(1)

Skond id-dispożizzjonijiet ta’ l-Anness III, Parti A, punt 12 tad-Direttiva 2000/29/KE, tuberi ta’ l-ispeċi Solanum L. u l-ibridi tagħhom, għajr patata taż-żrieragħ u ċerti tipi ta’ patata oħra speċifikati fl-Anness III, Parti A, punti 10 u 11, li joriġinaw f’ċerti pajjiżi terzi Ewropej għajr dwak rikonoxxuti bħala ħielsa mill-Clavibacter michiganensis (Smith) Davis et al. ssp. sepedonicus (Spieckerman and Kotthoff) Davis et al. (minn hawn ‘il quddiem “l-organiżmu”), jew, fejn id-dipożizzjonijiet huma magħrufa bħala ekwivalenti għad-dispożizzjonijiet Komunitarji għall-ġlieda kontra l-organiżmu, ma jistgħux jiġu introdotti fl-Istati Membri.

(2)

Minn tagħrif uffiċjali mogħti mill-Bulgarija u tagħrif miġbur waqt missjonijiet li seħħu f’dan il-pajjiż f’Marzu 2004 u Marzu 2005 mill-Uffiċju Alimentari u Veterinarju, jidher li l-organiżmu ma jinstabx f’dak il-pajiż u li l-Bulgarija applikat proċedura ta’ kontroll, spezzjoni u ttestjar għall-organiżmu fuq l-importazzjonijiet tal-patata u ż-żerriegħa domestika u l-produzzjoni tal-patata għall-konsum mill-bniedem.

(3)

Jista’ għalhekk jiġi stabbilit li m’hemm l-ebda riskju li l-organiżmu jixtered.

(4)

Din id-Deċiżjoni hija bla ħsara għal kull sejba sussegwenti li tista’ turi l-organiżmu huwa preżenti fil-Bulgarija.

(5)

Il-Kummissjoni se tiżgura li l-Bulgarija tagħmel disponibbli t-tagħrif tekniku meħtieġ sabiex tkompli tivvaluta s-sitwazzjoni msemmija fuq.

(6)

Il-miżuri stipolati f’din id-Deċiżjoni huma f’ konformità ma’ l-opinjoni tal-Kumitat Permanenti fuq is-Saħħa tal-Pjanti,