LM2007118MT.01011801.xml

DEĊIŻJONI TAL-KUMMISSJONI

tat-2 ta' Frar 2006

li temenda l-Anness C għad-Direttiva tal-Kunsill 89/556/KEE dwar kondizzjonijiet ta' saħħa ta' l-annimali li jirregolaw il-kummerċ intra-Komunitarju fi u l-importazzjoni minn pajjiżi terzi ta' embrijoni ta' annimali domestiċi ta' l-ispeċi ta' l-ifrat

(innotifikata taħt dokument numru C(2006) 193)

(Test b'relevanza għaż-ŻEE)

(2006/60/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 89/556/KEE tal-25 ta' Settembru 1989 dwar kondizzjonijiet ta' saħħa ta' l-annimali li jirregolaw il-kummerċ intra-Komunitarju fi u l-importazzjoni minn pajjiżi terzi ta' embrijoni ta' annimali domestiċi ta' l-ispeċi ta' l-ifrat (1), u b'mod partikolari tal-Artikolu 16 tagħha,

Billi:

(1)	Id-Direttiva tal-Kunsill 89/556/KEE tistabbilixxi kondizzjonijiet ta' saħħa ta' l-annimali li jirregolaw il-kummerċ intra-Komunitarju fi u l-importazzjoni minn pajjiżi terzi ta' embrijoni ta' annimali domestiċi ta' l-ispeċi ta' l-ifrat.

(2)

Dik id-Direttiva tipprevedi, inter alia, li l-embrijoni ta' l-ifrat m'għandhomx jintbagħtu minn Stat Membru għall-ieħor sakemm ma jkunux ġew ikkonċeputi permezz ta' inseminazzjoni artifiċjali jew fertilizzazzjoni in vitro b'sperma minn raġel donatur li jinsab fil-post tal-ġbir ta' l-isperma approvat mill-awtorità kompetenti għall-ġbir, l-ipproċessar u l-ħażna ta' l-isperma jew b'sperma importata skond id-Direttiva tal-Kunsill 88/407/KEE ta' l-14 ta' Ġunju 1988 li tistabbilixxi r-rekwiżiti tas-saħħa ta' l-annimali applikabbli għall-kummerċ intra-Komunitarju u għal importazzjonijiet ta' deep frozen semen ta' annimali domestiċi ta' l-ispeċi tal-bovini (2).

(3)

Iċ-ċertifikat mudell tas-saħħa ta' l-annimali għall-kummerċ intra-Komunitarju ta' embrijoni ta' annimali domestiċi ta' l-ispeċi ta' l-ifrat huwa stabbilit fl-Anness C għad-Direttiva tal-Kunsill 89/556/KEE. Dak iċ-ċertifikat ma fihx xi rekwiżiti speċifiċi dwar l-isperma li ntużat għall-fertilizzazzjoni.

(4)	Kien hemm problemi fil-kummerċ ta' l-embrijoni b'mod partikolari wara l-adozzjoni ta' regoli aktar stretti għad-dħul tal-barrin fiċ-ċentri tal-ġbir ta' l-isperma fid-Direttiva 88/407/KEE, kif emendata mid-Direttiva 2003/43/KE (3).

(5)	Sabiex il-problemi għaċ-ċertifikazzjoni jistgħu jiġu evitati, għandu jiġi inkluż rekwiżit addizzjonali għaċ-ċertifikazzjoni fiċ-ċertifikat mudell tas-saħħa ta' l-annimali attwali li jipprevedi obbligazzjoni li l-isperma li tintuża għall-fertilizzazzjoni tikkonforma mad-Direttiva 88/407/KEE.

(6)	Id-Direttiva 89/556/KEE għandha, għalhekk, tiġi emendata skond dan.

(7)	Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

ADOTTAT DIN ID-DEĊIŻJONI:

Artikolu 1

L-Anness C għad-Direttiva 89/556/KEE hu mibdul bit-test fl-Anness ta' din id-Deċiżjoni.

Artikolu 2

Din id-Deċiżjoni għandha tibda tapplika mit-23 ta' Frar 2006.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, it-2 ta' Frar 2006.

Għall-Kummissjoni

Markos KYPRIANOU

Membru tal-Kummissjoni

(1) ĠU L 302, 19.10.1989, p. 1. Direttiva kif emendata l-aħħar bir-Regolament (KE) Nru 806/2003 (ĠU L 122, 16.5.2003, p. 1).

(2) ĠU L 194, 22.7.1988, p. 10. Direttiva kif emendata l-aħħar bid-Deċiżjoni tal-Kummissjoni 2006/16/KE (ĠU L 11, 17.1.2006, p. 21).

(3) ĠU L 143, 11.6.2003, p. 23.

ANNESS

“ANNESS C

Test ta 'immaġni

Test ta 'immaġni

IL-KOMUNITÀ EWROPEA

L-embrijoni bovini domestiċi

Parti II: Ċertifikazzjoni

II. Informazzjoni sanitarja

II.a. Numru ta’ referenza taċ-ċertifikat

II.b. Numru ta’ referenza lokali

Jien, hawntaħt iffirmat, il-veterinarju uffiċjali, b’dan niċċertifika li l-embrijoni deskritti f’dan iċ-ċertifikat:

II.1 ġew miġbura, ipproċessati u maħżuna b’konformità ma’ l-Anness A għad-Direttiva 89/556/KEE.

II.2 ġew mibgħuta fil-post tat-tagħbija f’kontenituri ssiġillati skond l-Anness A għad-Direttiva 89/556/KEE.

II.3 ġew mid-donaturi ta’ l-ispeċi bovini li jikkonformaw ma’ l-Anness B għad-Direttiva 89/556/KEE.

II.4 kienu ikkonċeputi jew permezz ta’ inseminazzjoni artifiċjali jew b’fertilizzazzjoni in vitro (1) bl-użu ta’ sperma ġejja minn ċentri tal-ġbir ta’ sperma jew tal-ħżin approvati skond id-Direttiva 88/407/KEE u li tinsab fi Stat Membru tal-Komunità Ewropea jew f’pajjiż terz elenkat fl-Anness I għad-Deċiżjoni tal-Kummissjoni 2004/639/KE (1) (2).

Noti

(1) Ħassar kif meħtieġ.

(2) ĠU L 292, tal-15.9.2004, p. 21.

(3) [Kaxxa I.6. fil-Parti I]:

Fil-każ ta’ l-embrijuni importati, daħħal in-numru taċ-ċertifikat ta’ importazzjoni.

(4) [Kaxxa I.31. fil-Parti I]:

Marka ta’ identifikazzjoni li tikkorrispondi għad-dettalji li jidentifikaw il-baqar donaturi u d-data tal-ġbir.

Kategorija: speċifika jekk kienx hemm(a) penetrazzjoni jew(b) non-penetrazzjoni taż-zona pellucida.

Il-veterinarju uffċjali

Isem, (b' ittri kbar)

Unità Veterinarja Lokali:

Data:

Timbru

Kwalifika u titlu:

Nru ta' I-LVU:

IL-firma:’