Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra d-Deċiżjoni Nru 1622/2006/KE tal-Parlament Ewropew u tal-Kunsill tal-24 ta’ Ottubru 2006 li tistabbilixxi azzjoni Komunitarja għall-avveniment tal-Kapitali Ewropea tal-Kultura għas-snin mill-2007 sal-2019 (1), u b’mod partikolari l-Artikolu 9(3) tagħha,

Wara li kkunsidra r-rakkomandazzjoni mill-Kummissjoni Ewropea,

Wara li kkunsidra r-rapporti tal-bord tal-għażla ta’ Settembru 2012 dwar il-proċess tal-għażla tal-Kapitali Ewropej tal-Kultura fid-Danimarka u f’Ċipru,

Wara li kkunsidra r-rapport tal-bord tal-għażla ta’ Novembru 2012 dwar il-proċess tal-għażla tal-Kapitali Ewropea tal-Kultura f’Malta,

Filwaqt li jqis li l-kriterji msemmija fl-Artikolu 4 tad-Deċiżjoni Nru 1622/2006/KE ntlaħqu kollha,

Artikolu 1

Aarhus u Paphos huma nnominati bħala “Il-Kapitali Ewropea tal-Kultura 2017” rispettivament fid-Danimarka u f’Ċipru.

Il-Belt Valletta hija nnominata bħala “Il-Kapitali Ewropea tal-Kultura 2018” f’Malta.

Artikolu 2

Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.