|
14.9.2018 |
MT |
Il-Ġurnal Uffiċjali tal-Unjoni Ewropea |
C 325/18 |
Notifika minn qabel ta’ konċentrazzjoni
(Il-Każ M.9111 — Bregal Unternehmerkapital/trendtours Touristik)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 325/10)
1.
Fis-7 ta’ Settembru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Bregal Unternehmerkapital II LP, (“Bregal Unternehmerkapital”, il-Ġermanja), |
|
— |
trendtours Touristik GmbH u l-kumpanija oħtha Bus und Service, Organisations- und Werbegesellschaft mbH (flimkien “trendtours Touristik”, il-Ġermanja). |
Bregal Unternehmerkapital takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll uniku ta’ trendtours Touristik permezz tax-xiri tal-ishma kollha tal-kumpanija holding tagħha Dating, Datenerfassung und -verarbeitung, Gesellschaft mit beschränkter Haftung (il-Ġermanja).
2.
L-attivitajiet kummerċjali tal-impriżi kkonċernati huma:— għal Bregal Unternehmerkapital: hija fond tal-investiment, finalment ikkontrollat minn COFRA Holding AG, Zug, l-Iżvizzera.
— għal trendtours Touristik: tipprovdi servizzi ta’ operatur turistiku.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont in-Notifika mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.
4.
Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja tiġi dejjem speċifikata:
M.9111 — Bregal Unternehmerkapital/trendtours Touristik
Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Posta elettronika: COMP-MERGER-REGISTRY@ec.europa.eu |
|
Faks: +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).