(1)

Is éard a bhunaítear le Cinneadh Cur Chun Feidhme (AE) 2021/260 ón gCoimisiún (2) liostaí na mBallstát agus na gcodanna díobh a mheastar a bheith saor ó ghalair áirithe ainmhithe uisceacha, ar galair iad nach liostaítear faoi Airteagal 9(1), pointe (d) de Rialachán (AE) 2016/429, nó atá faoi réir clár díothaithe i leith na ngalair sin.

(2)

Féadfar Ballstáit bhreise nó codanna díobh a chur leis an liosta limistéar atá saor ó ghalar in Iarscríbhinn I a ghabhann le Cinneadh Cur Chun Feidhme (AE) 2021/260, nó leis an liosta limistéar atá faoi réir clár díothaithe in Iarscríbhinn II a ghabhann leis an gCinneadh Cur Chun Feidhme sin, má thugtar fógra don Choimisiún roimh ré maidir le haon bheart a bhféadfadh tionchar a bheith aige ar ghluaiseachtaí ainmhithe uisceacha idir Ballstáit, ionas go bhféadfar na bearta a fhormheas, agus a leasú más gá.

(3)

Thug an Danmhairg, an Fhionlainn, an Fhrainc, an Iodáil, an Phortaingéil agus an tSlóivéin fógra don Choimisiúin maidir le codanna dá gcríocha ar cheart iad a fhormheas mar áiteanna atá saor ó ghalar i gcomhréir le hAirteagal 226(3) de Rialachán (AE) 2016/429. Cuimsíonn siad sin dhá chrios atá saor ó ghalar víreasach heirpéis koi (KHV), agus roinnt deighleog atá saor ó ghalar baictéarach duáin (BKD), KHV nó neacróis phaincréasach thógálach (IPN). Thug an Danmhairg fógra don Choimisiún freisin maidir le roinnt deighleog atá faoi réir cláir dhíothaithe i leith BKD nó IPN, agus ar cheart iad a fhormheas, i gcomhréir le hAirteagal 226(3) de Rialachán (AE) 2016/429.

(4)

Rinne an Coimisiún measúnú ar an bhfaisnéis a chuir an Danmhairg, an Fhionlainn, an Fhrainc, an Iodáil, an Phortaingéil agus an tSlóivéin isteach maidir leis na bearta náisiúnta a rinne siad, i gcomhréir le hAirteagal 226(3) de Rialachán (AE) 2016/429, chun cosc a chur ar na galair sin a theacht isteach nó a leathadh. Glacann an Coimisiún leis go bhfuil gá leis na bearta náisiúnta sin chun cosc a chur ar na galair sin a theacht isteach nó a leathadh. Dá réir sin, ba cheart na bearta náisiúnta sin a fhormheas, agus ba cheart na criosanna agus na deighleoga ina bhfuil siad infheidhme a liostáil in Iarscríbhinn I agus Iarscríbhinn II a ghabhann le Cinneadh Cur Chun Feidhme (AE) 2021/260.

(5)

Dá bhrí sin is iomchuí Iarscríbhinn I a ghabhann le Cinneadh Cur Chun Feidhme (AE) 2021/260 a leasú chun criosanna atá saor ó KHV sa Fhrainc agus san Iodáil, chun deighleoga atá saor ó BKD agus IPN sa Danmhairg, chun deighleoga atá saor ó BKD san Fhionlainn, chun deighleoga atá saor ó KHV sa Fhrainc agus sa Phortaingéil, agus chun deighleoga atá saor ó IPN sa tSlóivéin a chur san áireamh. Ba cheart Iarscríbhinn II a ghabhann leis an gCinneadh Cur Chun Feidhme sin a leasú freisin chun na deighleoga atá faoi réir cláir dhíothaithe i leith BKD agus IPN sa Danmhairg a chur san áireamh.

(6)

Ina theannta sin, thug Éire fógra don Choimisiún gur cheart na deighleoga uile ina críoch atá thíos le víreas heirpéis oisre-1 μvar (OsHV-1μvar), ar deighleoga iad a liostaítear in Iarscríbhinn I a ghabhann le Cinneadh Cur Chun Feidhme (AE) 2021/260, a bhaint den liosta. Dá bhrí sin, ba cheart Iarscríbhinn I a ghabhann le Cinneadh Cur Chun Feidhme (AE) 2021/260 a leasú chun an t-athrú sin i stádas na ndeighleog atá saor ó OsHV-1μvar in Éirinn a chur san áireamh.

(7)

Dá bhrí sin, ba cheart Cinneadh Cur Chun Feidhme (AE) 2021/260 a leasú dá réir sin.

(8)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,