|
Iris Oifigiúil |
GA Sraith C |
|
C/2026/4226 |
3.8.2026 |
CINNEADH ÓN gCOMHAIRLE
an 13 Iúil 2026
lena gceaptar comhalta amháin de Bhord Bainistíochta na Gníomhaireachta Eorpaí Ceimiceán (ECHA)
(C/2026/4226)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 maidir le Clárú, Meastóireacht, Údarú agus Srianadh Ceimiceán (REACH), lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoracha 91/155/CEE, 93/67/CEE, 93/105/CE agus 2000/21/CE ón gCoimisiún (1), agus go háirithe Airteagal 79 de,
De bharr an mhéid seo a leanas:
|
(1) |
Foráiltear le hAirteagal 79 de Rialachán (CE) Uimh. 1907/2006 go bhfuil an Chomhairle le hionadaí amháin a cheapadh ó gach Ballstát mar chomhalta de Bhord Bainistíochta na Gníomhaireachta Eorpaí Ceimiceán (‘an Bord Bainistíochta’). |
|
(2) |
Tá comhaltaí an Bhoird Bainistíochta le ceapadh ar bhonn an taithí agus an saineolas ábhartha atá acu i réimsí na sábháilteachta ceimiceán nó na rialála ceimiceán, agus ar an mbonn go bhfuil saineolas ábhartha i réimsí cúrsaí ginearálta, airgeadais agus dlí ar fáil i measc chomhaltaí an bhoird. |
|
(3) |
4 bliana a bheidh i dtéarma oifige comhalta den Bhord Bainistíochta agus féadfar é a athnuachan uair amháin. |
|
(4) |
Le Cinneadh (AE) 2023/992 ón gComhairle (2), cheap an Chomhairle 16 chomhalta den Bhord Bainistíochta. |
|
(5) |
Ceapadh an comhalta den Bhord Bainistíochta arna ainmniú ag an nGearmáin ar feadh tréimhse 4 bliana dar críoch an 31 Bealtaine 2027, ach rachaidh sé ar scor an 31 Lúnasa 2026. |
|
(6) |
Tá iarrthóir cuícháilithe ainmnithe ag an nGearmáin le teacht in ionad an chomhalta den Bhord Bainistíochta atá ag dul ar scor. Dá bhrí sin, ba cheart an t-iarrthóir sin a cheapadh ina chomhalta den Bhord Bainistíochta le héifeacht ón 1 Meán Fómhair 2026, |
TAR ÉIS AN CINNEADH SEO A GHLACADH:
Airteagal 1
Ceapfar an duine seo a leanas ina chomhaltaí den Bhord Bainistíochta don chéad téarma ón 1 Meán Fómhair 2026 go dtí an 31 Lúnasa 2030:
|
— |
An Dochtúir Oliver EBERHARDT, Gearmánach. |
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 13 Iúil 2026.
Thar ceann na Comhairle
An tUachtarán
M. HEYDON
(1) IO L 396, 30.12.2006, lch. 1, ELI: http://data.europa.eu/eli/reg/2006/1907/oj.
(2) Cinneadh (AE) 2023/992 ón gComhairle an 16 Bealtaine 2023 lena gceaptar 16 comhalta de Bhord Bainistíochta na Gníomhaireachta Eorpaí Ceimiceán (ECHA) (IO L 135, 23.5.2023, lch. 116, ELI: http://data.europa.eu/eli/dec/2023/992/oj).
ELI: http://data.europa.eu/eli/C/2026/4226/oj
ISSN 1977-107X (electronic edition)