1.   Il-grupp għandu jkun magħmul minn massimu ta’ 30 membru.

2.   Il-membri tal-grupp għandhom ikunu organizzazzjonijiet tal-partijiet ikkonċernati, li joperaw u jirrappreżentaw lill-partijiet ikkonċernati fil-livell tal-Unjoni. L-organizzazzjonijiet għandhom jirrappreżentaw lill-komunità tal-biedja, lil atturi oħra fil-katina tal-provvista tal-ikel, jew lis-soċjetà ċivili.

3.   L-organizzazzjonijiet għandhom juru kompetenza u għarfien espert rilevanti mill-aktar mifruxa fl-oqsma rilevanti għall-agrikoltura u/jew l-ikel fil-livell tal-Unjoni u għandhom juru l-akbar rappreżentanza ġeografika fl-Istati Membri.

4.   Kull organizzazzjoni membru għandha tinnomina rappreżentant wieħed ta’ livell għoli, jiġifieri jokkupa l-kariga ta’ President, Segretarju Ġenerali, Direttur Ġenerali jew ekwivalenti fl-organizzazzjoni tagħhom, u għandha tkun responsabbli biex tiżgura li r-rappreżentant tagħha jipprovdi livell għoli ta’ għarfien espert.

5.   Il-membri li ma jibqgħux f’pożizzjoni li jikkontribwixxu b’mod effettiv fid-deliberazzjonijiet tal-grupp ta’ esperti, u li, fl-opinjoni tad-dipartiment ikkonċernat tal-Kummissjoni, ma jikkonformawx mal-kundizzjonijiet stabbiliti fl-Artikolu 339 tat-Trattat dwar il-Funzjonament tal-Unjoni Ewropea, jew li jirriżenjaw, ma għandhomx jibqgħu jiġu mistiedna biex jipparteċipaw fil-laqgħat tal-grupp u jistgħu jiġu sostitwiti għall-kumplament tal-mandat tagħhom.

1.   L-għażla tal-membri tal-grupp għandha ssir permezz ta’ sejħa pubblika għall-applikazzjonijiet li għandha tiġi ppubblikata fir-Reġistru tal-gruppi ta’ esperti tal-Kummissjoni u ta’ entitajiet simili oħrajn (“ir-Reġistru tal-gruppi ta’ esperti”) imsemmi fid-Deċiżjoni C(2016) 3301. Barra minn hekk, is-sejħa għall-applikazzjonijiet tista’ tiġi ppubblikata b’mezzi oħra, inkluż fuq siti web dedikati. Is-sejħa għall-applikazzjonijiet għandha tiddeskrivi b’mod ċar il-kriterji tal-għażla li jinkludu l-livell ta’ għarfien espert meħtieġ u l-interessi li għandhom ikunu rappreżentati rigward il-ħidma li għandha titwettaq. L-iskadenza minima għall-applikazzjonijiet għandha tkun ta’ erba’ ġimgħat.

2.   Il-kriterji tal-għażla għandhom jiżguraw rappreżentazzjoni bbilanċjata tat-tliet kategoriji ta’ membri, imsemmija fl-Artikolu 4(2), it-tieni sentenza. L-organizzazzjonijiet għandhom jirrappreżentaw l-akbar interess kollettiv u tal-Unjoni u għandhom juru l-importanza tagħhom, inkluża r-rappreżentanza ġeografika, fil-livell tal-Unjoni fil-qasam tal-agrikoltura u/jew tal-ikel.

3.   Ir-reġistrazzjoni fir-Reġistru ta’ Trasparenza (4) hija meħtieġa biex jinħatru l-organizzazzjonijiet.

4.   Il-membri tal-grupp għandhom jinħatru mid-Direttur Ġenerali tad-Direttorat Ġenerali għall-Agrikoltura u l-Iżvilupp Rurali (“DĠ AGRI”) tal-Kummissjoni minn organizzazzjonijiet applikanti b’kompetenza u esperjenza ppruvati u rilevanti fl-oqsma msemmija fl-Artikoli 2 u 3 u li jkunu wieġbu għas-sejħa għall-applikazzjonijiet, biex jattendu l-laqgħat tal-grupp.

5.   Il-membri għandhom jinħatru għal mandat ta’ 5 snin.

1.   Id-DĠ AGRI għandu jipprovdi s-servizzi segretarjali.

2.   Il-grupp għandu jaġixxi fuq talba tal-President f’konsultazzjoni ma’ servizzi rilevanti oħra tal-Kummissjoni, f’konformità mar-regoli orizzontali.

3.   Il-grupp għandu jiltaqa’ fuq talba tad-DĠ AGRI f’konsultazzjoni ma’ servizzi rilevanti oħra tal-Kummissjoni, f’konformità mar-regoli orizzontali.

4.   Fil-prinċipju, il-grupp għandu jiltaqa’ bejn darbtejn u sitt darbiet fis-sena. Il-President jista’ jsejjaħ lill-grupp għal laqgħat addizzjonali meta jkun meħtieġ parir urġenti.

5.   Fil-prinċipju, il-laqgħat tal-grupp għandhom isiru f’bini tal-Kummissjoni jew virtwalment, skont iċ-ċirkostanzi.

6.   L-uffiċjali l-oħrajn tal-Kummissjoni li jkollhom interess fil-proċeduri jistgħu jattendu l-laqgħat tal-grupp.

7.   Bi qbil mad-DĠ AGRI, b’maġġoranza sempliċi tal-membri tiegħu, il-grupp jista’ jiddeċiedi li d-deliberazzjonijiet għandhom ikunu pubbliċi.

8.   Il-minuti dwar id-diskussjoni ta’ kull punt fuq l-aġenda u dwar l-opinjonijiet mogħtija mill-grupp għandhom ikunu siewja u sħaħ. Il-minuti għandhom jiġu abbozzati mis-segretarjat, taħt ir-responsabbiltà tal-President.

9.   Sa fejn ikun possibbli, il-grupp għandu jadotta l-opinjonijiet, ir-rakkomandazzjonijiet u r-rapporti tiegħu b’kunsens. F’każ ta’ votazzjoni, ir-riżultat tal-vot għandu jiġi deċiż b’maġġoranza sempliċi tal-membri. Il-membri li jkunu vvutaw kontra jew li jkunu astjenew għandhom id-dritt li jkollhom dokument li jiġbor fil-qosor ir-raġunijiet għall-pożizzjoni tagħhom mehmuż mal-opinjonijiet, ir-rakkomandazzjonijiet jew ir-rapporti.

1.   Organizzazzjonijiet u entitajiet pubbliċi oħrajn apparti l-awtoritajiet tal-Istati Membri jistgħu jingħataw status ta’ osservatur, f’konformità mar-regoli orizzontali, bi stedina diretta.

2.   L-organizzazzjonijiet u l-entitajiet pubbliċi maħtura bħala osservaturi għandhom jinnominaw ir-rappreżentanti tagħhom.

3.   Ir-rappreżentanti tal-osservaturi jistgħu jitħallew mill-President jieħdu sehem fid-diskussjonijiet tal-grupp, u tas-sottogruppi tiegħu, u jipprovdu għarfien espert, filwaqt li jqisu l-ħtieġa ta’ għarfien espert u jippreservaw in-natura interattiva tad-diskussjoni. Madankollu, ma għandhomx ikollhom id-dritt tal-vot u ma għandhomx jieħdu sehem fit-tfassil ta’ rakkomandazzjonijiet jew ta’ pariri tal-grupp.

1.   Il-grupp u s-sottogruppi tiegħu għandhom jiġu rreġistrati fir-Reġistru tal-gruppi ta’ esperti tal-Kummissjoni u entitajiet oħra simili (“ir-Reġistru tal-gruppi ta’ esperti”).

2.   Rigward il-kompożizzjoni tal-grupp u tas-sottogruppi, għandha tiġi ppubblikata d-data li ġejja fir-Reġistru tal-gruppi ta’ esperti:

3.   Id-dokumenti rilevanti kollha, inkluż l-aġendi, il-minuti u s-sottomissjonijiet tal-parteċipanti, għandhom ikunu disponibbli jew fir-Reġistru tal-gruppi ta’ esperti jew permezz ta’ link mir-Reġistru tal-gruppi ta’ esperti għal sit web dedikat, fejn tinsab din l-informazzjoni. L-aċċess għal siti web dedikati ma għandux ikun sottomess għal reġistrazzjoni tal-utent jew għal restrizzjoni oħra. B’mod partikolari, l-aġenda u dokumenti oħra ta’ sfond rilevanti għandhom jiġu ppubblikati fi żmien xieraq qabel il-laqgħa, segwiti mill-pubblikazzjoni f’waqtu tal-minuti. L-eċċezzjonijiet għall-pubblikazzjoni għandhom ikunu possibbli biss fejn jitqies li d-divulgazzjoni ta’ dokument iddgħajjef il-protezzjoni ta’ interess pubbliku jew privat kif definit fl-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (7).

1.   Dawk li jieħdu sehem fl-attivitajiet tal-grupp u tass-sottogruppi ma għandhomx jitħallsu għas-servizzi li jagħtu.

2.   L-ispejjeż tal-ivvjaġġar u tas-sussistenza mġarrba mill-parteċipanti fl-attivitajiet tal-grupp u tas-sottogruppi għandhom jiġu rimborżati mill-Kummissjoni. Ir-rimborż għandu jsir f’konformità mad-dispożizzjonijiet fis-seħħ fil-Kummissjoni u fil-limiti tal-approprjazzjonijiet disponibbli allokati lid-dipartimenti tal-Kummissjoni skont il-proċedura annwali għall-allokazzjoni tar-riżorsi.