European flag

Iris Oifigiúil
an Aontais Eorpaigh

GA

Sraith L


2026/2565

17.11.2026

RIALACHÁN TARMLIGTHE (AE) 2026/2565 ÓN gCOIMISIÚN

an 8 Meán Fómhair 2026

lena leasaítear an Iarscríbhinn a ghabhann le Rialachán (AE) 2019/452 ó Pharlaimint na hEorpa agus ón gComhairle lena gcuirtear ar bun creat maidir le hinfheistíochtaí díreacha coigríche isteach san Aontas a scagadh

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2019/452 ó Pharlaimint na hEorpa agus ón gComhairle an 19 Márta 2019 lena gcuirtear ar bun creat maidir le hinfheistíochtaí díreacha coigríche isteach san Aontas a scagadh (1), agus go háirithe Airteagal 8(4) de,

De bharr an mhéid seo a leanas:

(1)

De bhun Airteagal 8 de Rialachán (AE) 2019/452, i gcás ina measfaidh an Coimisiún gur dócha go ndéanfaidh infheistíocht dhíreach choigríche difear do thionscadail nó do chláir atá chun leasa an Aontais, ar fhoras na slándála nó ar fhoras an oird phoiblí, féadfaidh sé tuairim a thabhairt uaidh don Bhallstát ina bhfuil sé beartaithe an infheistíocht dhíreach choigríche a dhéanamh nó ina ndearnadh an infheistíocht sin. Áireofar na tionscadail nó na cláir atá chun leasa an Aontais sna tionscadail nó sna cláir sin a fuair méid mór nó cion suntasach de chistiú ón Aontas nó a chumhdaítear le dlí an Aontais maidir le bonneagar criticiúil, teicneolaíochtaí criticiúla nó ionchuir chriticiúla atá ríthábhachtach don tslándáil agus don ord poiblí.

(2)

Leagtar amach liosta na dtionscadal nó na gclár atá chun leasa an Aontais chun críocha Rialachán (AE) 2019/452 san Iarscríbhinn a ghabhann leis an Rialachán sin.

(3)

Tá roinnt Rialachán eile sainaitheanta ag an gCoimisiún lena mbunaítear tionscadail agus cláir ar cheart iad a chur leis an liosta sin ós rud é go bhfuil baint dhíreach acu leis an tslándáil agus leis an ord poiblí san Aontas.

(4)

Tá sé d’aidhm ag an Ardán um Theicneolaíochtaí Straitéiseacha don Eoraip a bunaíodh le Rialachán (AE) 2024/795 ó Pharlaimint na hEorpa agus ón gComhairle (2) tacú le tionscal na hEorpa agus borradh a chur faoin infheistíocht i dteicneolaíochtaí criticiúla san Eoraip.

(5)

Is tionscnamh é Clár an Aontais um Nascacht Shlán (IRIS – 2) a bunaíodh le Rialachán (AE) 2023/588 ó Pharlaimint na hEorpa agus ón gComhairle (3) arb é is aidhm dó córas cumarsáide satailíte atá athléimneach agus slán a fhorbairt don Aontas Eorpach.

(6)

Is tionscnamh de chuid an Aontais é Rialachán (AE) 2023/1525 ó Pharlaimint na hEorpa agus ón gComhairle (4) (ASAP) arb é is aidhm dó borradh a chur faoi tháirgeadh armlóin agus diúracán chun aghaidh a thabhairt ar ghanntanais soláthair, go háirithe mar fhreagairt ar an gcogadh san Úcráin. Ní dhéanann dul in éag an Rialacháin an 30 Meitheamh 2025 mar a leagtar síos in Airteagal 24 difear do leanúnachas ná do mhodhnú na ngníomhaíochtaí arna dtionscnamh de bhun an rialacháin.

(7)

Ceapadh Rialachán (AE) 2023/2418 ó Pharlaimint na hEorpa agus ón gComhairle (5) (EDIRPA) chun tionscal cosanta na hEorpa a neartú trí sholáthar comhpháirteach trealaimh mhíleata a chur chun cinn i measc na mBallstát.

(8)

Trí Atreisiú an Tionscail Cosanta Eorpaigh, tacóidh an Ionstraim um Ghníomhaíocht Slándála don Eoraip (SAFE) a bunaíodh le Rialachán (AE) 2025/1106 ón gComhairle (6) leis na Ballstáit ar mian leo infheistíocht a dhéanamh i dtáirgeadh tionsclaíoch cosanta trí sholáthar comhoibríoch, ag díriú ar chumais tosaíochta.

(9)

Maidir le hinfheistíochtaí straitéiseacha a leagtar amach i Rialachán (AE) 2021/523 ó Pharlaimint na hEorpa agus ón gComhairle (7) (an Ciste InvestEU), mar a shainmhínítear faoi Roinn 2.10 de Rialachán Tarmligthe (AE) 2021/1078 ón gCoimisiún (8) lena leagtar amach na treoirlínte infheistíochta ábhartha, cé is moite de Roinn 2.10, mír b a thagraíonn do Roinn 6.4.1.1 (infheistíocht shóisialta agus scileanna), ba cheart infheistíochtaí straitéiseacha faoi InvestEU, lena maoinítear earnálacha criticiúla amhail nuálaíocht, bonneagar, FBManna, agus teicneolaíochtaí dé-úsáide, a áireamh san Iarscríbhinn, mar tugtar faoi deara iad sa Teachtaireacht Chomhpháirteach le déanaí maidir le Slándáil Eacnamaíoch an Aontais a Neartú agus cuidíonn siad leis an ord poiblí a chosaint agus slabhraí luacha straitéiseacha a dhaingniú.

(10)

I Rialachán (AE) 2024/1252 ó Pharlaimint na hEorpa agus ón gComhairle (9), liostaítear na hamhábhair chriticiúla atá fíor-riachtanach do gheilleagar an Aontais agus tacar leathan teicneolaíochtaí riachtanacha le haghaidh earnálacha straitéiseacha, lena n-áirítear aeraspás agus cosaint. Ba cheart na tionscadail straitéiseacha san Aontas arna bhformheas ag an gCoimisiún faoi Rialachán (AE) 2024/1252 a áireamh ar an liosta toisc gur minic a bhaineann siad le hamhábhair chriticiúla atá fíor-riachtanach d’earnálacha straitéiseacha, amhail fuinneamh, cosaint agus iompar, agus, dá bhrí sin, go bhféadfadh rioscaí a bheith ag baint leo don ord poiblí agus don tslándáil phoiblí má chuireann eintitis eachtracha isteach ar a soláthar nó má rialaíonn siad é.

(11)

Rialachán (AE) 2024/1735 ó Pharlaimint na hEorpa agus ón gComhairle (10) (an Gníomh um an Tionscal Glan-nialasachta – ‘NZIA’), lena leagtar síos creat chun éiceachóras monaraíochta an Aontais le haghaidh teicneolaíochtaí glan-nialasachta a neartú. I gcomhréir leis an Teachtaireacht Chomhpháirteach maidir le Slándáil Eacnamaíoch an Aontais a Neartú, ina n-iarrtar úsáid níos fearr a bhaint as ionstraimí an Aontais atá ann cheana agus ina sainaithnítear cosc agus maolú ar chur isteach ar bhonneagar criticiúil an Aontais mar réimse ardriosca, rannchuidíonn tionscadail straitéiseacha faoin nGníomh um an Tionscal Glan-nialasachta go díreach le hathléimneacht chóras fuinnimh an Aontais a fheabhsú, le foinsí soláthair a éagsúlú, agus le tacú le monaraíocht shlán teicneolaíochta glaine. Ba cheart na tionscadail straitéiseacha sin faoin nGníomh um an Tionscal Glan-nialasachta a áireamh san Iarscríbhinn, chun ailíniú le béim na Teachtaireachta ar chroí-shócmhainní a chosaint atá riachtanach don tslándáil eacnamaíoch.

(12)

Tionscadail Thábhachtacha ar mhaithe le Leas na hEorpa i gCoitinne (‘IPCEInna’), dá dtagraítear in Airteagal 107(3)(b) CFAE, tá siad ceaptha chun an earnáil phoiblí agus an earnáil phríobháideach a thabhairt le chéile chun tabhairt faoi thionscadail mhórscála a rachaidh chun tairbhe don Aontas agus dá shaoránaigh. Tacaíonn siad le hinfheistíochtaí mórscála trasteorann a bhfuil tábhacht straitéiseach don Aontas ag baint leo. Tá bonn cirt le IPCEInna a áireamh san Iarscríbhinn, toisc go rannchuidíonn siad go díreach le slándáil eacnamaíoch an Aontais trí athléimneacht thionsclaíoch a neartú, nuálaíocht a chothú, agus spleáchais straitéiseacha a laghdú, i gcomhréir leis an Teachtaireacht Chomhpháirteach maidir le Slándáil Eacnamaíoch an Aontais a Neartú.

(13)

Leis an gCiste don Nuálaíocht a bunaíodh le hAirteagal 10a(8) de Threoir 2003/87/CE ó Pharlaimint na hEorpa agus ón gComhairle (11), maoinítear tionscadail lena ndírítear ar theicneolaíochtaí agus ar phróisis nuálacha ísealcharbóin i dtionscail dianfhuinnimh, ar ghiniúint nuálach fuinnimh in-athnuaite, ar stóráil fuinnimh, agus tacófar níos mó fós le tionscadail nuálacha a bheidh ann amach anseo i slabhra luacha na n-amhábhar criticiúil. Rioscaí sna hearnálacha sin a bhaineann leis an gcibearshlándáil agus le spleáchais ar an slabhra soláthair, tá impleachtaí acu freisin do shlándáil agus ord poiblí an Aontais.

(14)

Le Rialachán (AE) 2021/1077 ó Pharlaimint na hEorpa agus ón gComhairle (12), cuidítear le trealamh rialaithe custaim úrscothach a thabhairt do na Ballstáit i gcás inar sainaithníodh rioscaí a bhaineann leis an gcibearshlándáil, rochtain ar shonraí íogaire, ar measa iad araon mar gheall ar spleáchais ar olagaplacht soláthróirí.

(15)

Ina theannta sin, ba cheart na cláir de chuid an Chórais Eorpaigh um Loingseoireacht Satailíte Dhomhanda (Galileo & EGNOS), Copernicus, agus an Beart maidir leis an gClár nua GOVSATCOM de chuid an Aontais a Ullmhú a bhaint den liosta toisc gur aisghaireadh na Rialacháin lena mbunaítear iad le Rialachán (AE) 2021/696 ó Pharlaimint na hEorpa agus ón gComhairle (13).

(16)

Ba cheart na tagairtí do chláir áirithe eile sa liosta a thabhairt cothrom le dáta.

(17)

Ba cheart, dá bhrí sin, Rialachán (AE) 2019/452 a leasú dá réir,

TAR ÉIS AN RIALACHÁN SEO A GHLACADH:

Airteagal 1

Cuirtear an téacs a leagtar amach san Iarscríbhinn a ghabhann leis an Rialachán seo in ionad na hIarscríbhinne a ghabhann le Rialachán (AE) 2019/452.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 8 Meán Fómhair 2026.

Thar ceann an Choimisiúin

An tUachtarán

Ursula VON DER LEYEN


(1)   IO L 79I, 21.3.2019, lch. 1, ELI: http://data.europa.eu/eli/reg/2019/452/oj.

(2)  Rialachán (AE) 2024/795 ó Pharlaimint na hEorpa agus ón gComhairle an 29 Feabhra 2024 lena mbunaítear an tArdán um Theicneolaíochtaí Straitéiseacha don Eoraip (STEP), agus lena leasaítear Treoir 2003/87/CE agus Rialacháin (AE) 2021/1058, (AE) 2021/1056, (AE) 2021/1057, (AE) Uimh. 1303/2013, (AE) Uimh. 223/2014, (AE) 2021/1060, (AE) 2021/523, (AE) 2021/695, (AE) 2021/697 agus (AE) 2021/241 (IO L, 2024/795, 29.2.2024, ELI: http://data.europa.eu/eli/reg/2024/795/oj).

(3)  Rialachán (AE) 2023/588 ó Pharlaimint na hEorpa agus ón gComhairle an 15 Márta 2023 lena mbunaítear Clár an Aontais um Nascacht Shlán le haghaidh na tréimhse 2023-2027 (IO L 79, 17.3.2023, lch. 1, ELI: http://data.europa.eu/eli/reg/2023/588/oj).

(4)  Rialachán (AE) 2023/1525 ó Pharlaimint na hEorpa agus ón gComhairle an 20 Iúil 2023 maidir le tacú le táirgeadh armlóin (ASAP) (IO L 185, 24.7.2023, lch. 7, ELI: http://data.europa.eu/eli/reg/2023/1525/oj).

(5)  Rialachán (AE) 2023/2418 ó Pharlaimint na hEorpa agus ón gComhairle an 18 Deireadh Fómhair 2023 maidir le hionstraim a bhunú chun tionscal cosanta na hEorpa a atreisiú trí sholáthar comhoibríoch (EDIRPA) (IO L, 2023/2418, 26.10.2023, ELI: http://data.europa.eu/eli/reg/2023/2418/oj).

(6)  Rialachán (AE) 2025/1106 ón gComhairle an 27 Bealtaine 2025 lena mbunaítear an Ionstraim um Ghníomhaíocht Slándála don Eoraip (SAFE) trí Atreisiú an Tionscail Cosanta Eorpaigh (IO L, 2025/1106, 28.5.2025, ELI: http://data.europa.eu/eli/reg/2025/1106/oj).

(7)  Rialachán (AE) 2021/523 ó Pharlaimint na hEorpa agus ón gComhairle an 24 Márta 2021 lena mbunaítear Clár InvestEU agus lena leasaítear Rialachán (AE) 2015/1017 (IO L 107, 26.3.2021, lch. 30, ELI: http://data.europa.eu/eli/reg/2021/523/oj).

(8)  Rialachán Tarmligthe (AE) 2021/1078 ón gCoimisiún an 14 Aibreán 2021 lena bhforlíontar Rialachán (AE) 2021/523 ó Pharlaimint na hEorpa agus ón gComhairle lena leagtar amach na treoirlínte infheistíochta maidir le Ciste InvestEU (IO L 234, 2.7.2021, lch. 18, ELI: http://data.europa.eu/eli/reg_del/2021/1078/oj).

(9)  Rialachán (AE) 2024/1252 ó Pharlaimint na hEorpa agus ón gComhairle an 11 Aibreán 2024 lena mbunaítear creat chun soláthar slán inbhuanaithe amhábhar criticiúil a áirithiú agus lena leasaítear Rialacháin (AE) Uimh. 168/2013, (AE) 2018/858, (AE) 2018/1724 agus (AE) 2019/1020 (IO L, 2024/1252, 3.5.2024, ELI: http://data.europa.eu/eli/reg/2024/1252/oj).

(10)  Rialachán (AE) 2024/1735 ó Pharlaimint na hEorpa agus ón gComhairle an 13 Meitheamh 2024 maidir le creat beart a bhunú chun éiceachóras monaraíochta teicneolaíochta glan-nialasachta na hEorpa a neartú agus lena leasaítear Rialachán (AE) 2018/1724 (IO L, 2024/1735, 28.6.2024, ELI: http://data.europa.eu/eli/reg/2024/1735/oj).

(11)  Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas maidir le trádáil lamháltas astaíochtaí gás ceaptha teasa laistigh den Aontas agus lena leasaítear Treoir 96/61/CE ón gComhairle (IO L 275, 25.10.2003, lch. 32, ELI: http://data.europa.eu/eli/dir/2003/87/oj).

(12)  Rialachán (AE) 2021/1077 ó Pharlaimint na hEorpa agus ón gComhairle an 24 Meitheamh 2021 lena mbunaítear, mar chuid den Chiste um Bainistiú Comhtháite Teorainneacha,an ionstraim le haghaidh tacaíocht airgeadais do threalamh rialaithe custaim (IO L 234, 2.7.2021, lch. 1, ELI: http://data.europa.eu/eli/reg/2021/1077/oj).

(13)  Rialachán (AE) 2021/696 ó Pharlaimint na hEorpa agus ón gComhairle an 28 Aibreán 2021 lena mbunaítear Clár Spáis an Aontais agus Gníomhaireacht an Aontais Eorpaigh um an gClár Spáis agus lena n-aisghairtear Rialacháin (AE) Uimh. 912/2010, (AE) Uimh. 1285/2013 agus (AE) Uimh. 377/2014 agus Cinneadh Uimh. 541/2014/AE (IO L 170, 12.5.2021, lch. 69, ELI: http://data.europa.eu/eli/reg/2021/696/oj).


IARSCRÍBHINN

‘

IARSCRÍBHINN

Liosta de thionscadail agus de chláir atá chun leasa an Aontais dá dtagraítear in Airteagal 8(3)

1.

Clár Spáis an Aontais

Rialachán (AE) 2021/696 ó Pharlaimint na hEorpa agus ón gComhairle an 28 Aibreán 2021 lena mbunaítear Clár Spáis an Aontais agus Gníomhaireacht an Aontais Eorpaigh um an gClár Spáis agus lena n-aisghairtear Rialacháin (AE) Uimh. 912/2010, (AE) Uimh. 1285/2013 agus (AE) Uimh. 377/2014 agus Cinneadh Uimh. 541/2014/AE (IO L 170, 12.5.2021, lch. 69, ELI: http://data.europa.eu/eli/reg/2021/696/oj).

2.

Fís 2020, lena n-áirítear cláir thaighde agus forbartha de bhun Airteagal 185 CFAE, agus comhghnóthais nó aon struchtúr eile arna chur ar bun de bhun Airteagal 187 CFAE

Rialachán (AE) Uimh. 1291/2013 ó Pharlaimint na hEorpa agus ón gComhairle an 11 Nollaig 2013 lena mbunaítear Fís 2020 – An Clár Réime um Thaighde agus Nuálaíocht (2014-2020), agus lena n-aisghairtear Cinneadh Uimh. 1982/2006/CE (IO L 347, 20.12.2013, lch. 104, ELI: http://data.europa.eu/eli/reg/2013/1291/oj), lena n-áirítear gníomhaíochtaí atá ann a bhaineann le hEochairtheicneolaíochtaí Cumasúcháin amhail intleacht shaorga, róbataic, leathsheoltóirí agus cibearshlándáil.

3.

Fís Eorpach, lena n-áirítear cláir thaighde agus forbartha de bhun Airteagal 185 CFAE, agus comhghnóthais nó aon struchtúr eile arna chur ar bun de bhun Airteagal 187 CFAE

Rialachán (AE) 2021/695 ó Pharlaimint na hEorpa agus ón gComhairle an 28 Aibreán 2021 lena mbunaítear Fís Eorpach - an Clár Réime um Thaighde agus um Nuálaíocht, lena leagtar síos a rialacha maidir le rannpháirtíocht agus scaipeadh, agus lena n-aisghairtear Rialacháin (AE) Uimh. 1290/2013 agus (AE) Uimh. 1291/2013 (IO L 170, 12.5.2021, lch. 1, ELI: http://data.europa.eu/eli/reg/2021/695/oj).

4.

Clár Taighde agus Oiliúna Euratom 2026-2027

Rialachán (Euratom) 2025/1304 ón gComhairle an 23 Meitheamh 2025 lena mbunaítear Clár Taighde agus Oiliúna an Chomhphobail Eorpaigh do Fhuinneamh Adamhach le haghaidh na tréimhse 2026-2027 lena gcomhlánaítear Fís Eorpach – an Clár Réime um Thaighde agus Nuálaíocht agus lena n-aisghairtear Rialachán (Euratom) 2021/765 (IO L 2025/1304, 3.7.2025, ELI: http://data.europa.eu/eli/reg/2025/1304/oj).

5.

Gréasáin thras-Eorpacha Iompair (GTE-I)

Rialachán (AE) 2024/1679 ó Pharlaimint na hEorpa agus ón gComhairle an 13 Meitheamh 2024 maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialacháin (AE) 2021/1153 agus (AE) Uimh. 913/2010 agus lena n-aisghairtear Rialachán (AE) Uimh. 1315/2013 (IO L, 2024/1679, 28.6.2024, ELI: http://data.europa.eu/eli/reg/2024/1679/oj).

6.

Gréasáin thras-Eorpacha Fuinnimh (GTE-F)

Rialachán (AE) 2022/869 ó Pharlaimint na hEorpa agus ón gComhairle an 30 Bealtaine 2022 maidir le treoirlínte le haghaidh bonneagar tras-Eorpach fuinnimh, lena leasaítear Rialacháin (CE) Uimh. 715/2009, (AE) 2019/942 agus (AE) 2019/943 agus Treoracha 2009/73/CE agus (AE) 2019/944, agus lena n-aisghairtear Rialachán (AE) Uimh. 347/2013 (IO L 152, 3.6.2022, lch. 45, ELI: http://data.europa.eu/eli/reg/2022/869/oj).

7.

An tSaoráid um Chónascadh na hEorpa

Rialachán (AE) 2021/1153 ó Pharlaimint na hEorpa agus ón gComhairle an 7 Iúil 2021 lena mbunaítear an tSaoráid um Chónascadh na hEorpa agus lena n-aisghairtear Rialachán (AE) Uimh. 1316/2013 agus Rialachán (AE) Uimh. 283/2014 (IO L 249, 14.7.2021, lch. 38, ELI: http://data.europa.eu/eli/reg/2021/1153/oj).

8.

An Clár don Eoraip Dhigiteach

Rialachán (AE) 2021/694 ó Pharlaimint na hEorpa agus ón gComhairle an 29 Aibreán 2021, lena mbunaítear an Clár don Eoraip Dhigiteach agus lena n-aisghairtear Cinneadh (AE) 2015/2240 (IO L 166, 11.5.2021, lch. 1, ELI: http://data.europa.eu/eli/reg/2021/694/oj).

9.

An Clár Eorpach Forbartha Tionscal i réimse na Cosanta

Rialachán (AE) 2018/1092 ó Pharlaimint na hEorpa agus ón gComhairle an 18 Iúil 2018 lena mbunaítear an Clár Eorpach Forbartha Tionscal i réimse na Cosanta lena ndírítear ar thacú le hiomaíochas agus cumas nuálaíochta thionscal cosanta an Aontais (IO L 200, 7.8.2018, lch. 30, ELI: http://data.europa.eu/eli/reg/2018/1092/oj).

10.

An Ciste Eorpach Cosanta

Rialachán (AE) 2021/697 ó Pharlaimint na hEorpa agus ón gComhairle an 29 Aibreán 2021 lena mbunaítear an Ciste Eorpach Cosanta agus lena n-aisghairtear Rialachán (AE) 2018/1092 (IO L 170, 12.5.2021, lch. 149, ELI: http://data.europa.eu/eli/reg/2021/697/oj).

11.

Buanchomhar struchtúrtha (PESCO)

Cinneadh (CBES) 2018/340 ón gComhairle an 6 Márta 2018 lena mbunaítear liosta na dtionscadal atá le forbairt faoi PESCO (IO L 65, 8.3.2018, lch. 24, ELI: http://data.europa.eu/eli/dec/2018/340/oj).

Cinneadh (CBES) 2018/1797 ón gComhairle an 19 Samhain 2018 lena leasaítear agus lena nuashonraítear Cinneadh (CBES) 2018/340 lena mbunaítear liosta na dtionscadal atá le forbairt faoi PESCO (IO L 294, 21.11.2018, lch. 18, ELI: http://data.europa.eu/eli/dec/2018/1797/oj).

Cinneadh (CBES) 2019/1909 ón gComhairle an 12 Samhain 2019 lena leasaítear agus lena nuashonraítear Cinneadh (CBES) 2018/340 lena mbunaítear liosta na dtionscadal atá le forbairt faoi PESCO (IO L 293, 14.11.2019, lch. 113, ELI: http://data.europa.eu/eli/dec/2019/1909/oj).

12.

An Comhghnóthas Eorpach um ITER

Cinneadh 2007/198 (Euratom) ón gComhairle an 27 Márta 2007 lena mbunaítear an Comhghnóthas Eorpach um ITER agus um Fhuinneamh Comhleá a Fhorbairt agus lena dtugtar buntáistí dó (IO L 90, 30.3.2007, lch. 58, ELI: http://data.europa.eu/eli/dec/2007/198/oj).

13.

Clár EU4Health

Rialachán (AE) 2021/522 ó Pharlaimint na hEorpa agus ón gComhairle an 24 Márta 2021 lena mbunaítear Clár do ghníomhaíochtaí an Aontais i réimse na sláinte (‘Clár EU4Health’) don tréimhse 2021-2027, agus lena n-aisghairtear Rialachán (AE) Uimh. 282/2014 (IO L 107, 26.3.2021, lch. 1, ELI: http://data.europa.eu/eli/reg/2021/522/oj).

14.

An tArdán um Theicneolaíochtaí Straitéiseacha don Eoraip (Rialachán STEP)

Rialachán (AE) 2024/795 ó Pharlaimint na hEorpa agus ón gComhairle an 29 Feabhra 2024 lena mbunaítear an tArdán um Theicneolaíochtaí Straitéiseacha don Eoraip (STEP), agus lena leasaítear Treoir 2003/87/CE agus Rialacháin (AE) 2021/1058, (AE) 2021/1056, (AE) 2021/1057, (AE) Uimh. 1303/2013, (AE) Uimh. 223/2014, (AE) 2021/1060, (AE) 2021/523, (AE) 2021/695, (AE) 2021/697 agus (AE) 2021/241 (IO L, 2024/795, 29.2.2024, ELI: http://data.europa.eu/eli/reg/2024/795/oj).

15.

Clár an Aontais um Nascacht Shlán (IRIS – 2)

Rialachán (AE) 2023/588 ó Pharlaimint na hEorpa agus ón gComhairle an 15 Márta 2023 lena mbunaítear Clár an Aontais um Nascacht Shlán le haghaidh na tréimhse 2023-2027 (IO L 79, 17.3.2023, lch. 1, ELI: http://data.europa.eu/eli/reg/2023/588/oj).

16.

An Gníomh chun Tacú le Táirgeadh Armlóin (ASAP)

Rialachán (AE) 2023/1525 ó Pharlaimint na hEorpa agus ón gComhairle an 20 Iúil 2023 maidir le tacú le táirgeadh armlóin (ASAP) ( IO L 185, 24.7.2023, lch. 7 ELI: http://data.europa.eu/eli/reg/2023/1525/oj).

17.

An Gníomh um Thionscal Cosanta na hEorpa a Atreisiú trí Sholáthar Comhoibríoch (EDIRPA)

Rialachán (AE) 2023/2418 ó Pharlaimint na hEorpa agus ón gComhairle an 18 Deireadh Fómhair 2023 maidir le hionstraim a bhunú chun tionscal cosanta na hEorpa a atreisiú trí sholáthar comhoibríoch (EDIRPA) (IO L, 2023/2418, 26.10.2023, ELI: http://data.europa.eu/eli/reg/2023/2418/oj).

18.

An Ghníomhaíocht Slándála don Eoraip (SAFE)

Rialachán (AE) 2025/1106 ón gComhairle an 27 Bealtaine 2025 lena mbunaítear an Ionstraim um Ghníomhaíocht Slándála don Eoraip (SAFE) trí Atreisiú an Tionscail Cosanta Eorpaigh ( IO L, 2025/1106, 28.5.2025, ELI: http://data.europa.eu/eli/reg/2025/1106/oj).

19.

InvestEU, cé is moite de ‘infheistíochtaí sóisialta agus scileanna’

Rialachán (AE) 2021/523 ó Pharlaimint na hEorpa agus ón gComhairle an 24 Márta 2021 lena mbunaítear Clár InvestEU agus lena leasaítear Rialachán (AE) 2015/1017 ( IO L 107, 26.3.2021, lch. 30, ELI: http://data.europa.eu/eli/reg/2021/523/oj), a mhéid a bhaineann le hinfheistíochtaí straitéiseacha i réimse na cosanta a leagtar amach sna treoirlínte infheistíochta maidir le Ciste InvestEU.

Rialachán Tarmligthe (AE) 2021/1078 ón gCoimisiún an 14 Aibreán 2021 lena bhforlíontar Rialachán (AE) 2021/523 ó Pharlaimint na hEorpa agus ón gComhairle lena leagtar amach na treoirlínte infheistíochta maidir le Ciste InvestEU ( IO L 234, 2.7.2021, lch. 18, ELI: http://data.europa.eu/eli/reg_del/2021/1078/oj), cé is moite de Roinn 2.10, mír b a thagraíonn do Roinn 6.4.1.1 (infheistíocht shóisialta agus scileanna).

20.

an Gníomh Eorpach um Amhábhair Chriticiúla

Rialachán (AE) 2024/1252 ó Pharlaimint na hEorpa agus ón gComhairle an 11 Aibreán 2024 lena mbunaítear creat chun soláthar slán inbhuanaithe amhábhar criticiúil a áirithiú agus lena leasaítear Rialacháin (AE) Uimh. 168/2013, (AE) 2018/858, (AE) 2018/1724 agus (AE) 2019/1020 (IO L, 2024/1252, 3.5.2024, ELI: http://data.europa.eu/eli/reg/2024/1252/oj).

21.

An Gníomh um an Tionscal Glan-nialasachta

Rialachán (AE) 2024/1735 ó Pharlaimint na hEorpa agus ón gComhairle an 13 Meitheamh 2024 maidir le creat beart a bhunú chun éiceachóras monaraíochta teicneolaíochta glan-nialasachta na hEorpa a neartú agus lena leasaítear Rialachán (AE) 2018/1724 (IO L, 2024/1735, 28.6.2024, ELI: http://data.europa.eu/eli/reg/2024/1735/oj).

22.

an Ciste don Nuálaíocht

Airteagal 10a(8) de Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas maidir le trádáil lamháltas astaíochtaí gás ceaptha teasa laistigh den Aontas agus lena leasaítear Treoir 96/61/CE ón gComhairle (IO L 275, 25.10.2003, lch. 32, ELI: http://data.europa.eu/eli/dir/2003/87/oj).

23.

An Ionstraim um Threalamh Rialaithe Custaim (cuid den Chiste um Bainistiú Comhtháite Teorainneacha)

Rialachán (AE) 2021/1077 ó Pharlaimint na hEorpa agus ón gComhairle an 24 Meitheamh 2021 lena mbunaítear, mar chuid den Chiste um Bainistiú Comhtháite Teorainneacha, an ionstraim le haghaidh tacaíocht airgeadais do threalamh rialaithe custaim (IO L 234, 2.7.2021, lch. 1, ELI: http://data.europa.eu/eli/reg/2021/1077/oj).

24.

Tionscadail thábhachtacha ar mhaithe le leas na hEorpa i gcoitinne

Tionscadail a mheas an Coimisiún, i gcinneadh arna ghlacadh de bhun Airteagal 108 CFAE, gur tionscadal tábhachtach ar mhaithe le leas na hEorpa i gcoitinne iad de réir bhrí Airteagal 107(3), pointe (b), CFAE

’.

ELI: http://data.europa.eu/eli/reg_del/2026/2565/oj

ISSN 1977-0839 (electronic edition)