|
22.12.2021 |
GA |
Iris Oifigiúil an Aontais Eorpaigh |
L 458/514 |
CINNEADH (AE) 2021/2293 ÓN gCOMHAIRLE
an 20 Nollaig 2021
maidir leis an seasamh atá le glacadh thar ceann an Aontais sa Chomhairle Comhpháirtíochta arna bhunú leis an gComhaontú Trádála agus Comhair leis an Ríocht Aontaithe maidir le síneadh a chur leis an maolú ón oibleagáid sonraí i dtaifid ainmneacha paisinéirí na bpaisinéirí a scriosadh tar éis dóibh imeacht ón Ríocht Aontaithe
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 16(2) agus Airteagal 87(2), pointe (a), i gcomhar le hAirteagal 218(9) de,
Ag féachaint do Chinneadh (AE) 2021/689 an 29 Aibreán 2021 ón gComhairle maidir le tabhairt i gcrích, thar ceann an Aontais, an Chomhaontaithe Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile, agus an Chomhaontaithe idir an tAontas Eorpach agus Ríocht Aontaithe na Breataine Móire agus Thuaisceart Éireann a bhaineann le nósanna imeachta slándála le haghaidh malartú agus cosaint faisnéise rúnaicmithe (1),
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann den pháirt eile (2) (“TCA”) leagtar síos rialacha faoina bhféadfar sonraí i dtaifid ainmneacha paisinéirí (“PNR”) a aistriú chuig údarás inniúil na Ríochta Aontaithe agus faoina bhféadfaidh siad iad a phróiseáil agus a úsáid i gcás eitiltí idir an tAontas agus an Ríocht Aontaithe, agus leagtar amach ann na bearta cosanta sonracha i ndáil leis sin. |
|
(2) |
Le Teideal III de Chuid a Trí de TCA leagtar síos rialacha faoina bhféadfar sonraí PNR a aistriú chuig údarás inniúil na Ríochta Aontaithe agus faoina bhféadfaidh siad iad a phróiseáil agus a úsáid i gcás eitiltí idir an tAontas agus an Ríocht Aontaithe, agus bunaítear bearta cosanta sonracha i ndáil leis sin. |
|
(3) |
Déantar foráil le hAirteagal 552(4) de TCA go bhfuil an Ríocht Aontaithe le sonraí PNR na bpaisinéirí a scriosadh tar éis dóibh imeacht ón tír, ach amháin i gcás ina léirítear i measúnú riosca gur gá sonraí PNR den sórt sin a choinneáil. |
|
(4) |
Déantar foráil le hAirteagal 552(11) de TCA gur féidir leis an Ríocht Aontaithe maolú ó Airteagal 552(4) de TCA ar bhonn sealadach ar feadh tréimhse eatramhaí, ar fheitheamh coigeartuithe teicniúla a bheith curtha chun feidhme ag an Ríocht Aontaithe a luaithe agus is féidir. Le linn na tréimhse eatramhaí sin, cuirfidh údarás inniúil na Ríochta Aontaithe cosc ar úsáid na sonraí PNR atá le scriosadh i gcomhréir le hAirteagal 552(4) de TCA trí na bearta cosanta breise a liostaítear in Airteagal 552(11), pointí (a) go (d) de TCA a chur i bhfeidhm maidir leis na sonraí PNR sin. |
|
(5) |
Sonraítear in Airteagal 552(10) de TCA go bhfuil feidhm ag Airteagal 552(11) de TCA mar gheall ar na himthosca speisialta a chuireann bac ar an Ríocht Aontaithe na coigeartuithe teicniúla is gá a dhéanamh chun na córais phróiseála PNR a d’oibrigh an Ríocht Aontaithe fad a bhí feidhm ag dlí an Aontais maidir léi, a iompú ina gcórais lena bhféadfaí sonraí PNR a scriosadh i gcomhréir le hAirteagal 552(4) de TCA. |
|
(6) |
Déantar foráil le hAirteagal 552(13) de TCA i gcás ina mbeidh na himthosca speisialta dá dtagraítear in Airteagal 552(10) de TCA fós ann, go bhfuil an Chomhairle Comhpháirtíochta le síneadh bliana a chur leis an tréimhse eatramhach dá dtagraítear in Airteagal 552(11) de TCA. |
|
(7) |
Tá feidhm ag Treoir (AE) 2016/681 ó Pharlaimint na hEorpa agus ón gComhairle an 27 Aibreán 2016 maidir le húsáid sonraí as an taifead ainmneacha paisinéirí (PNR) chun cionta sceimhlitheoireachta agus coireacht thromchúiseach a chosc, a bhrath, a imscrúdú agus a ionchúiseamh (3) laistigh den Aontas i gcomhréir leis na Conarthaí. |
|
(8) |
An 1 Deireadh Fómhair 2021, chuir an Ríocht Aontaithe measúnú dá dtagraítear in Airteagal 552(12), pointe (b), de TCA faoi bhráid an Choiste Speisialaithe um Fhorfheidhmiú an Dlí agus um Chomhar Breithiúnach arna bhunú le TCA. |
|
(9) |
Ina measúnú, tháinig an Ríocht Aontaithe ar an gconclúid go bhfuil na himthosca speisialta dá dtagraítear in Airteagal 552(10) de TCA fós ann, ag tagairt di don staid shonrach atá os comhair na Ríochta Aontaithe maidir le córais phróiseála sonraí PNR atá cumraithe chun bheith i gcomhréir le dlí an Aontais mar Bhallstát a chomhlíonadh a oiriúnú chuig córas atá cumraithe chun ceanglais TCA a mhéid a bhaineann le haistrithe idirnáisiúnta sonraí PNR ón Aontas go tríú tíortha a chomhlíonadh. Thug an Ríocht Aontaithe tuairisc ar na hiarrachtaí a rinneadh maidir lena gcórais próiseála sonraí a iompú ina gcórais lena bhféadfaí sonraí PNR a scriosadh i gcomhréir le hAirteagal 552(4) de TCA. Thug an Ríocht Aontaithe le fios go raibh anailís á déanamh aici ar na ceanglais dhlíthiúla, theicniúla agus oibríochtúla, lena n-áirítear na ceanglais fheidhmiúla agus neamhfheidhmiúla araon, d’fhonn a áirithiú go gcomhlíonfaidh córais próiseála sonraí PNR na Ríochta Aontaithe Airteagal 552(4) de TCA. I gcomhréir le hAirteagal 552(13) de TCA, rinne an Coiste Speisialaithe um Fhorfheidhmiú an Dlí agus um Chomhar Breithiúnach tuarascáil na Ríochta Aontaithe a mheas an 19 Deireadh Fómhair 2021. |
|
(10) |
An 1 Deireadh Fómhair 2021, chuir an Ríocht Aontaithe faoi bhráid an Choiste Speisialaithe um Fhorfheidhmiú an Dlí agus um Chomhar Breithiúnach an tuarascáil ón gcomhlacht riaracháin neamhspleách dá dtagraítear in Airteagal 552(12), pointe (a), de TCA, lena n-áirítear iarscríbhinn ó údarás maoirseachta na Ríochta Aontaithe dá dtagraítear in Airteagal 525(3) den chomhaontú sin, maidir le cé acu ar cuireadh nó nár cuireadh na bearta cosanta dá bhforáiltear in Airteagal 552(11) den chomhaontú sin i bhfeidhm go héifeachtach. |
|
(11) |
I gcomhréir le hAirteagal 552(13) de TCA, rinne an Coiste Speisialaithe um Fhorfheidhmiú an Dlí agus um Chomhar Breithiúnach tuarascáil na Ríochta Aontaithe a mheas an 19 Deireadh Fómhair 2021. Ag an ócáid sin, shonraigh an Ríocht Aontaithe go raibh sé beartaithe aici an iarscríbhinn a ghabhann leis an tuarascáil sin a chomhlánú agus go ndéanfaí é sin i mí na Samhna 2021, sula ndéanfaidh an Chomhairle Comhpháirtíochta cinneadh maidir le síneadh a chur leis an tréimhse eatramhach de bhun Airteagal 552(13) de TCA. |
|
(12) |
Dá bhrí sin, meastar go bhfuil na himthosca speisialta dá dtagraítear in Airteagal 552(10) de TCA fós ann agus de bhun Airteagal 552(13) de TCA, ba cheart don Chomhairle Comhpháirtíochta síneadh bliana a chur leis an tréimhse eatramhach dá dtagraítear in Airteagal 552(11) de TCA, go dtí an 31 Nollaig 2022. |
|
(13) |
Tá an Comhaontú Trádála agus Comhair ina cheangal ar na Ballstáit uile de bhua Chinneadh (AE) 2021/689, atá bunaithe ar Airteagal 217 CFAE mar a bhunús dlí substainteach. |
|
(14) |
Tá an Danmhairg agus Éire faoi cheangal ag Cuid III den Chomhaontú Trádála agus Comhair de bhua Chinneadh (AE) 2021/689 agus dá bhrí sin tá siad rannpháirteach i nglacadh agus i gcur i bhfeidhm an Chinnidh seo, lena gcuirtear an Comhaontú Trádála agus Comhair chun feidhme, |
TAR ÉIS AN CINNEADH SEO A GHLACADH:
Airteagal 1
Is é an seasamh atá le glacadh thar ceann an Aontais sa Chomhairle Comhpháirtíochta de bhun Airteagal 552(13) den Chomhaontú Trádála agus Comhair teacht ar chomhaontú maidir le síneadh a chur leis an tréimhse eatramhach ar lena linn a fhéadfaidh an Ríocht Aontaithe maolú ón oibleagáid sonraí PNR na bpaisinéirí a scriosadh tar éis dóibh imeacht ón Ríocht Aontaithe faoi bhliain amháin, go dtí an 31 Nollaig 2022.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 20 Nollaig 2021.
Thar ceann na Comhairle
An tUachtarán
A. VIZJAK
(1) IO L 149, 30.4.2021, lch. 2.