|
7.10.2008 |
MT |
Il-Ġurnal Uffiċjali ta’ l-Unjoni Ewropea |
L 266/3 |
REGOLAMENT TAL-KUMMISSJONI (KE) Nru 976/2008
tas-6 ta' Ottubru 2008
li jemenda r-Regolamenti (KE) Nru 2430/1999, (KE) Nru 418/2001 u (KE) Nru 162/2003 fir-rigward tat-termini tal-awtorizzazzjoni tal-addittiv fl-għalf “Clinacox”, li jagħmel parti mill-grupp ta’ coccidiostats u ta’ sustanzi mediċinali oħra
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fl-għalf tal-annimali (1), u b’mod partikolari l-Artikolu 13 (3) tiegħu,
Billi:
|
(1) |
L-addittiv diclazuril (Clinacox 0.5 % Premix), li jagħmel parti mill-grupp ta’ coccidiostats u ta’ sustanzi mediċinali oħra, ġie awtorizzat skont ċerti kundizzjonijiet b’konformità mad-Direttiva tal-Kunsill 70/524/KEE (2). Ir-Regolamenti tal-Kummissjoni (KE) Nru 2430/1999 (3), (KE) Nru 418/2001 (4) u (KE) Nru 162/2003 (5) awtorizzaw dan l-addittiv għal għaxar snin għall-użu fit-tiġieġ għat-tismin, fid-dundjani għat-tismin u fit-tiġieġ imrobbija biex ibidu, rispettivament, u b’hekk għaqqdu l-awtorizzazzjoni mal-persuna responsabbli għat-tqegħid fiċ-ċirkolazzjoni ta' dan l-addittiv. Dan l-addittiv ġie nnotifikat bħala prodott eżistenti b’konformità mal-Artikolu 10 tar-Regolament (KE) Nru 1831/2003. Minħabba li tressqet l-informazzjoni kollha skont din id-dispożizzjoni, dan l-addittiv iddaħħal fir-Reġistru Komunitarju tal-Addittivi fl-Għalf. |
|
(2) |
Ir-Regolament (KE) Nru 1831/2003 jipprevedi l-possibilità ta' modifika fl-awtorizzazzjoni ta' addittiv fuq talba tad-detentur tal-awtorizzazzjoni u fuq opinjoni tal-Awtorità Ewropea tas-Sikurezza tal-Ikel (“l-Awtorità”). Id-detentur tal-awtorizzazzjoni tal-addittiv diclazuril (Clinacox 0,5 % Premix) ippreżenta applikazzjoni li biha qed jipproponi li jbiddel il-kundizzjonijiet tal-awtorizzazzjoni permezz tal-introduzzjoni ta’ limitu massimu ta’ residwu (MRL) kif ivvalutat mill-Awtorità. Fl-istess waqt dan ipprovda d-data neċessarja biex isostni din it-talba. |
|
(3) |
Fl-opinjoni tagħha adottata fis-16 ta’ April 2008 (6), l-Awtorità kkonkludiet li ma jinħtieġ l-ebda MRL għal tiġieġ u dundjani għat-tismin. Madankollu, f’każ li l-MRLs ikunu meqjusa neċessarji, hi ssuġġeriet il-valuri. Billi hu possibbli li t-tiġieġ imrobbija biex ibidu jidħlu fil-katina alimentari, mhux separatament mit-tiġieġ l-oħra, jeħtieġ li titqies il-possibbiltà li jiġu pprovduti MRLs għal din il-kategorija ta’ annimali wkoll. Hi qieset ukoll li l-applikazzjoni ta' perjodu ta' rtirar ta' ġranet żero ma tkunx tikkomprometti s-sikurezza tal-konsumatur. |
|
(4) |
Sabiex jiġi żgurat livell għoli ta' sikurezza għall-konsumaturi u biex jitjiebu l-kontrolli tal-użu korrett tad-diclazuril, huwa xieraq li jiġu stabbiliti MRLs kif propost mill-Awtorità. Billi mhemm l-ebda differenza fiżjoloġika rilevanti bejn it-tiġieġ għat-tismin u t-tiġieġ imrobbija biex ibidu, huwa xieraq li jiġu stabbiliti l-istess MRLs għal din il-kategorija tal-aħħar ukoll. |
|
(5) |
Ir-Regolamenti tal-Kummissjoni (KE) Nru 2430/1999, (KE) Nru 418/2001 u (KE) Nru 162/2003 għandhom għalhekk jiġu emendati skont dan. |
|
(6) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fl-Anness I tar-Regolament (KE) Nru 2430/1999 il-linja għal E 771 qed tinbidel bit-test fl-Anness I ta' dan ir-Regolament.
Artikolu 2
L-Anness III tar-Regolament (KE) Nru 418/2001 qed jinbidel bit-test fl-Anness II ta’ dan ir-Regolament.
Artikolu 3
L-Anness tar-Regolament (KE) Nru 162/2003 qed jinbidel bit-test fl-Anness III ta' dan ir-Regolament.
Artikolu 4
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 6 ta’ Ottubru 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 268, 18.10.2003, p. 29.
(2) ĠU L 270, 14.12.1970, p. 1.
(3) ĠU L 296, 17.11.1999, p. 3.
(6) Opinjoni Xjentifika Aġġornata tal-Bord dwar Addittivi u Prodotti jew Sustanzi użati fl-Għalf għall-Annimali (FEEDAP) fuq talba mill-Kummissjoni Ewropea dwar il-Limiti Massimi ta’ Residwu għal Clinacox 0,5 % (diclazuril) għal dundjani għat-tismin, tiġieġ għat-tismin u tiġieġ imrobbija biex ibidu. Il-Ġurnal tal-EFSA (2008) 696,1-12.
ANNESS I
|
Numru tar-reġistrazzjoni tal-addittiv |
Isem u numru tar-reġistrazzjoni tal-persuna responsabbli għaċ-ċirkolazzjoni tal-addittiv |
Addittiv (Isem kummerċjali) |
Kompożizzjoni, formula kimika, deskrizzjoni |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta' awtorizzazzjoni |
Limiti Massimi ta’ Residwu (MRLs) fl-oġġetti tal-ikel rilevanti li joriġinaw mill-annimali |
||||||||||||||||||||||||||||||||||
|
mg ta’ sustanzi attivi/kg ta’ għalf sħiħ |
||||||||||||||||||||||||||||||||||||||||||||
|
Coccidiostats u sustanzi mediċinali oħra |
||||||||||||||||||||||||||||||||||||||||||||
|
“E 771 |
Janssen Pharmaceutica nv |
Diclazuril 0,5 g/100 g (Clinacox 0,5 % Premix) Diclazuril 0,2 g/100 g (Clinacox 0,2 % Premix) |
|
Tiġieġ għat-tismin |
— |
1 |
1 |
— |
30.9.2009 |
1 500 μg diclazuril/kg ta’ fwied imxarrab 1 000 μg diclazuril/kg ta’ kilwa mxarrba 500 μg diclazuril/kg ta’ muskolu mxarrab 500 μg diclazuril/kg ta’ ġilda/xaħam imxarrba/imxarrab” |
||||||||||||||||||||||||||||||||||
ANNESS II
“ANNESS III
|
Numru tar-reġistrazzjoni tal-addittiv |
Isem u numru tar-reġistrazzjoni tal-persuna responsabbli għaċ-ċirkolazzjoni tal-addittiv |
Addittiv (isem kummerċjali) |
Kompożizzjoni, formula kimika, deskrizzjoni |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta' awtorizzazzjoni |
Limiti massimi ta’ Residwu (MRLs) fl-oġġetti tal-ikel rilevanti li joriġinaw mill-annimali |
||||||||||||||||||||||||||||||||||||||
|
mg ta’ sustanzi attivi/kg ta’ għalf sħiħ |
||||||||||||||||||||||||||||||||||||||||||||||||
|
Coccidiostats u sustanzi mediċinali oħra |
||||||||||||||||||||||||||||||||||||||||||||||||
|
E 771 |
Janssen Pharmaceutica nv |
Diclazuril 0,5 g/100 g (Clinacox 0,5 % Premix) Diclazuril 0,2 g/100 g (Clinacox 0,2 % Premix) |
|
Dundjani għat-tismin |
12-il ġimgħa |
1 |
1 |
— |
28.2.2011 |
1 500 μg diclazuril/kg ta’ fwied imxarrab 1 000 μg diclazuril/kg ta’ kilwa mxarrba 500 μg diclazuril/kg ta’ muskolu mxarrab 500 μg diclazuril/kg ta’ ġilda/xaħam imxarrba/imxarrab” |
||||||||||||||||||||||||||||||||||||||
ANNESS III
“ANNESS
|
Numru tar-reġistrazzjoni tal-addittiv |
Isem u numru tar-reġistrazzjoni tal-persuna responsabbli għaċ-ċirkolazzjoni tal-addittiv |
Addittiv (isem kummerċjali) |
Kompożizzjoni, formula kimika, deskrizzjoni |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta' awtorizzazzjoni |
Limiti massimi ta’ Residwu (MRLs) fl-oġġetti tal-ikel rilevanti li joriġinaw mill-annimali |
||||||||||||||||||||||||||||||||||||||
|
mg ta’ sustanzi attivi/kg ta’ għalf sħiħ |
||||||||||||||||||||||||||||||||||||||||||||||||
|
Coccidiostats u sustanzi mediċinali oħra |
||||||||||||||||||||||||||||||||||||||||||||||||
|
E 771 |
Janssen Pharmaceutica nv |
Diclazuril 0,5 g/100 g (Clinacox 0,5 % Premix) Diclazuril 0,2 g/100 g (Clinacox 0,2 % Premix) |
|
Tiġieġ imrobbija għall-bajd |
16-il ġimgħa |
1 |
1 |
— |
20.1.2013 |
1 500 μg diclazuril/kg ta’ fwied imxarrab 1 000 μg diclazuril/kg ta’ kilwa mxarrba 500 μg diclazuril/kg ta’ muskolu mxarrab 500 μg diclazuril/kg ta’ ġilda/xaħam imxarrba/imxarrab” |
||||||||||||||||||||||||||||||||||||||