11.5.2020   

MT

Il-Ġurnal Uffiċjali tal-Unjoni Ewropea

C 160/15


Notifika minn qabel ta’ konċentrazzjoni

(Il-Każ M.9845 — Davidson Kempner Capital Management/GoldenTree Asset Management/Quorum Health Corporation)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 160/05)

1.   

Fit-30 ta’ April 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

Davidson Kempner Capital Management LP (“Davidson Kempner”, l-Istati Uniti),

—

GoldenTree Asset Management LP (“GoldenTree”, l-Istati Uniti tal-Amerka),

—

Quorum Health Corporation (“Quorum Health Corporation”, l-Istati Uniti).

Davidson Kempner u Golden Tree jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ Quorum Health Corporation kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—

Davidson Kempner: ġestjoni ta’ assi alternattivi u prinċipalment attiva fl-Istati Uniti tal-Amerka, issegwi varjetà ta’ strateġiji ta’ investiment, inkluż għadd ta’ investimenti f’dejn moruż, bonds b’redditu għoli, self ingranat, prodotti strutturati, ajruplani u vapuri, u proprjetà immobbli,

—

GoldenTree: ġestjoni tal-assi bil-bażi fl-Istati Uniti tal-Amerka u attiva mad-dinja kollha, billi tispeċjalizza f’opportunitajiet ibbażati fuq il-kreditu permezz ta’ bond b’redditu għoli, self ingranat, dejn moruż, prodotti strutturati, swieq li jiżviluppaw, ekwità privata u ekwitajiet bit-tema tal-kreditu,

—

Quorum Health Corporation: provvista ta’ servizzi tal-isptar fl-Istati Uniti tal-Amerka.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9845 — Davidson Kempner Capital Management/GoldenTree Asset Management/Quorum Health Corporation

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.