(1)

An 31 Iúil 2015, ghlac an Chomhairle Cinneadh (CBES) 2015/1333 (1).

(2)

Le Rún 2292 (2016) ó Chomhairle Slándála na Náisiún Aontaithe (CSNA), údaraíodh Ballstáit na Náisiún Aontaithe, ag gníomhú dóibh go náisiúnta nó trí eagraíochtaí réigiúnacha, cigireacht a dhéanamh ar an mórmhuir amach ó chósta na Libia ar aon soitheach a bhfuil forais réasúnacha acu chun a chreidiúint go bhfuil airm nó ábhar gaolmhar á n-iompar acu chuig an Libia nó ón Libia, go díreach nó go hindíreach, de shárú ar thrádbhac arm na Náisiún Aontaithe ar an Libia. Ina theannta sin, foráladh leis an Rún sin, má aimsítear earraí a thoirmisctear leis an trádbhac arm ar an Libia le linn na gcigireachtaí sin, go ndéanfaidh Ballstáit na Náisiún Aontaithe na hearraí sin a urghabháil agus a dhiúscairt.

(3)

Leasaíodh Cinneadh (CBES) 2015/1333 dá réir sin.

(4)

Tá feidhm ag an údarú a leagtar amach i Rún 2292 (2016) ó Chomhairle Slándála na Náisiún Aontaithe go dtí an 25 Bealtaine 2026.

(5)

Tá gá le tuilleadh gníomhaíochta ón Aontas chun bearta áirithe a chur chun feidhme.

(6)

Dá bhrí sin, ba cheart Cinneadh (CBES) 2015/1333 a leasú dá réir sin,

(1)

i mír 1, scriostar na focail ‘agus Rún 2292(2016) ó Chomhairle Slándála na Náisiún Aontaithe’;

(2)

scriostar míreanna 2 agus 3.