(1)

Le Treoir 2014/94/AE, leagtar síos gur cheart sonraíochtaí teicniúla maidir le hidir-inoibritheacht na bpointí athluchtaithe agus athbhreoslaithe a shonrú i gcaighdeáin Eorpacha nó idirnáisiúnta. I gcás na gcaighdeán nár glacadh go fóill, is ar na caighdeáin atá á bhforbairt ba cheart an caighdeánú a bhunú.

(2)

De bhun Airteagal 10(1) de Rialachán (AE) Uimh. 1025/2012 ó Pharlaimint na hEorpa agus ón gComhairle (2), d’iarr an Coimisiún (3) ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) caighdeáin Eorpacha iomchuí a fhorbairt agus a ghlacadh, nó na caighdeáin atá ann cheana a leasú, i gcomhair soláthar leictreachais le haghaidh iompar ar bóthar agus iompar muirí, agus loingseoireacht intíre; soláthar hidrigine le haghaidh iompar ar bóthar; agus gás nádúrtha, lena n-áirítear soláthar bithmheatáin, le haghaidh iompar ar bóthar agus iompar muirí, agus loingseoireacht intíre.

(3)

Ó cuireadh iarraidh M/533 chun feidhme, d’fhorbair CEN agus Cenelec na caighdeáin ina bhfuil na sonraíochtaí teicniúla maidir le pointí athluchtaithe le haghaidh busanna leictreacha dá dtagraítear i bpointe 1.6 d’Iarscríbhinn II a ghabhann le Treoir 2014/94/AE.

(4)

Chuir CEN agus Cenelec in iúl don Choimisiún gurb iad nascóirí Chineál 2 mar a shonraítear i gcaighdeán EN 62196-2 na cineálacha nascóirí is iomchuí i gcomhair na bpointí athluchtaithe gnáthchumhachta agus ardchumhachta le sruth ailtéarnach (SA), le haghaidh busanna leictreacha.

(5)

Chuir CEN agus Cenelec in iúl don Choimisiún gur cheart nascóirí an chomhchórais luchtaithe “Combo 2”, mar a shonraítear i gcaighdeán EN 62196-3, a úsáid i gcomhair pointí athluchtaithe gnáthchumhachta agus ardchumhachta le sruth díreach (SD), le haghaidh busanna leictreacha.

(6)

Chuir CEN agus Cenelec in iúl don Choimisiún gur cheart caighdeán EN 50696 a chur i bhfeidhm maidir le gairis uathnasctha comhéadain teagmhála a úsáidtear chun busanna leictreacha a athluchtú gan sreang i modh 4, de réir EN 61851-23-1, chun idir-inoibritheacht a áirithiú. An caighdeán seo, i gcomhar leis na gcaighdeán thuasluaite, is caighdeán é a mbeidh tábhacht ar leith ag baint leis ó thaobh busanna leictreacha a chur in úsáid sna cathracha.

(7)

De bhun Threoir (AE) 2019/1161 ó Pharlaimint na hEorpa agus ón gComhairle (4), íosmhéid scaireanna náisiúnta suas le 22,5 % le haghaidh 2021-2025 agus 32,5 % le haghaidh 2026-2030 den cheannachán poiblí, cuirfear ar leataobh le haghaidh busanna astaíochtaí nialasacha iad. Agus borradh ag teacht faoin méid údaráis agus oibreoirí iompair phoiblí atá ag iompú ar bhusanna astaíochtaí nialasacha chun na táirgí sin a bhaint amach, tá méadú ar an ngá le hidir-inoibritheacht iomlán a chur ar fáil maidir le bonneagar feithiclí agus athluchtaithe.

(8)

Idir-inoibritheacht na gcineálacha éagsúla athluchtaithe le haghaidh busanna leictreacha, is idir-inoibritheacht í ba cheart a áirithiú chun cothrom na Féinne a chruthú le haghaidh monaróirí agus oibreoirí agus chun barainneachtaí scála a chumasú, agus oscailteacht roimh réitigh theicneolaíocha a áirithiú san am céanna. Ba cheart don idir-inoibritheacht sin úsáid an luchtaithe chliste a fheabhsú, lena n-áirítear seirbhísí feithicle le heangach.

(9)

Saineolaithe ó na Ballstáit, a ndeachthas i gcomhairle leo tríd an gCoiste um Bonneagar le haghaidh Breoslaí Malartacha, agus ataiséanna iompair ó na Ballstáit, chuir siad comhairle ar fáil maidir leis na caighdeáin Eorpacha agus na sonraíochtaí teicniúla is ábhar don ghníomh tarmligthe seo.

(10)

Ba cheart don Choimisiún pointe 1.6 d’Iarscríbhinn II a ghabhann le Treoir 2014/94/AE a fhorlíonadh dá réir leis na tagairtí do na caighdeáin Eorpacha agus do na sonraíochtaí teicniúla a d’fhorbair CEN agus Cenelec.

(11)

Nuair a bheidh na sonraíochtaí teicniúla nua in Iarscríbhinn II a ghabhann le Treoir 2014/94/AE le cur chun feidhme trí bhíthin gníomhartha tarmligthe, beidh feidhm ag idirthréimhse 24 mhí.

—

pointí athluchtaithe gnáthchumhachta agus ardchumhachta le sruth ailtéarnach (SA) le haghaidh busanna leictreacha, is le nascóirí Chineál 2 a fheisteofar iad, mar a shonraítear i gcaighdeán EN 62196-2;

—

pointí athluchtaithe ardchumhachta le sruth díreach (SD) le haghaidh busanna leictreacha, is le nascóirí an chomhchórais luchtaithe “Combo 2” a fheisteofar iad, mar a shonraítear i gcaighdeán EN 62196-3;

—

comhéadain teagmhála le haghaidh gairis uathnasctha a úsáidtear chun busanna leictreacha gan sreang a athluchtú i mód 4 de réir EN 61851-23-1, ar comhéadain iad a bhaineann le gaireas uathnasctha (ACD) atá feistithe ar an mbonneagar (pantagraf), ACD atá feistithe ar dhíon na feithicle, ACD atá feistithe faoin bhfeithicil agus ACD atá feistithe ar an mbonneagar agus a nascann le taobh nó le díon na feithicle, is leis na comhéadain mheicniúla agus leictreacha a shainmhínítear i gcaighdeán EN 50696 a fheisteofar iad.