|
1.4.2022 |
GA |
Iris Oifigiúil an Aontais Eorpaigh |
C 145/15 |
Réamhfhógra faoi chomhchruinniú
(Cás M.10689 – OCP GROUP / KOCH INDUSTRIES / JORF FERTILIZER COMPANY)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 145/12)
1.
An 24 Márta 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
OCP S.A., (“OCP”, Maracó), |
|
— |
KAES Phosphate Holdings, LLC (“KAES”, Stáit Aontaithe Mheiriceá), atá faoi úinéireacht indíreach Koch Ag & Energy Solutions, LLC (“KAES Parent”, Stáit Aontaithe Mheiriceá), agus faoi rialú deiridh Koch Industries, Inc. (“KII”, Stáit Aontaithe Mheiriceá), |
|
— |
JORF Fertilizer Company III, S.A (“JFC III”, Maracó), fochuideachta atá faoi lánúinéireacht ag OCP. |
Gheobhaidh OCP agus KAES rialú comhpháirteach ar JFC III de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is táirgeoirí, soláthróirí agus dáileoirí domhanda leasachán fosfáite iad OCP agus a fhochuideachtaí (lena n-áirítear DAP, MAP, TSP, NPK agus NPS). Tá OCP gníomhach freisin in eastóscadh agus i ndíol na carraige fosfáite, agus i dtiontú na carraige sin go haigéad fosfarach, rud a dhíolann sé agus a phróiseálann sé chun leasacháin fosfáite a tháirgeadh. |
|
— |
Is fochuideachta indíreach é KAES de chuid KAES Parent, faoi rialú deiridh KII, a rialaíonn punann éagsúil cuideachtaí a bhfuil baint acu leis na hearnálacha seo a leanas: scagadh agus táirgí ceimiceáin, trealamh agus teicneolaíochtaí rialaithe próisis agus truaillithe, mianraí, leasacháin, trádáil agus seirbhísí tráchtearraí, polaiméirí agus snáithíní, táirgí gloine, táirgí foraoise agus tomhaltóra, nascóirí leictreonacha, priontáil agus pacáil, bogearraí agus infheistíochtaí fiontair. Tá KII gníomhach sna hearnálacha leasacháin agus sulfair trí KAES Parent. |
|
— |
Is fochuideachta de chuid OCP é JFC III a oibríonn aonad táirgthe ag gléasra táirgthe Jorf Lasfar, áit a dtáirgeann sé aigéad fosfarach agus leasacháin fosfáite – DAP, MAP, NPK, NPS agus NP. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10689 – OCP GROUP / KOCH INDUSTRIES / JORF FERTILIZER COMPANY
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).