<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-04-202504C130202305360-00-TRA-DOC-GA-CONCL-C-0536-23-202411368-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="9/12/2024" name="CustomProvisoryEditionDate"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="18/02/2025 09:22:55" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="CNC" name="TypeDoc"/>
    <meta content="1hfZ1lYow9Vmmbn/z69zwYXqtA/qeL/DdEUPQxEOtX6g3nNZcHmcQYfGPNefiJh1sfaGCEQv4km5KuCsDQUO7CQ0YRKbROaPRqpqedQtxMA/PVOM+h3nVFZuSy9AJYNLJ8I5pBaJBc/2r3UbEu8UjOA/0BFm11S0hWUvxkO6YmE=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="connehe" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="739e7f1f-28ed-468f-acdc-75d31000f3f1" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0536" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="connehe" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_green" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 09-12-24 15:31:26" name="Created"/>
    <meta content="" name="Canevas3_Vademecum"/>
    <meta content="2025-01-22T09:30:27Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="3d5254077c0a4f4ea0a81344c956ea8b" name="DocumentIdentifier"/>
    <meta content="0536" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId36" style="first"/>
      <div id="rId32" style="even">Tuairim an Abhcóide Ghinearálta Richard de la Tour – Cás C‑536/23</div>
      <div id="rId33" style="default">Mutua Madrileña Automovilista</div>
    </div>
    <p class="C36Centre" id="para-1" title="page-1">
      TUAIRIM AN ABHCÓIDE GHINEARÁLTA
    </p>
    <p class="C36Centre" id="para-2" title="page-1">
      DE LA TOUR
    </p>
    <p class="C36Centre" id="para-3" title="page-1">
      arna tabhairt an 9 Eanáir 2025  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Cás C‑536/23
    </p>
    <p class="C37Centregras" id="para-5" title="page-1">
      Bundesrepublik Deutschland
    </p>
    <p class="C37Centregras" id="para-6" title="page-1">
      v
    </p>
    <p class="C37Centregras" id="para-7" title="page-1">
      Mutua Madrileña Automovilista
    </p>
    <p class="C39Centreespacement" id="para-8" title="page-1">
      (Iarraidh ar réamhrialú ó Landgericht München I (an Chúirt Dúiche, München I, an Ghearmáin))
    </p>
    <p class="C71Indicateur" id="para-9" title="page-1">
      (Tarchur chun réamhrialú – Comhar breithiúnach in ábhair shibhialta – Rialachán (AE) Uimh. 1215/2012 – Airteagal 11(1)(b) – Airteagal 13(2) – Dlínse in ábhair a bhaineann le hárachas – Raon feidhme rialacha speisialta maidir le dlínse – Tionóisc bhóthair – Caingean dhíreach ón bpáirtí díobhálaithe i gcoinne an árachóra – An coincheap ‘páirtí díobhálaithe’ – Fostóir seachaithe maidir le cearta a fhostaí a bhí mar íospartach sa tionóisc – Caingean dhíreach arna tabhairt ag Ballstát ina cháil mar fhostóir– An áit ina bhfuil sainchónaí ar an éilitheoir)
    </p>
    <p class="C02AlineaAltA" id="para-10" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Réamhrá</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Agus na rialacha speisialta maidir le dlínse á nglacadh aige, arna leagan amach i Rialachán (AE) Uimh. 1215/2012  (<span class="note footnote notemarker">
<a id="c-2" href="#t-2">2</a>
</span>) in ábhair a bhaineann le hárachas, bhí sé ar intinn ag reachtóir an Aontais an cuspóir a shaothrú a bhaineann leis an bpáirtí is laige a chosaint.  (<span class="note footnote notemarker">
<a id="c-3" href="#t-3">3</a>
</span>) Cé go bhfuil sé réasúnta éasca an páirtí sin a shainaithint i gcás díospóidí idir íospartach tionóisce tráchta bóthair agus gnóthas árachais na feithicle atá freagrach as an tionóisc sin, arb é an cás sin a bhíonn i gceist an chuid is mó den am, d’fhéadfadh sé a bheith níos deacra nuair is é fostóir an íospartaigh atá seachaithe maidir le cearta an íospartaigh sin a thionscnaíonn an chaingean dlí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Ní hea nach bhfuil an Chúirt i dtaithí cás mar sin ós rud é gur chinn sí cheana féin go leanann sé ó Rialachán Uimh. 1215/2012 go bhféadfaidh fostóir, atá bunaithe i mBallstát amháin, a lean ar aghaidh ag íoc thuarastal a fhostaí a bhí as láthair mar thoradh ar thionóisc bhóthair agus atá seachaithe maidir lena chearta sin i gcoinne na cuideachta lena bhfuil árachas dliteanais shibhialta don fheithicil a bhí sa tionóisc sin, atá bunaithe i mBallstát eile, ina cháil mar ‘íospartach’, de réir bhrí Airteagal 11(2) de Rialachán (CE) Uimh. 44/2001,  (<span class="note footnote notemarker">
<a id="c-4" href="#t-4">4</a>
</span>) cás a thabhairt i gcoinne na cuideachta árachais sin os comhair chúirteanna an chéad Bhallstáit sin, i gcás ina gceadaítear caingne díreacha den sórt sin.  (<span class="note footnote notemarker">
<a id="c-5" href="#t-5">5</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Is éard atá sainiúil faoin tarchur reatha chun réamhrialú ná gur státseirbhíseach é an t‑íospartach sa tionóisc bhóthair agus gur Stát é an fostóir atá seachaithe maidir lena chearta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Sa Tuairim seo, leagfaidh mé amach na cúiseanna a fhéadfar an réiteach a ghlac an Chúirt cheana a chur i bhfeidhm, gan dochar d’fhuarlitir ná do spiorad Rialachán Uimh. 1215/2012, i gcás inar Stát é an fostóir, ar chomhfhoras é go bhfuil sé seachaithe maidir le cearta an íospartaigh, a thionscnaíonn an chaingean. Agus an méid sin á dhéanamh agam, tapóidh mé an deis a thugtar leis an tarchur chun réamhrialú freisin chun soiléiriú agus beachtú a dhéanamh ar an gcásdlí a bhí ag an gCúirt roimhe seo maidir le dlínse idirnáisiúnta agus dlínse chríche na cúirte a bhféadfaí caingean mar sin a bheith tugtha os a comhair a chinneadh, sa chás áirithe sin inar gá critéar nasctha áit shainchónaí an iarratasóra é a chur i bhfeidhm ar Stát.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">An dlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">I gcomhthéacs an cháis seo, is forálacha ábhartha iad aithrisí 15, 16, 18 agus 34 agus Airteagal 1(1), Airteagal 4(1) agus Airteagal 5(1) de Rialachán Uimh. 1215/2012.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">Ina theannta sin, ba cheart tagairt a dhéanamh do Roinn 3 de Chaibidil II de Rialachán Uimh. 1215/2012, dar teideal ‘Dlínse in ábhair a bhaineann le hárachas’, lena gcumhdaítear Airteagail 10 go 16 den Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Mar seo a leanas atá foclaíocht Airteagal 10 den Rialachán sin:</p>
</td>
</tr>
</table>
    <p class="C02AlineaAltA" id="para-20" title="page-4">
      ‘In ábhair a bhaineann le hárachas, déanfar dlínse a chinneadh de réir na Roinne seo, gan dochar d’Airteagal 6 agus do phointe 5 d’Airteagal 7.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Le hAirteagal 11(1)(a) agus (b) den Rialachán sin, foráiltear:</p>
</td>
</tr>
</table>
    <p class="C02AlineaAltA" id="para-22" title="page-4">
      ‘Féadfar an dlí a agairt ar árachóir a bhfuil sainchónaí air i mBallstát:
    </p>
    <p class="C09Marge0avecretrait" id="para-23" title="page-4">
      (a) i gcúirteanna an Bhallstáit ina bhfuil sainchónaí air;
    </p>
    <p class="C09Marge0avecretrait" id="para-24" title="page-4">
      (b)  i mBallstát eile, i gcás caingne a thionscain sealbhóir an pholasaí, an t‑árachaí nó an tairbhí, sna cúirteanna don áit ina bhfuil sainchónaí ar an éilitheoir […]’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">Le hAirteagal 13(2) den Rialachán sin foráiltear:</p>
</td>
</tr>
</table>
    <p class="C02AlineaAltA" id="para-26" title="page-4">
      ‘Beidh feidhm ag Airteagal 10, Airteagal 11 agus Airteagal 12 maidir le caingne arna dtionscnamh ag an bpáirtí díobhálaithe go díreach i gcoinne an árachóra, i gcás ina gceadaítear caingne díreacha den sórt sin.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Ar deireadh, is mar seo a leanas atá an fhoclaíocht in Airteagal 63(1) de Rialachán Uimh. 1215/2012:</p>
</td>
</tr>
</table>
    <p class="C02AlineaAltA" id="para-28" title="page-4">
      ‘Chun críocha an Rialacháin seo, tá sainchónaí ar chuideachta nó ar dhuine dlítheanach eile nó ar chomhlachas de dhaoine nádúrtha nó dlítheanacha eile:
    </p>
    <p class="C09Marge0avecretrait" id="para-29" title="page-4">
      (a) san áit a bhfuil a shuíomh nó a suíomh reachtúil aige nó aici;
    </p>
    <p class="C09Marge0avecretrait" id="para-30" title="page-4">
      (b) san áit a bhfuil a riarachán lárnach; nó
    </p>
    <p class="C09Marge0avecretrait" id="para-31" title="page-4">
      (c) san áit a bhfuil a phríomháit ghnó nó a príomháit ghnó aige nó aici.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Fíorais na bpríomhimeachtaí agus an cheist a tharchuirtear chun réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Bhí státseirbhíseach cónaidhmeach a bhí ag obair in oifig München (an Ghearmáin) de chuid Deutsche Patent‑ und Markenamt (Oifig Paitinne agus Trádmharcanna na Gearmáine) mar íospartach i dtionóisc bhóthair a tharla sa Spáinn an 8 Márta 2020 agus í ar saoire. Bhí an carr ar cíos a bhí san imbhualadh leis an státseirbhíseach sin agus é ag taisteal ar rothar faoi árachas dliteanais shibhialta le cuideachta árachais Spáinneach, Mutua Madrileña Automovilista (‘an chuideachta árachais’).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Mar thoradh ar na gortuithe a d’eascair as an tionóisc sin, bhí an státseirbhíseach faoi éagumas oibre ón 8 Márta 2020 go dtí an 16 Márta 2020. Le linn na tréimhse sin, lean a fostóir – Stát na Gearmáine – ar aghaidh ag íoc a tuarastail léi. I litir dar dáta an 25 Eanáir 2021, d’iarr Stát na Gearmáine ar an ionadaí arna cheapadh ag an gcuideachta árachais sa Ghearmáin chun éilimh a shocrú  (<span class="note footnote notemarker">
<a id="c-6" href="#t-6">6</a>
</span>) an tuarastal ar leanadh ar aghaidh leis a aisíoc, is é sin le rá, suim EUR 1 432.77. Ós rud é gurb é an státseirbhíseach a bhí sa tionóisc, dhiúltaigh an t‑ionadaí sin íoc.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Thug Stát na Gearmáine, ag gníomhú dó fós i gcáil fostóra, caingean shibhialta i gcoinne na cuideachta árachais os comhair Amtsgericht München (an Chúirt Dúiche, München, an Ghearmáin) chun a iarraidh go n‑íocfaí an tuarastal lena mbaineann. Ós rud é go raibh suíomh na cuideachta sin sa Spáinn, mhaígh sí nach raibh dlínse idirnáisiúnta ag an gcúirt sin agus chuir sí i gcoinne shubstaint na caingne.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">I mbreithiúnas an 16 Feabhra 2022, dhiúltaigh Amtsgericht München (an Chúirt Dúiche, München) a dlínse idirnáisiúnta. Dá bhrí sin, chinn an chúirt sin nach bhféadfadh Stát na Gearmáine brath ar dhlínse faoi Airteagal 11(1)(b) agus Airteagal 13(2) de Rialachán Uimh. 1215/2012, ós rud é gurb éard a leagtar síos leis na forálacha sin ná rialacha maolaithe atá le léirmhíniú go docht nach féidir a dtairbhe a leathnú chuig fostóir i gcás inar Stát é an fostóir sin. Tar éis measúnú ginearálta a dhéanamh ar na riachtanais chosanta, tháinig Amtsgericht München (an Chúirt Dúiche, München) ar an gconclúid nach bhféadfadh Stát na Gearmáine, a ghlacann ról an fhorais leasa shóisialaigh freisin, inter alia, i gcomhthéacs na scéime um phinsin agus árachas breoiteachta, brath ar na rialacha sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Rinne Stát na Gearmáine achomharc os comhair Landgericht München I (Cúirt Dúiche I, München, an Ghearmáin), arb í an chúirt a rinne an tarchur í. Áitíonn sé, mar fhostóir an státseirbhísigh, go raibh sé go hiomlán i dteideal brath ar Airteagal 11(1)(b) agus Airteagal 13(2) de Rialachán Uimh. 1215/2012, ós rud é go bhfuair sé, trí shannadh dlíthiúil, na cearta chun cúitimh a bhí ag an státseirbhíseach i gcoinne árachóir na feithicle a bhí páirteach sa tionóisc ina raibh sí mar íospartach. Maítear go leanann sé ó chásdlí na Cúirte maidir leis na rialacha arna leagan síos sna forálacha sin,  (<span class="note footnote notemarker">
<a id="c-7" href="#t-7">7</a>
</span>) ar an gcéad dul síos, nach gá measúnú cás-ar-chás a dhéanamh, ná idirdhealuithe a dhéanamh atá bunaithe ar chritéar a bhaineann leis an laige agus, ar an dara dul síos, chun a áirithiú go mbeidh an dlínse intuartha, gur cheart go mbeadh aon sannóir, ag gníomhú dó ar bhonn seachaíocht dhlíthiúil, seachas mar árachóir nó mar fhoras slándála sóisialta, in ann caingean a thabhairt os comhair na gcúirteanna in áit shainchónaí an pháirtí dhíobhálaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Maidir leis an gcuideachta árachais, arb í an cosantóir sna príomhimeachtaí í, chuir sí sin faoi bhráid na cúirte a rinne an tarchur go n‑eascraíonn sé as an gcuspóir maidir le cosaint dá dtagraítear in Airteagal 11(1)(b) agus in Airteagal 13 de Rialachán Uimh. 1215/2012 gurb é an páirtí atá lag i gcomparáid leis an árachóir ar ina choinne atá cás á thabhairt aige, agus an páirtí sin amháin, a bheidh in ann brath ar an bpribhléid sin um mhaolú ar an bprionsabal go mbeidh dlínse ag cúirteanna áit shainchónaí an chosantóra. Thairis sin, táthar á mhaoímh gur dhiúltaigh an Chúirt an fhéidearthacht sin a thabhairt d’fhoras slándála sóisialta agus do lucht gairme na hearnála árachais araon, gan beann ar a méid.  (<span class="note footnote notemarker">
<a id="c-8" href="#t-8">8</a>
</span>) Ní mór a chur as an áireamh go mbeadh riocht na laige mar sin i gceist i gcás inar Ballstát den Aontas é an t‑éilitheoir, is é sin le rá, eintiteas arna rialú ag an dlí idirnáisiúnta poiblí, a fortiori i gcás ina ndéanann sé sochair a sholáthar arb é atá i gceist leo, de bharr a gcineáil, sochair slándála sóisialta, agus ina ndéanann sé maoirseacht san earnáil árachais ina chríoch, mar is amhlaidh i gcás an iarratasóra sna príomhimeachtaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Dar leis an gcúirt a rinne an tarchur, braitheann substaint an achomhairc ar an gceist an raibh an ceart ag an gcúirt chéadchéime agus í ag diúltú dlínse i bhfianaise Airteagal 11(1)(b) agus Airteagal 13(2) de Rialachán Uimh. 1215/2012. Tugann sí faoi deara, i ndáil leis sin, nach gconspóideann na páirtithe sna príomhimeachtaí go bhfuil sé ar intinn ag Stát na Gearmáine, i gcomhréir leis na forálacha is infheidhme de dhlí na Spáinne  (<span class="note footnote notemarker">
<a id="c-9" href="#t-9">9</a>
</span>) agus ar bhonn sannadh ceart dá bhforáiltear le dlí sibhialta na Gearmáine,  (<span class="note footnote notemarker">
<a id="c-10" href="#t-10">10</a>
</span>) caingean dhíreach a thionscnamh i gcoinne na cuideachta árachais ina cháil mar árachóir na feithicle a bhí bainteach leis an tionóisc inar gortaíodh an státseirbhíseach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">I bhfianaise na n‑argóintí arna ndéanamh ag gach páirtí agus i bhfianaise staid an chásdlí náisiúnta,  (<span class="note footnote notemarker">
<a id="c-11" href="#t-11">11</a>
</span>) tá ceist á cur ag an gcúirt a rinne an tarchur lena bhfáil amach, maidir le Ballstát a thionscnaíonn, ina cháil mar fhostóir, caingean dhíreach i gcoinne árachóra ar bhonn seachaíocht dhlíthiúil maidir le cearta státseirbhísigh a bhí i dtionóisc, an bhféadfadh an Ballstát sin brath, in ainneoin go ngabhann nádúr an mhaolaithe leo, ar na rialacha speisialta maidir le dlínse in ábhair árachais a leagtar síos sa chaoi go mbeidís chun leasa maidir leis an ‘bpáirtí díobhálaithe’,  (<span class="note footnote notemarker">
<a id="c-12" href="#t-12">12</a>
</span>) le forálacha comhcheangailte Airteagal 11(1)(b) agus Airteagal 13(2) de Rialachán Uimh. 1215/2012, arna léamh i bhfianaise aithrisí 15 agus 18 den Rialachán sin. Leagann an chúirt sin béim ar an stádas dlíthiúil ar leith atá ag an bhfostóir sin i gcomhthéacs na díospóide sna príomhimeachtaí, atá faoi réir an dlí idirnáisiúnta phoiblí freisin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Sna himthosca sin, chinn Landgericht München I (Cúirt Dúiche I, München) bac a chur ar na himeachtaí agus an cheist seo a leanas a tharchur chuig an gCúirt Bhreithiúnais le haghaidh réamhrialú:</p>
</td>
</tr>
</table>
    <p class="C02AlineaAltA" id="para-42" title="page-7">
      ‘An gcaithfear Airteagal 13(2) de Rialachán [Uimh. 1215/2012], arna léamh i gcomhar le hAirteagal 11(1)(b) den Rialachán céanna, a léiriú sa chaoi go bhféadfaidh Ballstát den Aontas Eorpach a lean ar aghaidh, mar fhostóir, ag íoc tuarastail le státseirbhíseach a bhí faoi éagumas oibre (go sealadach) tar éis tionóisc bhóthair agus atá seachaithe maidir le cearta an státseirbhísigh sin i gcoinne na cuideachta, atá bunaithe i mBallstát eile, lena bhfuil árachas dliteanais shibhialta don fheithicil a bhí i dtionóisc, cás a thabhairt, mar “pháirtí díobhálaithe” de réir bhrí na chéad fhorála sin, i gcoinne na cuideachta árachais sin os comhair na cúirte in áit chónaithe an státseirbhísigh sin atá faoi éagumas oibre, i gcás ina gceadaítear caingne díreacha den sórt sin?’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Chuir Stát na Gearmáine, an chuideachta árachais, Rialtas na Spáinne agus an Coimisiún barúlacha i scríbhinn isteach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Anailís</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Leanann sé ó léamh comhcheangailte ar Airteagal 11(1)(b) agus Airteagal 13(2) de Rialachán Uimh. 1215/2012, i gcás ina gceadaítear caingean dhíreach arna tionscnamh ag an bpáirtí díobhálaithe i gcoinne an árachóra,  (<span class="note footnote notemarker">
<a id="c-13" href="#t-13">13</a>
</span>) go bhféadfar an dlí a agairt i mBallstát amháin ar an árachóir a bhfuil sainchónaí air i mBallstát eile, os comhair chúirt áit shainchónaí an éilitheora.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Leis na forálacha sin, a bhaineann go sonrach le hearnáil an árachais,  (<span class="note footnote notemarker">
<a id="c-14" href="#t-14">14</a>
</span>) leagtar síos maolú,  (<span class="note footnote notemarker">
<a id="c-15" href="#t-15">15</a>
</span>) mar sin, ar an bprionsabal go bhfuil dlínse ag na cúirteanna áit shainchónaí an chosantóra,  (<span class="note footnote notemarker">
<a id="c-16" href="#t-16">16</a>
</span>) mar is léir go háirithe ó aithris 15, Airteagal 4(1) nó Airteagal 11(1)(a) de Rialachán Uimh. 1215/2012. Trína bheith níos fabhraí don iarratasóir, le hAirteagal 11(1)(b) agus le hAirteagal 13(2) den Rialachán sin, tá an cuspóir maidir leis an bpáirtí is laige a chosaint á shaothrú.  (<span class="note footnote notemarker">
<a id="c-17" href="#t-17">17</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Ina breithiúnas MMA IARD, rialaigh an Chúirt Bhreithiúnais ar chás ar leith a bhí prima facie an‑chosúil leis an gcás sa tarchur chun réamhrialú seo. Chinn sí, dá bhrí sin, maidir le fostóir atá bunaithe i mBallstát amháin, a lean ar aghaidh ag íoc thuarastail a fhostaí a bhí as láthair mar thoradh ar thionóisc bhóthair, atá seachaithe maidir lena chearta sin i gcoinne na cuideachta lena bhfuil árachas i gcoinne dliteanas sibhialta a eascraíonn as an bhfeithicil a bhí sa tionóisc sin, atá bunaithe i mBallstát eile, go bhféadfadh an fostóir sin, ina cháil mar ‘íospartach’, de réir bhrí Airteagal 11(2) de Rialachán Uimh. 44/2001, cás a thabhairt i gcoinne na cuideachta árachais sin os comhair chúirteanna an chéad Bhallstáit, i gcás ina gceadaítear caingean dhíreach a thabhairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Fiafraíonn an chúirt a rinne an tarchur an féidir an réiteach sin a thrasuí don díospóid sna príomhimeachtaí, cé gur Ballstát é an fostóir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Maidir leis an gcuideachta árachais, áitíonn sí sin nach bhfuil Stát na Gearmáine, i gcomhthéacs na díospóide sna príomhimeachtaí, ag gníomhú mar fhostóir, ach mar eintiteas atá faoi rialú an dlí idirnáisiúnta phoiblí. Ní fhéadfadh eintiteas den sórt sin brath ar na rialacha speisialta dlínse a leagtar síos i Rialachán Uimh. 1215/2012, maítear.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Ar dtús, ní mór diúltú don argóint sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Níl sé d’éifeacht ag stádas an fhostóra mar Stát – agus ní fhéadfadh sé a bheith d’éifeacht aige – go ndéantar cineál na n‑imeachtaí arna dtionscnamh a athrú nó seasamh an chosantóra a lagú. Ní chonspóidtear gur imeachtaí sibhialta iad na príomhimeachtaí. Murab amhlaidh a bhí, ní bheadh feidhm ag Rialachán Uimh. 1215/2012, thairis sin.  (<span class="note footnote notemarker">
<a id="c-18" href="#t-18">18</a>
</span>) Mar atá luaite ag Stát na Gearmáine ina phléadálacha i scríbhinn,  (<span class="note footnote notemarker">
<a id="c-19" href="#t-19">19</a>
</span>) tá feidhm ag na rialacha nós imeachta céanna ina leith i gcomhthéacs na caingne a tionscnaíodh i gcoinne na cuideachta árachais. Tá sé faoi cheangal a chearta a dhearbhú i gcoinne na cuideachta i ngnáthimeachtaí sibhialta, mar a bheadh fostóir ar bith atá seachaithe maidir le cearta a fhostaí. Ní mór go ndéanfadh dlíodóir ionadaíocht thar cheann Stát na Gearmáine agus d’fhéadfadh sé, de réir mar a tharlaíonn sé, a bheith ina pháirtí caillteach, amhail páirtí ar bith eile. Mar atá curtha in iúl ag Rialtas na Spáinne, agus an ceart aige, ina bharúlacha i scríbhinn, i gcás ina dtionscnaíonn Ballstát caingean i mBallstát eile faoi na rialacha dlínse a leagtar síos le Rialachán Uimh. 1215/2012, is amhlaidh go bhfuil sé ag gníomhú mar dhuine ar bith a bhfuil an seasamh sin aige faoi fhorálacha an Rialacháin sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Contrártha leis an méid a mhaíonn an chuideachta árachais, is ina cháil aonair mar fhostóir íospartach na tionóisce bhóthair atá Stát na Gearmáine ag gníomhú,  (<span class="note footnote notemarker">
<a id="c-20" href="#t-20">20</a>
</span>) gan bheith in ann brath ar aon phribhléid ná cumhacht lasmuigh den ghnáthdhlí. Dá réir sin, maidir leis an riocht a ndearna an chuideachta sin cur síos air ina barúlacha, ina bhfuil éagothroime neamhnáireach i bhfabhar an Stáit is fostóir, feictear dom nach mór é a fheiceáil ina cheart, ós rud é – deirim arís é – nach bhfuil Stát na Gearmáine ag gníomhú anseo mar ábhar den dlí idirnáisiúnta poiblí a fheidhmíonn a chumhachtaí mar údarás poiblí (acta iure imperii), ach go díreach agus go docht mar fhostóir atá seachaithe maidir le cearta a státseirbhísigh atá mar íospartach i dtionóisc bhóthair (acta iure gestionis).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Dá bhrí sin, tá Stát na Gearmáine ag gníomhú, i gcomhthéacs na díospóide sna príomhimeachtaí, ina cháil mar fhostóir poiblí. Dá ndéanfadh an chúirt a rinne an tarchur an breithiúnas in MMA IARD a thrasuí chuig an iarratasóir áirithe sin, measann sí go bhféadfadh sé a bheith deacair cur chuige den sórt sin a réiteach le breithiúnais eile ón gCúirt ina ndearna an Chúirt fíorú praiticiúil ar an ngá atá le cosaint don pháirtí a meastar gurb é an páirtí is laige é sula ligfeadh sí dó tairbhe a bhaint as na rialacha speisialta maidir le dlínse agus inar chuir sí as an áireamh, inter alia, go bhféadfadh foras slándála sóisialta nó duine de lucht gairme in earnáil an árachais brath ar an forum actoris.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Sna himthosca sin, beidh orm, ar dtús, dul siar go mion ar an gcásdlí a bhfuiltear ag brath air. Ní mór ina dhiaidh sin iarmhairtí na hanailíse sin a bhaint don chás áirithe inar Stát é an fostóir atá seachaithe. Ar deireadh, nuair a bheidh sé bunaithe agam go bhféadfaidh Stát na Gearmáine, dar liom, brath ar na rialacha speisialta maidir le dlínse in ábhair a bhaineann le hárachas in imthosca na díospóide sna príomhimeachtaí, beidh sé fós le cinneadh cén chúirt ar gá a chaingean a thabhairt os a comhair.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Staid an chásdlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Mar réamhphointe, meabhraím duit go bhfuil Airteagal 11(1)(b) agus Airteagal 13(2) de Rialachán Uimh. 1215/2012 mar fhorálacha a mheastar a bheith coibhéiseach le hAirteagal 9(1)(b) agus le hAirteagal 11(2) de Rialachán Uimh. 44/2001, ós rud é go ndéantar athrá, le foclaíocht na chéad Airteagal, ar fhoclaíocht an dara ceann faoi seach, go bunúsach. Dá réir sin, tá an léiriú a rinne an Chúirt cheana féin ar fhorálacha Rialachán Uimh. 44/2001 bailí go fóill i ndáil le forálacha coibhéiseacha Rialachán Uimh. 1215/2012.  (<span class="note footnote notemarker">
<a id="c-21" href="#t-21">21</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Tá dhá threocht i gcásdlí na Cúirte aitheanta ag an gcúirt a rinne an tarchur as a dtiocfadh an chonclúid, dá gcuirfí i bhfeidhm iad sa chás reatha, nach bhféadfadh Stát is fostóir brath ar an forum actoris dá bhforáiltear le forálacha speisialta Rialachán Uimh. 1215/2012 maidir le hábhar a bhaineann le hárachas, nó as a dtiocfadh a mhalairt ar fad de chonclúid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Sa chéad treocht, chinn an Chúirt, go bunúsach, nach mór léiriú a dhéanamh ar Airteagal 9(1)(b) agus ar Airteagal 11(2) de Rialachán Uimh. 44/2001 sa chaoi nach bhféadfaidh foras slándála sóisialta arb é an t‑aistrí dlíthiúil maidir le cearta an duine dá ndearnadh díobháil go díreach i dtionóisc ghluaisteáin, caingean dhíreach a thabhairt os comhair chúirteanna a Bhallstáit bunaíochta i gcoinne árachóir an duine a líomhnaítear a bheith freagrach as an tionóisc sin, atá bunaithe i mBallstát eile.  (<span class="note footnote notemarker">
<a id="c-22" href="#t-22">22</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Tháinig an Chúirt ar an gconclúid sin i ndiaidh réasúnaíocht bunaithe ar léiriú córasach teileolaíoch ar Rialachán Uimh. 44/2001,  (<span class="note footnote notemarker">
<a id="c-23" href="#t-23">23</a>
</span>) agus meabhrúchán faoi chineál maolaithe na bhforálacha a ndearnadh anailís orthu.  (<span class="note footnote notemarker">
<a id="c-24" href="#t-24">24</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Ina dhiaidh sin, shonraigh an Chúirt an méid seo a leanas: ‘ós rud é gurb é an cosaint an fheidhm a chomhlíontar leis na forálacha sin fágtar nach leathnófar cur i bhfeidhm na rialacha speisialta maidir le dlínse [...] chuig daoine nach bhfuil údar maith leis an gcosaint sin ina leith’ [Aistriúchán neamhoifigiúil].  (<span class="note footnote notemarker">
<a id="c-25" href="#t-25">25</a>
</span>) Sa chás sin, níor áitíodh gurbh é an foras slándála sóisialta an páirtí ní ba laige ó thaobh na heacnamaíochta de agus gur lú a chuid taithí ar chúrsaí dlí ná taithí an árachóra agus nach raibh údar le cosaint speisialta maidir leis an gcaidreamh idir gairmithe in earnáil an árachais.  (<span class="note footnote notemarker">
<a id="c-26" href="#t-26">26</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Agus an méid sin á dhéanamh aici, shonraigh an Chúirt go soiléir go bhféadfadh aistrí dlíthiúil ar chearta an pháirtí dá ndearnadh díobháil go díreach leas a bhaint as na rialacha speisialta i gceist maidir le dlínse, ar choinníoll go bhféadfaí an t‑aistrí sin a mheas mar an páirtí is laige.  (<span class="note footnote notemarker">
<a id="c-27" href="#t-27">27</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Ar deireadh, chun tacú lena réasúnaíocht, mheabhraigh an Chúirt a cásdlí a eascraíonn as breithiúnas an 15 Eanáir 2004, Blijdenstein,  (<span class="note footnote notemarker">
<a id="c-28" href="#t-28">28</a>
</span>) ar dá réir nach bhféadfadh comhlacht poiblí, faoi na rialacha speisialta maidir le dlínse arna leagan síos le Coinbhinsiún na Bruiséile,  (<span class="note footnote notemarker">
<a id="c-29" href="#t-29">29</a>
</span>) caingean le haghaidh slánaíochta a thabhairt os comhair chúirteanna an Stáit Chonarthaigh ina bhfuil sé bunaithe chun suimeanna a d’íoc sé, faoin dlí poiblí, le creidiúnaí cothabhála a bhfuil sé seachaithe maidir lena chearta, i gcoinne an fhéichiúnaí cothabhála a bhfuil sainchónaí air i Stát Conarthach eile, a mhéid nach páirtí lag é an comhlacht sin le hais an fhéichiúnaí cothabhála sin.  (<span class="note footnote notemarker">
<a id="c-30" href="#t-30">30</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">I gcomhthéacs eile, chinn an Chúirt, tar éis di a mheabhrú ‘nach bhfuil údar le cosaint speisialta i gcás inar daoine den lucht gairme in earnáil an árachais iad na páirtithe lena mbaineann, nach féidir a thoimhdiú go bhfuil aon duine acu lag i gcomparáid leis an duine eile’,  (<span class="note footnote notemarker">
<a id="c-31" href="#t-31">31</a>
</span>)nach mór léiriú a dhéanamh ar Airteagal 13(2) de Rialachán Uimh. 1215/2012, arna léamh i gcomhar le hAirteagal 11(1)(b) den Rialachán sin, sa chaoi nach féidir le duine nádúrtha brath air, arb éard atá i gceist lena gníomhaíocht ghairmiúil an duine sin ná éilimh ar chúiteamh a aisghabháil ó árachóirí, agus a bhíonn ag brath ar chonradh chun éilimh a shannadh arna thabhairt i gcrích le híospartach i dtionóisc bhóthair, chun caingean i ndliteanas sibhialta a thabhairt i gcoinne árachóir an té atá freagrach as an tionóisc sin, a bhfuil a shuíomh i mBallstát nach an Ballstát ina bhfuil sainchónaí ar an bpáirtí díobhálaithe, os comhair cúirt de chuid an Bhallstáit dheireanaigh sin.  (<span class="note footnote notemarker">
<a id="c-32" href="#t-32">32</a>
</span>) [Aistriúchán neamhoifigiúil] Le cinneadh den sórt sin ní dhéantar difear do riocht an pháirtí a mheastar a bheith níos laige ó thaobh nós imeachta de ós rud é gur caidreamh dlíthiúil idir beirt ghairmithe atá i gceist.  (<span class="note footnote notemarker">
<a id="c-33" href="#t-33">33</a>
</span>) Maidir le measúnú cás ar chás i dtaobh na ceiste an bhféadfaí duine den lucht gairme a mheas mar ‘an páirtí is laige’ chun teacht faoin gcoincheap ‘[p]áirtí díobhálaithe’, de réir bhrí Airteagal 13(2) de Rialachán Uimh. 1215/2012, trí bhaol éiginnteachta dlíthiúla a chruthú, bheadh measúnú mar sin bunoscionn le cuspóir an Rialacháin sin.  (<span class="note footnote notemarker">
<a id="c-34" href="#t-34">34</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Sa dara treocht, rialaigh an Chúirt, sa bhreithiúnas in MMA IARD, ar an gceist ar ghá léiriú a dhéanamh ar Airteagal 9(1)(b) de Rialachán Uimh. 44/2001, arna léamh i gcomhar le hAirteagal 11(2) den Rialachán sin, sa chaoi go bhféadfadh fostóir, a lean ar aghaidh ag íoc thuarastail a fhostaí fad nach raibh an fostaí, a bhí i dtionóisc bhóthair, ar fáil, cás a thabhairt i gcoinne árachóir dhliteanas sibhialta na feithicle ba chúis leis an tionóisc os comhair chúirteanna an Bhallstáit ina bhfuil an fostóir bunaithe, i gcás ina gceadaítear caingean dhíreach a thabhairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Chinn an Chúirt go bhféadfadh ‘fostóir, atá bunaithe i mBallstát amháin, a lean ar aghaidh ag íoc thuarastail a fhostaí a bhí as láthair mar thoradh ar thionóisc bhóthair agus atá seachaithe maidir lena chearta sin i gcoinne na cuideachta lena bhfuil árachas dliteanais shibhialta don fheithicil a bhí sa tionóisc sin, atá bunaithe i mBallstát eile, ina cháil mar ‘íospartach’, de réir bhrí [Airteagal 11(2) de Rialachán Uimh. 44/2001], cás a thabhairt i gcoinne na cuideachta árachais sin os comhair chúirteanna an chéad Bhallstáit sin, i gcás ina gceadaítear caingne díreacha den sórt sin’.  (<span class="note footnote notemarker">
<a id="c-35" href="#t-35">35</a>
</span>) [Aistriúchán neamhoifigiúil]</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Chun teacht ar an gconclúid sin, chuir an Chúirt in iúl, ar an gcéad dul síos, go bhfuil míchothromaíocht áirithe idir na páirtithe mar shaintréith de chaingne in ábhair a bhaineann le hárachas agus go bhféachtar le forálacha Chaibidil II, Roinn 3, de Rialachán Uimh. 44/2001, a bhaineann le dlínse sna hábhair sin, an mhíchothromaíocht sin a cheartú trí ligean don pháirtí is laige leas a bhaint as rialacha dlínse atá níos fabhraí dá leasanna ná na rialacha ginearálta.  (<span class="note footnote notemarker">
<a id="c-36" href="#t-36">36</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Ansin, scrúdaigh an Chúirt an cheist an dtagann fostóir atá seachaithe maidir le cearta an duine dá ndearnadh díobháil go díreach faoin gcoincheap ‘íospartach’ de réir bhrí Airteagal 11(2) de Rialachán Uimh. 44/2001.  (<span class="note footnote notemarker">
<a id="c-37" href="#t-37">37</a>
</span>) Tar éis di a chinneadh go mbaineann Airteagal 9(1)(b) den Rialachán sin, go bunúsach, le daoine dá ndearnadh díobháil gan an díobháil a bheith déanta dóibh go díreach,  (<span class="note footnote notemarker">
<a id="c-38" href="#t-38">38</a>
</span>) shonraigh an Chúirt, sa deireadh, ‘dá ndéanfaí measúnú cás ar chás i dtaobh an bhféadfaí an fostóir a lean ar aghaidh ag íoc tuarastail a mheas mar ‘an páirtí is laige’ chun bheith in ann teacht faoin gcoincheap ‘íospartach’, de réir bhrí Airteagal 11(2) de Rialachán Uimh. 44/2001, leis sin, chruthófaí baol éiginnteachta dlíthiúla agus bheadh sé sin bunoscionn le cuspóir an Rialacháin sin, a leagtar amach in aithris 11 de, ar dá réir nach mór go mbeadh na rialacha dlínse an‑intuartha’.  (<span class="note footnote notemarker">
<a id="c-39" href="#t-39">39</a>
</span>) [Aistriúchán neamhoifigiúil]</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Dhearbhaigh an Chúirt, dá bhrí sin, ‘go bhféadfaidh fostóirí atá seachaithe maidir le cearta a bhfostaithe chun cúitimh, i gcáil daoine ar bhain damáiste dóibh agus beag beann ar a méid nó a bhfoirm dhlíthiúil, brath ar na rialacha speisialta maidir le dlínse a leagtar síos in Airteagail 8 go 10 den Rialachán sin’.  (<span class="note footnote notemarker">
<a id="c-40" href="#t-40">40</a>
</span>)[Aistriúchán neamhoifigiúil] Dá bhrí sin, féadfaidh fostóir atá seachaithe maidir le cearta fostaí is íospartach i dtionóisc bhóthair, ar lean sé ar aghaidh ag íoc a tuarastail, i gcáil ‘íospartach’, cás a thabhairt i gcoinne árachóir na feithicle a bhí sa tionóisc sin os comhair chúirteanna an Bhallstáit ina bhfuil sé bunaithe,  (<span class="note footnote notemarker">
<a id="c-41" href="#t-41">41</a>
</span>) i gcás ina gceadaítear caingean dhíreach a thabhairt.  (<span class="note footnote notemarker">
<a id="c-42" href="#t-42">42</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Cás an Bhallstáit is fostóir</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Sa bhreithiúnas in MMA IARD, ghlac an Chúirt seasamh soiléir trí dhiúltú go sainráite do mheasúnú cás ar chás ar riocht an fhostóra atá seachaithe maidir le cearta a fhostaí, mar smaoineamh,  (<span class="note footnote notemarker">
<a id="c-43" href="#t-43">43</a>
</span>) ar fostóir a d’fhéadfadh, dá bhrí sin, brath, in aon chás fad go bhfuil ag gníomhú dó sa cháil sin, ar na rialacha speisialta maidir le dlínse a leagtar síos, in ábhair a bhaineann le hárachas, le Rialachán Uimh. 44/2001. Cuireadh in iúl arís go raibh measúnú den sórt á dhiúltú sin i gcásdlí na Cúirte ina dhiaidh sin.  (<span class="note footnote notemarker">
<a id="c-44" href="#t-44">44</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Dá bhrí sin, chun an cuspóir maidir le hardleibhéal intuarthachta, atá á shaothrú le forálacha Rialachán Uimh. 44/2001, a bhaint amach, féadfar brath ar na rialacha speisialta maidir le dlínse, atá dírithe ar earnáil an árachais agus atá ceaptha chun na páirtithe is laige a chosaint, gan riocht na laige sin a fhíorú go sonrach. Mar sin is leor, i ndáil leis sin, gur daoine a thagann faoi raon feidhme ratione personae na bhforálacha sin a bheadh ag brath orthu, is é sin le rá, sealbhóir an pholasaí, an t‑árachaí, an tairbhí nó an páirtí díobhálaithe.  (<span class="note footnote notemarker">
<a id="c-45" href="#t-45">45</a>
</span>) As foclaíocht leathan chatagóirí na dtairbhithe sin, ní eascraíonn aon cheanglas maidir lena laige eacnamaíoch nó dhlíthiúil a fhíorú.  (<span class="note footnote notemarker">
<a id="c-46" href="#t-46">46</a>
</span>) Cé go bhfuil an ceart ag an gcuideachta árachais, arb í an cosantóir sna príomhimeachtaí í, agus í ag áitiú nach mór maoluithe ar an bprionsabal go mbeidh dlínse ag cúirt áit shainchónaí an chosantóra a léiriú go docht, ní mór a lua mar sin féin, sa chás seo, gurb í foclaíocht na heisceachta féin atá leathan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Agus an rialú sin á thabhairt aici, ní mór gur ghlac an Chúirt leis an bhféidearthacht go mbeadh fostóir nach bhfuil i riocht na ‘laige’ le hais an árachóra in ann brath ar na rialacha sin, ós rud é, nach bhféadfaí, le méid ná le foirm dhlíthiúil an fhostóra, go mbeadh féidearthacht den sórt sin á tabhairt faoi cheist.  (<span class="note footnote notemarker">
<a id="c-47" href="#t-47">47</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">I gcroílár na tagartha seo le haghaidh réamhrialú, iarrtar ar an gCúirt freagra a thabhairt ar an gceist an féidir an réiteach ar tháinig sí air ina breithiúnas in MMA IARD a chur i bhfeidhm i gcás inar Stát é an fostóir atá seachaithe maidir le cearta íospartach na tionóisce bóithre a thug cás i gcoinne árachóir freagracht shibhialta thiománaí na feithicle ba chúis leis an tionóisc os comhair cúirteanna dá chuid féin d’fhonn aisíocaíocht a fháil ar an tuarastal a íocadh le linn na tréimhse nach raibh a státseirbhíseach ar fáil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">I bhfianaise na mbreithnithe sin roimhe seo, ní mór, i mo thuairimse, freagra dearfach a thabhairt ar an gceist sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Tá trí shraith argóintí ann chomh maith leis sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Ar an gcéad dul síos, ba mhaith liom a chur in iúl gur duine dlítheanach faoi rialú an dlí phoiblí cheana féin é an fostóir a bhí i gceist sa bhreithiúnais in MMA IARD, eadhon eagraíocht a raibh cúig ospidéal phoiblí á mbainistiú aici.  (<span class="note footnote notemarker">
<a id="c-48" href="#t-48">48</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Ar an dara dul síos, sa mhéid a bhaineann leis an gcomhthéacs reachtach, meabhraím duit go bhfuil forálacha Rialachán Uimh. 1215/2012 a ndearna an chúirt a rinne an tarchur tagairt dóibh ina ceist le haghaidh réamhrialú coibhéiseach  (<span class="note footnote notemarker">
<a id="c-49" href="#t-49">49</a>
</span>) leis na forálacha a léirigh an Chúirt in MMA IARD agus nach ea gur cailleadh an tábhacht a ghabhann le cuspóir na hintuarthachta sa Rialachán sin.  (<span class="note footnote notemarker">
<a id="c-50" href="#t-50">50</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Ar an tríú dul síos, i bhfianaise an chinnidh a rinne an Chúirt i mír 35 den bhreithiúnas in MMA IARD, le cineál dlíthiúil ar leith an fhostóra (Stát na Gearmáine) ní chuirtear cosc i bhfeidhm ionas nach féidir brath ar na rialacha speisialta maidir le dlínse in ábhair a bhaineann le hárachas agus an t‑árachóir a thabhairt os comhair chúirteanna na Gearmáine. Bhunaigh an Chúirt, sa bhreithiúnas sin, cineál toimhde  (<span class="note footnote notemarker">
<a id="c-51" href="#t-51">51</a>
</span>) faoina mbeidh an fostóir atá seachaithe, a luaithe a bheidh sé ar intinn aige a chearta a dhearbhú i gcoinne cuideachta árachais sa cháil sin, in ann brath ar na rialacha speisialta sin maidir le dlínse a leagtar síos leis an reachtaíocht thánaisteach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Tá an cur chuige sin bunaithe, i mo thuairimse, ar an smaoineamh go mbíonn ar an bhfostóir seachaithe, i gcás den sórt sin, caingean a thabhairt i gcoinne cosantóir atá, ina cháil mar árachóir, i bhfad níos cleachtaithe, ar ndóigh, i ndáil le díospóidí a bhaineann le cúrsaí árachais.  (<span class="note footnote notemarker">
<a id="c-52" href="#t-52">52</a>
</span>) Dá bhrí sin, meastar i gcónaí go bhfuil an fostóir, sa cháil aonair sin, i riocht na laige.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Tá sé loighciúil ar bealach, dá bhrí sin, síneadh ama a chur leis an bhficsean maidir leis an riocht laige beagnach institiúideach d’fhigiúr an fhostóra, fiú i gcás inar Stát é an fostóir sin nach ngníomhaíonn ach mar fhostóir atá seachaithe maidir le cearta a fhostaí, a gortaíodh. Is toradh é sin ar an rogha arna glacadh ag an gCúirt, ós rud é gur chuir sí as an áireamh aon mheasúnú cás ar chás ar riocht laige an fhostóra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Agus mé ag moladh don Chúirt seasamh uastach a choinneáil, tá sé á dheimhniú agam, ag an am céanna, go gcumhdófar gach cás ina bhfuil an fostóir i bhfíor-riocht na laige. Dá bhrí sin, aontaím leis an mbarúil arna chur in iúl ag an Abhcóide Ginearálta Bobek ina Thuairim in MMA IARD (<span class="note footnote notemarker">
<a id="c-53" href="#t-53">53</a>
</span>) a ‘[lean air] ag smaoineamh, go [mba] réasúnaí an réiteach “cuimsitheacht iomarcach” de pháirtithe áirithe ó am go chéile ná anailís cás ar chás ar chóimheas neart na bpáirtithe, lena gcruthaítear fadhbanna sa chleachtas’.  (<span class="note footnote notemarker">
<a id="c-54" href="#t-54">54</a>
</span>) Trína dhearbhú nach gá measúnú cás ar chás a dhéanamh ar riocht na laige, áirithítear go gcomhlíontar an dá chuspóir a shaothraítear le Rialachán Uimh. 1215/2012 eadhon, ar an gcéad dul síos, an páirtí is laige a chosaint agus, ar an dara dul síos, ardleibhéal intuarthachta a ráthú maidir leis na rialacha dlínse.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Maidir leis an argóint a mhaíonn an chuideachta árachais, an cosantóir sna príomhimeachtaí, go bhfuil sí dá tarraingt ó bhreithiúnas an 15 Eanáir 2004, Blijdenstein,  (<span class="note footnote notemarker">
<a id="c-55" href="#t-55">55</a>
</span>) feictear dom go bhfuil análaí le fíorais an cháis sin teoranta, ós rud é, ar an gcéad dul síos, nár bhain an breithiúnas sin leis an gcóras uathrialach maidir le dlínse a deighilt in ábhair a bhaineann le hárachas agus, ar an dara dul síos, go raibh cineál an éilimh go hiomlán difriúil ós rud é, sa bhreithiúnas sin, gur bhain sé le cúnamh de chineál sóisialta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Dá bhrí sin, leanann sé ó mo chuid anailíse nach mór Ballstát a leanann ar aghaidh, ina cháil mar fhostóir, ag íoc a tuarastail le státseirbhíseach a bhí faoi éagumas oibre mar thoradh ar thionóisc bhóthair agus atá seachaithe maidir le cearta an státseirbhísigh sin gcoinne cuideachta árachais atá bunaithe i mBallstát eile, lena bhfuil árachas dliteanais shibhialta don fheithicil a bhí sa tionóisc sin, a mheas mar an ‘[p]áirtí díobhálaithe’, chun críocha Airteagal 13(2) de Rialachán Uimh. 1215/2012, a fhéadfaidh brath ar na rialacha speisialta maidir le dlínse a leagtar síos leis an bhforáil sin, dá bhforáiltear i gcomhar le hAirteagal 11(1)(b) den Rialachán sin, chun cás a thabhairt i gcoinne na cuideachta sin i gcomhthéacs caingean atá beartaithe chun ceangal a chur uirthi an tuarastal a íocadh a aisíoc os comhair a chúirteanna féin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Agus dlínse idirnáisiúnta chúirteanna an Bhallstáit fostaíochta suite, tá roinnt soiléirithe fós le tabhairt maidir le dlínse chríche.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Dlínse chríche i gcás seachaíochta</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Is léir ón iarraidh ar réamhrialú go bhfuil sainchónaí in München ar an oifigeach a bhí sa tionóisc bhóthair sa Spáinn. Bíonn sí ag obair ag Oifig Paitinne agus Trádmharcanna na Gearmáine, a bhfuil a suíomh aici – mura bhfuil dul amú orm, rud a bheidh le fíorú ag an gcúirt a rinne an tarchur – in München. Thug Stát na Gearmáine a chaingean ag an gcéad chéim os comhair Amtsgericht München (an Chúirt Dúiche, München). Dealraíonn sé go bhfuil dlínse chríche ag an gcúirt sin, is cuma cé acu atá mar bhonn, áit chónaithe an íospartaigh, nó an áit ina bhfuil ‘suíomh’ an fhostóra bunaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">Sna himthosca sin, níl gá láithreach leis na hargóintí seo a leanas don chúirt a rinne an tarchur chun an díospóid atá ar feitheamh os a comhair a réiteach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Mar sin féin, tá dhá chúis do mo spreagadh chun dul níos faide.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Ar an gcéad dul síos, shainaithin an chúirt a rinne an tarchur agus na páirtithe leasmhara a ghlac páirt sa nós imeachta i scríbhinn os comhair na Cúirte ‘an’ chúirt a bhfuil dlínse chríche aici ar bhealaí éagsúla. Dá réir sin, baineann foclaíocht na ceiste a tharchuirtear le haghaidh réamhrialú leis an bhféidearthacht go dtabharfadh an Stát fostaíochta seachaithe cás i gcoinne na cuideachta árachais os comhair na cúirte in áit chónaithe an státseirbhísigh sin atá faoi éagumas oibre. D’áitigh Stát na Gearmáine, ina bharúlacha i scríbhinn, gur cheart go mbeadh an fostóir atá seachaithe maidir le cearta a státseirbhísigh in ann caingean a thabhairt os comhair na cúirte céanna leis an gcúirt a bhféadfadh cás a bheith tugtha os comhair ar dtús ag an státseirbhíseach sin faoi Airteagal 13(2), arna léamh i gcomhar le hAirteagal 11(1)(b), de Rialachán Uimh. 1215/2012 agus a chaingean a thabhairt os comhair na cúirte in áit chónaithe an státseirbhísigh. Chuir an chuideachta árachais i gcoinne glacadh leis an bhféidearthacht go dtabharfaí cás ina choinne ar dtús os comhair chúirt shuíomh an údaráis riaracháin roimh, ar deireadh, chúirt shainchónaí an státseirbhísigh.  (<span class="note footnote notemarker">
<a id="c-56" href="#t-56">56</a>
</span>) Níor thagair Rialtas na Spáinne ach do chúirteanna ‘seachas cúirteanna shainchónaí an chosantóra’.  (<span class="note footnote notemarker">
<a id="c-57" href="#t-57">57</a>
</span>) Chuir an Coimisiún anailís níos mionsaothraithe ar fáil don Chúirt tríd an idirdhealú seo a leanas a mholadh. Más gá an fostóir a mheas mar an ‘[p]áirtí díobhálaithe’ de réir bhrí Airteagal 13(2) de Rialachán Uimh. 1215/2012, beidh dlínse ag na cúirteanna san áit ina bhfuil sainchónaí ar an bhfostóir. Mura bhfuil an fostóir ach seachaithe maidir le cearta a fhostaí, ansin beidh dlínse ag cúirt na háite ina bhfuil sainchónaí ar an bhfostaí sin an chaingean dhíreach a tionscnaíodh a éisteacht. Chun críche an díospóid sna príomhimeachtaí a réiteach, áitíonn an Coimisiún go bhféadfaidh an Ballstát fostaíochta seachaithe cás a thabhairt in aghaidh na cuideachta árachais os comhair cúirt shainchónaí an státseirbhísigh atá faoi éagumas oibre, i gcás ina gceadaítear caingean dhíreach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Ar an dara dul síos, in MMA IARD, níor rialaigh an Chúirt, gan bheith ach ag tagairt ar bhealach an‑ghinearálta do chúirteanna an Bhallstáit ina bhfuil an fostóir bunaithe,  (<span class="note footnote notemarker">
<a id="c-58" href="#t-58">58</a>
</span>) ach ar cheist na dlínse idirnáisiúnta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Mar réamhphointe, meabhraím duit mar sin, cé go dtagann teorannú dhlínse na cúirte ina bhfuil sainchónaí ar an iarratasóir, de réir bhrí Airteagal 11(1)(b) de Rialachán Uimh. 1215/2012, i bprionsabal, faoi dhlínse eagraíochtúil an Bhallstáit lena mbaineann an chúirt sin,  (<span class="note footnote notemarker">
<a id="c-59" href="#t-59">59</a>
</span>) gur aithin an Chúirt, leis an bhforáil sin, ‘go bhféachtar le cúirt ar leith laistigh de Bhallstát a ainmniú go díreach, gan tagairt a dhéanamh do na rialacha maidir le leithdháileadh dlínse críche atá i bhfeidhm sa Bhallstát sin, agus dá bhrí sin, ní hamháin dlínse idirnáisiúnta ach dlínse chríche na cúirte sin a chinneadh freisin, sna cásanna a chumhdaítear leis an bhforáil sin’.  (<span class="note footnote notemarker">
<a id="c-60" href="#t-60">60</a>
</span>) [Aistriúchán neamhoifigiúil]</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">É sin ráite, measaim nach mór diúltú d’argóint an Choimisiúin ag an tús. Chinn an Chúirt cheana féin, go han‑soiléir, gur ‘[p]áirtí díobhálaithe’ é an fostóir seachaithe féin de réir bhrí Airteagal 13(2) de Rialachán Uimh. 1215/2012.  (<span class="note footnote notemarker">
<a id="c-61" href="#t-61">61</a>
</span>) Dá bhrí sin, féadfaidh an fostóir seachaithe sin, a thagann faoi raon feidhme na forála sin, a bheith faoi réir na rialach in Airteagal 11(1)(b) den Rialachán sin, ar dá réir a fhéadfaidh sé, ina cháil mar éilitheoir, cás a thabhairt i gcoinne an árachóra i gcúirteanna na háite ina bhfuil sainchónaí air. Is leor léiriú liteartha ar an dá fhoráil sin, dar liom, chun teacht ar an gconclúid sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Ní aontaím leis an gCoimisiún agus é ag áitiú nach cearta dá chuid féin iad cearta an eintitis sheachaithe agus nach n‑eascródh cearta de chuid an duine sheachaithe i dtéarmaí dlínse astu dá bhrí sin atá neamhspleách ar chearta an íospartaigh dhírigh. Is é an fostóir seachaithe an t‑aon pháirtí atá in ann brath ar na cearta a eascraíonn as an tseachaíocht. Ina theannta sin, tá sé cuimsithe i gcatagóir na dtairbhithe de na rialacha speisialta maidir le dlínse in ábhair a bhaineann le hárachas ina cháil mar ‘[ph]áirtí díobhálaithe’ ar bhonn aitheantas ar an díobháil a bhain dó féin. Mar sin, is deacair liom na rioscaí a fheiceáil a bhaineann le forais bhreise dlínse a chruthófaí trí sheachaíocht.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Ina theannta sin, má tá aistriú na n‑imeachtaí ó Bhallstát amháin go Ballstát eile ina mhíchaoithiúlacht don chosantóir cheana féin, tá amhras orm gur mheasa an mhíchaoithiúlacht sin toisc go mbeadh ar chúirt amháin seachas ar chúirt eile laistigh den Bhallstát céanna an cás a éisteacht. Is é sin le rá, a luaithe a aithnítear an forum actoris, feictear dom gur rud réasúnta neodrach é, ó thaobh an chosantóra de, gur cheart an chaingean a dhéanamh i gcúirteanna shainchónaí an fhostaí nó i gcúirteanna na háite ina bhfuil a oifig chláraithe ag an bhfostóir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Leanann sé ón méid sin roimhe seo, ionas go mbeidh na rialacha a leagtar síos in Airteagail 11 agus 13 de Rialachán Uimh. 1215/2012 fíor-speisialta agus chun a bhfeidhm chosantach a bhaint amach go hiomlán, nach mór réiteach a fháil faoina bhféadfaidh an fostóir seachaithe maidir le cearta a fhostaí is íospartach i dtionóisc bhóthair caingean a thionscnamh i gcoinne cuideachta árachais os comhair chúirteanna na háite ina bhfuil sainchónaí air nó ina bhfuil a shuíomh.  (<span class="note footnote notemarker">
<a id="c-62" href="#t-62">62</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Is sa chiall sin freisin nach mór an breithiúnas in MMA IARD a thuiscint, inarb iomaí uair a thagraíonn an Chúirt do chúirteanna an Bhallstáit ina bhfuil an fostóir seachaithe bunaithe.  (<span class="note footnote notemarker">
<a id="c-63" href="#t-63">63</a>
</span>) Os a choinne sin, tá an critéar maidir le dlínse shainchónaí an fhostaí as láthair go mór ó réasúnaíocht na Cúirte.  (<span class="note footnote notemarker">
<a id="c-64" href="#t-64">64</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Dá bhrí sin, leanann sé ó Airteagal 13(2) arna léamh i gcomhar le hAirteagal 11(1)(b) de Rialachán Uimh. 1215/2012 nach mór caingean dhíreach, arna tabhairt ag fostóir atá seachaithe maidir le cearta a fhostaí i gcoinne cuideachta árachais atá bunaithe i mBallstát eile, a thabhairt i gcúirteanna na háite ina bhfuil an fostóir sin bunaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Tagann an cheist chun cinn ansin maidir le cén chaoi an áit sin a chinneadh i gcás inar Stát é an fostóir. Mar is amhlaidh sna príomhimeachtaí, tuigeann an Stát fostóra a fheidhm ar leith trína eagraíocht riaracháin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72.</p>
</td>
<td valign="top">
<p class="normal">Ní mar gheall go raibh an státseirbhíseach ag obair in München nach mór a mheas go bhfuil an Stát fostaíochta bunaithe in München. Ní bhaineann an critéar maidir le háit ghníomhaíocht an ‘fhostaí’ leis an áit ina bhfuil an fostóir bunaithe a chinneadh.  (<span class="note footnote notemarker">
<a id="c-65" href="#t-65">65</a>
</span>) Thairis sin, i gcomhréir le ceanglais Airteagal 63(1) de Rialachán Uimh. 1215/2012, tá sainchónaí ar dhaoine dlítheanacha san áit a bhfuil a shuíomh nó a suíomh reachtúil aige nó aici, san áit a bhfuil a riarachán lárnach, nó san áit a bhfuil a phríomháit ghnó nó a príomháit ghnó aige nó aici.  (<span class="note footnote notemarker">
<a id="c-66" href="#t-66">66</a>
</span>)
      </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73.</p>
</td>
<td valign="top">
<p class="normal">Más rud é, áfach, go dtionscnaíonn an Stát fostaíochta caingean dhíreach in aghaidh na cuideachta árachais, is mar gheall ar sheachaíocht reachtúil a dhéantar é sin, a fhágann gur creidiúnaí oibleagáide é toisc gur íoc eintiteas dá chuid tuarastal dá státseirbhíseach tráth nach raibh an státseirbhíseach sin ar fáil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74.</p>
</td>
<td valign="top">
<p class="normal">I gcás den sórt sin agus chun an cuspóir maidir le hintuarthacht na rialacha dlínse agus an cuspóir maidir le deimhneacht dhlíthiúil a chomhlíonadh,  (<span class="note footnote notemarker">
<a id="c-67" href="#t-67">67</a>
</span>) molaim, dá bhrí sin, go mbeadh an Stát fostaíochta atá seachaithe maidir le cearta a státseirbhísigh in ann cás a thabhairt in aghaidh na cuideachta árachais os comhair chúirteanna na háite ina bhfuil an t‑eintiteas riaracháin a fhostaíonn an státseirbhíseach agus a lean ar aghaidh ag íoc a tuarastail fad nach raibh an státseirbhíseach ar fáil bunaithe. Ní dhéantar seachaíocht ach amháin toisc gur íocadh an tuarastal leis an státseirbhíseach agus is de bharr gur áirithigh an t‑eintiteas sin go n‑íocfaí é nuair nach raibh an státseirbhíseach sin i láthair mar gheall ar an tionóisc a mheastar gur bhain díobháil don fhostóir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75.</p>
</td>
<td valign="top">
<p class="normal">Ar na cúiseanna go léir thuas, measaim nach mór Airteagal 13(2) de Rialachán Uimh. 1215/2012, arna léamh i gcomhar le hAirteagal 11(1)(b) den Rialachán sin, a léiriú sa chaoi go bhféadfaidh Ballstát, ag gníomhú dó i gcáil fostóir atá seachaithe maidir le cearta státseirbhísigh a bhí i dtionóisc bhóthair, ar lean sé ar aghaidh ag íoc a tuarastail, cás a thabhairt, mar ‘pháirtí díobhálaithe’, i gcoinne na cuideachta lena bhfuil árachas dliteanais shibhialta don fheithicil a bhí sa tionóisc sin, atá bunaithe i mBallstát eile, os comhair chúirteanna na háite ina bhfuil suíomh an eintitis riaracháin a fhostaíonn an státseirbhíseach sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Conclúid</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76.</p>
</td>
<td valign="top">
<p class="normal">I bhfianaise na mbreithnithe go léir roimhe seo, molaim don Chúirt Bhreithiúnais an cheist arna tarchur chun réamhrialú ag Landgericht München I (an Chúirt Dúiche, München I, an Ghearmáin) a fhreagairt mar seo a leanas:</p>
</td>
</tr>
</table>
    <p class="C02AlineaAltA" id="para-105" title="page-21">
      Maidir le hAirteagal 13(2) de Rialachán (AE) Uimh. 1215/2012 ó Pharlaimint na hEorpa agus ón gComhairle an 12 Nollaig 2012 maidir le dlínse agus le haithint agus forghníomhú breithiúnas in ábhair shibhialta agus tráchtála, arna léamh i gcomhar le hAirteagal 11(1)(b) den Rialachán sin,
    </p>
    <p class="C02AlineaAltA" id="para-106" title="page-21">
      ní mór léiriú a dhéanamh air mar seo a leanas:
    </p>
    <p class="C02AlineaAltA" id="para-107" title="page-21">
      féadfaidh Ballstát, ag gníomhú dó i gcáil fostóir atá seachaithe maidir le cearta státseirbhísigh a bhí i dtionóisc bhóthair, ar lean sé ar aghaidh ag íoc a tuarastail, cás a thabhairt, mar ‘pháirtí díobhálaithe’, i gcoinne na cuideachta lena bhfuil árachas dliteanais shibhialta don fheithicil a bhí sa tionóisc sin, atá bunaithe i mBallstát eile, os comhair chúirteanna na háite ina bhfuil suíomh an eintitis riaracháin a fhostaíonn an státseirbhíseach sin.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Bunteanga: an Fhraincis.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Rialachán ó Pharlaimint na hEorpa agus ón gComhairle an 12 Nollaig 2012 maidir le dlínse agus le haithint agus forghníomhú breithiúnas in ábhair shibhialta agus tráchtála (IO 2012 L 351, lch. 1).</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Féach aithris 18 de Rialachán Uimh. 1215/2012.</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Rialachán ón gComhairle an 22 Nollaig 2000 maidir le dlínse agus le haithint agus forghníomhú breithiúnas in ábhair shibhialta agus tráchtála (IO 2001 L 12, lch. 1).</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Féach breithiúnas an 20 Iúil 2017, MMA IARD (C‑340/16, ‘an breithiúnas in MMA IARD’, EU:C:2017:576, mír 39).</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) I gcomhréir leis an oibleagáid a eascraíonn as Airteagal 21 de Threoir 2009/103/CE ó Pharlaimint na hEorpa agus ón gComhairle an 16 Meán Fómhair 2009, maidir le hárachas i gcoinne dliteanas sibhialta i ndáil le húsáid mótarfheithiclí, agus maidir le forfheidhmiú na hoibleagáide chun árachú i gcoinne an dliteanais sin (IO 2009 L 263, lch. 11). Cé go ndearnadh an Treoir sin a leasú le Treoir (AE) 2021/2118 ó Pharlaimint na hEorpa agus ón gComhairle an 24 Samhain 2021 (IO 2021 L 430, lch. 1), ní dhearnadh difear don fhoráil sin leis na leasuithe arna dtabhairt isteach.</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Braitheann an t‑iarratasóir sna príomhimeachtaí anseo ar an mbreithiúnas in MMA IARD.</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Tagraíonn an cosantóir sna príomhimeachtaí, i ndáil leis sin, do bhreithiúnais an 17 Meán Fómhair 2009 Vorarlberger Gebietskrankenkasse (C‑347/08, ‘an breithiúnas in Vorarlberger Gebietskrankenkasse’; EU:C:2009:561) an 31 Eanáir 2018, Hofsoe (C‑106/17, EU:C:2018:50); an 20 Bealtaine 2021, CNP (C‑913/19, EU:C:2021:399); agus an 21 Deireadh Fómhair 2021, T. B. agus D. (Dlínse in ábhair a bhaineann le hárachas) (C‑393/20, EU:C:2021:871).</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Féach mír 2.2 den tarchur chun réamhrialú.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Féach mír 2.2 den tarchur chun réamhrialú. Cé nár luaigh an chúirt a rinne an tarchur an fhoráil Ghearmánach lena mbaineann expressis verbis, luaigh an Coimisiún Eorpach í ina phléadálacha i scríbhinn. Go bunúsach, foráiltear le hAirteagal 76 den Bundesbeamtengesetz (an Dlí maidir le státseirbhísigh chónaidhmeacha) an 5 Feabhra 2009 (BGBl. 2009 I, lch. 160) i gcás ina ngortófar nó ina marófar státseirbhíseach, pinsinéir nó duine dá theaghlach, go mbeidh an fostóir (‘dienstherrn’) seachaithe go dlíthiúil maidir leis an gceart chun cúitimh i gcoinne tríú páirtí a thugtar don duine sin leis an dlí mar thoradh ar na gortuithe sin nó ar an mbás sin, más rud é go gceanglaítear ar an bhfostóir sin sochair a íoc le linn thréimhse an éagumais oibre mar thoradh ar dhíobháil choirp, nó mar thoradh ar dhíobháil phearsanta nó ar bhás.</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Mar atá luaite ag an gcúirt a rinne an tarchur i gCuid I agus i mír 2.5 de Chuid II dá hiarraidh ar réamhrialú.</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) De réir bhrí Airteagal 13(2) de Rialachán Uimh. 1215/2012. Rud atá spéisiúil ná go ndéantar páirtí díobhálaithe a shainmhíniú i dTreoir 2009/103, arna leasú le Treoir 2021/2118, mar ‘aon duine atá i dteideal cúitimh i leith aon chaillteanais nó díobhála arb iad feithiclí is cúis leis nó léi’ (féach Airteagal 1(2) de Threoir 2009/103 arna leasú, chomh maith le haithris 2 de Threoir 2021/2118).</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Is as Treoir 2009/103 a eascraíonn an ceart sin chun caingean dhíreach atá ag daoine díobhálaithe mar thoradh ar thionóisc arbh é ba chúis léi feithicil atá cumhdaithe ag árachas i gcoinne an ghnóthais árachais lena gcumhdaítear dliteanas sibhialta an duine atá freagrach (féach aithris 30 agus Airteagal 18 den Treoir sin).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Ós rud é go dtagann Airteagail 11 agus 13 de Rialachán Uimh. 1215/2012 faoi Roinn 3 de Chaibidil II den Rialachán sin, a bhaineann le dlínse in ábhair a bhaineann le hárachas. Leis an Roinn sin ‘bunaítear córas uathrialach um leithdháileadh dlínse in ábhair a bhaineann le hárachas’ [Aistriúchán neamhoifigiúil] [féach breithiúnas an 9 Nollaig 2021, BT (An duine faoi árachas a uamadh mar pháirtí sa chaingean) (C‑708/20, EU:C:2021:986, mír 26 agus an cásdlí dá dtagraítear)].</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Ós rud é go bhfuil siad ina maoluithe ar dhlínse áit shainchónaí an chosantóra, ní mór na forálacha sin a léirmhíniú go docht, i bprionsabal, áfach: féach breithiúnas an 30 Meitheamh 2022, Allianz Elementar Versicherung (C‑652/20, EU:C:2022:514, mír 46 agus an cásdlí dá dtagraítear).</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Féach breithiúnas an 14 Feabhra 2019, Milivojević (C‑630/17, EU:C:2019:123, mír 81). Féach, maidir le Rialachán Uimh. 44/2001 go háirithe, breithiúnais Vorarlberger Gebietskrankenkasse (mír 37) agus an 25 Eanáir 2018, Schrems (C‑498/16, EU:C:2018:37, mír 27). Sa mhéid, le Rialachán Uimh. 1215/2012, go ndearnadh an Rialachán sin a aisghairm agus a ionadú, lena n‑ionadaíodh an Coinbhinsiún ar dhlínse agus ar fhorghníomhú breithiúnas in ábhair shibhialta agus tráchtála arna shíniú sa Bhruiséil an 27 Meán Fómhair 1968 (IO 1972 L 299, lch. 32), arna leasú leis na coinbhinsiúin i ndiaidh sin a bhaineann le haontachas na mBallstát nua leis an gcoinbhinsiún sin (IO 1998 C 27, lch. 1, ‘Coinbhinsiún na Bruiséile’), tá feidhm ag an léiriú a rinne an Chúirt ar fhorálacha ó cheann amháin de na hionstraimí dlí sin ar na cinn eile freisin, i gcás ina bhféadfar a mheas go bhfuil na forálacha sin coibhéiseach.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) I gcomhréir le toil reachtóir an Aontais, arna cur in iúl in aithris 18 de Rialachán Uimh. 1215/2012.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Meabhraím duit, faoi Airteagal 1(1) de Rialachán Uimh. 1215/2012, go bhfuil feidhm ag an Rialachán sin in ábhair shibhialta agus tráchtála, ach nach bhfuil feidhm aige ‘maidir le hábhair ioncaim, custaim ná riaracháin ná le dliteanas an Stáit i leith gníomhartha agus neamhghníomhartha i bhfeidhmiú údarás an Stáit (acta iure imperii)’.</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Ní mór a chur in iúl anseo, i gcomhthéacs an tarchuir seo chun réamhrialú, nach gníomhairí de chuid an Rialtais, ach dlíodóir, atá ag déanamh ionadaíocht ar Stát na Gearmáine, os comhair na Cúirte Breithiúnais agus os comhair na cúirte a rinne an tarchur araon.</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) I gcomhréir leis an gcur chuige cuimsitheach arna úsáid ag an gCúirt sa bhreithiúnas MMA IARD (féach mír 36 den bhreithiúnas sin). Ina theannta sin, dhearbhaigh an Chúirt cheana féin go bhfuil feidhm ag forálacha Rialachán Uimh. 44/2001 i leith díospóid inar iarr oibrí go n‑íocfaí cúiteamh agus inar chuir sé i gcoinne fhoirceannadh a chonartha fostaíochta arna chur i gcrích aige le tríú Stát [féach breithiúnas an 19 Iúil 2012, Mahamdia (C‑154/11, EU:C:2012:491, mír 56)].</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Féach breithiúnais an 31 Eanáir 2018, Hofsoe (C‑106/17, EU:C:2018:50, mír 36); an 9 Nollaig 2021, BT (An duine faoi árachas a uamadh mar pháirtí sa chaingean) (C‑708/20, EU:C:2021:986, mír 23), agus an 4 Deireadh Fómhair 2024, Mahá (C‑494/23, EU:C:2024:848, mír 27 agus an cásdlí dá dtagraítear). Thairis sin, dhearbhaigh an Chúirt go bhféadfaí a mheas go bhfuil an chéad mhír d’Airteagal 8(2) de choinbhinsiún na Bruiséile coibhéiseach le hAirteagal 9(1)(b) de Rialachán Uimh. 44/2001 agus le hAirteagal 11(1)(b) de Rialachán Uimh. 1215/2012 ós rud é, leis na forálacha sin ‘go gceadaítear cás a thabhairt i gcoinne árachóir a bhfuil sainchónaí air i Stát Conarthach nó i mBallstát i gcúirteanna na háite ina bhfuil sainchónaí ar an éilitheoir, i gcás ina dtionscnaíonn sealbhóir an pholasaí an chaingean i gcás an Choinbhinsiúin sin, nó i gcás ina dtionscnaíonn an duine árachaithe nó tairbhí an chonartha árachais an chaingean i gcás na Rialachán sin, ar choinníoll go bhfuil sainchónaí ar an éilitheoir lena mbaineann i Stát Conarthach eile nó i mBallstát eile, faoi seach’ [Aistriúchán neamhoifigiúil] [breithiúnas an 30 Meitheamh 2022, Allianz Elementar Versicherung (C‑652/20, EU:C:2022:514, mír 23)].</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Féach breithiúnas Vorarlberger Gebietskrankenkasse (mír 47).</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Féach breithiúnas Vorarlberger Gebietskrankenkasse (mír 35).</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Féach breithiúnas Vorarlberger Gebietskrankenkasse (mír 38).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Breithiúnas Vorarlberger Gebietskrankenkasse (mír 41).</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Féach breithiúnas Vorarlberger Gebietskrankenkasse (mír 42).</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Féach an breithiúnas in Vorarlberger Gebietskrankenkasse (mír 44). Rinne an Chúirt tagairt shonrach ansin do chás oidhrí an íospartaigh.</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) C‑433/01, EU:C:2004:21. Ós rud é go raibh an chaingean arna tionscnamh ag an gcomhlacht poiblí á rialú leis an dlí sibhialta, tháinig an díospóid sna príomhimeachtaí faoin gcoincheap ‘ábhair shibhialta’ de réir bhrí na chéad mhíre d’Airteagal 1 de Choinbhinsiún na Bruiséile (féach mír 21 den bhreithiúnas sin).</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) Maidir le haonfhoirmeacht an sa léiriú idir Coinbhinsiún na Bruiséile, Rialachán Uimh. 44/2001 agus Rialachán Uimh. 1215/2012, féach fonóta 16 a ghabhann leis an Tuairim seo.</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Féach an breithiúnas in Vorarlberger Gebietskrankenkasse (mír 46 agus an cásdlí dá dtagraítear).</p>
<p class="note footnote">(<span class="note footnote notemarker">
<a id="t-31" href="#c-31">31</a>
</span>) Féach breithiúnas an 31 Eanáir 2018, Hofsoe (C‑106/17, EU:C:2018:50, mír 42).</p>
<p class="note footnote">(<span class="note footnote notemarker">
<a id="t-32" href="#c-32">32</a>
</span>) Féach breithiúnas an 31 Eanáir 2018, Hofsoe (C‑106/17, EU:C:2018:50, mír 47).</p>
<p class="note footnote">(<span class="note footnote notemarker">
<a id="t-33" href="#c-33">33</a>
</span>) Féach breithiúnas an 31 Eanáir 2018, Hofsoe (C‑106/17, EU:C:2018:50, mír 44).</p>
<p class="note footnote">(<span class="note footnote notemarker">
<a id="t-34" href="#c-34">34</a>
</span>) Féach breithiúnas an 31 Eanáir 2018, Hofsoe (C‑106/17, EU:C:2018:50, mír 45).</p>
<p class="note footnote">(<span class="note footnote notemarker">
<a id="t-35" href="#c-35">35</a>
</span>) Breithiúnas MMA IARD (mír 39).</p>
<p class="note footnote">(<span class="note footnote notemarker">
<a id="t-36" href="#c-36">36</a>
</span>) Féach an breithiúnas in MMA IARD (mír 28 agus an cásdlí dá dtagraítear).</p>
<p class="note footnote">(<span class="note footnote notemarker">
<a id="t-37" href="#c-37">37</a>
</span>) Is fiú a mheabhrú anseo, mar gheall ar dhifríochtaí idir leaganacha den fhoráil sin i dteangacha éagsúla, gur leag an Chúirt a léiriú amach ina breithiúnas in Vorarlberger Gebietskrankenkasse, inar chinn sí nach mór léiriú a dhéanamh ar Airteagal 11(2) de Rialachán Uimh. 44/2001 sa chaoi go dtagraítear don pháirtí díobhálaithe (féach míreanna 25 go 28 den bhreithiúnas sin).</p>
<p class="note footnote">(<span class="note footnote notemarker">
<a id="t-38" href="#c-38">38</a>
</span>) Féach an breithiúnas in MMA IARD (mír 33 agus an cásdlí dá dtagraítear).</p>
<p class="note footnote">(<span class="note footnote notemarker">
<a id="t-39" href="#c-39">39</a>
</span>) An breithiúnas in MMA IARD (mír 34).</p>
<p class="note footnote">(<span class="note footnote notemarker">
<a id="t-40" href="#c-40">40</a>
</span>) An breithiúnas in MMA IARD (mír 35). Béim curtha leis.</p>
<p class="note footnote">(<span class="note footnote notemarker">
<a id="t-41" href="#c-41">41</a>
</span>) Fágann foirmliú den sórt sin an cheist maidir le cén chúirt a bhféadfar an chaingean a thabhairt os comhair go beacht. Mar sin beidh sé riachtanach filleadh ar an gceist seo níos déanaí san anailís (féach míreanna 59 et seq. den Tuairim seo).</p>
<p class="note footnote">(<span class="note footnote notemarker">
<a id="t-42" href="#c-42">42</a>
</span>) Féach an breithiúnas in MMA IARD (mír 37).</p>
<p class="note footnote">(<span class="note footnote notemarker">
<a id="t-43" href="#c-43">43</a>
</span>) Féach an breithiúnas in MMA IARD (mír 34).</p>
<p class="note footnote">(<span class="note footnote notemarker">
<a id="t-44" href="#c-44">44</a>
</span>) Féach breithiúnais an 31 Eanáir 2018, Hofsoe (C‑106/17, EU:C:2018:50, mír 45); an 27 Feabhra 2020, Balta (C‑803/18, EU:C:2020:123, mír 42); an 21 Deireadh Fómhair 2021, T. B. agus D. (Dlínse in ábhair a bhaineann le hárachas) (C‑393/20, EU:C:2021:871, mír 40), agus an 27 Aibreán 2023, A1 agus A2 (Árachas báid pléisiúir) (C‑352/21, EU:C:2023:344, mír 53).</p>
<p class="note footnote">(<span class="note footnote notemarker">
<a id="t-45" href="#c-45">45</a>
</span>) Mar atá curtha in iúl agam cheana féin, rinne an Chúirt léiriú ar an gcoincheap ‘íospartach’ dá dtagraítear in Airteagal 11(2) de Rialachán Uimh. 44/2001 sa chaoi go dtagraítear don pháirtí díobhálaithe leis. Rinne reachtóir an Aontais an léiriú sin a chomhdhlúthú nuair a chuir sé deireadh le húsáid an téarma ‘íospartach’ in Airteagal 13(2) de Rialachán Uimh. 1215/2012 ionas gurbh fhearr an nath ‘[p]áirtí díobhálaithe’.</p>
<p class="note footnote">(<span class="note footnote notemarker">
<a id="t-46" href="#c-46">46</a>
</span>) Féach, chuige sin, Tuairim an Abhcóide Ghinearálta Bobek i gCás MMA IARD (C‑340/16, EU:C:2017:396, mír 47).</p>
<p class="note footnote">(<span class="note footnote notemarker">
<a id="t-47" href="#c-47">47</a>
</span>) Féach breithiúnas MMA IARD (mír 35).</p>
<p class="note footnote">(<span class="note footnote notemarker">
<a id="t-48" href="#c-48">48</a>
</span>) Féach an breithiúnas in MMA IARD (míreanna 21 agus 25).</p>
<p class="note footnote">(<span class="note footnote notemarker">
<a id="t-49" href="#c-49">49</a>
</span>) Féach fonóta 21 den Tuairim seo.</p>
<p class="note footnote">(<span class="note footnote notemarker">
<a id="t-50" href="#c-50">50</a>
</span>) Féach, inter alia, aithris 15 de Rialachán Uimh. 1215/2012. Féach, freisin, breithiúnais an 27 Feabhra 2020, Balta (C‑803/18, EU:C:2020:123, mír 42); an 27 Aibreán 2023, A1 agus A2 (Árachas báid pléisiúir) (C‑352/21, EU:C:2023:344, mír 53), agus an 22 Feabhra 2024, FCA Italy agus FPT Industrial (C‑81/23, EU:C:2024:165, mír 41).</p>
<p class="note footnote">(<span class="note footnote notemarker">
<a id="t-51" href="#c-51">51</a>
</span>) Réitigh an Chúirt an cheana féin chun toimhde a bhunú cheana féin i mbreithiúnas an 13 Iúil 2000, Group Josi (C‑412/98, EU:C:2000:399), inar chinn sí nach bhféadfaí, i ndáil leis an dá pháirtí i gconradh athárachais arna thabhairt i gcrích idir beirt ghairmithe san earnáil sin, ‘a mheas go bhfuil ceachtar díobh i riocht na laige le hais an pháirtí eile leis an gconradh’ (mír 66 den bhreithiúnas sin). [Aistriúchán neamhoifigiúil]</p>
<p class="note footnote">(<span class="note footnote notemarker">
<a id="t-52" href="#c-52">52</a>
</span>) Déanfar an toimhde a fhrisnéis go hoibiachtúil, áfach, i gcás ina dtionscnaíonn fostóir seachaithe, ar gairmí é san earnáil árachais, an chaingean dhíreach.</p>
<p class="note footnote">(<span class="note footnote notemarker">
<a id="t-53" href="#c-53">53</a>
</span>) C‑340/16, EU:C:2017:396.</p>
<p class="note footnote">(<span class="note footnote notemarker">
<a id="t-54" href="#c-54">54</a>
</span>) Tuairim an Abhcóide Ghinearálta Bobek i gcás MMA IARD (C‑340/16, EU:C:2017:396, mír 89).</p>
<p class="note footnote">(<span class="note footnote notemarker">
<a id="t-55" href="#c-55">55</a>
</span>) C‑433/01, EU:C:2004:21. Féach mír 37 den Tuairim seo.</p>
<p class="note footnote">(<span class="note footnote notemarker">
<a id="t-56" href="#c-56">56</a>
</span>) Féach, chun comparáid a dhéanamh, míreanna 1.1 agus 3 de bharúlacha i scríbhinn an chosantóra sna príomhimeachtaí.</p>
<p class="note footnote">(<span class="note footnote notemarker">
<a id="t-57" href="#c-57">57</a>
</span>) Béim curtha leis.</p>
<p class="note footnote">(<span class="note footnote notemarker">
<a id="t-58" href="#c-58">58</a>
</span>) Féach an breithiúnas in MMA IARD (míreanna 26, 30, 36, 37, 39 agus 40).</p>
<p class="note footnote">(<span class="note footnote notemarker">
<a id="t-59" href="#c-59">59</a>
</span>) Féach breithiúnas an 30 Meitheamh 2022, Allianz Elementar Versicherung (C‑652/20, EU:C:2022:514, mír 56 agus an cásdlí dá dtagraítear).</p>
<p class="note footnote">(<span class="note footnote notemarker">
<a id="t-60" href="#c-60">60</a>
</span>) Breithiúnas an 30 Meitheamh 2022, Allianz Elementar Versicherung (C‑652/20, EU:C:2022:514, mír 38).</p>
<p class="note footnote">(<span class="note footnote notemarker">
<a id="t-61" href="#c-61">61</a>
</span>) Féach, maidir le hAirteagal 11(2) de Rialachán Uimh. 44/2001, an breithiúnas in MMA IARD (míreanna 31 et seq.) Aithnítear an fostóir seachaithe go sainráite mar ‘íospartach’ (féach míreanna 37 go 39 den bhreithiúnas sin).</p>
<p class="note footnote">(<span class="note footnote notemarker">
<a id="t-62" href="#c-62">62</a>
</span>) Féach, chuige sin, breithiúnas an 13 Nollaig 2007, FBTO Schadeverzekeringen (C‑463/06, EU:C:2007:792, mír 28).</p>
<p class="note footnote">(<span class="note footnote notemarker">
<a id="t-63" href="#c-63">63</a>
</span>) Féach an breithiúnas in MMA IARD (míreanna 30, 36, 37, 39 agus 40).</p>
<p class="note footnote">(<span class="note footnote notemarker">
<a id="t-64" href="#c-64">64</a>
</span>) Is é an t‑aon léiriú a thugtar in MMA IARD maidir le sainchónaí an fhostaí ná go raibh sé san Ostair (féach mír 15 den bhreithiúnas sin).</p>
<p class="note footnote">(<span class="note footnote notemarker">
<a id="t-65" href="#c-65">65</a>
</span>) Is é an critéar a glacadh, tar éis Airteagal 11(1)(b) a léamh i gcomhar le hAirteagal 13(2) de Rialachán Uimh. 1215/2012, go deimhin, sainchónaí an fhostóra sheachaithe mar pháirtí díobhálaithe, seachas sainchónaí na háite ina n‑oibríonn an t‑íospartach.</p>
<p class="note footnote">(<span class="note footnote notemarker">
<a id="t-66" href="#c-66">66</a>
</span>) Déantar sainchónaí cuideachtaí agus daoine dlítheanacha a chinneadh, in éagmais aon tagairt do dhlíthe na mBallstát, ar bhonn léiriú uathrialach ar dhlí an Aontais [féach breithiúnas an 14 Meán Fómhair 2023, Club La Costa agus páirtithe eile (C‑821/21, EU:C:2023:672, mír 60)].</p>
<p class="note footnote">(<span class="note footnote notemarker">
<a id="t-67" href="#c-67">67</a>
</span>) Féach breithiúnas an 30 Meitheamh 2022, Allianz Elementar Versicherung (C-652/20, EU:C:2022:514, mír 54).</p>
</body>
</html>
