(8)

Idir an 15 Iúil 2020 agus an 30 Márta 2022, fuair an Coimisiún iarrataí ar dhíolúintí ó na páirtithe a liostaítear i dTáblaí 1 agus 2 lena raibh an fhaisnéis is gá ag gabháil chun cinneadh a dhéanamh an féidir na hiarrataí sin a ghlacadh i gcomhréir le hAirteagal 4 den Rialachán díolúine.

(9)

Tugadh deis do na páirtithe a d’iarr díolúintí a mbarúlacha a chur in iúl faoi chonclúidí an Choimisiúin maidir le hinghlacthacht a n-iarrataí. Tugadh aghaidh ar a gcuid barúlacha in aithrisí (22) go (27).

(10)

I gcomhréir le hAirteagal 5(1) den Rialachán díolúine, go dtí go ndearnadh cinneadh maidir le tuillteanais iarrataí ó na páirtithe a iarrann díolúine, cuireadh íocaíocht na dleachta leathnaithe i leith aon allmhaire páirteanna riachtanacha rothair a dhearbhaigh na páirtithe sin a liostaítear i dTáblaí 1 agus 2 thíos gur ceadaíodh na páirteanna sin a chur i saorchúrsaíocht ar fionraí amhail ón lá a fuair an Coimisiún a n-iarrataí cuí-réasúnaithe de bhun Airteagal 4(1) agus (2) den Rialachán díolúine.

(11)

Tá an scrúdú ar thuillteanais na hiarrata ó na páirtithe a liostaítear i dTábla 1 tugtha i gcrích.

Tábla 1

(12)

Le linn an scrúdaithe a rinne an Coimisiún, maidir le luach na bpáirteanna de thionscnamh na Síne, shuigh sé gur lú ná 60 % de luach iomlán páirteanna na rothar uile a chóimeálann na páirtithe a liostaítear i dTábla 1 é an luach sin.

(13)

Dá bhrí sin, tháinig an Coimisiún ar an gconclúid nach dtagann oibríochtaí cóimeála na bpáirtithe a liostaítear i dTábla 1 faoi raon feidhme Airteagal 13(2) de Rialachán (AE) 2016/1036.

(14)

Ar an gcúis sin, agus i gcomhréir le hAirteagal 7(1) den Rialachán díolúine, chomhlíon na páirtithe a liostaítear i dTábla 1 na coinníollacha maidir le díolúine ón dleacht leathnaithe.

(15)

I gcomhréir le hAirteagal 7(2) den Rialachán díolúine, ba cheart éifeacht a bheith ag an díolúine amhail ón dáta a gheofar an iarraidh chuí-réasúnaithe de bhun Airteagal 4(1) agus (2) den Rialachán díolúine. Ba cheart a mheas, dá bhrí sin, go bhfuil na fiacha custaim i ndáil leis an dleacht leathnaithe ó na páirtithe a iarrann díolúine ar neamhní ón dáta céanna.

(16)

Cuireadh na páirtithe leasmhara ar an eolas faoi chonclúidí an Choimisiúin maidir le tuillteanais a n-iarrataí féin agus tugadh deis dóibh a mbarúlacha a thabhairt ina leith.

(17)

Ós rud é nach bhfuil feidhm ag an díolúine ach maidir leis na páirtithe dá dtagraítear go sonrach i dTábla 1, ba cheart do na páirtithe díolmhaithe fógra a thabhairt don Choimisiún (7) gan mhoill maidir le haon athrú ar an díolúine sin (mar shampla, tar éis athrú ar an ainm, ar an bhfoirm dhlíthiúil nó ar an seoladh nó tar éis eintitis chóimeála nua a chur ar bun).

(18)

Má thagann athrú ar thagairt, ba cheart don pháirtí díolmhaithe faisnéis ábhartha a chur ar fáil, lena n-áirítear aon mhodhnú ar a ghníomhaíocht a bhaineann le hoibríochtaí cóimeála. I gcás inarb iomchuí, tabharfaidh an Coimisiún na tagairtí cothrom le dáta dá réir sin.

(19)

Tá an scrúdú ar thuillteanais na n-iarrataí ó na páirtithe atá liostaithe i dTábla 2 fós ar siúl. Ar feitheamh cinneadh maidir le tuillteanais a n-iarrataí, tá íocaíocht na dleachta leathnaithe ó na páirtithe sin curtha ar fionraí.

(20)

Ós rud é nach bhfuil feidhm ag an bhfionraí ach maidir leis na páirtithe dá dtagraítear go sonrach i dTábla 2, ba cheart do na páirtithe sin fógra a thabhairt don Choimisiún (8) gan mhoill maidir le haon athrú orthu sin (mar shampla, tar éis athrú ar an ainm, ar an bhfoirm dhlíthiúil nó ar an seoladh nó tar éis eintitis chóimeála nua a chur ar bun).

(21)

Má thagann athrú ar thagairt, ba cheart don pháirtí lena mbaineann an fhaisnéis ábhartha uile a chur ar fáil, lena n-áirítear aon athrú ar a ghníomhaíochtaí a bhaineann le hoibríochtaí cóimeála. I gcás inarb iomchuí, déanfaidh an Coimisiún na tagairtí don pháirtí sin a thabhairt cothrom le dáta.

Tábla 2

(22)

Decathlon Sp. z o.o. Thug an Pholainn (“Decathlon”) a liostaítear i dTábla 2 freagra trína iarraidh ar an gCoimisiún athmhachnamh a dhéanamh ar an dáta a bheidh ag gabháil le híocaíochtaí na ndleachtanna le haghaidh páirtithe faoi scrúdú a chur ar fionraí.

(23)

Mhaígh Decathlon gur taisceadh an iarraidh ar dhíolúine an 1 Nollaig 2021 mar aon leis na doiciméid agus an fhaisnéis is gá chun go bhféadfadh an Coimisiún a hinghlacthacht a chinneadh agus, dá bhrí sin, ba cheart éifeacht a bheith ag fionraí íocaíochtaí na ndleachtanna ón dáta sin.

(24)

I ndáil leis sin, luaitear in Airteagal 4(3) den Rialachán díolúine go ndéantar inghlacthacht iarrataí ar dhíolúine a chinneadh nuair a thugtar bunús cuí léi de bhun Airteagal 4(1) agus (2) den Rialachán céanna.

(25)

Ní raibh bunús cuí leis an iarraidh ar dhíolúine a chuir Decathlon isteach an 1 Nollaig 2021 chun a hinghlacthacht a chinneadh. Chuir an Coimisiún Decathlon ar an eolas dá réir sin agus d’iarr sé faisnéis bhreise chomh maith le doiciméadacht a bhí in easnamh de bhun Airteagal 4(2) den Rialachán díolúine.

(26)

Sholáthair Decathlon an doiciméadacht agus an fhaisnéis a bhí in easnamh an 31 Eanáir 2022 agus an 21 Márta 2022. Dá bhrí sin, measadh go raibh an iarraidh ar dhíolúine a thaisc Decathlon cuí-réasúnaithe, ach é sin amhail ón 21 Márta 2022 amháin, agus dá réir sin is é sin an dáta a cuireadh íocaíocht na ndleachtanna leathnaithe ar fionraí.

(27)

Maidir leis an méid sin thuas, dearbhaítear dáta an 21 Márta 2022, mar a nochtadh roimhe seo, agus díbheadh an iarraidh ó Decathlon.

(28)

Idir an 16 Samhain 2021 agus an 24 Bealtaine 2022, thug na páirtithe díolmhaithe a liostaítear i dTábla 3 fógra don Choimisiún faoi athruithe ar a seoltaí. Tar éis don Choimisiún scrúdú a dhéanamh ar an bhfaisnéis a cuireadh isteach, tháinig sé ar an gconclúid nach ndéanann na hathruithe sin difear do na hoibríochtaí cóimeála maidir leis na coinníollacha díolúine nó fionraí a leagtar amach sa Rialachán díolúine.

(29)

Cé nach ndéantar difear do dhíolúine na bpáirtithe sin i dtaca leis an dleacht leathnaithe a údaraítear i gcomhréir le hAirteagail 5(1) nó 7(1) den Rialachán díolúine, ba cheart na tagairtí do na páirtithe sin a thabhairt cothrom le dáta.

Tábla 3

(30)

Ba cheart deireadh a chur le fionraí íocaíocht na ndleachtanna le haghaidh na bpáirtithe faoi scrúdú i gcás na bpáirtithe a liostaítear i dTábla 4.

Tábla 4

(31)

An 27 Iúil 2020 agus an 25 Samhain 2020, fuair an Coimisiún iarraidh ar dhíolúine ó na páirtithe a liostaítear i dTábla 4 maille leis an bhfaisnéis is gá chun a chinneadh an raibh na hiarrataí féin inghlactha i gcomhréir le hAirteagal 4(1) den Rialachán díolúine.

(32)

I gcomhréir le hAirteagal 5(1) de Rialachán (CE) Uimh. 88/97, go dtí go ndearnadh cinneadh maidir le tuillteanais na n-iarrataí, cuireadh íocaíocht na dleachta leathnaithe i leith aon allmhaire páirteanna rothair riachtanacha a dhearbhaigh na páirtithe a liostaítear i dTábla 4 gur ceadaíodh na páirteanna sin a chur i saorchúrsaíocht ar fionraí amhail ón lá a fuair an Coimisiún a n-iarrataí ar dhíolúine.

(33)

Sannadh cóid bhreise TARIC C557 agus C609 do Berria Bike S.L. an Spáinn (“Berria Bike”) agus Nextbike GmbH, an Ghearmáin (“Nextbike”) faoi seach, chun allmhairí páirteanna rothair riachtanacha a dearbhaíodh gur ceadaíodh iad a chur i saorchúrsaíocht a shainaithint agus faoi réir fionraí íocaíocht na dleachta leathnaithe.

(34)

An 25 Márta 2022, fuair an Coimisiún iarraidh ó Berria Bike chun an t-iarratas ar dhíolúine a tharraingt siar fad a bhí an scrúdú ar a thuillteanais á dhéanamh agus cuireadh íocaíocht na dleachta leathnaithe ar fionraí.

(35)

Ghlac an Coimisiún leis an tarraingt siar agus dá bhrí sin ba cheart deireadh a chur le fionraí íocaíocht na dleachta leathnaithe. Ba cheart an dleacht leathnaithe a bhailiú ón dáta a fuarthas an iarraidh ar dhíolúine a chuir Berria Bike isteach, eadhon an dáta a tháinig an fhionraí i bhfeidhm, is é sin an 27 Iúil 2020.

(36)

An 30 Márta 2022, fuair an Coimisiún iarraidh nua ar dhíolúine ó Berria Bike maille leis an bhfaisnéis is gá chun a chinneadh an raibh an iarraidh sin inghlactha i gcomhréir le hAirteagal 4(1) den Rialachán díolúine.

(37)

I gcomhréir le hAirteagal 5(1) den Rialachán díolúine, go dtí go ndearnadh cinneadh maidir le tuillteanais na hiarrata nua, cuireadh íocaíocht na dleachta leathnaithe i leith aon allmhaire páirteanna rothair riachtanacha a dhearbhaigh Berria Bike gur ceadaíodh iad a chur i saorchúrsaíocht ar fionraí amhail ón lá a fuair an Coimisiún a iarraidh nua chuí-réasúnaithe ar dhíolúine de bhun Airteagal 4(1) agus (2) de Rialachán (CE) Uimh. 88/97, is é sin an 30 Márta 2022.

(38)

Dá réir sin, go dtí go ndearnadh cinneadh maidir le tuillteanais na hiarrata ar dhíolúine is déanaí, ba cheart an dáta nua a tháinig fionraí na dleachta leathnaithe i bhfeidhm a athrú go dtí an 30 Márta 2022.

(39)

An 5 Bealtaine 2022, fuair an Coimisiún iarraidh ó Nextbike chun an iarraidh ar dhíolúine a tharraingt siar fad a bhí an scrúdú ar a thuillteanais fós á dhéanamh agus cuireadh íocaíocht na dleachta leathnaithe ar fionraí.

(40)

Ghlac an Coimisiún leis an tarraingt siar agus dá bhrí sin ba cheart deireadh a chur le fionraí íocaíocht na dleachta leathnaithe. Ba cheart an dleacht leathnaithe a bhailiú ón dáta a fuarthas an iarraidh ar dhíolúine a chuir Nextbike isteach, eadhon an dáta a tháinig an fhionraí i bhfeidhm, is é sin an 25 Samhain 2020.

(41)

Na páirtithe a liostaítear i dTábla 4, cuireadh ar an eolas iad faoi chonclúidí an Choimisiúin agus tugadh deis dóibh barúil a thabhairt air. Ní bhfuarthas aon bharúil,