1.   I gcás bliain féilire ar leith, cinnfear an bonn le haghaidh na hacmhainne dílse CBL-bhunaithe trí mhéid na nglanfháltas CBL iomlán arna mbailiú ag Ballstát ó na hidirbhearta dá dtagraítear in Airteagal 2 le linn na bliana sin, arna gceartú i gcomhréir le mír 2 den Airteagal seo, a roinnt ar an meánráta ualaithe ilbhliantúil cinntitheach, arna ríomh i gcomhréir leis an modh a leagtar amach in Airteagal 4.

Sloinnfear an meánráta ualaithe ilbhliantúil cinntitheach sin mar chéatadán, agus an modh a leagtar amach in Airteagal 4 á chur i bhfeidhm.

2.   Déanfar méid iomlán na nglanfháltas CBL dá dtagraítear i mír 1 den Airteagal seo a cheartú chun cuntas a thabhairt do na nithe seo a leanas:

3.   Déanfar an méid a chinntear trí mhír 1 den Airteagal seo a chur i bhfeidhm a iolrú faoin nglaoráta aonfhoirmeach faoi phointe (b) d’Airteagal 2(1) de Chinneadh (AE, Euratom) 2020/2053 chun an acmhainn dhílis CBL-bhunaithe, atá le cur ar fáil do bhuiséad an Aontais, a fháil.

1.   Ríomhfar an acmhainn dhílis CBL-bhunaithe ar bhonn blianta féilire.

2.   Ríomhfar an meánráta ualaithe ilbhliantúil cinntitheach ar bhonn an mhodha a leagtar amach i míreanna 3 go 8.

3.   Is é an céatadán arna ríomh ag gach Ballstát, faoi seach, don bhliain airgeadais 2016, i gcomhréir le forálacha an Airteagail seo mar is infheidhme roimh an 1 Eanáir 2021, a bheidh sa mheánráta ualaithe ilbhliantúil cinntitheach.

4.   Ríomhfar go dtí an ceathrú deachúil an céatadán ina sloinnfear an meánráta ualaithe ilbhliantúil cinntitheach.

5.   An meánráta ualaithe cinntitheach ilbhliantúil, beifear tar éis cigireacht a dhéanamh air agus beidh sé saor ó fhógraí a bhaineann le pointí atá fós gan réiteach dá dtagraítear in Airteagal 9(2).

6.   Úsáidfear meánráta ualaithe atá faoi fhógra, go dtí go mbeifear tar éis na pointí ar tugadh fógra ina leith dá dtagraítear in Airteagal 9(2) a réiteach, agus measfar gurb é an meánráta ualaithe ilbhliantúil sealadach é.

7.   A luaithe a réiteofar na pointí ar tugadh fógra ina leith dá dtagraítear in Airteagal 9(2), cuirfear an céatadán a thiocfaidh as sin in ionad an mheánráta ualaithe ilbhliantúil shealadaigh, agus tiocfaidh sé chun bheith ina mheánráta ualaithe ilbhliantúil cinntitheach ón mbliain airgeadais 2021 ar aghaidh.

8.   Na himpleachtaí buiséadacha a bheidh ann mar thoradh ar aon difríocht idir an meánráta ualaithe ilbhliantúil sealadach agus an meánráta ualaithe ilbhliantúil cinntitheach, tabharfar aghaidh orthu faoin nós imeachta a leagtar amach in Airteagal 10b(5) de Rialachán (Euratom) Uimh. 609/2014 ón gComhairle (*3) (“an cleachtadh comhardaithe bliantúil”).

1.   Faoin 31 Iúil gach bliain, cuirfidh Ballstáit ráiteas chuig an gCoimisiún maidir le méid iomlán an bhoinn le haghaidh na hacmhainne dílse CBL-bhunaithe don bhliain féilire roimhe sin, arna cinneadh i gcomhréir le hAirteagal 3, a bhfuil an glaoráta aonfhoirmeach dá dtagraítear in Airteagal 1 le cur i bhfeidhm uirthi.

2.   Sa ráiteas dá dtagraítear i mír 1 den Airteagal seo, beidh na sonraí uile a úsáidtear chun an bonn a chinneadh, ar sonraí iad is gá do na cigireachtaí dá dtagraítear in Airteagal 2(4) de Rialachán (AE, Euratom) 2021/768 ón gComhairle (*4).

3.   Is iad na sonraí is déanaí a bheidh ar fáil nuair a chuirfear an ráiteas ar fáil na sonraí a úsáidfear chun an bonn don acmhainn CBL-bhunaithe a chinneadh.

4.   Féadfaidh Ballstáit síneadh a iarraidh ar an teorainn ama dá dtagraítear i mír 1 den Airteagal seo más rud é, de bharr imthosca eisceachtúla nach bhfuil smacht acu orthu, go bhfuil sé dodhéanta na ríomhanna a dhéanamh i gcomhréir le hAirteagal 3 agus, dá bhrí sin, cloí leis an teorainn ama sin. Cuirfear an iarraidh sin faoi bhráid an Choimisiúin i scríbhinn agus leagfar amach inti na cúiseanna leis na himthosca eisceachtúla.

5.   Tar éis dó an iarraidh dá dtagraítear i mír 4 den Airteagal seo a scrúdú, féadfaidh an Coimisiún aon síneadh amháin ar feadh 2 mhí ar a mhéid a dheonú ar an teorainn ama dá dtagraítear i mír 1 den Airteagal seo. Tuairisceoidh an Coimisiún líon na n-iarrataí agus a chinntí comhfhreagracha ar bhonn bliantúil chuig an gcoiste dá dtagraítear in Airteagal 13(1).

1.   Aon cheartuithe ar na ráitis dá dtagraítear in Airteagal 7(1) den Rialachán seo do bhlianta airgeadais roimhe sin, ar aon chúis, déanfar iad trí chomhaontú idir an Coimisiún agus an Ballstát lena mbaineann.

I gcás nach n-aontóidh an Ballstát agus an Coimisiún faoi cheartú, cuirfidh an Coimisiún an Ballstát lena mbaineann ar an eolas faoi sin i litir i dtaobh an cheartaithe is gá. “Bearta” dá dtagraítear i bpointe (c) d’Airteagal 12(2) de Rialachán Uimh. 609/2014 (AE, Euratom) a bheidh sa litir sin.

1a.   Féadfaidh an Ballstát lena mbaineann a iarraidh ar an gCoimisiún an ceartú a cuireadh in iúl sa litir dá dtagraítear sa dara fomhír de mhír 1 den Airteagal seo an t-athbhreithniú sin laistigh de 2 mhí ón lá a fuarthas an litir sin. Tabharfar an t-athbhreithniú i gcrích le cinneadh arna dhéanamh ag an gCoimisiún, cinneadh a bheidh le glacadh aige 3 mhí ar a dhéanaí tar éis an lá a fuarthas iarraidh an Bhallstáit.

I gcás ina n-athbhreithneofar leis an gcinneadh ón gCoimisiún, na méideanna a chomhfhreagraíonn go hiomlán nó go páirteach don cheartú arna chur in iúl i gcomhréir leis an dara fomhír de mhír 1 den Airteagal seo, cuirfidh an Ballstát an méid comhfhreagrach ar fáil. Ní dhéanfar difear, ní le hiarraidh arna déanamh ag an mBallstát go n-athbhreithneofaí an ceartú ná le caingean chun an cinneadh a rinne an Coimisiún a neamhniú, don oibleagáid a bheidh ar an mBallstát an méid a chomhfhreagraíonn don cheartú a chur ar fáil.

Cuirfear gach ceartú isteach i ráitis chomhiomlána, lena leasófar na ráitis roimhe sin do na blianta airgeadais lena mbaineann.

1b.   Féadfaidh an Coimisiún gníomhartha cur chun feidhme a ghlacadh ina sonrófar a thuilleadh an nós imeachta le haghaidh an athbhreithnithe dá dtagraítear i mír 1a. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 13(3).

2.   Ní dhéanfar aon cheartuithe eile ar na ráitis dá dtagraítear in Airteagal 7(1) tar éis an 31 Iúil den cheathrú bliain tar éis na bliana airgeadais lena mbaineann, mura rud é go mbainfidh na ceartuithe sin le pointí ar thug an Coimisiún nó an Ballstát lena mbaineann fógra ina leith roimhe sin.

1.   Faoin 30 Aibreán gach bliain, cuirfidh na Ballstáit an Coimisiún ar an eolas faoi aon réitigh agus aon mhodhnuithe gaolmhara a bhfuil sé beartaithe aige iad a ghlacadh chun na méideanna dá dtagraítear i bpointí (a) agus (b) d’Airteagal 3(2) a chinneadh. Léireofar sa réiteach arna bheartú, i gcás inarb infheidhme, cineál na sonraí a mheasfaidh an Ballstát a bheith iomchuí, agus áireofar ann meastachán ar luach an bhoinn CBL acmhainn-bhunaithe do gach mír.

Faoin 31 Bealtaine sa bhliain chéanna, seolfaidh an Coimisiún chuig na Ballstáit eile an fhaisnéis dá dtagraítear sa chéad fhomhír den mhír seo a fuair sé ó Bhallstát.

2.   Féadfaidh an Coimisiún gníomhartha cur chun feidhme a ghlacadh a mhéid a bhaineann leis na réitigh agus na modhnuithe gaolmhara arna mbeartú ag na Ballstáit i gcomhréir le mír 1 den Airteagal seo Glacfar na gníomhartha cur chun feidhme sin i gcomhréir leis an nós imeachta comhairleach dá dtagraítear in Airteagal 13(2), laistigh de 60 lá tar éis don choiste dá dtagraítear in Airteagal 13(1) a thuairim a thabhairt.

1.   Tar éis na gcigireachtaí dá dtagraítear in Airteagal 2(4) de Rialachán (AE, Euratom) 2021/768., déanfar an ráiteas dá dtagraítear in Airteagal 7(1) den Rialachán seo a cheartú faoi mar a shonraítear in Airteagal 9 den Rialachán seo.

2.   Maidir leis an meánráta ualaithe ilbhliantúil críochnaitheach dá dtagraítear in Airteagal 4, déanfaidh an Coimisiún measúnú ar na ceartuithe dá dtagraítear in Airteagal 9 arna gcur isteach ag Ballstáit chun aon fhógraí a bhaineann le pointí atá fós gan réiteach maidir leis an meánráta ualaithe a réiteach.

1.   Gach bliain, cuirfidh gach Ballstát faisnéis ar fáil don Choimisiún maidir leis na hathruithe ábhartha uile ar na próisis agus na nósanna imeachta riaracháin a chuireann sé i bhfeidhm chun CBL a bhailiú i gcomparáid leis an méid a chuir siad in iúl roimhe sin.

2.   Breithneoidh an Coimisiún, i gcomhar leis an mBallstát lena mbaineann, an féidir feabhas a chur ar na próisis agus na nósanna imeachta dá dtagraítear i mír 1.

3.   Gach cúig bliana cuirfidh an Coimisiún ar fáil tuarascáil maidir leis na bearta agus an dul chun cinn arna ndéanamh ag Ballstáit i dtaca le CBL a bhailiú, agus maidir le haon fheabhsuithe.

Cuirfidh an Coimisiún an tuarascáil sin faoi bhráid Pharlaimint na hEorpa agus na Comhairle den chéad uair faoin 31 Nollaig 2025.

1.   Tabharfaidh an Coiste Comhairleach maidir le hAcmhainní Dílse (CCAD/CBL) arna bhunú le hAirteagal 7(1) de Rialachán (AE, Euratom) Uimh. 2021/768. cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (*5).

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

1.   Cuirfidh an Coimisiún tuarascáil ar fheidhmiú chóras acmhainní dílse CBL-bhunaithe ar fáil faoin 1 Eanáir 2025 ar a dhéanaí. Leagfar amach sa tuarascáil an méid seo a leanas:

2.   Sa tuarascáil dá dtagraítear i mír 1, measúnófar cibé acu atá nó nach bhfuil an córas acmhainní dílse CBL-bhunaithe, go háirithe, an meánráta ualaithe ilbhliantúil, éifeachtach agus leordhóthanach. Más iomchuí, beidh togra maidir leis an Rialachán seo a mhodhnú ag gabháil leis an tuarascáil d’fhonn an meánráta ualaithe ilbhliantúil cinntitheach a chinneadh ar bhonn na sonraí is déanaí.”;