RAPPORT TAL-KUMMISSJONI

dwar l-applikazzjoni fl-2012 tar-Regolament (KE) Nru 1049/2001 dwar l-aċċess pubbliku għal dokumenti tal-Parlament Ewropew, tal-Kunsill u tal-Kummissjoni

Dan ir-rapport, imfassal skont l-Artikolu 17(1) tar-Regolament (KE) Nru 1049/2001 dwar l-aċċess pubbliku għal dokumenti tal-Parlament Ewropew, tal-Kunsill u tal-Kummissjoni[1], ikopri s-sena 2012 u hu bbażat fuq dejta statistika miġbura fil-qosor fl-anness.

Dawn l-istatistiki jirriflettu n-numru ta’ applikazzjonijiet u mhux ta' dokumenti mitluba. Fil-prattika, l-applikazzjonijiet jistgħu jkopru dokument wieħed waħdu jew fajls sħaħ dwar xi proċedura speċifika b'eluf ta' dokumenti. L-applikazzjonijiet għal aċċess tad-dokumenti li kienu pubblikament aċċessibbli fil-mument tat-talba mhumiex inklużi.

Fit-83 % tal-każi fl-istadju inizjali d-dokumenti mitluba ġew divulgati. Fl-istadju konfermatorju, kien mogħti aċċess sħiħ jew parzjali fil-43 % tal-każi.

1.           Reġistri u Siti fuq l-Internet

1.1.        Fl-2012, żdiedu 17 940 dokument ġdid mar-reġistru tad-dokumenti tal-Kummissjoni (ara t-Tabella 1 fl-Anness).

1.2.        Skont l-Artikolu 17(1) tar-Regolament 1049/2001 il-Kummissjoni għandha tipprovdi fir-rapporti annwali tagħha n-numru ta’ dokumenti fil-pussess tagħha li jkunu “sensittivi” skont it-tifsira tal-Artikolu 9(1) tar-Regolament[2] u li għalhekk ma jkunux ġew irreġistrati. Fl-2012 ir-reġistru pubbliku tal-Kummissjoni kopra d-dokumenti li jmiss: COM, SEC, C, JOIN, SWD OJ, u s-serje PV. Fl-2012 l-ebda dokument sensittiv f'dawn il-kategoriji ta' dokumenti.ma nħoloq jew wasal għand il-Kummissjoni.

1.3.        It-tabella ta' hawn taħt turi l-istatistika għall-2012 dwar il-konsultazzjoni tas-sit “Trasparenza u Aċċess għad-Dokumenti” fuq EUROPA.

|| Numru ta’viżitaturi || Numru ta’sessjonijiet || Paġni meqjusa

Total || 33 903 || 40 605 || 213 244

Medja kull xahar || 2 825 || 3 384 || 17 770

2.           Kooperazzjoni mal-istituzzjonijiet l-oħra soġġetti għar-Regolament

Matul l-2012 il-kumitat interistituzzjonali mwaqqaf skont l-Artikolu 15(2) tar-Regolament ma tlaqqax f'livell politiku. It-tliet istituzzjonijiet (il-Parlament Ewropew, il-Kunsill u l-Kummissjoni) organizzaw laqgħat regolari f'livell amministrattiv bil-ħsieb li jaqsmu l-esperjenza, jiżviluppaw l-aħjar prattiki u jiżguraw applikazzjoni konsistenti tar-Regolament.

3.           Analiżi tal-Applikazzjonijiet Għall-Aċċess

3.1.        Fl-2012 il-fluss ta' talbiet għall-aċċess fl-istadju inizjali naqas fin-numru ta' applikazzjonijiet (6014 l-2012 meta mqabbel mas-6447 fl-2011). In-numru ta' tweġibiet ibbażati fuq ir-Regolament 1049/2001 kien ta' 5274 fl-2012 meta mqabbel mas-6055 fl-2011.

3.2.        Fir-rigward tal-istadju konfermatorju, in-numru tal-applikazzjonijiet li waslu naqas bi kważi 39 % (229 applikazzjoni ġdida konfermatorja fl-2012 kontra l-165 fl-2011). L-għadd totali ta' tweġibiet għal applikazzjonijiet konfermatorji kien jikkorrispondi mill-qrib man-numru ta’ applikazzjonijiet li waslu (202 każi magħluqa fl-2012 meta mqabbla mal-162 fl-2011). Fost dawn, 160 tweġiba (79 %) kienu d-deċiżjonijiet konfermatorji dwar l-aċċess għad-dokumenti skont ir-Regolament 1049/2001. L-għadd tagħhom żdied fl-2012 bi 11 % meta mqabbel mal-2011 fejn inħarġu 144 deċiżjoni bħal dawn. (Ara l-Anness - it-Tabella 5)

3.3.        Fl-2012, is-Segretarjat Ġenerali tal-Kummissjoni u d-Direttorat Ġenerali għas-Saħħa u l-Ħarsien tal-Konsumatur irċieva l-ogħla numru ta’ talbiet inizjali (12,10 % u 7,28 % rispettivament), segwit mill-qrib ħafna mid-Direttorat Ġenerali għall-Kompetizzjoni b'6 81 % tal-applikazzjonijiet inizjali, u d-Direttorat Ġenerali għall-Ambjent b'6,61 %. Ta' min wieħed jinnota li l-interess fil-ksib tad-dokumenti mid-Direttorat Ġenerali għat-Tassazzjoni u l-Unjoni Doganali (li kklassifika l-ewwel fl-2011) naqas, filwaqt li t-talba għal dokumenti u fajls miżmuma mid-Direttorat Ġenerali għall-Kompetizzjoni baqgħet fuq livell għoli.

3.4.        Id-dinja akkademika ppruvat għal darb'oħra li hija l-aktar kategorija attiva mill-applikanti, li tammonta għal 22,70 % tal-applikazzjonijiet inizjali (meta mqabbel mal-25,73 % fl-2011). Bħal fis-snin ta' qabel kienet segwita mid-ditti legali bi 13,58 % (meta mqabbel mal-11,30 % fl-2011) u s-soċjetà ċivili (NGOs, gruppi ta' interess) b'10,32 % (meta mqabbel mat-8,59 % fl-2011) tan-numru totali ta' applikazzjonijiet. Il-profil soċjoprofessjonali mhuwiex iddefinit fil-każ ta’ 33,83 % tal-applikazzjonijiet. (Ara l-Anness - it-Tabella 8)

3.5.        It-tqassim ġeografiku tal-applikazzjonijiet inizjali wkoll baqa' simili għal snin preċedenti b’żieda żgħira fir-rigward tal-proporzjon tal-applikazzjonijiet ġejjin mill-Belġju li dejjem ikun l-akbar wieħed (21,85 %). Meta mqabbel mal-2011, kien hemm tnaqqis sostanzjali fl-applikazzjonijiet mill-Italja (12,37 % fl-2011 għal 7,54 % fl-2012). Bl-eċċezzjoni tal-Ġermanja (14,04 %) u r-Renju Unit (10,17 %) l-ebda mill-Istati Membri ma qabżu l-10 % tal-applikazzjonijiet, bl-akbar numri kienu ġejjin minn Stati Membri b'popolazzjoni għolja bħal: Franza, Spanja u l-Polonja. Il-proporzjon tal-applikazzjonijiet minn Stati Membri tal-UE-10 u l-UE-2 għadu ftit 'l isfel mill-proporzjon korrispondenti li joriġina mill-Istati Membri tal-UE-15. (Ara l-Anness - it-Tabella 9).

4.           L-Applikazzjoni tal-Eċċezzjonijiet għad-Dritt ta' aċċess

4.1.        Fl-2012, il-proporzjon tal-applikazzjonijiet li kienu totalment rifjutati fl-ewwel istanza baqa' kważi identiku mas-sena preċedenti (16,91 % fl-2012 kontra t-12,18 % fl-2011). Fi tlieta minn kull erba' każi (74,48 % kontra t-80,20 % fl-2011) ingħata żvelar sħiħ filwaqt li żdied ftit il-perċentwali ta' dokumenti parzjalment żvelati meta mqabbel mas-snin preċedenti biex laħaq it-8,61 % (meta mqabbel mas-7,62 % fl-2011). (Ara l-Anness - it-Tabella 3)

4.2.        L-għadd ta’ każi fejn, wara applikazzjoni konfermatorja, il-Kummissjoni marret lura mill-pożizzjoni meħuda mis-servizzi tagħha billi żvelat kompletament dokumenti li qabel kienu miċħuda, żdied bi ftit (18,75 % kontra l-14,58 % fl-2011). Barra minn hekk, kien hemm żieda fil-każi fejn rifjut kien ikkonfermat għal kollox u tnaqqis sinifikanti fin-numru ta' każi fejn ingħata aċċess aktar wiesa' wara applikazzjoni konfermatorja. (Ara l-Anness - it-Tabella 6)

4.3.        Il-perċentwali ta' każi fejn il-protezzjoni tal-proċess tat-teħid ta' deċiżjonijiet tal-Kummissjoni (l-Artikolu 4(3)) intużat bħala bażi għal rifjut naqas bi ftit meta mqabbel mas-sena ta' qabel (25,15 % kontra l-25,73 % fl-2011). Madankollu din tiġi fit-tieni post fil-lista tal-aktar eċċezzjonijiet użati, eżatt wara l-eċċezzjoni bil-għan li tipproteġi l-iskop tal-ispezzjonijiet, investigazzjonijiet u verifiki (it-tielet inċiż tal-Artikolu 4(2)), li ammontat għal 25,32 % tal-każi (kontra l-21,90 % fl-2011). (Ara l-Anness - it-Tabella 7)

4.4.        Ir-rata ta' rifjut ibbażata fuq il-protezzjoni ta' interessi kummerċjali baqgħet pjuttost stabbli (16,94 % kontra s-16,83 % fl-2011). Min-naħa l-oħra, in-numru ta' każi fejn intużat il-protezzjoni ta' relazzjonijiet internazzjonali naqas b'mod sinifikattiv (3,58 % kontra t-12,02 % fl-2011). (Ara l-Anness - it-Tabella 7)

4.5.        L-aktar raġuni invokata ta' spiss għall-konferma tar-rifjut għall-aċċess kienet, bħal fi snin preċedenti, il-protezzjoni tal-iskop tal-investigazzjonijiet (it-tielet inċiż tal-Artikolu 4(2)), (45,10 % meta mqabbla mat-32,68 % fl-2011). (Ara l-Anness - it-Tabella 7)

– Il-protezzjoni tal-proċess tat-teħid ta' deċiżjonijiet tal-Kummissjoni, intużat fi 15,69 % tal-każi (li huwa xhieda ta' tnaqqis meta mqabbel mal-2011). It-tendenza msemmija madankollu tikkonċerna biss każi li fihom il-proċess tat-teħid ta' deċiżjonijiet kien kontinwu (6,54 % kontra 15,33 % is-sena ta' qabel). Għandu jiġi nnutat li kien hemm żieda fil-każi li jikkonċernaw għażliet għal użu intern, fejn id-deċiżjoni kienet diġà meħuda (9,15 % meta mqabbla mal-4 % fl-2011).

– Tnaqqis għandu jiġi nnutat rigward il-protezzjoni tal-privatezza u l-integrità tal-individwi (10,46 % kontra l-20,67 % fl-2011). Min-naħa l-oħra, il-protezzjoni tal-interessi kummerċjali ntużat spiss kważi daqs is-sena ta' qabel (11,76 % meta mqabbla mal-14,66 % fl-2011). Rigward l-eċċezzjoni bbażata fuq il-protezzjoni ta' proċedimenti tal-qorti u pariri legali, kien hemm żieda sinifikanti minn 1,33 % fl-2011 għal 7,84 % fl-2012.

5.           Ilmenti lill-Ombudsman Ewropew

5.1.        Fl-2012 l-Ombudsman għalaq dawn it-18-il ilment kontra l-mod kif il-Kummissjoni ttrattat it-talbiet ta’ aċċess għal dokumenti:

10 każi magħluqa b’rimarka kritika u/jew ulterjuri

2293/2008/(BB)(FOR)TN || 1972/2009/ANA || 914/2009/(IP)(EIS)ER || 2299/2010/(IP)(EIS)ER

682/2010/(TS)TN || 339/2011/AN || 388/2011/(PMC)(IP) (EIS)ER || 1472/2011/(PMC)(PB)MMN

2466/2011/ER || 173/2012/VL || ||

8 każi magħluqa mingħajr ma ttieħdet azzjoni oħra

3097/2009/(JF)(IP)EIS || 127/2010/VIK || 849/2010/KM || 1161/2010/BEH

1683/2010/(ELB) MMN || 1767/2010/(IP)(EIS) ER || 1459/2011/JF || 414/2012/MMN

5.2.        Matul is-sena l-Ombudsman fetaħ 20 inkjesta ġdida li fihom l-aċċess għad-dokumenti kien jew il-parti prinċipali jew dik sussidjarja tal-ilment.

6.           Reviżjoni ġudizzjarja

Bħal fis-snin preċedenti, ġiet deċiża każistika sinifikanti ġdida fl-2012[3].

6.1.        Il-Qorti tal-Ġustizzja tat tliet sentenzi importanti dwar l-appell fil-kawżi Agrofert[4]u Editions Odile Jacob[5] kif ukoll fil-kawża IFAW[6]. L-ewwel żewġ sentenzi jikkonċernaw il-politika tal-kompetizzjoni filwaqt li fl-oħrajn il-Qorti tat interpretazzjoni tal-evalwazzjoni tal-oġġezzjonijiet imqajma minn Stat Membru fuq l-iżvelar ta' dokumenti li joriġinaw minnhom.

Il-Qorti tal-Ġustizzja ħarġet żewġ ordnijiet li jirrifjutaw l-applikazzjonijiet fil-kawżi C-208/11P (bla bażi) u C-554/11P (inammissibbli), it-tnejn li huma ppreżentati minn Internationaler Hilfsfonds kontra l-Kummissjoni.

6.2.        Fir-rigward tal-Qorti Ġenerali, din qatgħet sitt sentenzi marbuta mad-dritt tal-aċċess għal dokumenti:

T-59/09 il-Ġermanja vs Il-Kummissjoni, is-sentenza tal-14.2.2012 || T-529/09, S. in t’Veld vs Il-Kunsill, is-sentenza tal-4.5.2012 (il-Kummissjoni intervjeniet b'appoġġ għall-pożizzjoni tal-Kunsill) || T-344/08, EnBW vs Il-Kummissjoni, is-sentenza tat-22.5.2012

T-6/10, Sviluppo Globale vs Il-Kummissjoni, is-sentenza tat-22.5.2012 || T-300/10, Internationaler Hilfsfonds vs Il-Kummissjoni, is-sentenza tat-22.5.2012 || T-167/10 European Dynamics vs Il-Kummissjoni, is-sentenza tas-6.12.2012

6.3.        Fi tliet każi l-Qorti ordnat it-tneħħija tagħhom mir-reġistru wara l-irtirar min-naħa tal-applikant:

T-362/11 Stichting Greenpeace Nederland u PAN Europe vs Il-Kummissjoni || T-337/09 Colegio Official de Farmaceuticos vs Il-Kummissjoni || T-333/12, Soltau vs Il-Kummissjoni

6.4.        Fit-tliet kawżi li jmiss, il-Qorti ordnat li ma kienx hemm bżonn li tingħata s-sentenza:

T-330/11, Mastercard vs Il-Kummissjoni || T-341/11, Ecologistas en Acción vs Il-Kummissjoni || T-180/10, Nickel Institute vs Il-Kummissjoni

6.5.        Tliet applikazzjonijiet kienu rrifjutati b'ordni mill-Qorti Ġenerali:

T-359/10, Ecologistas en Acción-CODA (bla bażi ċara) || T-278/11, ClientEarth vs Il-Kummissjoni (bla bażi ċara) || T-17/10, Steinberg vs Il-Kummissjoni (parzjalment inammissibbli, parzjalment bla bażi)

6.6.        Tressqu 14-il-kawża ġodda kontra deċiżjonijiet tal-Kummissjoni skont ir-Regolament (KE) Nru 1049/2001.

T-185/12 HUK-Coburg Haftpflicht-Unterstützungs-Kasse kraftfahrender Beamter Deutschlands a.G. in Coburg c/ Il-Kummissjoni ewropea || T-188/12 Patrick Breyer vs Il-Kummissjoni || T-306/12 Spirlea vs Il-Kummissjoni

T-333/12 C. Soltau vs Il-Kummissjoni || T-402/12 Carl Schlyter vs Il-Kummissjoni || T-418 Jürgen Beninca vs Il-Kummissjoni [ordni tal-Qorti Ġenerali tad-19 ta' Frar 2013, li tiddikjara li ma hemmx bżonn li tingħata s-sentenza f'din il-kawża u li l-kawża titneħħa mir-reġistru]

T-419/12 LVM Landwirtschaftlicher Versicherungsverein Münster aG vs Il-Kummissjoni || T-420/12 VHV Allgemeine Versicherung AG vs Il-Kummissjoni || T-421/12 Württembergische Gemeinde-Versicherung aG vs Il-Kummissjoni

T-476/12 Saint-Gobain Glass Deutschland GmbH vs Il-Kummissjoni || T-482/12 Internationaler Hilfsfonds e.V.c vs Il-Kummissjoni || T-498/12 Tourisme Consortium Loutraki SA Gouvernement local - Loutraki SA - Club Hôtel et Hôtel Casino Loutraki et Entreprises Touristiques AE vs Il-Kummissjoni

T-420/12 VHV Allgemeine Versicherung AG vs Il-Kummissjoni || T-561/12 Jürgen Beninca vs Il-Kummissjoni ||

6.7.        Barra minn dan, sar appell ġdid quddiem il-Qorti tal-Ġustizzja kontra ordni/sentenza tal-Qorti Ġenerali.

C-365/12P Il-Kummissjoni vs EnBW Energie Baden-Württemberg AG e.a || ||

7.           Konklużjonijiet

Wara disa' snin ta' żieda stabbli minn 500 sa kważi 6 500, in-numru ta' talbiet ta' aċċess baqa' stabbli fl-2010 u l-2011 u issa naqas għal 6 000. Il-Kummissjoni tibqa' fil-wisa' l-istituzzjoni li tiġġestixxi l-akbar numru ta' talbiet għal aċċess għad-dokumenti.

Min-naħa l-oħra, in-numru ta' applikazzjonijiet konfermatorji żdied. L-applikanti huma aktar konxji tad-drittijiet legali tagħhom biex jappellaw mid-deċiżjoni inizjali meħuda mill-Kummissjoni.

Dan kollu jissuġġerixxi li l-Kummissjoni laħqet, permezz ta' mezzi u fora varji, inkluż aċċess għad-dokumenti, qafas ta' trasparenza stabbli u magħruf tajjeb.

Permezz tal-bini fuq dak li diġà nkiseb fl-2011, it-trasparenza attiva rigward l-attività leġiżlattiva tal-Kummissjoni kompliet tissaħħaħ fl-2012. Bħala konsegwenza, għadd sinifikanti ta' talbiet inizjali għal aċċess u kważi kull applikazzjoni konfermatorja jikkonċernaw l-attivitajiet tal-Kummissjoni fil-qasam tal-monitoraġġ tal-applikazzjoni tal-liġi tal-UE, inkluż b'mod partikolari l-implimentazzjoni tal-politika tal-kompetizzjoni. Meta titratta talbiet bħal dawn, il-Kummissjoni għandha tilħaq bilanċ tajjeb bejn l-iżgurar tat-trasparenza tal-attivitajiet tagħha u ż-żamma tal-abilità tagħha biex twettaq kif xieraq l-inkarigi mogħtija lilha mit-Trattati.

ANNESS Statistiċi relatati mal-applikazzjoni ta' Regolament (KE) Nru 1049/2001

1.           NumRU TA' DOKUMENTI MDAĦĦLA FIR-REĠISTRU

|| COM || SEC || C || JOIN || SWD || OJ || PV || Total

2012 || 1832 || 1429 || 13542 || 53 || 859 || 130 || 95 || 17940

It-talbiet inizjali

2.           ApPLIKAZZJONIJIET RIĊEVUTI U ITTRATTATI

|| 2010 || 2011 || 2012

Applikazzjonijiet irċevuti || 6 361 || 6 477 || 6 014

Tweġibiet mogħtija .[7] [8] || 7 148 || 7 075 || 6 334

Tweġibiet mogħtija abbażi tar-Regolament 1049/2001 || 6 127 || 6 055 || 5 274

3.           Riżultat

            || 2010 || 2011 || 2012

Le || % || Le || % || Le || %

Aċċess mogħti || 5 034 || 82,16 || 4 856 || 80,20 || 3 928 || 74,48

Aċċess miċħud || 764 || 12,47 || 737 || 12,18 || 892 || 16,91

Aċċess parzjali || 329 || 5,37 || 462 || 7,62 || 454 || 8,61

Għadd totali || 6 127 || 100 || 6 055 || 100 || 5 274 || 100

4.           4.       Id-distribuzzjoni tar-rifjuti skont l-eċċezzjoni applikata (%)

|| 2010 || 2011 || 2012

4.1.a. L-ewwel inċiż - Protezzjoni tas-sigurtà pubblika || 1,94 || 2,40 || 1,34

4.1.a. It-tieni inċiż – Protezzjoni tad-difiża u l-kwistjonijiet militari || 0,14 || 0,39 || 0,11

4.1.a. It-tielet inċiż – Protezzjoni ta’ relazzjonijiet internazzjonali || 9,83 || 12,02 || 3,58

a. Ir-raba' inċiż – Protezzjoni tal-politika finanzjarja, monetarja u ekonomika || 2,15 || 1,88 || 1,40

4.1.b. Protezzjoni tal-privatezza u l-integrità tal-individwu || 9,76 || 8,90 || 14,65

4.2. L-ewwel inċiż - Protezzjoni tal-interessi kummerċjali || 11,84 || 16,83 || 16,94

4.2. It-tieni inċiż - Protezzjoni tal-proċedimenti fil-qrati u pariri legali || 7,32 || 6,76 || 9,84

4.2. It-tielet inċiż - Protezzjoni għall-iskop ta’ spezzjonijiet, invesitgazzjonijiet u verifiki || 26,63 || 21,90 || 25,32

4.3. Is-ubparagrafu 1 - Proċess ta’ teħid ta’deċiżjonijiet, għadha ma ttieħdet l-ebda deċiżjoni || 16,80 || 17,15 || 20,23

4.3. Is-subparagrafu 2- Proċess ta’ teħid ta’ deċiżjonijiet, deċiżjoni li diġà ttieħdet: opinjonijiet għall-użu intern bħala parti mid-deliberazzjonijiet u l-konsultazzjonijiet preliminari || 9,62 || 8,58 || 4,92

4.5. Rifjut mill-Istat Membru/it-tielet awtur || 3,94 || 3,18 || 1,67

Għadd totali || 100 || 100 || 100

Talbiet ta’ konferma

5.           5        L-applikazzjonijiet irċevuti u pproċessati

|| 2010 || 2011 || 2012

Applikazzjonijiet riċevuti || 181 || 165 || 229

Tweġibiet għal applikazzjonijiet || 152 || 162 || 202

Deċiżjonijiet dwar applikazzjonijiet konfermatorji abbażi tar-Regolament 1049/2001 || 122 || 144 || 160

6.           Ir-riżultat

|| 2010 || 2011 || 2012

Le || % || Le || % || Le || %

Konferma || 61 || 50 || 61 || 42,36 || 91 || 56,88

Reviżjoni parzjali || 42 || 34,43 || 62 || 43,05 || 39 || 24,38

Reviżjoni sħiħa || 19 || 15,57 || 21 || 14,58 || 30 || 18,75

Għadd totali || 122 || 100 || 144 || 100 || 160 || 100

7.           Id-distribuzzjoni tar-rifjuti skont l-eċċezzjoni applikata (%)

|| 2010 || 2011 || 2012

4.1.a. L-ewwel inċiż - Protezzjoni tas-sigurtà pubblika || 2,67 || 1,33 || 1,31

4.1.a. It-tieni inċiż - Protezzjoni tad-difiża u l-kwistjonijiet militari || 0 || 2,00 || 0,65

4.1.a. It-tielet inċiż – Protezzjoni ta’ relazzjonijiet internazzjonali || 6,67 || 4,67 || 7,19

4.1.a. Ir-raba' inċiż – Protezzjoni tal-politika finanzjarja, monetarja u ekonomika || 3,33 || 3,34 || 0

4.1.b. Protezzjoni tal-privatezza u l-integrità tal-individwu || 9,33 || 20,67 || 10,46

4.2. L-ewwel inċiż - Protezzjoni tal-interessi kummerċjali || 16,67 || 14,66 || 11,76

4.2. It-tieni inċiż - Protezzjoni tal-proċedimenti fil-qrati u pariri legali || 10 || 1,33 || 7,84

4.2. It-tielet inċiż - Protezzjoni għall-iskop ta’ spezzjonijiet, investigazzjonijiet u verifiki || 32 || 32,68 || 45,10

4.3, Is-subparagrafu 1 - Proċess ta’ teħid ta’ deċiżjonijiet, għadha ma ttieħdet l-ebda deċiżjoni || 11,33 || 15,33 || 6,54

4.3. Is-subparagrafu 2- Proċess ta’ teħid ta’ deċiżjonijiet, deċiżjoni li diġà ttieħdet: opinjonijiet għall-użu intern bħala parti mid-deliberazzjonijiet u l-konsultazzjonijiet preliminari || 8 || 4,00 || 9,15

4.5. Rifjut tal-Istat Membru || - || - || -

Għadd totali || 100 || 100 || 100

Distribuzzjoni tat-talbiet inizjali

8.           Skont il-profil soċjali u professjonali tal-applikanti (%)

|| 2010 || 2011 || 2012

Akkademiċi || 23,24 || 25.73 || 22,70

l-Avukati || 10,69 || 11,30 || 13,58

Is-soċjetà ċivili (gruppi ta’ interess, industrija, NGOs eċċ.) || 8,18 || 8,59 || 10,32

Awtoritajiet pubbliċi (minbarra l-istituzzjonijiet tal-UE) || 13,56 || 8,20 || 7,12

Istituzzjonijiet oħra tal-UE || 8,32 || 8,15 || 7,64

Ġurnalisti || 3,35 || 3,25 || 4,81

Mhux speċifikati || 32,68 || 34,78 || 33,83

Għadd totali || 100 || 100 || 100

9.           Skont l-oriġini ġeografika (%)

|| 2010 || 2011 || 2012

L-Awstrija || 2,08 || 1,38 || 1,78

Il-Belġju || 17,95 || 21,42 || 21,85

Il-Bulgarija || 0,69 || 0,93 || 0,70

Ċipru || 0,20 || 0,25 || 0,08

Ir-Repubblika Ċeka || 4,23 || 0,93 || 2,01

Id-Danimarka || 2,02 || 2,11 || 1,58

L-Estonja || 0,09 || 0,19 || 0,17

Il-Finlandja || 0,81 || 1,57 || 0,55

Franza || 9,05 || 8,90 || 7,53

Il-Ġermanja || 16,62 || 12,27 || 14,04

Il-Ġreċja || 1,22 || 1,10 || 1,73

L-Ungerija || 0,89 || 0,96 || 0,63

L-Irlanda || 1,49 || 1,02 || 1,50

L-Italja || 8,85 || 12,37 || 7,54

Il-Latvja || 0,13 || 0,15 || 0,17

Il-Litwanja || 0,31 || 0,42 || 0,30

Il-Lussemburgu || 1,99 || 2,12 || 1,79

Malta || 0,22 || 0,12 || 0,17

Il-Pajjiżi l-Baxxi || 4,43 || 4,18 || 4,62

Il-Polonja || 2,76 || 2,68 || 2,79

Il-Portugall || 1,16 || 1,15 || 1,11

Ir-Rumanija || 1,11 || 0,87 || 0,91

Is-Slovakkja || 0,56 || 0,56 || 0,81

Is-Slovenja || 0,52 || 0,31 || 0,22

Spanja || 6,86 || 7,16 || 5,70

L-Isvezja || 2,18 || 1,81 || 2,16

Ir-Renju Unit || 7,24 || 8,59 || 10,17

Pajjiżi Ewropej li mhumiex fl-UE || 0,50 || 0,40 || 0,37

L-Amerika ta’ Fuq || 0,11 || 0,23 || 0,88

L-Awstralja u New Zealand || 0,09 || 0,03 || 0,03

L-Afrika || 0,05 || 0,02 || 0

L-Amerika t’Isfel || 0,05 || 0,02 || 0,03

L-Ażja || 0,04 || 0,06 || 0,05

Mhux speċifikati || 3,49 || 3,73 || 6,03

Għadd totali || 100 || 100 || 100

10.         Skont il-qasam ta’ interess (%)

Direttorat Ġenerali/Servizz || 2010 || 2011 || 2012

AGRI - Agrikoltura u Żvilupp Rurali || 3,15 || 2,62 || 3,44

BEPA - Uffiċċju tal-Konsulenti tal-Politika Ewropea || 0,03 || 0,11 || 0

BUDG - Baġit || 1,24 || 1,02 || 0,81

CLIMA – Azzjoni Klimatika || 1,21 || 2,22 || 2,86

COMM - Servizz Komunikazzjoni || 0,74 || 1,26 || 0,65

COMP - Kompetizzjoni || 9,07 || 6,99 || 6,81

CONNECT - Netwerks tal-Komunikazzjonijiet, il-Kontenut u t-Teknoloġija[9] || 1,79 || 1,98 || 1,74

DEVCO - Żvilupp u Kooperazzjoni-EuropeAid (li kienu DEV + AIDCO) || 2,77 || 3,30 || 4,67

DGT - Traduzzjoni || 0,36 || 0,14 || 0,20

DIGIT – Informatika || 0,09 || 0,09 || 0,12

EAC - Edukazzjoni u Kultura || 1,13 || 1,05 || 1,13

ECFIN - Affarijiet Ekonomiċi u Finanzjarji || 2,32 || 1,57 || 1,11

ECHO – Għajnuna Umanitarja u Protezzjoni Ċivili || 0,28 || 0,33 || 0,18

ELARG - Tkabbir || 1,47 || 1,04 || 0,95

EMPL - Impjiegi, Affarijiet Soċjali u Inklużjoni || 2,74 || 1,64 || 3,47

ENER - Enerġija || 2,91 || 5,86 || 5,15

ENTR - Impriża u Industrija || 4,48 || 4,84 || 4,55

ENV - Ambjent [10] || 4,86 || 6,37 || 6,61

EPSO - Uffiċċju Ewropew għas-Selezzjoni tal-Persunal || 0,14 || 0,23 || 0,23

ESTAT - Eurostat || 0,31 || 0,20 || 0,20

FPIS - Servizz tal-Istrumenti tal-Politika Barranija [11] || - || - || 0,13

HOME - Affarijiet Interni || 1,63 || 4,74 || 3,14

HR - Riżorsi Umani u Sigurtà+ OIB (l-Uffiċċji għall-Infrastruttura u l-Loġistika fi Brussell) + OIL (l-Uffiċċji għall-Infrastruttura u l-Loġistika fil-Lussemburgu) + PMO (Uffiċċju għall-Amministrazzjoni u Ħlas ta’ Drittijiet Individwali) || 2,29 || 2,34 || 2,98

IAS - Servizz ta' Verifika Interna || 0,09 || 0,05 || 0,02

JUST - Ġustizzja (li qabel kien JLS) [12] || 6,75 || 2,54 || 3,72

MARE - Affarijiet Marittimi u Sajd || 0,66 || 0,95 || 0,66

MARKT – Suq intern u servizzi || 6,14 || 5,72 || 5,02

MOVE – Mobilità u Trasport || 3,13 || 3,02 || 2,66

OLAF - Uffiċċju Ewropew għall-Ġlieda kontra l-Frodi || 0,27 || 0,25 || 0,48

OP - Uffiċċju tal-Pubblikazzjonijiet || 0,19 || 0,37 || 0,12

REGIO - Politika Reġjonali || 3,06 || 2,29 || 3,41

RTD - Riċerka u Innovazzjoni + JRC - Ċentru Konġunt tar-Riċerka || 1,82 || 1,27 || 1,61

SANCO - Saħħa u Konsumaturi || 5,44 || 6,96 || 7,28

SCIC - Servizz Komuni tal-Interpretazzjoni || 0,08 || 0,00 || 0,02

SG - Segretarjat Ġenerali || 11,64 || 10,12 || 12,10

SJ - Servizz Legali || 2,68 || 2,76 || 4,37

TAXUD - Tassazzjoni u Unjoni Doganali || 5,30 || 7,80 || 4,92

TRADE - Kummerċ || 3,06 || 3,47 || 2,48

Għadd totali || 100 || 100 || 100

[1]               ĠU L 145, 31.5.2001, p. 43

[2]               "Dokumenti li ġejjin mill-istituzzjonijiet jew mill-aġenziji mwaqqfa minnhom, mill-Istati Membri, pajjiżi terzi jew Organizzazzjonijiet Internazzjonali, klassifikati bħala "TRÉS SECRET/TOP SECRET", "SECRET" jew "CONFIDENTIEL" skont ir-regoli tal-istituzzjoni rilevanti, li jħarsu l-interessi essenzjali tal-Unjoni Ewropea jew ta' wieħed jew aktar mill-Istati Membri tagħha fl-oqsma koperti mill-Artikolu 4(1)(a), partikolarment is-sigurtà pubblika, kwistjonijiet militari u tad-difiża” (l-Artikolu 9(1)).

[3]               Għad-dettalji ta’ kull każ imsemmi hawn taħt, ara http://curia.europa.eu/jurisp/cgi-bin/form.pl?lang=en

[4]               Is-sentenza tat-28 ta' Ġunju 2012 fil-kawża C-477/10 P, Il-Kummissjoni v Agrofert Holding a.s., għadha mhix rappurtata.

[5]               Is-sentenza tat-28 ta' Ġunju 2012 fil-kawża C-404/10 P, Il-Kummissjoni v Editions Odile Jacob SAS., għadha mhix rappurtata.

[6]               Is-sentenza tal-21 ta' Ġunju 2012 fil-kawża C-135/11 P - IFAW Internationaler Tierschutz-Fonds v Il-Kummissjoni, għadha mhix rappurtata.

[7]               Jekk jogħġbok innota li talba waħda tista’ tkopri diversi dokumenti u konsegwentement tista’ twassal għal bosta tweġibiet differenti;

[8]               Jekk jogħġbok innota li l-kategorija "Tweġibiet mogħtija" tinkludi t-tweġbiet mogħtija 'l barra mill-ambitu tar-Regolament 10498/2001, pereżempju t-tweġibiet mogħtija skont ir-Regolament 45/2001.

[9]               Jekk jogħġbok innota li qabel kien id-DĠ INFSO;

[10]             Jekk jogħġbok innota li fl-2010 d-DĠ ENV inqasam fid-DĠ ENV u d-DĠ Clima;

[11]             Jekk jogħġbok innota li mill-ħolqien tas-Servizz Ewropew għall-Azzjoni Esterna (SEAE), id-dokumenti tal-FPIS huma l-uniċi li fadal fiil-Kummissjoni;

[12]             Jekk jogħġbok innota li fl-2010 d-DĠ JLS inqasam fid-DĠ JUST u d-DĠ HOME;