AN COIMISIÚN EORPACH
An Bhruiséil,26.9.2024
COM(2024) 423 final
IARSCRÍBHINN
a ghabhann leis an
Moladh le haghaidh Cinneadh ón gComhairle
lena n-eisítear treoracha don Choimisiún chun athnuachaintí ar an gComhaontú idir an Comhphobal Eorpach do Fhuinneamh Adamhach (Euratom) agus Eagraíocht Forbartha Fuinnimh Leithinis na Cóiré (KEDO) a chaibidliú
IARSCRÍBHINN
Treoracha Caibidlíochta
1.Cuspóir
Leasanna airgeadais agus dlíthiúla Euratom a chosaint i bhfoirceannadh ordúil KEDO.
2.Cur chun feidhme
Tá athnuachaintí ar chomhaltas Euratom faoi réir na gcoinníollacha seo a leanas:
(a)mairfidh an comhaltas an méid ama is gá chun saincheisteanna airgeadais KEDO atá fós gan réiteach le tríú páirtithe a réiteach, ar choinníoll nach mbeidh gá le haon ranníocaíocht airgeadais nua;
(b)Beidh gníomhaíochtaí KEDO teoranta dá leasanna airgeadais a chosaint agus dá fhoirceannadh cuí a ullmhú agus a fhorghníomhú;
(c)leanfaidh gach comhalta eile de Bhord Feidhmiúcháin KEDO dá chomhaltas in KEDO;
(d)beidh na hairteagail maidir le neamhdhliteanas institiúideach agus airgeadais mar an gcéanna leis na hairteagail a bhí i gcomhaontuithe Euratom-KEDO a tháinig roimhe seo;
(e)Beidh Euratom rannpháirteach i ngníomhaíochtaí Bhord Feidhmiúcháin KEDO agus beidh na cearta céanna aige agus atá ag comhaltaí eile an Bhoird Feidhmiúcháin.
Leanfaidh na coinníollacha sin de bheith bailí i gcás comhaontú amháin nó níos mó idir Euratom agus KEDO ar choinníoll nach mbeidh aon tionchar airgeadais ag athnuachan chomhaltas Euratom in KEDO ar bhuiséad an Aontais.