1.   Suas le 30 comhalta, ar a mhéad, a bheidh sa ghrúpa.

2.   Beidh comhaltaí an ghrúpa ina n-eagraíochtaí páirtithe leasmhara, a oibríonn ar leibhéal an Aontais agus a dhéanann ionadaíocht do pháirtithe leasmhara ar leibhéal an Aontais. Déanfaidh na heagraíochtaí ionadaíocht don phobal feirmeoireachta, do ghníomhaithe eile i slabhra an tsoláthair bia, nó don tsochaí shibhialta.

3.   Léireoidh na heagraíochtaí an inniúlacht agus an saineolas ábhartha is leithne i réimsí atá ábhartha don talmhaíocht agus/nó do bhia ar leibhéal an Aontais agus beidh an ionadaíocht gheografach is leithne ar fud na mBallstát ag baint leo.

4.   Ainmneoidh gach eagraíocht is comhalta ionadaí ardleibhéil amháin, i.e. duine ag a bhfuil post an Uachtaráin, an Ard-Rúnaí, an Ard-Stiúrthóra nó a choibhéis aige ina heagraíocht, agus beidh sí freagrach as a áirithiú go gcuirfidh a hionadaí ardleibhéal saineolais ar fáil.

5.   Comhaltaí nach bhfuil sé ar a gcumas a thuilleadh rannchuidiú go héifeachtach le pléití an ghrúpa saineolaithe, ar comhaltaí iad nach gcomhlíonann, de réir tuairim ó roinn an Choimisiúin lena mbaineann, na coinníollacha a leagtar amach in Airteagal 339 den Chonradh ar Fheidhmiú an Aontais Eorpaigh, nó comhaltaí a éiríonn as oifig, ní iarrfar orthu a thuilleadh a bheith rannpháirteach in aon chruinniú den ghrúpa agus féadfar duine a chur ina n-ionad ar feadh a bhfuil fágtha dá dtéarma oifige.

1.   Déanfar comhaltaí an ghrúpa a roghnú trí bhíthin glao poiblí ar iarratais a fhoilseofar ar an gClár de Ghrúpaí Saineolaithe an Choimisiúin agus d’eintitis chomhchosúla eile (‘an Clár de ghrúpaí saineolaithe’) dá dtagraítear i gCinneadh C(2016) 3301. Thairis sin, féadfar an glao ar iarratais a fhoilsiú ar mhodhanna eile, lena n-áirítear ar shuíomhanna gréasáin tiomanta. Sa ghlao ar iarratais, leagfar amach go soiléir na critéir roghnúcháin, lena n-áirítear an saineolas is gá agus na leasanna a ndéanfar ionadaíocht orthu i ndáil leis an obair atá le déanamh. Is é 4 seachtaine an sprioc-am is giorra le haghaidh iarratas.

2.   Áiritheofar leis na critéir roghnúcháin go mbeidh ionadaíocht chothrom ann idir na trí chatagóir de chomhaltaí, dá dtagraítear sa dara habairt d’Airteagal 4(2). Déanfaidh na heagraíochtaí ionadaíocht don leas comhchoiteann is leithne agus do leas is leithne an Aontais agus léireoidh siad an tábhacht atá leo, lena n-áirítear ionadaíocht gheografach, ar leibhéal an Aontais i réimse na talmhaíochta agus/nó an bhia.

3.   Is gá d’eagraíochtaí clárú sa Chlár Trédhearcachta (4) chun go gceapfar iad.

4.   Is é Ard-Stiúrthóir Ard-Stiúrthóireacht Talmhaíochta agus Forbartha Tuaithe an Choimisiúin (‘AS AGRI’) a cheapfaidh comhaltaí an ghrúpa ó eagraíochtaí is iarratasóirí ag a bhfuil inniúlacht agus taithí chruthaithe ábhartha acu sna réimsí dá dtagraítear in Airteagail 2 agus 3 agus a d’fhreagair an glao ar iarratais, chun freastal ar chruinnithe an ghrúpa.

5.   Ceapfar na comhaltaí ar feadh téarma oifige 5 bliana.

1.   Cuirfidh AS AGRI seirbhísí rúnaíochta ar fáil.

2.   Gníomhóidh an grúpa arna iarraidh sin don Chathaoirleach i gcomhairle le seirbhísí ábhartha eile de chuid an Choimisiúin, i gcomhréir leis na rialacha cothrománacha.

3.   Tiocfaidh an grúpa le chéile arna iarraidh sin do AS AGRI i gcomhairle le seirbhísí ábhartha eile de chuid an Choimisiúin, i gcomhréir leis na rialacha cothrománacha.

4.   I bprionsabal, tiocfaidh an grúpa le chéile idir 2 uair agus 6 huaire sa bhliain. Féadfaidh an cathaoirleach an grúpa a thionól le haghaidh cruinnithe breise nuair atá gá le comhairle phráinneach.

5.   I bprionsabal, is in áitreabh de chuid an Choimisiúin nó go fíorúil, de réir na n-imthosca, a bheidh cruinnithe an ghrúpa.

6.   Oifigigh an Choimisiúin a bhfuil leas acu sna himeachtaí, féadfaidh siad freastal ar chruinnithe an ghrúpa.

7.   I gcomhaontú le AS AGRI, féadfaidh an grúpa a chinneadh, trí thromlach simplí dá chomhaltaí, a chuid plé a dhéanamh go poiblí.

8.   Na miontuairiscí ar an bplé a dhéanfar ar gach pointe ar an gclár agus ar na tuairimí ón ngrúpa, beidh siad fóinteach agus iomlán. Is í an rúnaíocht, faoi fhreagracht an chathaoirligh, a dhréachtóidh na miontuairiscí.

9.   A mhéid is féidir, is de chomhthoil a ghlacfaidh an grúpa a thuairimí, a mholtaí agus a thuarascálacha. I gcás vóta, cinnfear toradh na vótála trí thromlach simplí de na comhaltaí. Na comhaltaí a chaith vóta freasúra nó a staon ó vótáil, beidh sé de cheart acu go gcuirfí i gceangal leis na tuairimí, na moltaí nó na tuarascálacha doiciméad lena ndéanfaí achoimre ar na cúiseanna lena seasamh.

1.   Féadfar stádas breathnóra a bhronnadh ar eagraíochtaí agus ar eintitis phoiblí nach údaráis na mBallstát iad, trí chuireadh díreach a chur orthu i gcomhréir leis na rialacha cothrománacha.

2.   Eagraíochtaí agus eintitis phoiblí a cheapfar ina mbreathnóirí, ainmneoidh siad a n-ionadaithe.

3.   Féadfaidh an Cathaoirleach cead a thabhairt d’ionadaithe na mbreathnóirí a bheith rannpháirteach i bpléití an ghrúpa, agus a fhoghrúpaí, agus saineolas a sholáthar, agus an gá le saineolas á chur san áireamh, mar aon leis an ngá le cineál idirghníomhach an phlé a chaomhnú. Ní bheidh cearta vótála acu, áfach, agus ní ghlacfaidh siad páirt i bhfoirmliú mholtaí ná chomhairle an ghrúpa.

1.   Clárófar an grúpa agus a fhoghrúpaí ar an gClár de Ghrúpaí Saineolaithe an Choimisiúin agus d’eintitis chomhchosúla eile (‘an Clár de ghrúpaí saineolaithe’).

2.   A mhéid a bhaineann le comhdhéanamh an ghrúpa agus na fo-ghrúpaí, foilseofar na sonraí seo a leanas sa Chlár de ghrúpaí saineolaithe:

3.   Gach doiciméad ábhartha, lena n-áirítear na cláir oibre, na miontuairiscí agus aighneachtaí na rannpháirtithe, cuirfear ar fáil ar an gClár de ghrúpaí saineolaithe iad nó trí nasc ón gClár de ghrúpaí saineolaithe chuig suíomh gréasáin tiomnaithe, inar féidir an fhaisnéis sin a fháil. Maidir le rochtain ar shuíomhanna gréasáin tiomnaithe, ní bheidh sé faoi réir úsáideoirí clárú ná faoi réir aon srian eile. Go sonrach, foilseofar an clár oibre agus doiciméid chúlra ábhartha eile in am trátha roimh an gcruinniú, agus foilseofar na miontuairiscí go tráthúil ina dhiaidh sin. Ní fhéadfar eisceachtaí ó fhoilsiú a dhéanamh ach i gcás ina meastar go ndéanfadh nochtadh doiciméid dochar do chosaint leasa phoiblí nó phríobháidigh mar a shainítear in Airteagal 4 de Rialachán (CE) Uimh. 1049/2001 ó Pharlaimint na hEorpa agus ón gComhairle (7).

1.   Ní dhéanfar rannpháirtithe i ngníomhaíochtaí an ghrúpa agus na bhfoghrúpaí a íoc as na seirbhísí a chuireann siad ar fáil.

2.   Aisíocfaidh an Coimisiún na costais taistil agus chothaithe a thabhóidh rannpháirtithe i ngníomhaíochtaí an ghrúpa agus na bhfoghrúpaí. Déanfar an aisíocaíocht i gcomhréir leis na forálacha atá i bhfeidhm laistigh den Choimisiún agus laistigh de theorannacha na leithreasuithe atá ar fáil arna leithdháileadh ar ranna an Choimisiúin faoin nós imeachta bliantúil chun acmhainní a leithdháileadh.