—

seirbhísí aistriúcháin agus seirbhísí teanga gaolmhara a sholáthar do Chomhaltaí agus do sheirbhísí uile an dá Choiste. Féadfaidh sí cabhrú freisin leis na hinstitiúidí agus na comhlachtaí sin de chuid an Aontais a bhfuil a gcuid seirbhísí aistriúcháin féin acu nuair a bhíonn buaicphointí ualaigh oibre acu nó i gcás tionscadal ar leith,

—

forbairtí amach anseo i dtéarmaí aistriúcháin ríomhchuidithe a réamh-mheas, próisis ghnó sna seirbhísí teangeolaíochta a chuíchóiriú, tairiscint seirbhísí agus uirlisí oibre a choigeartú de réir forbairt na dteicneolaíochtaí, trí idir-inoibritheacht agus comhlántacht na gcóras TF inmheánach agus idirinstitiúideach a dheonú,

—

pobal de shaineolaithe teanga ilfhiúsacha a thógáil a bheidh in ann, trína ngairmoiliúint agus a bhforbairt, cur go gníomhach freisin le gníomhaíochtaí eile na hinstitiúide,

—

bainistiú fónta na n-acmhainní daonna agus airgeadais atá ar fáil don Stiúrthóireacht a ráthú (laistigh de theorainneacha na bainistíochta lárnaí féideartha ar sholáthar agus ar chodanna d’oibríochtaí airgeadais na gComhsheirbhísí),

—

comhar idirinstitiúideach agus sineirgí féideartha a chothú maidir le hábhair leasa choitinn.

—

rannchuidiú le foireann bhainistíochta shinsearach an dá institiúid faoi cheannaireacht agus freagracht a nArd-Rúnaithe faoi seach

—

straitéis teanga na gCoistí sa todhchaí a ullmhú agus a chur i bhfeidhm sa timpeallacht iar-COVID 19, na riachtanais seirbhíse atá ag teacht chun cinn, na forbairtí teicneolaíochta agus an cóimheas costais/tairbhe á gcur san áireamh;

—

na cúraimí a dhéanann an Stiúrthóireacht a phleanáil, a eagrú agus a chomhordú d’fhonn gníomhaíochtaí an dá Choiste a chuíchóiri, seachadadh rianúil seirbhísí teangeolaíochta a dheonú agus réitigh réamhbhreathnaitheacha a sholáthar lena gceadófar do na Coistí a modhanna oibre agus a phróisis inmheánacha a nuachóiriú go leanúnach.

—

comhoibriú le ranna eile a éascú chun nasc a chruthú idir gníomhaíochtaí teangeolaíocha agus gníomhaíochtaí cumarsáide;

—

spreagadh a thabhairt d’athoiliúint ghairmiúil agus do bhreisoiliúint ghairmiúil comhghleacaithe a bhfuil cúlra teangeolaíochta amháin acu le gur féidir leis an institiúid leas iomlán a bhaint as acmhainneacht iomlán na n-athruithe i soláthar seirbhísí teangeolaíochta a bheidh dírithe ar theicneolaíocht agus a bhfuiltear ag súil leo, trí phróifílí agus comhpháirtíochtaí níos ilfhiúsacha a fhorbairt le seirbhísí neamhtheangeolaíocha;

—

uirlisí ábhartha atá bunaithe ar TF agus lena dtacaítear le gníomhaíochtaí polaitiúla agus comhairliúcháin an dá Choiste a shainaithint i gcomhar leis na Stiúrthóireachtaí ábhartha go léir; a

—

caidreamh éifeachtach idir-institiúideach a bhunú agus comhordú le Stiúrthóireachtaí eile chun an úsáid is fearr is féidir a bhaint as acmhainní airgeadais, daonna agus TF;

—

caighdeán na hoibre a dhéantar laistigh den Stiúrthóireacht a chinntiú;

—

cumarsáid inmheánach laistigh den Stiúrthóireacht agus le Stiúrthóireachtaí agus ranna eile de chuid ardrúnaíochtaí ginearálta an dá Choiste a chinntiú;

—

bainistíocht fhónta ar acmhainní airgeadais agus daonna na Stiúrthóireachta a áirithiú tríd an tionchar ionchasach a uasmhéadú i ndlúthchomhar leis an bhfoireann lárnach um sholáthar agus um thionscnamh airgeadais;

—

freagrachtaí oifigigh údarúcháin a chomhlíonadh trí fho-tharmligean laistigh de na teorainneacha bunaithe;

—

bainistíocht riosca leordhóthanach a dhéanamh agus bearta maolaithe a chur i bhfeidhm chun a chinntiú gur féidir cuspóirí uile na Stiúrthóireachta a bhaint amach.

—

bheith ina náisiúnach de cheann de Bhallstáit an Aontais Eorpaigh;

—

cearta iomlána a bheith acu mar shaoránach agus teistiméireachtaí faoi charachtar cuí a thabhairt ar aird maidir lena n-oiriúnacht do chomhlíonadh na ndualgas;

—

have fulfilled any obligations imposed on him by the laws concerning military service; a bheith i gcomhréir leis na dlíthe náisiúnta maidir le seirbhís mhíleata;

—

be below retirement age, which, for officials and other staff of the EU, is set at the end of the month in which the age of 66 is reached; bheith faoi bhun na haoise scoir, a shocraítear, d’oifigigh agus d’fhoireann eile an Aontais Eorpaigh, ag deireadh na míosa ina bhfuil 66 bliana d’aois bainte amach acu;

—

a shláinte fhisiciúil a bheith aige chun na dualgais a chomhlíonadh – chun é seo a fháil amach scrúdóidh oifigeach leighis CnR an t-iarrthóir rathúil roimh aon cheapachán;

—

leibhéal ardoideachais a bheith aige atá comhionann le cúrsa iomlán staidéir ollscoile arna fhianú ag céim agus ar ceithre bliana nó níos mó gnáthréimhse na staidéar sin, nó leibhéal oideachais is comhionann le cúrsa iomlán staidéar ollscoile arna fhianú ag céim agus ar trí bhliain ar a laghad gnáthréímhse na staidéar sin agus taithí ghairmiúil ábhartha aon bliana amháín ar a laghad ina dhiaidh sin;

—

taithí ghairmiúil cúig bliana déag ar a laghad a bheith aige i réimse a bhaineann leis an bpost. As na cúig bliana déag thuasluaite, ní mór cúig bliana ar a laghad a bheith faighte i bpost bainistíochta (cineál poist: ceann aonaid nó a choibhéis agus leibhéil níos airde);

—

bheith líofa ar cheann de theangacha oifigiúla an Aontais Eorpaigh mar phríomhtheanga agus eolas sásúil ar a laghad ar dhara teanga oifigiúil de chuid an Aontais; i bhfianaise chineál na ndualgas a bheidh le comhlíonadh, tá gá le heolas maith (íosleibhéal B2 den Chreat Comhchoiteann Tagartha Eorpach le haghaidh Teangacha (4)) ar an mBéarla nó ar an bhFraincis; measfar mar shócmhainn eolas sásúil ar a laghad ar an gceann eile den dá theanga seo.

5.1.

5.2.1.

Scileanna ceannaireachta

5.2.2.

Scileanna caibidlíochta agus cumarsáide

5.2.3.

Eolas agus taithí a bhaineann le nádúr na ndualgas

5.2.4.

Déanfar na nithe seo a leanas a mheas mar shócmhainní

5.2.5.

Déanfar an réamhroghnúchán páipéir freisin i bhfianaise spéis an iarrthóra dualgais an Stiúrthóra Aistriúcháin a ghlacadh chomh maith lena thuiscint féin ar na dúshláin a bheidh le sárú ag an Stiúrthóireacht amach anseo, mar atá leagtha amach ina litir chumhdaigh, agus a chuid smaointe faoin gcaoi a dtabharfar aghaidh ar na dúshláin seo.

5.2.6.

De réir fhorálacha an chomhaontaithe comhair, ba cheart go rachadh poist na Stiúrthóirí agus na Leas-Stiúrthóirí faoi uainíocht idir na Coistí gach cúig bliana i bprionsabal.

—

eolas ar thimpeallacht theangeolaíoch institiúidí an Aontais Eorpaigh, ar mhodhanna oibre, ar dhúshláin agus ar dheiseanna atá le teacht go háirithe ó thaobh na hintleachta saorga de agus ó thaobh réitigh TF le haghaidh seirbhísí teanga de;

—

cúlra agus cumais a bhaineann le fadbhreathnaitheacht;

—

taithí ar athruithe a chur chun feidhme arb é is aidhm dóibh modhanna agus próisis oibre a nuachóiriú trí theicneolaíochtaí;

—

scileanna bainistíochta, an cumas chun straitéisí nua a dhearadh agus a chur chun feidhme, chun cuspóirí Stiúrthóireacht an Aistriúcháin amach anseo a mhúnlú, chun na torthaí a bhfuiltear ag súil leo a chur i láthair agus a mhíniú agus chun comhoibriú go gníomhach le Stiúrthóireachtaí eile;

—

spreagadh agus scileanna idirphearsanta;

—

an cumas cumarsáid a dhéanamh, labhairt go poiblí, cur ina luí agus caibidlíocht a dhéanamh;

—

tionscnaimh, réamhghníomhaíocht agus cumas cruthaithe chun athrú a bhrú agus a chur chun feidhme go rathúil;

—

cumas ionadaíocht a dhéanamh ar leasanna na Stiúrthóireachta agus na gCoistí ar an leibhéal idirinstitiúideach.

—

litir chumhdaigh (5 leathanach ar a mhéad) i mBéarla nó i bhFraincis, agus í dátaithe agus sínithe, lena léireofar leas an iarrthóra chun dualgais Stiúrthóir an Aistriúcháin a ghlacadh agus an tuiscint atá aige ar na dúshláin a bheidh le sárú ag an Stiúrthóireacht amach anseo, mar atá leagtha amach ina litir chumhdaigh, agus a chuid smaointe faoin gcaoi a dtabharfar aghaidh ar na dúshláin seo.

—

curriculum vitae cothrom le dáta (i bhformáid Europass);

—

dearbhú dátaithe agus sínithe de mheon macánta (féach an fhoirm in Iarscríbhinn 1) lena ndeimhnítear gur comhlíonadh na coinníollacha incháilitheachta a liostaítear i bpointe 4;

—

an seicliosta a thaispeántar in Iarscríbhinn 2, agus é dátaithe agus sínithe;

—

cóip de dhoiciméad aitheantais;

—

cóip den dioplóma a thugann rochtain ar an ngrád (féach pointe 4);

—

cóip de na cruthúnais tacaíochta ar thaithí ghairmiúil lena bhféadfar taithí an iarrthóra a fhíorú, i gcomhréir leis na coinníollacha atá leagtha amach i bpointe 4;

—

Iarscríbhinn 3, agus é dátaithe agus sínithe.

Déanfar urramú na gcritéar incháilitheachta a leagtar amach i bpointe 4 a sheiceáil ar bhonn na faisnéise a chuirtear ar fáil sna doiciméid tacaíochta amháin. Ní chuirfear san áireamh faisnéis a chuirtear ar fáil sa CV nó sa litir chumhdaigh amháin gan tacaíocht ó dhoiciméid tacaíochta.

Maidir leis an taithí ghairmiúil a éilítear faoi phointe 4, ní mór cóipeanna de na cruthúnais ar thaithí ghairmiúil a sholáthar lena dtaispeántar ábhar na ndualgas, an fad ama ar sealbhaíodh na poist agus an leibhéal freagrachta a bhain leo.

Bunófar an fíorú ar urramú na gcritéar incháilitheachta maidir leis an eolas teangeolaíoch a éilítear ar an dearbhú de mheon macánta; déanfar leibhéal na scileanna teanga a thástáil le linn an agallaimh roghnóireachta (féach pointe 6 den fhógra folúntais).

Beidh réamhroghnú na n-iarrthóirí incháilithe bunaithe ar na critéir atá leagtha amach i bpointe 5.2. Iarrtar ar na hiarrthóirí aird a tharraingt ina CV agus ina litireacha cumhdaigh ar gach gné ábhartha dá dtaithí ghairmiúil lena gcuirfear ar chumas an phainéil roghnúcháin an méid comhfhreagrais le riachtanais an fhógra folúntais seo a mheas.

Agus an comhad iarratais á ullmhú, ní gá go ndeimhneofaí go bhfuil na cóipeanna i gcomhréir leis an mbunchóip.

Ní bhreathnófar ar chomhaid iarratais neamhiomlána ná ar chomhaid a chuirtear isteach tar éis an spriocdháta le haghaidh cur isteach dul in éag nó mura n-urramaítear na forálacha lena rialaítear cur isteach comhaid iarratais. Cuirfidh aon dearbhú bréagach an t-iarratas ar neamhní go huathoibríoch.

Cuirtear in iúl d’iarrthóirí nach bhfuil cead acu dul i dteagmháil go pearsanta le baill an phainéil roghnúcháin ná iarraidh ar chomhaltaí CnR/comhaltaí malartacha déanamh amhlaidh agus gur forais dícháilithe ón nós imeachta é déanamh amhlaidh.

7.3.1.

Bunaithe ar anailís ullmhúcháin arna déanamh ag an Ardrúnaíocht, déanfaidh painéal roghnúcháin incháilitheacht na n-iarrthóirí a chuir a n-iarratais isteach laistigh den spriocdháta a mheas ar bhonn na ndoiciméad tacaíochta a iarrtar faoi phointe 7.1.

7.3.2.

Beidh an painéal roghnúcháin comhdhéanta d’Uachtarán CnR, an chéad leas-uachtarán CnR agus cathaoirligh na sé ghrúpa pholaitiúla (nó a n-ionadaithe) i CnR. Beidh baint ag Ard-Rúnaí CnR ag gach céim den phróiseas roghnúcháin chun tacaíocht riaracháin agus dhlíthiúil a sholáthar don phainéal roghnúcháin. Beidh Ard-Rúnaí CESE nó a ionadaí páirteach in imeachtaí an phainéil le linn an scagtha incháilitheachta tosaigh agus an réamhroghnaithe freisin.

7.3.3.

Fíoróidh an painéal roghnúcháin ar dtús go bhfuil na coinníollacha incháilitheachta á gcomhlíonadh ar bhonn an dearbhaithe de mheon macánta, na litreach chumhdaigh, an CV agus na gcóipeanna de na doiciméid atá liostaithe i bpointe 7.1 den fhógra folúntais seo. Tá na coinníollacha incháilitheachta a sheiceáiltear ag an gcéim seo den nós imeachta liostaithe i bpointe 4.

Na hiarrthóirí a measúnaítear a n-iarratas a bheith neamh-incháilithe, cuirfear an méid sin in iúl dóibh.

7.3.4.

Beidh na hiarratais a ghlacfar ag deireadh na céime a bhfuil cur síos uirthi sa phointe thuas faoi réir próisis réamhroghnaithe ansin ag an bpainéal roghnúcháin le cúnamh ón Ard-Rúnaí. Déanfar é seo ar bhonn an chomhaid iarratais. Tiomsófar ainmneacha na n-iarrthóirí is fearr a shásaíonn na critéir atá leagtha síos i bpointe 5.2 den fhógra folúntais seo ar ghearrliosta ina mbeidh seacht n-ainm ar a mhéad.

Agus an réamhroghnú seo atá bunaithe ar na comhaid a chur san áireamh, iarrtar ar na hiarrthóirí a chur in iúl ina litir chumhdaigh na gnéithe sin dá CV a fhreagraíonn do na dualgais atá i gceist, na próisis mhóra claochlaithe a sheol siad go pearsanta, a spreagadh agus a dtuairimí faoi na dúshláin atá le sárú amach anseo do Stiúrthóireacht an Aistriúcháin.

7.3.5.

Tabharfar cuireadh ansin do na hiarrthóirí ar an ngearrliosta chuig measúnú in ‘ionad measúnaithe’, agus cuirfear an clár agus an mhodheolaíocht in iúl dóibh in am trátha. Déanfaidh an measúnú seo meastóireacht ar scileanna bainistíochta na n-iarrthóirí (bainistiú faisnéise, tascanna, daoine, caidreamh idirphearsanta agus an cumas cuspóirí a bhaint amach). Is ionann é sin agus tuairim neamhcheangailteach a chuirtear ar fáil don phainéal roghnúcháin i bhfianaise an agallaimh roghnóireachta.

7.3.6.

Tar éis an ionaid mheasúnaithe, tabharfar cuireadh do na hiarrthóirí céanna ar an ngearrliosta chuig agallamh leis an bpainéal roghnúcháin de réir fhorálacha phointe 6. Le linn an phróisis seo, cabhróidh an tArd-Rúnaí leis an bpainéal roghnúcháin agus cuirfidh sé torthaí an ionad measúnaithe i láthair.