European flag

Iris Oifigiúil
an Aontais Eorpaigh

GA

Sraith C


C/2026/685

30.1.2026

CINNEADH Ó BHIÚRÓ PHARLAIMINT NA hEORPA

an 19 Eanáir 2026

lena leasaítear Bearta Cur Chun Feidhme do Reacht Fheisirí Pharlaimint na hEorpa

(C/2026/685)

TÁ BIÚRÓ PHARLAIMINT NA hEORPA,

ag féachaint don Chonradh ar Fheidhmiú an Aontais Eorpaigh, agus go háirithe Airteagal 223(2) de,

ag féachaint do Reacht Fheisirí Pharlaimint na hEorpa (1),

ag féachaint do Riail 25 de Rialacha Nós Imeachta Pharlaimint na hEorpa,

De bharr an mhéid seo a leanas:

(1)

De bhun Airteagal 73(1) de na Bearta Cur Chun Feidhme do Reacht Fheisirí Pharlaimint na hEorpa (2) (‘na Bearta Cur Chun Feidhme’), déanfaidh an Biúró, i gcás inarb iomchuí, méideanna an uasmhéid inaisíoctha mhíosúil le haghaidh ranníocaíochtaí árachais sláinte do na Feisirí sin a tharscaoil a dteidlíocht ar aisíocaíocht speansas leighis faoi na Comhrialacha maidir le hárachas breoiteachta na gComhphobal Eorpach (3), ar liúntais a bhaineann le taisteal agus ar uasteorainneacha aisíocaíochta agus ar an liúntas cothaithe laethúil a innéacsnascadh go bliantúil. Ní rachaidh an méadú sin thar an ráta boilscithe bliantúil san Aontas i mí Dheireadh Fómhair na bliana roimhe sin, arna fhoilsiú ag Eurostat.

(2)

Is é 2,5 % an ráta boilscithe san Aontas i mí Dheireadh Fómhair 2025, amhail dár fhógair Eurostat an 19 Samhain 2025. Ba cheart feidhm a bheith ag na méideanna nua a eascraíonn as an gcoigeartú ón 1 Feabhra 2026, agus ba cheart na Bearta Cur Chun Feidhme a leasú dá réir,

TAR ÉIS AN CINNEADH SEO A GHLACADH:

Airteagal 1

Leasaítear na Bearta Cur Chun Feidhme mar a leanas:

(1)

In Airteagal 3(5), cuirtear an méid seo a leanas in ionad an dara fomhír:

‘I gcás ina dtarscaoilfidh tairbhí a theidlíocht nó a teidlíocht ar aisíocaíocht ar speansais leighis, beidh sé nó sí i dteideal aisíocaíocht dhá thrian den ranníocaíocht atá dlite le haghaidh árachas sláinte suas go dtí aisíocaíocht uasta EUR 410 in aghaidh na míosa.’;

(2)

in Airteagal 15(2), cuirtear an méid seo a leanas in ionad phointe (d):

‘(d)

go dtí go sroichfear na huasteorainneacha aisíocaíochta i bpointí (a), (b) agus (c) den mhír seo, EUR 0.59/km a bheidh san uasteorainn aisíocaíochta;’;

(3)

in Airteagal 20(1), cuirtear an méid seo a leanas in ionad phointe (a):

‘(a)

don chuid den turas idir 0 agus 50 km: EUR 26,56;’;

(4)

in Airteagal 22, cuirtear an méid seo a leanas in ionad mhír 1:

‘1.

Is é EUR 5 638 an t-uasmhéid bliantúil a fhéadfaidh a bheith i gceist le haisíocaíochtaí speansas taistil a thabhaítear sna cásanna dá dtagraitear in Airteagal 10(1), pointe (b).’;

(5)

in Airteagal 22(8), cuirtear an méid seo a leanas in ionad na chéad fhomhíre:

‘Is é EUR 5 008 an t-uasmhéid bliantúil a fhéadfaidh a bheith i gceist le haisíocaíochtaí speansas taistil a thabhaíonn cathaoirligh choiste nó fochoiste go hiarbhír agus iad ag taisteal le freastal ar chomhdháil nó ar imeacht ag a bhfuil ábhar leasa Eorpaigh faoi chaibidil agus a thagann faoi raon freagrachta a choiste nó a fhochoiste agus a bhfuil gné pharlaiminteach ag gabháil leis. Beidh gá le húdarú roimh ré ó Uachtarán na Parlaiminte i gcás rannpháirteachas den sórt sin, tar éis fíorú a dhéanamh go bhfuil leithreasuithe suas go dtí an t-uasmhéid thuasluaite le fáil.’;

(6)

in Airteagal 24, cuirtear an méid seo a leanas in ionad mhír 2:

‘2.

Má tharlaíonn an tinreamh dá dtagraítear in mír 1 ar chríoch an Aontais, gheobhaidh an Feisire liúntas cnapshuime dar luach EUR 359.’.

Airteagal 2

Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh. Beidh feidhm ag an gCinneadh seo ón 1 Feabhra 2026.


(1)  Cinneadh 2005/684/CE, Euratom ó Pharlaimint na hEorpa an 28 Meán Fómhair 2005 ag glacadh Reacht Fheisirí Pharlaimint na hEorpa (IO L 262, 7.10.2005, lch. 1). http://data.europa.eu/eli/dec/2005/684/oj).

(2)  Cinneadh ón mBiúró an 11 Meán Fómhair 2023 maidir le Bearta Cur Chun Feidhme do Reacht Fheisirí Pharlaimint na hEorpa agus lena n-aisghairtear Cinneadh ón mBiúró an 19 Bealtaine agus an 9 Iúil 2008 (IO C, C/2024/2814, 26.4.2024, ELI: http://data.europa.eu/eli/C/2024/2814/oj).

(3)  Comhrialacha árachais breoiteachta d’oifigigh na gComhphobal Eorpach, arna dtarraingt suas de chomhthoil idir údaráis cheapacháin institiúidí dá dtagraítear in Airteagal 72 de Rialacháin Foirne Oifigigh an Aontais Eorpaigh a leagtar síos i Rialachán (CEE, Euratom, CEGC) Uimh. 259/68 ón gComhairle.


ELI: http://data.europa.eu/eli/C/2026/685/oj

ISSN 1977-107X (electronic edition)