1.   

Fl-1 ta’ Lulju 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Public Sector Pension Investment Board (“PSP”, il-Kanada),

—	Welltower Inc. (“Welltower”, l-Istati Uniti),

—	SRG Partners, LLC (“SRG”, l-Istati Uniti),

—	Proprjetà ta’ akkomodazzjoni għall-anzjani magħrufa bħala “Peninsula Del Rey” (“Penisola Del Rey”, l-Istati Uniti).

PSP, Welltower u SRG jakkwistaw fi ħdan it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tat-totalità ta’ “Peninsula Del Rey”.

Il-konċentrazzjoni titwettaq permezz tax-xiri ta’ assi.

2.   

L-attivitajiet kummerċjali tal-impriżi kkonċernati huma:

—   għal PSP: il-ġestur tal-investiment tal-pensjoni ta’ diversi pjanijiet tal-pensjoni Kanadiżi, inkluż il-pjan tal-pensjoni tas-Servizz Pubbliku Federali Kanadiż u tal-Forzi Kanadiżi. Il-PSP jamministra portafoll diversifikat globali ta’ titoli fissi kif ukoll investimenti f’ekwità privata, proprjetà immobbli, infrastruttura, riżorsi naturali u dejn privat.

—   għal Welltower: tinvesti fi proprjetajiet ikkonċentrati fi swieq ewlenin ta’ tkabbir kbir, li jikkonsistu fi djar tal-anzjani u komunitajiet post-akuti, u proprjetajiet mediċi għal outpatients fl-Istati Uniti, il-Kanada u r-Renju Unit.

—   għal SRG: tippossjedi, tamministra u tiżviluppa komunitajiet ta’ djar għall-anzjani fl-Istati Uniti.

—   għal Peninsula Del Rey: proprjetà ta’ djar għall-anzjani li tinsab f’165 Pierce Street f’Daly City, San Mateo County, California, l-Istati Uniti tal-Amerika.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont in-Notifika tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.9419 — PSP/Welltower/SRG/Senior Housing Property

Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Faks +32 122964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË