|
21.10.2021 |
GA |
Iris Oifigiúil an Aontais Eorpaigh |
L 373/90 |
CINNEADH (AE) 2021/1843 ÓN gCOMHAIRLE
an 15 Deireadh Fómhair 2021
maidir leis an seasamh atá le glacadh thar ceann an Aontais Eorpaigh sa Chomhairle Siúcra Idirnáisiúnta a mhéid a bhaineann le síneadh a chur leis an gComhaontú Idirnáisiúnta Siúcra 1992
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 207(4), an chéad fhomhír, i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Rinne an tAontas an Comhaontú Idirnáisiúnta Siúcra 1992 (1) (“ISA”) a thabhairt i gcrích le Cinneadh 92/580/CEE (2) ón gComhairle agus tháinig sé i bhfeidhm an 1 Eanáir 1993. Tugadh ISA i gcrích le haghaidh tréimhse 3 bliana go dtí an 31 Nollaig 1995. |
|
(2) |
Tugtar de chumhacht don Chomhairle Siúcra Idirnáisiúnta (“ISC”), a bunaíodh faoi Airteagail 3 agus 8 den Chomhaontú, de bhun Airteagal 45(2) de ISA, chun síneadh a chur le ISA, trí vóta speisialta, le haghaidh tréimhsí comhleanúnacha nach rachaidh thar 2 bhliain gach uair. Ó tugadh ISA i gcrích, cuireadh síneadh leis go tráthrialta le haghaidh tréimhsí breise 2 bhliain. Cuireadh an síneadh deireanach le ISA le cinneadh ó ISC i mí Iúil 2019 agus beidh sé i bhfeidhm go dtí an 31 Nollaig 2021. |
|
(3) |
Le linn an 59ú seisiún a bheidh aici an 26 Samhain 2021, glacfaidh ISC cinneadh maidir le síneadh a chur le ISA le haghaidh tréimhse eile 2 bhliain, go dtí an 31 Nollaig 2023. |
|
(4) |
Is iomchuí a bhunú an seasamh atá le glacadh thar ceann an Aontais in ISC, le linn a 59ú seisiún, a mhéid a bhaineann le síneadh a chur le ISA. Is chun leas an Aontais é síneadh a chur le ISA, |
TAR ÉIS AN CINNEADH SEO A GHLACADH:
Airteagal 1
Vótáil i bhfabhar síneadh a chur leis an gComhaontú Idirnáisiúnta Siúcra, 1992, le haghaidh tréimhse eile suas le 2 bhliain go dtí an 31 Nollaig 2023, is é sin an seasamh atá le glacadh thar ceann an Aontais sa Chomhairle Siúcra Idirnáisiúnta, le linn a 59ú seisiún.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, 15 Deireadh Fómhair 2021.
Thar ceann na Comhairle
An tUachtarán
J. CIGLER KRALJ
(1) An Comhaontú Idirnáisiúnta Siúcra 1992 (IO L 379, 23.12.1992, lch. 16).
(2) Cinneadh 92/580/CEE ón gComhairle an 13 Samhain 1992 maidir le síniú agus tabhairt i gcrích an Chomhaontaithe Idirnáisiúnta Siúcra 1992 (IO L 379, 23.12.1992, lch. 15).