiżjoni Nru 1194/2011/UE għandhom ikomplu jservu fil-bord għall-bqija tal-mandat tagħhom f’konformità mal-Artikolu 7.

Artikolu 22
Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Objettiv(i)3

1.3.1.Objettiv(i) ġenerali3

1.3.2.Objettiv(i) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni4

1.4.Il-proposta/L-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi5

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra6

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha7

1.7.Metodu/i tal-implimentazzjoni tal-baġit ippjanat(i)7

2.MIŻURI TA’ ĠESTJONI8

2.1.Regoli ta’ monitoraġġ u ta’ rapportar8

2.2.Sistema/i ta’ ġestjoni u ta’ kontroll8

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta8

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom8

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet9

3.IMPATT FINANZJARJU STMAT TAL-PROPOSTA/TAL-INIZJATTIVA10

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i10

3.2.Impatt finanzjarju stmat tal-proposta fuq l-approprjazzjonijiet11

3.2.1.Sommarju tal-impatt stmat fuq l-approprjazzjonijiet operazzjonali11

3.2.1.1.Approprjazzjonijiet mill-baġit ivvutat11

3.2.1.2.Approprjazzjonijiet minn dħul assenjat estern13

3.2.2.Output stmat iffinanzjat minn approprjazzjonijiet operazzjonali14

3.2.3.Sommarju tal-impatt stmat fuq l-approprjazzjonijiet amministrattivi15

3.2.3.1. Approprjazzjonijiet mill-baġit ivvutat15

3.2.3.2.Approprjazzjonijiet minn dħul assenjat estern15

3.2.3.3.Total tal-approprjazzjonijiet15

3.2.4.Rekwiżiti stmati ta’ riżorsi umani16

3.2.4.1.Iffinanzjati mill-baġit ivvutat16

3.2.4.2.Iffinanzjati minn dħul assenjat estern16

3.2.4.3.Rekwiżiti totali ta’ riżorsi umani17

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali18

3.2.6.Kompatibbiltà mal-qafas finanzjarju pluriennali attwali18

3.2.7.Kontribuzzjonijiet ta’ partijiet terzi18

3.3.Impatt stmat fuq id-dħul18

4.Dimensjonijiet diġitali19

4.1.Rekwiżiti ta’ rilevanza diġitali19

4.2.Data19

4.3.Soluzzjonijiet diġitali19

4.4.Valutazzjoni tal-interoperabbiltà20

4.5.Miżuri li jappoġġaw l-implimentazzjoni diġitali20

1.    QAFAS TAL-PROPOSTA/TAL-INIZJATTIVA 

1.1.    Titolu tal-proposta/tal-inizjattiva

1.2.    Qasam/Oqsma ta’ politika kkonċernat(i) 

1.3.    Objettiv(i)

1.3.1.    Objettiv(i) ġenerali

1.3.2.    Objettiv(i) speċifiku/speċifiċi

1.3.3.    Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.    Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.    Il-proposta/L-inizjattiva hija relatata ma’: 

¨ azzjoni ġdida 

¨ azzjoni ġdida b’segwitu għal proġett pilota/azzjoni preparatorja 14

x l-estensjoni ta’ azzjoni eżistenti 

¨ fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.    Raġunijiet għall-proposta/għall-inizjattiva 

1.5.1.    Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.    Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.    Tagħlimiet meħuda minn esperjenzi simili fl-imgħoddi

1.5.4.    Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.    Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.    Durata tal-proposta/tal-inizjattiva u tal-impatt finanzjarju tagħha

¨ durata limitata

¨    fis-seħħ minn [JJ/XX]SSSS sa [JJ/XX]SSSS

¨    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

x durata mhux limitata

Implimentazzjoni b’perjodu ta’ tnedija minn SSSS sa SSSS,

segwita minn operazzjoni fuq skala sħiħa.

1.7.    Metodu/i tal-implimentazzjoni tal-baġit ippjanat(i) 

x Ġestjoni diretta mill-Kummissjoni

x mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

¨ mill-aġenziji eżekuttivi

¨ Ġestjoni kondiviża mal-Istati Membri

¨ Ġestjoni indiretta billi jiġu fdati kompiti ta’ implimentazzjoni tal-baġit:

¨ lill-pajjiżi terzi jew lill-korpi nnominati minnhom

¨ lill-organizzazzjonijiet internazzjonali u lill-aġenziji tagħhom (għandhom jiġu speċifikati)

¨ lill-Bank Ewropew tal-Investiment u lill-Fond Ewropew tal-Investiment

¨ lill-korpi msemmija fl-Artikoli 70 u 71 tar-Regolament Finanzjarju

¨ lill-korpi tad-dritt pubbliku

¨ lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

¨ lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

¨ lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

¨ lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

Kummenti

2.    MIŻURI TA’ ĠESTJONI 

2.1.    Regoli ta’ monitoraġġ u ta’ rapportar 

2.2.    Sistema/i ta’ ġestjoni u ta’ kontroll 

2.2.1.    Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.    Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.    Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.    Miżuri għall-prevenzjoni ta’ frodi u ta’ irregolaritajiet 

3.    IMPATT FINANZJARJU STMAT TAL-PROPOSTA/TAL-INIZJATTIVA 

3.1.    Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Kumment: Il-Lista ta’ Wirt Ewropew ma għandhiex fondi tagħha stess. Il-baġit tagħha għandu jiġi mis-suċċessur tal-Programm Ewropa Kreattiva. L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors tal-finanzjament u l-ambitu tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP futur, u wara għandhom jiġu ddeterminati bil-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.    Impatt finanzjarju stmat tal-proposta fuq l-approprjazzjonijiet 

3.2.1.    Sommarju tal-impatt stmat fuq l-approprjazzjonijiet operazzjonali 

x    Il-proposta/L-inizjattiva ma teħtieġx l-użu ta’ approprjazzjonijiet operazzjonali

¨    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-kamp ta’ applikazzjoni tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.1.1.    Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

[1]    Biex jiġu ddeterminati l-approprjazzjonijiet meħtieġa għandhom jintużaw iċ-ċifri relatati mal-kostijiet medji annwali, disponibbli fuq il-paġna web rilevanti tal-BUDGpedia.

[2]    Jekk tirrapporta l-użu tal-approprjazzjonijiet skont l-Intestatura 4, int obbligat timla l-Anness 5.

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-kamp ta’ applikazzjoni tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.2.    Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.    Sommarju tal-impatt stmat fuq l-approprjazzjonijiet amministrattivi 

x    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

¨    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

3.2.3.2.    Approprjazzjonijiet minn dħul assenjat estern

mhux applikabbli.

3.2.3.3.    Total tal-approprjazzjonijiet

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ diġà assenjati għall-ġestjoni tal-azzjoni u/jew diġà riallokati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

L-impatt stmat fuq in-nefqa u l-persunal għall-2028 u lil hinn jiżdied għal skopijiet illustrattivi biss u ma jippreġudikax il-Qafas Finanzjarju Pluriennali li jmiss. Is-sors ta’ finanzjament u l-kamp ta’ applikazzjoni tal-impenn finanzjarju tal-Unjoni fil-perjodu ta’ wara l-2027 jibqgħu soġġetti għall-eżitu tan-negozjati interistituzzjonali dwar il-QFP 2028-2034 u wara dan għandhom jiġu determinati permezz tal-proċedura baġitarja annwali. L-approprjazzjonijiet u l-allokazzjonijiet tal-persunal kollha mill-2028 huma indikattivi.

3.2.4.    Rekwiżiti stmati ta’ riżorsi umani 

Kumment: Taħt il-qafas legali attwali, 2 FTEs huma diġà assenjati għall-ġestjoni tal-azzjoni.

¨    Il-proposta/L-inizjattiva ma teħtieġx l-użu ta’ riżorsi umani

x    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.    Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs)

3.2.4.3.    Rekwiżiti totali ta’ riżorsi umani

Considering the overall strained situation in Heading 4, in terms of both staffing and the level of appropriations, the human resources required will be met by staff from the DG who are already assigned to the management of the action and/or have been redeployed within the DG or other Commission services.

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu minn:

3.2.5.    Ħarsa ġenerali lejn l-impatt stmat fuq l-investimenti relatati mat-teknoloġija diġitali

mhux applikabbli.

3.2.6.    Kompatibbiltà mal-qafas finanzjarju pluriennali attwali 

Il-proposta/L-inizjattiva hija konsistenti mal-proposta għall-QFP 2028–2034.

3.2.7.    Kontribuzzjonijiet ta’ partijiet terzi 

Il-proposta/L-inizjattiva:

x    ma tipprevedix kofinanzjament minn partijiet terzi

¨    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

 
3.3.    Impatt stmat fuq id-dħul 

x    Il-proposta/L-inizjattiva ma għandha l-ebda impatt finanzjarju fuq id-dħul.

¨    Il-proposta/L-inizjattiva għandha l-impatt finanzjarju li ġej:

¨    fuq ir-riżorsi proprji

¨    fuq dħul ieħor

¨    indika jekk id-dħul huwiex assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.    Dimensjonijiet diġitali

4.1.    Rekwiżiti ta’ rilevanza diġitali

4.2.    Data

4.3.    Soluzzjonijiet diġitali

4.4.    Valutazzjoni tal-interoperabbiltà

4.5.    Miżuri li jappoġġaw l-implimentazzjoni diġitali

(1)    Ir-Rapport tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Evalwazzjoni tal-Azzjoni marbuta maċ-Ċertifikat tal-Patrimonju Ewropew għall-2018-2024, COM(2025) 366 final tad-9 ta’ Lulju 2025, https://eur-lex.europa.eu/legal-content/MT/TXT/?qid=1784306014845&uri=CELEX%3A52025DC0366 .

(2)    ĠU C […], […], p. […].

(3)    ĠU C […], […], p. […].

(4)     Riżoluzzjoni tal-Kunsill dwar it-tieni ċiklu tal-qafas strateġiku taż-ŻEE (2026–2030).

(5)    COM(2025) 90 final.

(6)     L-ugwaljanza u l-inklużjoni , COM(2020) 620 final, COM(2021) 101 final, COM(2025) 725 final, COM(2026) 12 final, COM(2026) 113, COM(2026) 541 final.

(7)    COM(2025) 791 final.

(8)    Id-Deċiżjoni Nru 1194/2011/UE tal-Parlament Ewropew u tal-Kunsill tas-16 ta’ Novembru 2011 li tistabbilixxi azzjoni tal-Unjoni Ewropea għaċ-Ċertifikat tal-Patrimonju Ewropew (ĠU L 303, 22.11.2011, p. 1, ELI:  http://data.europa.eu/eli/dec/2011/1194/oj ).

(9)    COM(2025) 785 final.

(10)    ĠU C, C/2026/3440, 25.6.2026, ELI: http://data.europa.eu/eli/C/2026/3440/oj

(11)    Ir-Regolament (UE) 2021/818 tal-Parlament Ewropew u tal-Kunsill tal-20 ta’ Mejju 2021 li jistabbilixxi l-Programm Ewropa Kreattiva (2021 - 2027) u li jħassar ir-Regolament (UE) Nru 1295/2013 (ĠU L 189, 28.5.2021, p. 34, ELI: http://data.europa.eu/eli/reg/2021/818/oj ).

(12)     ĠU L 1, 3.1.1994, p. 3 .

(13)    Din hija inizjattiva mill-Boxxla Kulturali għall-Ewropa li qed tiġi żviluppata bħalissa.

(14)    Kif imsemmi fl-Artikolu 58(2), il-punt (a) jew (b) tar-Regolament Finanzjarju

(15)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati

(16)    EFTA: Assoċjazzjoni Ewropea tal-Kummerċ Ħieles    

(17)    Pajjiżi kandidati u, meta jkun applikabbli, kandidati potenzjali mill-Balkani tal-Punent

(18)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(19)    L-outputs huma l-prodotti u s-servizzi li għandhom jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(20)    Kif deskritt fit-Taqsima 1.3.2. “Objettiv(i) speċifiku/speċifiċi”

(21)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.