(1)

Il-Kummissjoni hija obbligata skont l-Artikolu 12(1) tad-Direttiva 2008/90/KE li tiddeċiedi jekk il-materjal tal-propagazzjoni tal-pjanti tal-frott u l-pjanti tal-frott prodotti f’pajjiż terz u li joffru l-istess garanziji rigward l-obbligi tal-fornitur, l-identità, il-karatteristiċi, is-saħħa tal-pjanti, il-mezz tat-tkabbir, l-imballaġġ, l-arranġamenti għall-ispezzjoni, l-immarkar u l-issiġillar humiex ekwivalenti f’dawn l-aspetti kollha għall-materjal tal-propagazzjoni tal-pjanti tal-frott u l-pjanti tal-frott prodotti fl-Unjoni u li jħarsu l-ħtiġijiet u l-kondizzjonijiet ta’ dik id-Direttiva.

(2)

Madankollu, l-informazzjoni disponibbli attwalment dwar il-kondizzjonijiet li japplikaw f'pajjiżi terzi għadha mhijiex biżżejjed biex tħalli lill-Kummissjoni tadotta xi deċiżjoni bħal din dwar xi pajjiż terz f'dan l-istadju.

(3)

Sabiex jiġi evitat li jitħarbtu x-xejriet kummerċjali, l-Istati Membri li jimportaw il-materjal tal-propagazzjoni tal-pjanti tal-frott u pjanti tal-frott minn pajjiżi terzi għandhom jitħallew ikomplu japplikaw kondizzjonijiet ekwivalenti għal dawk applikabbli għal prodotti simili tal-Unjoni skont l-Artikolu 12(2) tad-Direttiva 2008/90/KE.

(4)

Huwa xieraq li tiġi permessa l-applikazzjoni ta' kondizzjonijiet bħal dawn għal perjodu li jkun konsistenti mal-perjodu tranżitorju msemmi fl-Artikolu 21 tad-Direttiva 2008/90/KE.

(5)

Il-perjodu ta’ applikazzjoni tad-deroga stipulat fid-Direttiva 2008/90/KE għal importazzjonijiet bħal dawn għandu għalhekk jiġi estiż sal-31 ta' Diċembru 2018.

(6)

Għalhekk, id-Direttiva 2008/90/KE għandha tiġi emendata skont dan.

(7)

Il-miżuri previsti f’din id-Deċiżjoni huma skont l-opinjoni tal-Kumitat Permanenti tal-Materjal tal-Propagazzjoni u l-Ġenera u l-Ispeċji tal-Pjanti tal-Frott,