(1)

Foráiltear le hAirteagal 463(1) den Chomhaontú Trádála agus Comhair nach mór d’oibreoirí tarlaithe de bhóthar a dhéanann turais dá dtagraítear in Airteagal 462 den Chomhaontú sin ceadúnas bailí a bheith acu i gcomhréir le hAirteagal 463(2) den Chomhaontú sin. Foráiltear le pointe (b) d’Airteagal 3 de Roinn 1 de Chuid A d’Iarscríbhinn 31 a ghabhann leis an gComhaontú sin nach mór dea-cháil a bheith ar oibreoir tarlaithe de bhóthar, i gcomhréir le hAirteagal 6 de Roinn 1 de Chuid A d’Iarscríbhinn 31 a ghabhann leis an gComhaontú sin.

(2)

Le hAirteagal 6 de Roinn 1 de Chuid A d’Iarscríbhinn 31 a ghabhann leis an gComhaontú Trádála agus Comhair, leagtar síos coinníollacha mionsonraithe a bhaineann leis an gceanglas maidir le dea-cháil le haghaidh oibreoir tarlaithe de bhóthar. Go háirithe, leagtar síos i míreanna 2 agus 3 na coinníollacha faoina bhféadfadh na húdaráis inniúla sa Pháirtí bunaíochta nós imeachta riaracháin a thionscnamh mar thoradh ar sháruithe arna dtabhú ag oibreoir, agus d’fhéadfaí dea-cháil a chailleadh dá mbarr. Leagtar síos freisin i bhFoscríbhinn 31-A-1-1 liosta de na seacht sárú is tromchúisí nach mór don údarás inniúil sa Pháirtí bunaíochta nós imeachta riaracháin a thionscnamh ina leith. Le Cinneadh Uimh. …/2025 ón gCoiste Speisialaithe um Iompar de Bhóthar arna bhunú leis an gComhaontú Trádála agus Comhair (2), cuireadh i gcrích liosta na sáruithe tromchúiseacha a bhféadfaí dea-cháil a chailleadh dá mbarr.

(3)

Foráiltear freisin le hAirteagail 13 agus 14 de Roinn 1 de Chuid A d’Iarscríbhinn 31 a ghabhann leis an gComhaontú Trádála agus Comhair go mbunóidh na Páirtithe cláir leictreonacha náisiúnta de ghnóthais iompair de bhóthar a údaraíodh chun gabháil do ghairm an oibreora tarlaithe de bhóthar, chomh maith le seiceálacha aonair a dhéanamh ar ghnóthais agus faisnéis a mhalartú faoi sháruithe tromchúiseacha arna ndéanamh ag oibreoirí sa Pháirtí eile. Tá na sonraí atá le bheith sa chlár leictreonach náisiúnta, chomh maith leis na módúlachtaí chun faisnéis a mhalartú, le leagan síos le cinneadh ón gCoiste Speisialaithe um Iompar de Bhóthar.

(4)

Tá an Clár Eorpach de Ghnóthais Iompair de Bhóthar (ERRU) curtha ar bun ag an Aontas chun malartuithe faisnéise idir Ballstáit an Aontais a éascú i gcomhréir le Rialachán Cur Chun Feidhme (AE) 2016/480 ón gCoimisiún (3). Ós rud é gur chomhaontaigh an tAontas agus an Ríocht Aontaithe leis na bunphrionsabail chéanna maidir le rochtain ar ghairm an oibreora tarlaithe de bhóthar agus ar liosta coiteann sáruithe, is iomchuí agus is éifeachtúil, chun cuspóirí an Chomhaontaithe Trádála agus Comhair a bhaint amach, foráil a dhéanamh maidir le nasc teicniúil na Ríochta Aontaithe le ERRU.

(5)

Rannchuidigh Ríocht Aontaithe le costais forbartha ERRU mar Bhallstát den Aontas. Ba cheart don Ríocht Aontaithe ranníocaíocht a dhéanamh go bliantúil le costais oibríochtúla agus chothabhála ERRU.

(6)

Chun go mbeidh an dá Pháirtí in ann a mbonneagar faisnéise agus teicneolaíochta a fhorbairt chun gur féidir an Cinneadh seo a chur chun feidhme, is iomchuí dáta chur i bhfeidhm an Chinnidh seo a bhunú. Dá bhrí sin, ba cheart feidhm a bheith ag an gCinneadh seo ón 1 Eanáir 2026,

1.

Tagairtí do ‘Ballstát’, gach áit a bhfuil siad, tuigfear gur tagairtí do ‘Tír’ (7) iad agus tuigfear gur tagairtí do ‘Tíortha’ (8) iad tagairtí do ‘Ballstáit’, gach áit a bhfuil siad.

2.

Tagairtí don ‘Rialachán seo’, ‘Iarscríbhinní I go VII a ghabhann leis an Rialachán seo’ agus ‘Iarscríbhinn VIII a ghabhann leis an Rialachán seo’, gach áit a bhfuil siad, tuigfear iad mar thagairtí do ‘Chinneadh Uimh. 2025/ … ón gCoiste Speisialaithe um Iompar de Bhóthar arna bhunú leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile’ (*).

3.

Tagairtí do ‘cheadúnas Comhphobail’, gach áit a bhfuil siad, tuigfear iad mar thagairtí do ‘cheadúnas dá dtagraítear in Airteagal 463(1) den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile’.

4.

In Airteagail 1 go 3, cuirtear isteach ‘Cinneadh Uimh. …/2025 ón gCoiste Speisialaithe um Iompar de Bhóthar arna bhunú leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eil’ (*) in ionad ‘Airteagal 16 de Rialachán (CE) Uimh. 1071/2009’ agus ‘Airteagal 16(5) de Rialachán (CE) Uimh. 1071/2009’.

5.

In Airteagal 2, cuirtear isteach ‘Airteagal 2 de Roinn 1 de Chuid A d’Iarscríbhinn 31 a ghabhann leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile’ in ionad ‘Airteagal 2 de Rialachán (CE) Uimh. 1071/2009’.

6.

In Airteagal 2, pointe (e), cuirtear isteach ‘Airteagal 465(1) den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile’ in ionad ‘Airteagal 8(8) de Rialachán (CE) Uimh. 1071/2009’.

7.

Ní bheidh Airteagail 6 agus 7 infheidhme chun críoch an Chinnidh seo.

8.

I bpointe 1.3, d’Iarscríbhinn II—

9.

San Fhoscríbhinn a ghabhann le hIarscríbhinn III—

10.

I Roinn 1 d’Iarscríbhinn VIII, cuirtear isteach ‘Airteagal 12(2) de Roinn 1 de Chuid A d’Iarscríbhinn 31 a ghabhann leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile’ in ionad ‘Airteagal 11(4) de Rialachán (CE) Uimh. 1071/2009’.

11.

I Roinn 2.1 d’Iarscríbhinn VIII, le haghaidh ‘Treoir 2006/22/CE nó i Rialachán (CE) Uimh. 1071/2009’ cuir isteach ‘Foscríbhinn 31-A-1-1 den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile agus an Iarscríbhinn a ghabhann le Cinneadh Uimh. …/2025 ón gCoiste Speisialaithe um Iompar de Bhóthar arna bhunú leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (*).