|
9.10.2010 |
MT |
Il-Ġurnal Uffiċjali tal-Unjoni Ewropea |
L 266/10 |
REGOLAMENT TAL-KUMMISSJONI (UE) Nru 893/2010
tat-8 ta' Ottubru 2010
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi tar-residwi għal aċekinoċil, bentażon, karbendażim, ċiflutrin, fenamidon, fenażakwin, flonikamid, flutrijafol, imidakloprid, joxinil, metkonażol, protijokonażol, tebufenożid u tijofanat metil fi jew fuq ċerti prodotti
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat- 23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) tiegħu,
Billi:
|
(1) |
Għal bentażon, karbendażim, ċiflutrin, fenamidon, joxinil, u tijofanat metil, il-livelli massimi ta’ residwu (MRLs) ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. Għal aċekinoċil, fenażakwin, flonikamid, flutrijafol, imidakloprid, metkonażol, protijokonażol, u tebufenożid, l-MRLs kienu stabbiliti f'Parti A tal-Anness III tar-Regolament (KE) Nru 396/2005. |
|
(2) |
Fil-kuntest ta’ proċedura, skont id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (2), għall-awtorizzazzjoni tal-użu ta' prodott għall-ħarsien tal-pjanti li fih is-sustanza attiva bentażon għall-użu fuq il-qamħirrun, saret applikazzjoni skont l-Artikolu 6(1) tar-Regolament (KE) Nru 396/2005 għall-emendi tal-MRLs eżistenti. |
|
(3) |
Fir-rigward tal-aċekinoċil, tali applikazzjoni saret għall-użu fuq il-larinġ, il-mandolin, il-ħawħ, l-għeneb, it-tadam u l-brunġiel. Fir-rigward il-karbendażim, tali applikazzjoni saret għall-użu fuq il-lumi, ix-xkomp u l-mandolin. Fir-rigward għal flubendiamide, tali applikazzjoni saret għall-użu fuq il-brunġiel, il-kukurbiti u l-fażola bil-miżwed. Fir-rigward għal fenamidon, tali applikazzjoni saret għall-użu fuq il-frawli u l-kukurbiti. Fir-rigward għal fenażakin, tali applikazzjoni saret għall-użu fuq it-te. Fir-rigward għal flonikamid, tali applikazzjoni saret għall-użu fuq il-frott taċ-ċitru, iċ-ċirasa, il-bżar, il-brunġiel u l-fażola mingħajr il-miżwed. Fir-rigward tal-flutrijafol, tali applikazzjoni saret għall-użu fuq it-tuffieħ, il-banana u l-għeneb tal-inbid. Fir-rigward għal imidakloprid, saret tali applikazzjoni saret għall-użu fuq ir-ross. Fir-rigward għal joximil, tali applikazzjoni saret għall-użu fuq il-kurrat. Fir-rigward tal-metkonażol, tali applikazzjoni saret għall-użu fuq iċ-ċirasa, il-ħawħ, il-berquq, iż-żerriegħa tal-qoton, il-qamħ u l-pitravi taz-zokkor. Fir-rigward tal-protijokonażol, tali applikazzjoni saret biex jintuża fuq il-brokkli u l-pastard. Fir-rigward għal tebufenożid, tali applikazzjoni saret għall-użu fuq ir-ross. Fir-rigward it-tijofanat metil, tali applikazzjoni saret għall-użu fuq il-grapefruit, il-larinġ il-lumi, ix-xkomp u l-mandolin. |
|
(4) |
Skont l-Artikolu 8 tar-Regolament (KE) Nru 396/2005, dawn l-applikazzjonijiet ġew ivvalutati mill-Istati Membri kkonċernati u r-rapporti ta’ valutazzjoni tressqu lill-Kummissjoni. |
|
(5) |
L-Awtorità Ewropea għas-Sikurezza Alimentari, minn hawn ’il quddiem “l-Awtorità”, evalwat l-applikazzjonijiet u r-rapport ta' valutazzjoni, u eżaminat b'mod partikolari r-riskji għall-konsumatur u fejn rilevanti għall-annimali u tat opinjonijiet motivati fuq l-MRLs proposti (3). Għaddiet dawn l-opinjonijiet lill-Kummissjoni u lill-Istati Membri u għamlithom disponibbli lill-pubbliku. |
|
(6) |
Fl-opinjonijiet motivati tagħha, l-Awtorità kkonkludiet li r-rekwiżiti kollha fir-rigward tad-dejta ġew sodisfatti u li l-emendi għal-MRLs mitluba mill-applikanti kienu aċċettabbli fir-rigward tas-sikurezza tal-konsumatur fuq il-bażi ta' evalwazzjoni tal-espożizzjoni tal-konsumatur għal 27 grupp ta' konsumaturi Ewropej speċifiċi. Hija qieset l-aktar tagħrif riċenti dwar il-karatteristiċi tossikoloġiċi tas-sustanzi. La l-espożizzjoni tul il-ħajja għal dawn is-sustanzi permezz tal-konsum tal-prodotti kollha tal-ikel li jista' jkun fihom dawn is-sustanzi, u lanqas l-espożizzjoni fil-medda qasira ta' żmien minħabba l-konsum estrem tal-prodotti kkonċernati ma wrew li kien hemm riskju li l-konsum aċċetabbli ta' kuljum (ADI) jew li d-doża ta’ referenza akuta (ARfD) ma nqabeż. |
|
(7) |
Imsejsa fuq l-opinjonijiet motivati tal-Awtorità u b’kunsiderazzjoni tal-fatturi rilevanti tas-suġġett ikkonsidrat, l-emendi xierqa għall-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
|
(8) |
Ir-Regolament (KE) Nru 396/2005 għalhekk għandu jiġi emendat skont dan. |
|
(9) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum ta’ wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Ottubru 2010.
Għall-Kummissjoni
Il-President
José Manuel BARROSO
(2) ĠU L 230, 19.8.1991, p. 1.
(3) Ir-rapporti xjentifiċi tal-EFSA disponibbli fuq http://www.efsa.europa.eu
|
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar l-emenda tal-MRLs eżistenti għal ċiflutrin f'komoditajiet varji li ġejjin mill-pjanti u l-annimali, il-Ġurnal EFSA 2010; 8(5):1618. |
|
|
L-opinjoni motivata tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs eżistenti għall-bentażon fil-qamħirrun.. Ippubblikata: 7 ta' Mejju 2010. Adottata: 5 ta' Mejju 2010. |
|
|
Opinijoni motivata tal-EFSA: L-emenda tal-MRLS eżistenti għall-flonikamid f'ħxejjex varji. Ippubblikat: 6 ta' Mejju 2010. Adottata: 4 ta' Mejju 2010. |
|
|
Opinijoni motivata tal-tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs eżistenti għall-aċekinoċil fil-larinġ, mandolin, ħawħ, għeneb, tadam u brunġiel. Ippubblikata: 30 ta' April 2010. Adottata: 29 ta' April 2010. |
|
|
Opinijoni motivata tal-EFSA: L-emenda tal-MRLS eżistenti għall-imidakloprid fir-ross. Ippubblikata: 23 ta' April 2010. Adottata: 20 ta' April 2010. |
|
|
Opinijoni motivata tal-EFSA: L-emenda tal-MRLS eżistenti għall-flutrijafol f'ħxejjex varji. Ippubblikata: 16 ta' April 2010 Adottata: 16 ta' April 2010. |
|
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar l-emenda tal-MRLs eżistenti għal fenażakwin fit-te (weraq nixfa jew iffermentati u friegħi tal- Camellia sinensis). Ippubblikata: 15 ta' Aprl 2010. Adottata: 14 ta' April 2010. |
|
|
L-opinjoni motivata tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs attwali għat-tebufenożid fir-ross. Ippubblikata:. 15 ta' April 2010. Adottata: 15 ta' April 2010. |
|
|
L-opinjoni motivata tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs attwali għat-tebufenożid fir-ross. Ippubblikata:. 13 ta' April 2010. Adottata: 13 ta' April 2010. |
|
|
L-opinjoni motivata tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs attwali għat-tebufenożid fir-ross. Ippubblikata:. 9 ta' April 2010. Adottata: 6 ta' April 2010. |
|
|
L-opinjoni motivata tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs attwali għall-joximil fil-kurrat. Ippubblikata: 9 ta' April 2010. Adottata: 8 ta' April 2010. |
|
|
L-opinjoni motivata tal-EFSA ppreparata mill-Unità dwar il-Pestiċidi (PRAPeR) dwar l-emenda tal-MRLs attwali għat-metkonażol fil-ħxejjex varji. Ippubblikata:. 12 ta' Marzu 2010. Adottata: 11 ta' Marzu 2010. |
|
|
L-opinjoni motivata tal-EFSA: Valutazzjoni rifinata tar-riskju dwar ċerti MRLs ta' tħassib għas-sustanzi attivi karbendażim u tijofanat metil [1]. Ippubblikata: 3 ta’ Ġunju 2009. Adottata: 14 ta' Mejju 2009. |
ANNESS
L-Annessi II u III tar-Regolament (KE) Nru 396/2005 huma emendati kif ġej:
|
(1) |
Fl-Anness II il-kolonni bentażon, karbendażim, ċiflutrin, fenamidon, joxinil, u tijofanat metil, jinbidlu b'dan li ġej: “Residwi ta' pestiċidi u livelli massimi ta' residwi (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
Fil-Parti A tal-Anness il-kolonni għal aċekinoċil, fenażakwin, flonikamid, flutrijafol, imidakloprid, metconazole, protijokonażol, u tebufenożid jinbidlu b'dan li ġej: “Fdalijiet ta' pestiċida u livelli massimi ta' fdal (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*1) Jindika limitu iktar baxx ta' determinazzjoni analitika
(*2) Kombinazzjoni ta' pestiċida-kodiċi li għalihom japplika l-MRL stabbilit fl-Annex III Parti B.
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*3) Jindika limitu iktar baxx ta' determinazzjoni analitika