|
20.4.2022 |
MT |
Il-Ġurnal Uffiċjali tal-Unjoni Ewropea |
L 118/79 |
DEĊIŻJONI TAL-KUMITAT KONĠUNT UE/ICAO
tal-10 ta’ Marzu 2022
dwar l-adozzjoni ta’ Arranġament ta’ Ħidma bejn l-Unjoni Ewropea u l-Organizzazzjoni tal-Avjazzjoni Ċivili Internazzjonali rigward il-kooperazzjoni fil-qasam tar-rappurtar tal-inċidenti u l-aċċidenti fl-avjazzjoni ċivili [2022/647]
IL-KUMITAT KONĠUNT UE/ICAO,
Wara li kkunsidra l-Memorandum ta’ Kooperazzjoni bejn l-Unjoni Ewropea u l-ICAO li jipprovdi qafas għal kooperazzjoni msaħħa, iffirmat f’Montréal u fi Brussell fit-28 ta’ April u l-4 ta’ Mejju 2011 (MoC), u b’mod partikolari l-Artikoli 3.3 u 7.3(c) tiegħu;
Wara li kkunsidra l-Anness dwar is-Sikurezza tal-Avjazzjoni tal-MoC, u b’mod partikolari l-Artikolu 3.1 tiegħu;
Wara li kkunsidra l-Pjan Globali għas-Sikurezza tal-Avjazzjoni (GASP) tal-ICAO (Dok 10004 tal-ICAO) u l-inizjattivi globali tas-sikurezza (GSI);
Wara li kkunsidra l-Pjan Direzzjonali tas-Sikurezza tal-Avjazzjoni Globali (GASR, 2006) rigward l-implimentazzjoni tal-kondiviżjoni internazzjonali ta’ data/sistema globali ta’ rappurtar ta’ data;
Wara li kkunsidra r-Regolament (UE) Nru 376/2014 tal-Parlament Ewropew u tal-Kunsill tat-3 ta’ April 2014 dwar ir-rappurtar, l-analiżi u s-segwitu ta’ okkorrenzi fl-avjazzjoni ċivili, li jemenda r-Regolament (UE) Nru 996/2010 tal-Parlament Ewropew u tal-Kunsill u li jħassar id-Direttiva 2003/42/KE tal-Parlament Ewropew u tal-Kunsill, u r-Regolamenti tal-Kummissjoni (KE) Nru 1321/2007 u (KE) Nru 1330/2007 (1);
Wara li kkunsidra r-Regolament (UE) Nru 996/2010 tal-Parlament Ewropew u tal-Kunsill tal- 20 ta’ Ottubru 2010 dwar l-investigazzjoni u l-prevenzjoni ta’ aċċidenti u inċidenti fis-settur tal-avjazzjoni ċivili u li jħassar id-Direttiva 94/56/KE (2);
Wara li kkunsidra r-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (3),
Filwaqt li jikkunsidra li d-definizzjonijiet tat-tassonomija tar-Rappurtar tad-Data tal-Inċidenti/Inċidenti (ADREP) tal-ICAO huma primarjament ibbażati fuq l-Istandards u l-Prattiki Rakkomandati (SARPs) tal-ICAO, il-manwali u l-materjal ta’ gwida;
Filwaqt li jikkunsidra li hemm ħtieġa fost l-utenti tal-ADREP u ċ-Ċentru Ewropew ta’ Koordinament għas-Sistemi ta’ Notifika tal-Aċċidenti u tal-Inċidenti tal-Avjazzjoni (ECCAIRS) fl-Istati Membri tal-ICAO biex ikomplu jutilizzaw l-informazzjoni miksuba mill-ġbir, l-analiżi u l-kondiviżjoni tad-data biex jidentifikaw theddid għas-sikurezza u fatturi li jikkontribwixxu fuq skala globali;
Filwaqt li jikkunsidra li s-sikurezza tan-navigazzjoni bl-ajru u l-progress fl-armonizzazzjoni tal-avjazzjoni ċivili internazzjonali jiddependu fuq standards rikonoxxuti bħas-sistema ADREP u jirrikonoxxu l-importanza tal-assistenza reċiproka u l-kooperazzjoni fil-qasam tal-ġestjoni tas-sikurezza u s-sistemi ta’ bażi tad-data;
Filwaqt li jikkunsidra l-obbligu fi ħdan l-Unjoni Ewropea tal-Aġenzija tas-Sikurezza tal-Avjazzjoni tal-Unjoni Ewropea (EASA) li tassisti lill-Kummissjoni Ewropea fil-ġestjoni tar-Repożitorju Ċentrali Ewropew li jaħżen ir-rapporti kollha dwar l-okkorrenzi miġbura fl-Unjoni Ewropea, u b’mod partikolari l-kompitu tagħha li tiżviluppa u żżomm verżjoni ġdida tas-softwer tal-ECCAIRS imsejjaħ ECCAIRS 2;
Filwaqt li jikkunsidra li l-EASA ħadet f’idejha l-funzjonijiet kollha li d-Direttorat Ġenerali taċ-Ċentru Konġunt tar-Riċerka (JRC) tal-Kummissjoni Ewropea attwalment iwettaq fir-rigward tas-sett tas-software tal-ECCAIRS mill-1 ta’ Jannar 2021;
Filwaqt li jikkunsidra li huwa għalhekk meħtieġ li jiġi sostitwit l-Arranġament ta’ Ħidma li sar f’Montréal fil-21 ta’ Settembru 2011 rigward il-kooperazzjoni fil-qasam tar-rappurtar tal-inċidenti u l-aċċidenti fl-avjazzjoni ċivili;
ADOTTA DIN ID-DEĊIŻJONI:
Artikolu 1
L-Arranġament ta’ Ħidma anness ma’ din id-Deċiżjoni huwa b’dan adottat, u jissostitwixxi l-Arranġament ta’ Ħidma magħmul f’Montréal fil-21 ta’ Settembru 2011 dwar il-kooperazzjoni fil-qasam tar-rappurtar tal-inċidenti u l-aċċidenti fl-avjazzjoni ċivili.
Artikolu 2
Din id-Deċiżjoni għandha tidħol fis-seħħ dakinhar tal-adozzjoni tagħha.
Għall-Kumitat Konġunt UE-ICAO:
Il-Presidenti [firem biss]
(1) ĠU L 122, 24.4.2014, p. 18.
MEHMUŻ MAD-DEĊIŻJONI TAL-KUMITAT KONĠUNT UE/ICAO TAL-10 TA’ MARZU 2022
ARRANĠAMENT TA’ ĦIDMA BEJN L-ORGANIZZAZZJONI TAL-AVJAZZJONI ĊIVILI INTERNAZZJONALI U L-UNJONI EWROPEA
RIGWARD IL-KOOPERAZZJONI FIL-QASAM TAR-RAPPORTAR TAL-AĊĊIDENTI U L-INĊIDENTI FL-AVJAZZJONI ĊIVILI
Dan l-Arranġament ta’ Ħidma fih mekkaniżmi u proċeduri miftiehma b’mod reċiproku meħtieġa għall-implimentazzjoni effettiva tal-attivitajiet ta’ kooperazzjoni bejn l-Organizzazzjoni tal-Avjazzjoni Ċivili Internazzjonali (ICAO) u l-Unjoni Ewropea (UE).
L-ICAO u l-UE minn hawn ’il quddiem jissejħu individwalment il- “Parti” jew kollettivament bħala l- “Partijiet”.
1. L-OBJETTIV TAL-ARRANĠAMENT TA’ ĦIDMA
|
1.1. |
Dan l-Arranġament ta’ Ħidma, li jaqa’ fl-ambitu tal-Memorandum ta’ Kooperazzjoni (MoC) u l-Anness tiegħu dwar is-Sikurezza tal-Avjazzjoni, b’mod partikolari l-Artikoli 3.3 u 7.3(c) tal-MoC, għandu l-għan li jimplimenta l-kooperazzjoni bejn il-Partijiet li għandha l-għan li tappoġġa u tippromwovi, fejn possibbli, l-attivitajiet ta’ xulxin fil-qasam tar-rapportar tal-inċidenti u l-aċċidenti fl-avjazzjoni ċivili. |
|
1.2. |
Sabiex jinkisbu l-għanijiet ta’ dan l-Arranġament ta’ Ħidma, il-Partijiet jaqblu dwar l-approċċ ġenerali li ġej:
|
2. AKKOMODAZZJONI SPEĊIFIKA BEJN IL-PARTIJIET
|
2.1. |
Sabiex jippromwovu l-użu tat-tassonomija ADREP, ara l-punt 1.2 b) hawn fuq, il-Partijiet jaqblu dwar dan li ġej:
|
|
2.2. |
Sabiex jippromwovu l-użu tal-ECCAIRS 2, ara l-punt 1.2 c) hawn fuq, il-Partijiet jaqblu dwar dan li ġej:
|
|
2.3. |
Sabiex jiġu armonizzati u kondiviżi l-isforzi fit-taħriġ u l-appoġġ, ara l-punt 1.2 d) hawn fuq, il-Partijiet jaqblu dwar dan li ġej:
|
|
2.4. |
Sabiex jikkollaboraw dwar l-istabbiliment tal-bażi tad-data ECCAIRS 2, il-Partijiet jaqblu dwar dan li ġej:
|
3. ĠESTJONI
|
3.1. |
L-ICAO u l-EASA għandhom jaħtru punti ta’ kuntatt kull wieħed biex iservu bħala koordinaturi responsabbli għall-attivitajiet konġunti. Il-koordinaturi jistgħu jinnominaw membri oħra tal-persunal biex jirrappreżentawhom jew biex jattendu l-laqgħat. |
|
3.2. |
Il-korrispondenza dwar il-kwistjonijiet prattiċi kollha relatati ma’ dan l-Arranġament ta’ Ħidma għandha tkun bejn il-koordinaturi. |
|
3.3. |
Il-partijiet se jorganizzaw, kif meħtieġ, laqgħat biex jikkunsidra il-progress tal-attivitajiet ta’ kooperazzjoni skont dan l-Arranġament ta’ Ħidma. |
4. FINANZJAMENT
|
4.1. |
Ħlief fejn ikun miftiehem speċifikament mod ieħor mill-Partijiet permezz ta’ arranġamenti separati, kull Parti ġġarrab l-ispiża ta’ kwalunkwe nefqa li ġġarrab relatata mat-twettiq tal-kompiti tagħha skont dan l-Arranġament ta’ Ħidma. |
|
4.2. |
L-attivitajiet kollha mwettqa skont dan l-Arranġament ta’ Ħidma għandhom ikunu soġġetti għad-disponibbiltà ta’ fondi, persunal u riżorsi oħra xierqa kif ukoll għal-liġijiet u r-regolamenti, il-politiki u l-programmi applikabbli ta’ kull Parti. |
5. PROPRJETÀ INTELLETTWALI
|
5.1. |
It-tassonomija ADREP hija u tibqa’ proprjetà intellettwali tal-ICAO. |
|
5.2. |
Is-sistema ECCAIRS 2 u l-għodod tas-softwer relatati huma u jibqgħu proprjetà intellettwali tal-UE. |
|
5.3. |
Il-Partijiet mhumiex responsabbli għall-kwalità jew il-kwantità tad-data miġbura. |
|
5.4. |
Kull Parti tirrikonoxxi s-sjieda u d-drittijiet kollha fi u għad-drittijiet tal-awtur, it-trademarks, l-isem, il-logos u kwalunkwe proprjetà intellettwali oħra tagħha. L-użu ta’ kwalunkwe Parti tal-proprjetà intellettwali tal-Parti l-oħra huwa soġġett għall-approvazzjoni bil-miktub minn qabel tal-Parti l-oħra. Jekk tingħata tali approvazzjoni, l-użu għandu jkun fuq bażi mhux esklussiva u l-Parti li tuża l-proprjetà intellettwali tal-Parti l-oħra għandha tikkonforma strettament b’rieda tajba mal-istruzzjonijiet bil-miktub tal-Parti l-oħra u mal-linji gwida u l-ispeċifikazzjonijiet tagħha. |
6. EMENDI U TERMINAZZJONI
|
6.1. |
Dan l-Arranġament ta’ Ħidma jista’ jiġi modifikat jew emendat b’deċiżjoni tal-Kumitat Konġunt UE/ICAO. |
|
6.2. |
Dan l-Arranġament ta’ Ħidma jista’ jiġi tterminat fi kwalunkwe ħin minn kwalunkwe Parti li jagħti sitt (6) xhur avviż bil-miktub lill-Parti l-oħra. |
(1) https://www.easa.europa.eu/