|
26.4.2023 |
GA |
Iris Oifigiúil an Aontais Eorpaigh |
C 143/4 |
Réamhfhógra faoi chomhchruinniú
(Cás M.11091 — PLATINUM EQUITY GROUP / DIVERSEY HOLDINGS)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 143/04)
1.
An 18 Aibreán 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Platinum Equity Group, LLC (“Platinum Equity Group”, SAM), |
|
— |
Diversey Holdings Ltd. (“Diversey”, SAM). |
Gheobhaidh Platinum Equity Group rialú ar Diversey ina iomláine, de réir bhrí Airteagal 3(1)(b) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Déanann Platinum Equity Group sainchúram d’éadáil agus oibriú cuideachtaí a sholáthraíonn seirbhísí agus réitigh do chustaiméirí i raon leathan earnálacha gnó, seirbhísí agus réitigh sna réimsí seo a leanas ina measc – an teicneolaíocht faisnéise, an teileachumarsáid, an lóistíocht, seirbhísí miotail, an déantúsaíocht agus dáileadh, |
|
— |
Is monaróir agus soláthróir é Diversey de phunann táirgí de réitigh um shláinteachas, réitigh um ionfhabhtú a chosc agus réitigh um ghlantachán, réitigh ina gcomhcheanglaítear ceimiceáin phaitinnithe, trealamh dáileoige agus dáilte, meaisíní agus seirbhísí glantacháin, agus anailísí digiteacha coimhdeacha. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11091 — PLATINUM EQUITY GROUP / DIVERSEY HOLDINGS
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).