|
Il-Ġurnal Uffiċjali |
MT Is-serje C |
|
C/2024/7433 |
13.12.2024 |
Pubblikazzjoni ta’ komunikazzjoni tal-approvazzjoni ta’ emenda standard tal-Ispeċifikazzjoni tal-Prodott għal isem fis-settur tal-inbid, kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33
(C/2024/7433)
Din il-komunikazzjoni hija ppubblikata f’konformità mal-Artikolu 17(5) tar-Regolament Delegat tal-Kummissjoni (UE) 2019/33 (1).
KOMUNIKAZZJONI TAL-APPROVAZZJONI TA’ EMENDA STANDARD
“Barbanza e Iria”
PGI-ES-A1255-AM03
Data tal-komunikazzjoni: 30.9.2024
DESKRIZZJONI TAL-EMENDA APPROVATA U R-RAĠUNIJIET GĦALIHA
1. L-INKLUŻJONI TA’ VARJETÀ ĠDIDA TA’ GĦENEB
Deskrizzjoni:
Varjetà ġdida ġiet inkluża fil-lista tal-varjetajiet awtorizzati għall-produzzjoni tal-inbejjed Barbanza e Iria, jiġifieri l-varjetà bajda Ratiño Gallega.
Il-punt 6 tal-Ispeċifikazzjoni u l-punt 7 tad-Dokument Uniku ġew emendati.
Din hija emenda standard minħabba li ma tinvolvi l-ebda waħda mill-bidliet imsemmija fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-Indikazzjonijiet Ġeografiċi.
Raġuni:
L-istudji mwettqa wrew li hija varjetà indiġena u mhux klonu ta’ varjetà oħra, u għalhekk ġiet rikonoxxuta amministrattivament bħala varjetà ġdida ta’ Vitis vinifera bl-Ordni APA/1097/2021 tas-7 ta’ Ottubru, li tipprevedi l-inklużjoni ta’ diversi varjetajiet ta’ speċijiet differenti fir-Reġistru tal-Varjetajiet Kummerċjali (BOE tal-11.10.2021).
2. ESPANSJONI TAŻ-ŻONA DEMARKATA
Deskrizzjoni:
L-ambitu ġeografiku ta’ din l-indikazzjoni ġeografika protetta ġie kemxejn estiż biex jinkludi l-parroċċa ta’ Seira fil-muniċipalità ta’ Rois, li tmiss maż-żona attwalment demarkata.
Il-punt 4 tal-Ispeċifikazzjoni u l-punt 6 tad-Dokument Uniku ġew emendati.
Din hija emenda standard minħabba li ma tinvolvi l-ebda waħda mill-bidliet imsemmija fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-Indikazzjonijiet Ġeografiċi.
Raġuni:
Hija estensjoni żgħira ta’ żona li l-karatteristiċi tagħha huma simili għal dawk taż-żona demarkata attwalment u għalhekk ma taffettwax ir-rabta.
3. BIDLIET FIL-LOGO
Deskrizzjoni:
Il-logo li jidentifika dawn l-inbejjed ġie aġġornat, u ssostitwixxa t-terminu “vino de la tierra” bit-terminu ekwivalenti “Indikazzjoni Ġeografika Protetta”.
Din l-emenda tikkonċerna l-Anness II tal-Ispeċifikazzjoni tal-Prodott u ma taffettwax id-Dokument Uniku.
Din hija emenda standard minħabba li ma tinvolvi l-ebda waħda mill-bidliet imsemmija fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-Indikazzjonijiet Ġeografiċi.
Raġuni:
It-terminu “Indikazzjoni Ġeografika Protetta” issa tqiegħed fis-suq b’mod aktar estensiv.
4. AĠĠORNAMENT TA’ XI REFERENZI U TITJIB FIL-FORMULAZZJONI
Deskrizzjoni:
L-emenda tal-Ispeċifikazzjoni tal-Prodott intużat biex taġġorna kwotazzjoni legali li, minħabba l-mogħdija taż-żmien, ma kinetx għadha valida, u biex ittejjeb il-formulazzjoni dwar diversi punti.
Din l-emenda tikkonċerna l-punti 2, 4, 7, 8 u 9 tal-Ispeċifikazzjoni tal-Prodott u ma taffettwax id-Dokument Uniku.
Din hija emenda standard minħabba li ma tinvolvi l-ebda waħda mill-bidliet imsemmija fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-Indikazzjonijiet Ġeografiċi.
Raġuni:
Din intużat biex ittejjeb it-test tal-Ispeċifikazzjoni tal-Prodott.
DOKUMENT UNIKU
1. Isem/Ismijiet għar-reġistrazzjoni
Barbanza e Iria
2. Tip ta’ Indikazzjoni Ġeografika:
IĠP – Indikazzjoni Ġeografika Protetta
3. Kategoriji ta’ prodotti tad-dwieli
|
1. |
Inbid |
3.1. Kodiċi tan-Nomenklatura Magħquda
|
— |
22 — XARBIET, SPIRTI U ĦALL 2204 — Inbid tal-għeneb frisk, inkluż l-inbejjed imqawwija; most tal-għeneb, għajr dak tal-intestatura 2009 |
4. Deskrizzjoni tal-inbid/inbejjed
INBID - Inbejjed bojod u ħomor, u nbejjed ta’ varjetà unika
DESKRIZZJONI QASIRA
Inbejjed ħfief, nodfa, ileqqu, b’kulur qawwi viżibbli; b’aromi ġenwini li jixhdu l-karatteristiċi proprji tal-materja prima, bi gradazzjoni alkoħolika moderata, u bi ħjiel ta’ fjuri u ta’ frott; fil-palat jinħassu bellusija, friski, mimlija togħma u bbilanċjati, bi ftit laqtiet ħfief ta’ aċidu.
Qawwa alkoħolika proprja minima tal-inbejjed ta’ varjetà waħda: 11 %.
|
* |
Aċidità volatili massima tal-inbejjed li jitqiegħdu għall-bejgħ b’tal-inqas sena maturazzjoni: 16,66 meq/l. |
|
* |
Total massimu ta’ diossidu tal-kubrit għall-inbejjed bojod: 175 mg/l. |
Karatteristiċi analitiċi
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika proprja minima (f’% tal-volum): 10 |
|
— |
Aċidità totali minima: 5 grammi għal kull litru espressi bħala aċidu tartariku |
|
— |
Aċidità volatili massima (f’milliekwivalenti għal kull litru): 15 |
|
— |
Total massimu ta’ diossidu tal-kubrit (f’milligrammi għal kull litru): 150 |
5. Prattiki tal-produzzjoni tal-inbid
5.1. Prattiki enoloġiċi speċifiċi
Prattika enoloġika speċifika
Ir-rendiment fl-estrazzjoni tal-most u l-firda tiegħu mill-karfa ma għandux ikun ikbar minn 67 litru most għal kull 100 kg għeneb.
5.2. Rendimenti massimi għal kull ettaru
|
1. |
Varjetajiet ta’ għeneb abjad 12 000 kilogramma ta’ għeneb għal kull ettaru |
|
2. |
Varjetajiet ta’ għeneb abjad 80,4 Hl għal kull ettaru |
|
3. |
Varjetajiet ta’ għeneb aħmar 8 000 kilogramma ta’ għeneb għal kull ettaru |
|
4. |
Varjetajiet ta’ għeneb aħmar 53,6 Hl għal kull ettaru |
6. Definizzjoni taż-żona demarkata
Il-muniċipalitajiet ta’ Boiro, Catoira, Dodro, A Pobra do Caramiñal, Pontecesures, Rianxo, Ribeira u Valga, kif ukoll l-irħula ta’ Camboño, Fruíme u Tállara fil-muniċipalità ta’ Lousame; l-irħula ta’ Iria Flavia u Padrón, fil-muniċipalità ta’ Padrón; il-parroċċi ta’ Baroña, Caamaño, Queiruga, Ribasieira, San Pedro de Muro u Xuño, fil-muniċipalità ta’ Porto do Son; u l-parroċċa ta’ Seira fil-muniċipalità ta’ Rois.
Il-biċċa l-kbira minn din iż-żona ġeografika tinsab fil-provinċja ta’ A Coruña, għajr il-muniċipalitajiet ta’ Catoira, Valga u Pontecesures, li huma parti mill-provinċja ta’ Pontevedra.
7. Varjetà jew varjetajiet tad-dwieli li minnhom jinkiseb l-inbid / jinkisbu l-inbejjed
AGUDELO — CHENIN BLANC
ALBARIN BLANCO — BRANCO LEXITIMO
ALBARIÑO
BRANCELLAO
CAÍÑO BLANCO
CAÍÑO TINTO
ESPADEIRO — TORNEIRO
GODELLO
LOUREIRA – LOUREIRO BLANCO
LOUREIRA — MARQUÉS
LOUREIRO TINTO
MENCÍA
MERENZAO
RATIÑO GALLEGA
SOUSÓN
TORRONTÉS
TREIXADURA
8. Deskrizzjoni tar-rabta/rabtiet
L-inbejjed jixhdu l-kundizzjonijiet tat-temperatura u tax-xita, kif ukoll il-prattiki agrikoli u l-fattur uman, l-iktar fl-adattament varjetali xieraq (jintużaw fuq kollox varjetajiet indiġeni), fl-għażla tal-aqwa ħamrija (tal-lom, fondi u permeabbli, karatteristika ta’ din iż-żona ġeografika), u fil-prassi tajba tat-tkabbir, inkluż iż-żabra u l-kundizzjonament tad-dwieli, li jsiru bl-idejn u b’sengħa, sabiex ikun hemm kontroll xieraq tal-potenzjal tat-tkabbir tal-għeneb. Dawn il-kundizzjonijiet kollha jagħtu lill-inbejjed prodotti f’din iż-żona bilanċ u armonija, aromi eċċellenti, espressjonijiet aromatiċi u karatteristiċi tajbin ta’ preżervazzjoni.
9. Rekwiżiti oħra applikabbli (imballaġġ, tikkettar, rekwiżiti addizzjonali)
Qafas legali:
Fil-leġiżlazzjoni nazzjonali
Tip ta’ rekwiżit ieħor:
Ippakkjar fiż-żona ġeografika demarkata
Deskrizzjoni tar-rekwiżit:
L-inbejjed għandhom jiġu bbottilajti fiż-żona ġeografika demarkata ta’ produzzjoni. It-trasport u l-ibbottiljar barra miż-żona tal-produzzjoni jikkostitwixxu riskju għall-kwalità tal-inbid, billi jista’ jiġi espost għal fenomeni ta’ ossidoriduzzjoni, varjazzjonijiet fit-temperatura u oħrajn, u iktar ma tkun kbira d-distanza miż-żona ġeografika demarkata ikbar ikun ir-riskju. L-ibbottiljar lokali jippermetti li jiġu ppreżervati l-karatteristiċi u l-kwalità tal-prodott. Minħabba dan kollu, flimkien mal-esperjenza u l-għarfien espert tal-karatteristiċi speċifiċi tal-inbejjed li ilhom is-snin jinkisbu mill-azjendi tal-Indikazzjoni Ġeografika Protetta “Barbanza e Iria”, jeħtieġ li l-ibbottiljar isir lokalment, sabiex jinżammu l-karatteristiċi kollha fiżikokimiċi u organolettiċi ta’ dawn l-inbejjed.
Qafas legali:
Fil-leġiżlazzjoni nazzjonali
Tip ta’ rekwiżit ieħor:
Rekwiżiti addizzjonali relatati mat-tikkettar
Deskrizzjoni tar-rekwiżit:
Il-fliexken kollha jġorru kontratikketta nnumerata, li tinkludi l-logo tal-Indikazzjoni Ġeografika Protetta.
Link għall-ispeċifikazzjoni tal-prodott
ELI: http://data.europa.eu/eli/C/2024/7433/oj
ISSN 1977-0987 (electronic edition)