|
16.11.2021 |
GA |
Iris Oifigiúil an Aontais Eorpaigh |
L 405/5 |
CINNEADH (AE) 2021/1987 ÓN gCOMHAIRLE
an 9 Samhain 2021
maidir leis an seasamh atá le glacadh thar ceann an Aontais Eorpaigh sa Chomhairle um Chomhar a bunaíodh leis an gComhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile, a mhéid a bhaineann le síneadh a chur le Tosaíochtaí Comhpháirtíochta AE-na hAsarbaiseáine
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagail 207 agus 209 de, i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Síníodh an Comhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile (an “Comhaontú”) an 22 Aibreán 1996 agus tháinig sé i bhfeidhm an 1 Iúil 1999. |
|
(2) |
Faoi Airteagal 81 den Chomhaontú, féadfaidh an Chomhairle um Chomhar, a bunaíodh leis an gComhaontú, moltaí iomchuí a dhéanamh chun cuspóirí an Chomhaontaithe a bhaint amach. |
|
(3) |
Ag an gcruinniú a bhí ag an gComhairle um Chomhar an 28 Meán Fómhair 2018, glacadh Tosaíochtaí Comhpháirtíochta AE-na hAsarbaiseáine le haghaidh na tréimhse 2018-2020. |
|
(4) |
Ba cheart don Chomhairle um Chomhar Moladh a ghlacadh maidir le síneadh a chur le Tosaíochtaí Comhpháirtíochta AE-na hAsarbaiseáine go dtí 2024, agus é sin a dhéanamh trí nós imeachta i scríbhinn. |
|
(5) |
Is iomchuí an seasamh atá le glacadh thar ceann an Aontais sa Chomhairle um Chomhar a bhaineann le síneadh a chur le Tosaíochtaí Comhpháirtíochta AE-na hAsarbaiseáine a bhunú, |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh thar ceann an Aontais sa Chomhairle um Chomhar a bunaíodh leis an gComhaontú Comhpháirtíochta agus Comhair idir na Comhphobail Eorpacha agus a mBallstáit, de pháirt, agus Poblacht na hAsarbaiseáine, den pháirt eile, a mhéid a bhaineann le moladh a ghlacadh maidir le síneadh a chur le Tosaíochtaí Comhpháirtíochta AE-na hAsarbaiseáine go dtí 2024, beidh an seasamh sin bunaithe ar an dréachtmholadh ón gComhairle um Chomhar (1).
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 9 Samhain 2021.
Thar ceann na Comhairle
An tUachtarán
A. ŠIRCELJ
(1) Féach doiciméad ST 11568/1/21 REV1 ag http://register.consilium.europa.eu.