1.   

An 20 avril 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Is leis na gnóthais seo a leanas a bhaineann an fógra sin:

—	AXA SA (’AXA’, an Fhrainc), trína fhochuideachtaí AXA France IARD SA (’AXA France IARD’, an Fhrainc) agus AXA IM SA (’AXA IM’, an Fhrainc), agus

—	Atalante SAS (’Atalante’, an Fhrainc).

Tá sé beartaithe ag AXA, trína fhochuideachtaí AXA France IARD agus AXA IM, rialú ar Atalante a fháil ina iomláine de réir bhrí Airteagal 3,mír 1, pointe (b), den Rialachán maidir le Cumaisc. Is trí cheannach scaireanna a dhéanfar an comhchruinniú.

2.   

Is iad seo a leanas gníomhaíochtaí gnó na ngnóthas lena mbaineann:

—	Tá AXA ina ghrúpa árachais domhanda atá gníomhach san árachas saoil, san árachas sláinte agus i gcineálacha eile árachais chomh maith le bainistiú sócmhainní.

—	Is i mbainistiú punann, idir phunanna aonair agus phunanna comhchoiteanna, agus ionstraimí airgeadais, thar ceann tríú páirtithe, den chuid is mó, atá Atalante gníomhach.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:

M.10688 – AXA / ATALANTE

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË