|
Iris Oifigiúil |
GA Sraith L |
|
2025/1889 |
19.9.2025 |
TREOIRLÍNE (AE) 2025/1889 ÓN mBANC CEANNAIS EORPACH
an 31 Iúil 2025
lena leasaítear Treoirlíne (AE) 2022/912 maidir le hUathchóras Mearaistrithe Ollsocraíochtaí Fíor-ama Tras-Eorpach (TARGET) nua giniúna (BCE/2022/8) (BCE/2025/28)
TÁ COMHAIRLE RIALAITHE AN BHAINC CEANNAIS EORPAIGH
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 127(2), an chéad fhleasc agus an ceathrú fleasc, de,
Ag féachaint do Reacht an Chórais Eorpaigh Banc Ceannais agus an Bhainc Ceannais Eorpaigh, agus go háirithe Airteagal 3.1 agus Airteagail 17, 18 agus 22 de,
De bharr an mhéid seo a leanas:
|
(1) |
An 18 Iúil 2024, d’fhormheas an Chomhairle Rialaithe beartas an Eurochórais maidir le rochtain soláthraithe seirbhísí íocaíochta neamhbhainc ar chórais íocaíochta arna n-oibriú ag bainc cheannais agus ar chuntais bainc ceannais. Faoin mbeartas, mar phrionsabal ginearálta, tá rochtain den sórt sin le tabhairt do sholáthraithe seirbhísí íocaíochta neamhbhainc ar choinníoll go gcomhlíonann siad na ceanglais uile is gá maidir le maolú riosca. Ar bhonn an bheartais sin, ghlac an Chomhairle Rialaithe Cinneadh (AE) 2025/222 ón mBanc Ceannais Eorpach (BCE/2025/2) (1) an 27 Eanáir 2025. |
|
(2) |
I gcomhréir le beartas thuasluaite an Eurochórais, is féidir soláthraithe seirbhísí íocaíochta neamhbhainc a ligean isteach mar rannpháirtithe sa Uathchóras Mearaistrithe Fíor-ama Tras-Eorpach (TARGET) nuaghlúine ar bhonn comhchosúil, cé nach bhfuil sé coibhéiseach, le hinstitiúidí creidmheasa. Tá rochtain ar TARGET, arna iarraidh sin, teoranta d’eintitis a bhfuil nasc inléirithe acu le príomh-shainordú an Eurochórais faoi Airteagal 127(1) den Chonradh, a bhfuil a bhfeidhmiú ag brath ar chórais íocaíochta éifeachtúla. Tá cúram an Eurochórais maidir le hoibriú rianúil córas íocaíochta a chur chun cinn de bhun Airteagal 127(2), an ceathrú fleasc, den Chonradh fite fuaite lena phríomh-shainordú ós rud é go bhfuil cur chun feidhme éifeachtach an bheartais airgeadaíochta ag brath ar chórais íocaíochta éifeachtúla. Cé go bhfuil sé fíor-riachtanach, dá bhrí sin, rochtain ar TARGET a dheonú, arna iarraidh sin, do na hinstitiúidí creidmheasa sin atá incháilithe le bheith ina rannpháirtithe i TARGET agus cloí leis an nós imeachta iarratais is infheidhme, ní mar sin atá i gcónaí i gcás contrapháirtithe beartais neamhairgeadaíochta amhail soláthraithe seirbhíse íocaíochta neamhbhainc. Dá bhrí sin, tá rochtain ar TARGET le deonú do sholáthraithe seirbhíse íocaíochta neamhbhainc ar bhonn lánroghnach. |
|
(3) |
Chun comhchuibhiú a dhéanamh ar an gcur chuige a ghlactar ar fud an Eurochórais maidir le soláthraithe seirbhíse íocaíochta neamhbhainc a ligean isteach mar rannpháirtithe i TARGET, ba cheart lánrogha bhainc cheannais an Eurochórais diúltú d’iarraidh ó sholáthraí seirbhíse íocaíochta neamhbhainc a bheith ina rannpháirtí i TARGET a theorannú ionas nach bhféadfaidh bainc cheannais Eurochórais diúltú d’iarraidh ar rannpháirtíocht i TARGET ó sholáthraí seirbhísí íocaíochta neamhbhainc ach amháin i gcás ina mainníonn sé na ceanglais is infheidhme faoi Chinneadh (AE) 2025/222 (BCE/2025/2) agus/nó faoi Threoirlíne (AE) 2022/912 ón mBanc Ceannais Eorpach (BCE/2022/8) (2) a chomhlíonadh. |
|
(4) |
Chun cuntas bainc ceannais a shealbhú ag soláthraí seirbhísí íocaíochta neamhbhainc, is gá na cistí is gá a chur chun oibleagáidí socraíochta a chomhlíonadh. I bhfianaise an mhéid sin, agus chun ábhair imní maidir le cobhsaíocht airgeadais agus praghsanna a mhaolú, ba cheart don Eurochóras uasteorainn sealúchais a fhorchur ar chuntais atá i seilbh soláthraithe seirbhísí íocaíochta neamhbhainc. Níor cheart go rachadh an t-iarmhéid ná na sealúchais ar chuntais den sórt sin thar a bhfuil riachtanach chun na hoibleagáidí sin a chomhlíonadh. Chun srian a chur le treocht leanúnach aníos sna méideanna sin, ba cheart do BCE athbhreithniú a dhéanamh ar an modh ríofa a chuirtear i bhfeidhm agus ar na cuntais a áirítear sa ríomh ag eatraimh shonraithe. |
|
(5) |
Faoi Threoirlíne (AE) 2022/912 (BCE/2022/8), féadfaidh bainc cheannais náisiúnta na mBallstát a bhfuil an euro mar airgeadra acu (dá ngairtear ‘BCNanna sa limistéar euro’ anseo feasta) creidmheas thar oíche a sholáthar trí shaoráid ghéarchéime thiomnaithe do chontrapháirtithe lárnacha ar choinníoll gur cuireadh iarraidh faoi bhráid na Comhairle Rialaithe agus gur fhormheas an Chomhairle Rialaithe í. D’fhonn rochtain phras ar chreidmheas thar oíche a áirithiú más gá, is gá agus is iomchuí saoráid chreidmheasa thiomnaithe (dá ngairtear ‘saoráid chreidmheasa contrapháirtithe lárnacha’ anseo feasta) a bhunú chun go mbeidh BCNanna sa limistéar euro in ann rochtain ar shaoráid chreidmheasa an chontrapháirtí lárnaigh a dheonú do chontrapháirtithe lárnacha a chomhlíonann ceanglais áirithe gan gá formheas a iarraidh roimh ré ón gComhairle Rialaithe ar dtús. Dá bhrí sin, i gcásanna nach mbeidh creidmheas ionlae aisíoctha ag deireadh lae ag contrapháirtithe lárnacha incháilithe nach bhfuil ceadúnas baincéireachta acu nó nach bhfuil rochtain acu ar na saoráidí iasachta imeallacha, féadfaidh siad rochtain a fháil ar shaoráid chreidmheasa an chontrapháirtí lárnaigh tríd an gcreidmheas ionlae gan íoc a thar-rolladh go huathoibríoch. |
|
(6) |
Le Cinneadh (AE) 2025/1734 ón mBanc Ceannais Eorpach (BCE/2025/29) (3) leagtar síos ceanglais a bhaineann le coimircí maidir le fóntacht airgeadais agus bainistiú riosca leachtachta fónta nach mór do CPLanna incháilithe a chomhlíonadh. Dá bhrí sin, is gá a áirithiú, chun rochtain a fháil ar shaoráid chreidmheasa CPL, go gcomhlíonfaidh CPLanna an limistéir euro ceanglais Chinneadh (AE) 2025/1734 (BCE/2025/29). |
|
(7) |
D’fhonn a áirithiú go gcomhlíonfar na ceanglais oibríochtúla a bhaineann le rochtain a fháil ar shaoráid chreidmheasa an chontrapháirtí lárnaigh, is gá na pionóis is infheidhme a shonrú i gcásanna ina mainníonn contrapháirtí lárnach creidmheas thar oíche a aisíoc. Ag an am céanna, toisc nach bhfuil oibreoirí córas comhpháirte TARGET inniúil chun measúnú a dhéanamh ar chomhlíontacht contrapháirtithe lárnacha incháilithe le ceanglais a bhaineann le coimircí maidir le fóntacht airgeadais agus bainistiú fónta riosca leachtachta, leagtar amach na forálacha a bhaineann leis na ceanglais sin, chomh maith leis na pionóis is infheidhme a bhaineann leis na coimircí, i gCinneadh (AE) 2025/1734 (BCE/2025/29). Ba cheart, áfach, cumarsáid leordhóthanach a bheith ann idir oibreoirí córas comhpháirteanna TARGET agus feidhm bhanc ceannais eisiúna bhainc cheannais an Eurochórais chun comhlíonadh phrionsabal ne bis in idem a áirithiú. |
|
(8) |
An 11 Meitheamh 2021, chinn an Chomhairle Rialaithe go bhfuil feidhmiúlacht socraíochta trasairgeadra i seirbhís socraíochta íocaíochta meandraí TARGET (TIPS) i gcomhréir le cuspóirí straitéiseacha an Eurochórais. Dá bhrí sin, tugadh isteach saoráid thiomnaithe aistrithe creidmheasa ar a dtugtar an tsaoráid aistrithe creidmheasa ‘aon chéim amháin amach’ (‘one-leg out’, OLO) chun go bhféadfaí íocaíochtaí a sheoladh chuig córais eile nó a fháil uathu. |
|
(9) |
Ón 5 Deireadh Fómhair 2025, beidh TIPS in ann oibriú ar bhonn trasairgeadra freisin, ionas gur féidir orduithe íocaíochta meandraí de thionscnamh ceann de na hairgeadraí a úsáideann ardán TIPS le haghaidh socraíochta a chreidiúnú ar chuntas atá ainmnithe in airgeadra difriúil atá ar fáil le haghaidh socraíochta ar ardán TIPS. |
|
(10) |
Ní mór ailíniú a dhéanamh idir an dáta óna mbeidh feidhm ag na leasuithe a thugtar isteach leis an Treoirlíne seo agus dáta chur i bhfeidhm Chinneadh (AE) 2025/1734 (BCE/2025/29) chun deimhneacht dhlíthiúil a áirithiú. |
|
(11) |
Is gá freisin athbhreithnithe eagarthóireachta áirithe a thabhairt isteach i dTreoirlíne (AE) 2022/912 (BCE/2022/8). |
|
(12) |
Dá bhrí sin, ba cheart Treoirlíne (AE) 2022/912 (BCE/2022/8) a leasú dá réir sin, |
TAR ÉIS AN TREOIRLÍNE SEO A GHLACADH:
Airteagal 1
Leasuithe
Leasaítear Treoirlíne (AE) 2022/912 (BCE/2022/8) mar a leanas:
|
1. |
Leasaítear Airteagal 2 mar a leanas:
|
|
2. |
in Airteagal 10, cuirtear an méid seo a leanas in ionad mhír 5: ‘5. Féadfaidh BCNanna an limistéir euro rochtain ar shaoráid chreidmheasa an chontrapháirtí lárnaigh a sholáthar do chontrapháirtithe lárnacha incháilithe, faoi na coinníollacha a leagtar amach in Iarscríbhinn I, Cuid II, Airteagal 10(5).’ |
|
3. |
in Airteagal 10, cuirtear isteach mír nua 8a: ‘8a. Má dhéantar rochtain CPL incháilithe ar shaoráid chreidmheasa CPL a theorannú, a fhionraí nó a fhoirceannadh ar fhorais stuamachta i gcomhréir le hAirteagal 5 de Chinneadh (AE) 2025/1734 (BCE/2025/29), déanfaidh BCN ábhartha an limistéir euro, maidir le rochtain ar chreidmheas ionlae, an cinneadh sin a chur chun feidhme de bhun forálacha sna socruithe conarthacha nó rialála a chuireann BCN ábhartha an limistéir euro i bhfeidhm.’ |
|
4. |
in Airteagal 26, cuirtear an mhír 7 seo a leanas leis: ‘7. Faoin 31 Nollaig 2025, déanfaidh BCanna an Eurochórais sealbhóirí BIC inteagmhála agus páirtithe inrochtana ar eintitis iad dá dtagraítear faoi Iarscríbhinn I, Cuid I, Airteagal 4(2), pointe (da), a bhaint dá gcuntais féin, cé is moite de pháirtithe inrochtana dá dtagraítear in Iarscríbhinn I, Cuid VII, Airteagal 7.’ |
|
5. |
Leasaítear Iarscríbhinn I i gcomhréir le hIarscríbhinn I a ghabhann leis an Treoirlíne seo. |
|
6. |
Leasaítear Iarscríbhinn III i gcomhréir le hIarscríbhinn II a ghabhann leis an Treoirlíne seo. |
Airteagal 2
Teacht i bhfeidhm agus cur chun feidhme
1. Tiocfaidh an Treoirlíne seo i bhfeidhm an lá a thabharfar fógra ina leith do BCNanna an limistéir euro.
2. Déanfaidh BCNanna an limistéir euro na bearta is gá chun an Treoirlíne seo a chomhlíonadh agus cuirfidh siad i bhfeidhm iad ón 6 Deireadh Fómhair 2025. Tabharfaidh siad fógra do BCE faoi na téacsanna agus na modhanna a bhaineann leis na bearta sin faoin 29 Lúnasa 2025, ar a dhéanaí.
Airteagal 3
Seolaithe
Dírítear an Treoirlíne seo ar gach banc ceannais Eurochórais.
Arna dhéanamh in Frankfurt am Main, an 31 Iúil 2025.
Thar ceann Chomhairle Rialaithe BCE
Uachtarán BCE
Christine LAGARDE
(1) Cinneadh (AE) 2025/222 ón mBanc Ceannais Eorpach an 27 Eanáir 2025 maidir le rochtain ag soláthraithe seirbhísí íocaíochta neamhbhainc ar chórais íocaíochta arna n-oibriú ag bainc cheannais an Eurochórais agus ar chuntais bainc ceannais (BCE/2025/2) (IO L, 2025/222, 6.2.2025, ELI: http://data.europa.eu/eli/dec/2025/222/oj).
(2) Treoirlíne (AE) 2022/912 ón mBanc Ceannais Eorpach an 24 Feabhra 2022 maidir le hUathchóras Mearaistrithe Ollsocraíochtaí Fíor-ama Tras-Eorpach (TARGET) nua giniúna agus lena n-aisghairtear Treoirlíne BCE/2012/27 (BCE/2022/8) (IO L 163, 17.6.2022, lch. 84, ELI: http://data.europa.eu/eli/guideline/2022/912/oj ).
(3) Cinneadh (AE) 2025/1734 ón mBanc Ceannais Eorpach an 31 Iúil 2025 maidir le coimircí i ndáil le rochtain ag contrapháirtithe lárnacha ar chreidmheas thar oíche an Eurochórais i TARGET (BCE/2025/29) (IO L, 2025/1734, 13.8.2025, ELI: http://data.europa.eu/eli/dec/2025/1734/oj).
IARSCRÍBHINN I
Leasaítear Iarscríbhinn I a ghabhann le Treoirlíne (AE) 2022/912 (BCE/2022/8) mar a leanas:
|
1. |
Leasaítear Cuid I mar a leanas:
|
|
2. |
Leasaítear Cuid II mar a leanas:
|
|
3. |
i gCuid IV, in Airteagal 9, cuirtear an méid seo a leanas in ionad mhír 1: ‘1. Beidh uathsholáthar urrúis chomhthaobhaigh bunaithe ar chomhthaobhacht incháilithe mar a leagtar amach i liosta arna fhoilsiú ag [cuir isteach ainm BC] i gcomhréir le hAirteagal 8(4) de Threoirlíne (AE) 2024/3129 ón mBanc Ceannais Eorpach (BCE/2024/22) (*3). (*3) Treoirlíne (AE) 2024/3129 ón mBanc Ceannais Eorpach an 13 Lúnasa 2024 maidir le comhthaobhacht in oibríochtaí creidmheasa an Eurochórais a bhainistiú (BCE/2024/22) (IO L, 2024/3129, 20.12.2024, ELI: http://data.europa.eu/eli/guideline/2024/3129/oj).’;" |
|
4. |
Leasaítear Cuid V mar a leanas:
|
|
5. |
Leasaítear Cuid VII mar a leanas:
|
|
6. |
Leasaítear Foscríbhinn I mar a leanas:
|
|
7. |
Leasaítear Foscríbhinn IV mar a leanas: i roinn 2.3 (‘Próiseáil theagmhasach’), cuirtear isteach an pointe (c)(iii) seo a leanas:
|
|
8. |
Leasaítear Foscríbhinn VI mar a leanas:
|
(*1) Treoir (AE) 2015/2366 ó Pharlaimint na hEorpa agus ón gComhairle an 25 Samhain 2015 maidir le seirbhísí íocaíochta sa mhargadh inmheánach, lena leasaítear Treoracha 2002/65/CE, 2009/110/CE agus 2013/36/AE agus Rialachán (AE) Uimh. 1093/2010, agus lena n-aisghairtear Treoir 2007/64/CE (IOL 337, 23.12.2015, lch. 35, ELI: http://data.europa.eu/eli/dir/2015/2366/oj).’;
(*2) Cinneadh (AE) 2025/1734 ón mBanc Ceannais Eorpach an 31 Iúil 2025 maidir le coimircí i ndáil le rochtain ag contrapháirtithe lárnacha ar chreidmheas thar oíche an Eurochórais in TARGET (BCE/2025/29) (IO L, 2025/1734, 13.8.2025, ELI: http://data.europa.eu/eli/dec/2025/1734/oj).’;
(*3) Treoirlíne (AE) 2024/3129 ón mBanc Ceannais Eorpach an 13 Lúnasa 2024 maidir le comhthaobhacht in oibríochtaí creidmheasa an Eurochórais a bhainistiú (BCE/2024/22) (IO L, 2024/3129, 20.12.2024, ELI: http://data.europa.eu/eli/guideline/2024/3129/oj).’;’
IARSCRÍBHINN II
Leasaítear Iarscríbhinn III a ghabhann le Treoirlíne (AE) 2022/912 (BCE/2022/8) mar a leanas:
|
1. |
cuirtear an méid seo a leanas in ionad phointe (11):
(*1) Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus lena leasaítear Rialachán (AE) Uimh. 648/2012 (IO L 176, 27.6.2013, lch. 1, ELI: http://data.europa.eu/eli/reg/2013/575/oj )." (*2) Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE (IO L 173, 12.6.2014, lch. 349, ELI: http://data.europa.eu/eli/dir/2014/65/oj )." (*3) Cinneadh (AE) 2025/222 ón mBanc Ceannais Eorpach an 27 Eanáir 2025 maidir le rochtain ag soláthraithe seirbhísí íocaíochta neamhbhainc ar chórais íocaíochta arna n-oibriú ag bainc cheannais an Eurochórais agus ar chuntais bainc ceannais (BCE/2025/2) (IO L, 2025/222, 6.2.2025, ELI: http://data.europa.eu/eli/dec/2025/222/oj).’;" |
|
2. |
cuirtear an méid seo a leanas in ionad phointe (16):
|
|
3. |
cuirtear isteach an pointe (18a) seo a leanas:
|
|
4. |
cuirtear isteach an pointe (26a) seo a leanas:
|
|
5. |
cuirtear an méid seo a leanas in ionad phointe (34):
|
|
6. |
cuirtear an méid seo a leanas in ionad phointe (42):
|
|
7. |
cuirtear isteach an pointe (43a) seo a leanas:
|
|
8. |
cuirtear an méid seo a leanas in ionad phointe (48):
|
|
9. |
cuirtear isteach an pointe (63a) seo a leanas:
|
(*1) Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus lena leasaítear Rialachán (AE) Uimh. 648/2012 (IO L 176, 27.6.2013, lch. 1, ELI: http://data.europa.eu/eli/reg/2013/575/oj ).
(*2) Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE (IO L 173, 12.6.2014, lch. 349, ELI: http://data.europa.eu/eli/dir/2014/65/oj ).
(*3) Cinneadh (AE) 2025/222 ón mBanc Ceannais Eorpach an 27 Eanáir 2025 maidir le rochtain ag soláthraithe seirbhísí íocaíochta neamhbhainc ar chórais íocaíochta arna n-oibriú ag bainc cheannais an Eurochórais agus ar chuntais bainc ceannais (BCE/2025/2) (IO L, 2025/222, 6.2.2025, ELI: http://data.europa.eu/eli/dec/2025/222/oj).’;”
ELI: http://data.europa.eu/eli/guideline/2025/1889/oj
ISSN 1977-0839 (electronic edition)