|
16.11.2018 |
MT |
Il-Ġurnal Uffiċjali tal-Unjoni Ewropea |
C 417/29 |
Notifika minn qabel ta’ konċentrazzjoni
(Il-Każ M.9153 — CDC/Meridiam/FICA-HPCI)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 417/11)
1.
Fit-8 ta’ Novembru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Caisse des dépôts et consignations (“CDC”, Franza), |
|
— |
Meridiam Transition (“Meridiam”, Franza), ikkontrollata minn Meridiam SAS, |
|
— |
FICA-HPCI (Franza), ikkontrollata minn Meridiam. |
CDC u Meridiam jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ FICA-HPCI.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
CDC hija istituzzjoni pubblika Franċiża bi status ġuridiku speċjali, attiva fil-ġestjoni ta’ fondi privati li għalihom l-awtoritajiet pubbliċi jkunu jixtiequ jipprovdu protezzjoni speċjali u fil-finanzjament ta’ proġetti ta’ investiment b’interess pubbliku (trasport, ambjent, tranżmissjoni tal-elettriċità, eċċ.), |
|
— |
Meridiam hija kumpanija inkorporata Franċiża, prinċipalment attiva f’investimenti tal-infrastruttura, speċjalment fis-setturi tat-trasport, is-servizzi pubbliċi u l-ġenerazzjoni tal-enerġija. |
|
— |
FICA-HPCI hija kumpanija azzjonarja li bħalissa għandha ishma f’żewġ kumpaniji ta’ proġetti, FICAP u COGECAP. FICAP se tkun attiva fil-produzzjoni ta’ pallets tal-injam u COGECAP se tkun attiva fil-ġenerazzjoni tal-elettriċità u s-sħana. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9153 — CDC/Meridiam/FICA-HPCI
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks: +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).