(1)

Le hAirteagal 12(1) de Threoir 2008/90/CE, ceanglaítear ar an gCoimisiún cinneadh a dhéanamh an bhfuil ábhar iomadaithe agus plandaí torthaí a tháirgtear i dtríú tír agus dá dtugtar na ráthaíochtaí céanna a mhéid a bhaineann leis na hoibleagáidí atá ar an soláthróir, le sainaitheantas, le saintréithe, le sláinte plandaí, leis an damhna fáis, leis an bpacáistiú, le socruithe cigireachta, le marcáil agus le séalú, an bhfuil na nithe sin coibhéiseach i ngach slí le hábhar iomadaithe agus plandaí torthaí a tháirgtear san Aontas agus a chomhlíonann ceanglais agus coinníollacha na Treorach sin. Foráiltear le hAirteagal 12(2) de Threoir 2008/90/CE maidir le maolú lena gceadaítear do na Ballstáit, go dtí go ndéanfar cinneadh den sórt sin, feidhm a bheith acu maidir le coinníollacha ábhair iomadaithe agus plandaí torthaí atá coibhéiseach ar a laghad leo siúd a bhfuil feidhm acu maidir le hábhar iomadaithe plandaí torthaí agus plandaí torthaí a tháirgtear san Aontas.

(2)

Tá maolú den sórt sin deonaithe go dtí an 31 Nollaig 2022. Dá bhrí sin, féadfaidh na Ballstáit coinníollacha a chur i bhfeidhm atá coibhéiseach leo sin a leagtar amach i dTreoracha Cur Chun Feidhme 2014/96/AE (2), 2014/97/AE (3) agus 2014/98/AE (4) ón gCoimisiún.

(3)

Cinneadh Cur Chun Feidhme ón gCoimisiún maidir le coibhéis ábhair iomadaithe plandaí torthaí agus plandaí torthaí, a bheartaítear do tháirgeadh torthaí agus a tháirgtear i dtríú tíortha áirithe, tá an Cinneadh sin á ullmhú. Ní mór don Choimisiún scrúdú a dhéanamh ar an reachtaíocht ábhartha ó na tríú tíortha sin agus cinneadh a dhéanamh an bhfuil ábhar iomadaithe agus plandaí torthaí a bheartaítear do tháirgeadh torthaí agus a tháirgtear sna tíortha sin coibhéiseach le hábhar iomadaithe agus plandaí torthaí a bheartaítear do tháirgeadh torthaí a tháirgtear san Aontas agus a chomhlíonann Treoir 2008/90/CE. Ní mór don Choimisiún scrúdú a dhéanamh freisin an bhfuil na ráthaíochtaí céanna ag gabháil leis an ábhar iomadaithe agus leis na plandaí torthaí a tháirgtear sna tríú tíortha sin agus atá ag gabháil leis an ábhar faoi seach a tháirgtear san Aontas i gcomhréir leis an Treoir sin a mhéid a bhaineann leis na hoibleagáidí atá ar an soláthróir, le sainaitheantas, le saintréithe, le sláinte plandaí, leis an damhna fáis, leis an bpacáistiú, le socruithe cigireachta, le marcáil agus le séalaithe.

(4)

I bhfianaise an ama is gá chun na measúnuithe sin a dhéanamh agus i bhfianaise an líon ard iarratas a fuarthas ó thríú tíortha, meastar nach bhfuil sé indéanta an Cinneadh Cur Chun Feidhme thuasluaite a ghlacadh faoin 31 Nollaig 2022. Go dtí go nglacfar an Cinneadh Cur Chun Feidhme sin, agus chun nach gcuirfear isteach ar phatrúin trádála, ba cheart do na Ballstáit leanúint de bheith ag baint tairbhe as maolú Airteagal 12(2) de Threoir 2008/90/CE.

(5)

Dá bhrí sin, ba cheart síneadh a chur le tréimhse chur i bhfeidhm an mhaolaithe dá bhforáiltear in Airteagal 12(2) de Threoir 2008/90/CE go dtí an 31 Nollaig 2025.

(6)

Dá bhrí sin, ba cheart Treoir 2008/90/CE a leasú dá réir.

(7)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,