European flag

Il-Ġurnal Uffiċjali
tal-Unjoni Ewropea

MT

Is-serje C


C/2026/5037

30.9.2026

Notifika minn qabel ta’ konċentrazzjoni

(Każ M.12401 – SUN TRINITY / MHCCE / BRUC JAPAN / BRUC JAPAN 2)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(C/2026/5037)

1.   

Fil-21 ta’ Settembru 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

Sun Trinity LLC. (“Sun Trinity”, il-Ġappun), ikkontrollata minn Sumitomo Corporation (il-Ġappun),

—

Mitsubishi HC Capital Energy Inc. (“MHCCE”, il-Ġappun), ikkontrollata minn Mitsubishi HC Capital Co., Ltd. (il-Ġappun),

—

BRUC Japan KK (“BRUC Japan”, il-Ġappun), li bħalissa hija fl-aħħar mill-aħħar ikkontrollata minn OPSEU Pension Plant Trust Fund (“OPTrust”, il-Kanada), u

—

BRUC Japan 2 KK (“BRUC Japan 2”, il-Ġappun), li bħalissa fl-aħħar mill-aħħar hija kkontrollata minn OPTrust (il-Kanada).

Sun Trinity u MHCCE se jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt sħiħ ta’ BRUC Japan u BRUC Japan 2.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—

Sun Trinity tiżviluppa u topera impjanti tal-enerġija solari fil-Ġappun, u tbigħ l-elettriku ġġenerat lill-klijenti skont il-Ftehimiet dwar ix-Xiri tal-Enerġija,

—

MHCCE tispeċjalizza fl-iżvilupp u t-tħaddim ta’ proġetti tal-enerġija rinnovabbli, inklużi l-enerġija solari, l-enerġija mir-riħ, u s-sistemi għall-ħżin tal-enerġija tal-batteriji (“BESS”) fil-Ġappun,

—

BRUC Japan u BRUC Japan 2 jiżviluppaw, jippossjedu u joperaw assi fotovoltajċi fil-Ġappun u huma attivi fil-produzzjoni u l-provvista bl-ingrossa tal-elettriku solari esklussivament fil-Ġappun.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12401 — SUN TRINITY / MHCCE / BRUC JAPAN / BRUC JAPAN 2

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)   ĠU L 24, 29.1.2004, p. 1 (ir-“Regolament dwar l-Għaqdiet”).

(2)   ĠU C 160, 5.5.2023, p. 1.


ELI: http://data.europa.eu/eli/C/2026/5037/oj

ISSN 1977-0987 (electronic edition)