12.4.2018   

MT

Il-Ġurnal Uffiċjali tal-Unjoni Ewropea

L 94/30


DEĊIŻJONI TAL-AWTORITÀ TA' SORVELJANZA TAL-EFTA

Nru 226/17/COL

tad-19 ta' Diċembru 2017

li n-Norveġja tinħeles mill-obbligu li tapplika, fil-każ ta' ċertu speċi, l-Att li ssir referenza għalih fil-punt 2 tal-Parti 1 tal-Kapitolu III tal-Anness I tal-Ftehim dwar iż-Żona Ekonomika Ewropea, id-Direttiva tal-Kunsill 66/401/KEE dwar it-tqegħid fis-suq ta' żerriegħa ta' pjanti tal-għalf [2018/564]

L-AWTORITÀ TA' SORVELJANZA TAL-EFTA,

Wara li kkunsidrat l-Att li ssir referenza għalih fil-punt 2 tal-Parti 1 tal-Kapitolu III tal-Anness I tal-Ftehim dwar iż-Żona Ekonomika Ewropea (“il-Ftehim ŻEE”), id-Direttiva tal-Kunsill 66/401/KEE tal-14 ta' Ġunju 1966 dwar it-tqegħid fis-suq ta' żerriegħa ta' pjanti tal-għalf  (1) (“id-Direttiva 66/401/KEE”), u b'mod partikolari l-Artikolu 23a tagħha, kif adattata għall-Ftehim ŻEE bil-punt 4(d) tal-Protokoll 1 tal-Ftehim ŻEE, l-Artikolu 5(2)(d) tal-Ftehim bejn l-Istati tal-EFTA dwar l-istabbiliment ta' Awtorità ta' Sorveljanza u Qorti tal-Ġustizzja u l-Artikoli 1(1)(c), 1(2) u 3 tal-Protokoll 1 tal-Ftehim bejn l-Istati tal-EFTA dwar l-istabbiliment ta' Awtorità ta' Sorveljanza u ta' Qorti tal-Ġustizzja,

Wara li kkunsidrat l-applikazzjoni ppreżentata min-Norveġja fit-3 ta' Lulju 2017,

Billi:

(1)

Id-Direttiva 66/401/KEE tistipula ċerti dispożizzjonijiet għat-tqegħid fis-suq ta' żerriegħa ta' pjanti tal-għalf, u tistipula fl-Artikolu 23a tagħha li Stat taż-ŻEE jista' jiġi totalment jew parzjalment meħlus mill-obbligu li japplika din id-Direttiva rigward ċerti speċi jekk iż-żerriegħa minn dawn l-ispeċi ma tkunx normalment riprodotta jew mqiegħda fis-suq fit-territorju tiegħu.

(2)

Fit-3 ta' Lulju 2017 in-Norveġja ppreżentat (Dok Nru 864007) applikazzjoni biex tinħeles mill-obbligu li tapplika d-Direttiva 66/401/KEE fil-każ ta' 22 speċi ġdida inklużi f'din id-direttiva permezz tad-Direttiva ta' Implimentazzjoni tal-Kummissjoni (UE) 2016/2109 tal-1 ta' Diċembru 2016 li temenda d-Direttiva tal-Kunsill 66/401/KEE fir-rigward tal-inklużjoni tal-ispeċi ġodda u l-isem botaniku tal-ispeċi Lolium x boucheanum Kunth (2), li ssir referenza għaliha fil-punt 2 tal-Parti 1 tal-Kapitolu III tal-Anness I tal-Ftehim ŻEE, peress li dawn l-ispeċi ma humiex normalment riprodotti jew imqiegħda fis-suq fin-Norveġja.

(3)

Għaldaqstant, u sakemm jibqgħu fis-seħħ dawk il-kundizzjonijiet, in-Norveġja għandha tinħeles mill-obbligu li tapplika d-Direttiva 66/401/KEE fir-rigward ta' dawn l-ispeċi.

(4)

Tali ħelsien mill-obbligu għandu jsir bla ħsara għat-tqegħid fis-suq fin-Norveġja ta' żerriegħa prodotti, skont id-Direttiva 66/401/KEE, f'Parti Kontraenti oħra tal-Ftehim ŻEE.

(5)

Il-miżuri li jsir provediment għalihom f'din id-Deċiżjoni huma konformi mal-opinjoni tal-Kumitat Veterinarju u Fitosanitarju tal-EFTA.

ADOTTAT DIN ID-DEĊIŻJONI:

Artikolu 1

In-Norveġja hija b'dan meħlusa mill-obbligu li tapplika l-Att li ssir referenza għalih fil-punt 2 tal-Parti 1 tal-Kapitolu III tal-Anness I tal-Ftehim dwar iż-Żona Ekonomika Ewropea, id-Direttiva tal-Kunsill 66/401/KEE dwar it-tqegħid fis-suq ta' żerriegħa ta' pjanti tal-għalf, bl-eċċezzjoni tal-Artikolu 14(1), fil-każ tal-ispeċi li ġejjin:

—

Biserrula pelecinus

—

Lathyrus cicera

—

Medicago doliata

—

Medicago italica

—

Medicago littoralis

—

Medicago murex

—

Medicago polymorpha

—

Medicago rugosa

—

Medicago scutellata

—

Medicago truncatula

—

Ornithopus compressus

—

Ornithopus sativus

—

Plantago lanceolata

—

Trifolium fragiferum

—

Trifolium glanduliferum

—

Trifolium hirtum

—

Trifolium isthmocarpum

—

Trifolium michelianum

—

Trifolium squarrosum

—

Trifolium subterraneum

—

Trifolium vesiculosum

—

Vicia benghalensis

Artikolu 2

Din id-Deċiżjoni hija indirizzata lin-Norveġja.

Artikolu 3

Din id-Deċiżjoni hija awtentika bl-Ingliż.

Magħmula fi Brussell, id-19 ta' Diċembru 2017.

Għall-Awtorità ta' Sorveljanza tal-EFTA

Sven Erik SVEDMAN

Il-President

Helga JÓNSDÓTTIR

Membru tal-Kulleġġ


(1)   ĠU 125, 11.7.1966, p. 2298/66.

(2)   ĠU L 327, 2.12.2016, p. 59.