C_202404405GA.000101.fmx.xml

Réamhfhógra faoi chomhchruinniú

(Cás M.11504 – ICIG / EVONIK SUPERABSORBER COMPANIES)

(Téacs atá ábhartha maidir le LEE)

(C/2024/4405)

An 1 Iúil 2024, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Is leis na gnóthais seo a leanas a bhaineann an fógra sin:

—	ICI Holding SE (‘ICIG’, an Ghearmáin), faoi rialú International Chemical Investors Group GmbH (‘ICI Group’, an Ghearmáin), faoi rialú deiridh Dr Achim Riemann,

—	Evonik Superabsorber GmbH (‘ESG’, an Ghearmáin), faoi úinéireacht an ghrúpa Evonik Industries AG (‘Evonik’, an Ghearmáin),

—	Evonik Superabsorber LLC (‘ESL’, na Stáit Aontaithe), faoi úinéireacht an ghrúpa Evonik.

Gheobhaidh ICIG rialú aonair, de réir bhrí Airteagal 3(1)(b) den Rialachán um Chumaisc, ar ESG agus ESL ina n-iomláine.

Baintear an comhchruinniú amach trí bhíthin ceannach scaireanna agus sócmhainní.

Is iad seo a leanas gníomhaíochtaí gnó na ngnóthas lena mbaineann:

—	Is grúpa tionsclaíoch é ICIG, a dhíríonn ar ghnólachtaí ceimiceacha agus cógaisíochta meánmhéide. Tá baint ag na gnólachtaí uile atá faighte ag ICIG le corparáidí ceimiceacha nó cógaisíochta domhanda,

—

Tá ESG gníomhach i dtáirgeadh ábhar sár-ionsúiteach, i.e. substaintí ceimiceacha neamh-intuaslagtha (polaiméirí atá bunaithe ar pholaicrioláit den chuid is mó) a ionsúnn leachtanna agus nach scaoileann iad fiú faoi bhrú, chomh maith le táirgeadh aigéad aicrileach, ar réamhtheachtaí iad d’ábhair sár-ionsúiteacha,

—	Tá ESL gníomhach freisin i bhforbairt, táirgeadh agus díol ábhar sár-ionsúiteach.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:

M.11504 – ICIG / EVONIK SUPERABSORBER COMPANIES

Is féidir barúlacha a sheoladh chuig an gCoimisiún trí ríomhphost nó tríd an bpost. Baintear úsáid as na sonraí teagmhála seo thíos:

Seoladh Ríomhphoist: COMP-MERGER-REGISTRY@ec.europa.eu

Seoladh poist:

an Coimisiún Eorpach

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).