Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/1354 |
9.7.2025 |
CINNEADH (CBES) 2025/1354 ÓN gCOMHAIRLE
an 8 Iúil 2025
lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali)
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 42(4) agus Airteagal 43(2) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 15 Aibreán 2014, ghlac an Chomhairle Cinneadh 2014/219/CBES (1) maidir le Misean CBSC an Aontais Eorpaigh i Mailí (EUCAP Sahel Mali). |
|
(2) |
An 13 Bealtaine 2019, ghlac an Chomhairle Cinneadh (CBES) 2019/762 (2), lenar bunaíodh, inter alia, Aonad Réigiúnach um Chomhairle agus Comhordú (RACC) laistigh de EUCAP Sahel Mali, a bhfuil cuspóirí sonracha aige atá nasctha le struchtúir agus tíortha G5 na Saiheile. Is le hAirteagal 14a de Chinneadh 2014/219/CBES a eagraítear RACC. |
|
(3) |
An 27 Eanáir 2025, ghlac an Chomhairle Cinneadh (CBES) 2025/166 (3), lenar cuireadh síneadh le EUCAP Sahel Mali go dtí an 31 Eanáir 2027, cé is moite de RACC, ar cuireadh síneadh leis go dtí an 31 Iúil 2025. |
|
(4) |
An 29 Aibreán 2025, chomhaontaigh an Coiste Polaitiúil agus Slándála síneadh breise a chur le RACC go dtí an 31 Eanáir 2026. |
|
(5) |
Ba cheart Cinneadh 2014/219/CBES a leasú dá réir sin. |
|
(6) |
Cuirfear EUCAP Sahel Mali i gcrích i gcomhthéacs staid a d’fhéadfadh dul i ndonas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh, |
TAR ÉIS AN CINNEADH SEO A GHLACADH:
Airteagal 1
I gCinneadh 2014/219/CBES, cuirtear an méid seo a leanas in ionad an dara habairt d’Airteagal 18:
‘Beidh feidhm aige go dtí an 31 Eanáir 2027, cé is moite d’Airteagal 14a, a mbeidh feidhm aige go dtí an 31 Eanáir 2026.’.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 8 Iúil 2025.
Thar ceann na Comhairle
An tUachtarán
S. LOSE
(1) Cinneadh 2014/219/CBES ón gComhairle an 15 Aibreán 2014 maidir le Misean CBSC an Aontais Eorpaigh i Mailí (EUCAP Sahel Mali) (IO L 113, 16.4.2014, lch. 21, ELI: http://data.europa.eu/eli/dec/2014/219/oj).
(2) Cinneadh (CBES) 2019/762 ón gComhairle an 13 Bealtaine 2019 lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali) (IO L 125, 14.5.2019, lch. 18, ELI: http://data.europa.eu/eli/dec/2019/762/oj).
(3) Cinneadh (CBES) 2025/166 ón gComhairle an 27 Eanáir 2025 lena leasaítear Cinneadh 2014/219/CBES maidir le Misean CBSC an Aontais Eorpaigh i Mailí (EUCAP Sahel Mali) (IO L, 2025/166, 28.1.2025, ELI: http://data.europa.eu/eli/dec/2025/166/oj).
ELI: http://data.europa.eu/eli/dec/2025/1354/oj
ISSN 1977-0839 (electronic edition)