16.3.2017   

MT

Il-Ġurnal Uffiċjali tal-Unjoni Ewropea

L 71/15


REGOLAMENT TA' IMPLIMENTAZZJONI TAL-KUMMISSJONI (UE) 2017/455

tal-15 ta' Marzu 2017

li jikkonċerna l-awtorizzazzjoni ta' preparazzjoni tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640) bħala addittiv fl-għalf għall-klieb

(Test b'rilevanza għaż-ŻEE)

IL-KUMMISSJONI EWROPEA

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003 ġiet ippreżentata applikazzjoni għall-awtorizzazzjoni ta' preparazzjoni tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640). Ma' din l-applikazzjoni ntbagħtu wkoll id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-preparazzjoni tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640) bħala addittiv fl-għalf għall-klieb, biex tiġi kklassifikata fil-kategorija tal-addittivi “addittivi teknoloġiċi”.

(4)

Fl-opinjoni tagħha tal-1 ta' Diċembru 2015 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, bil-kundizzjonijiet proposti tal-użu tagħha, il-preparazzjoni tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640) ma għandhiex effett avvers fuq saħħet l-annimali, saħħet il-bnedmin jew fuq l-ambjent. L-Awtorità kkonkludiet ukoll li ż-żieda tal-addittiv mal-ħalib pasturizzat jew ma' prodott ibbażat fuq il-ħafur tirriżulta f'aċidifikazzjoni li tikkontribwixxi għall-preservazzjoni tal-għalf maħsub għall-klieb. L-Awtorità tqis li ma hemmx bżonn ta' rekwiżiti speċifiċi għall-monitoraġġ wara l-kummerċjalizzazzjoni. Ivverifikat ukoll ir-rapport dwar il-metodi ta' analiżi tal-addittiv tal-għalf, fl-għalf, li tressaq mil-Laboratorju ta' Referenza mwaqqaf bir-Regolament (KE) Nru 1831/2003.

(5)

Il-valutazzjoni tal-preparazzjonijiet tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640) turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' din il-preparazzjoni għandu jiġi awtorizzat kif inhu speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tagħmel parti mill-kategorija tal-addittivi “addittivi teknoloġiċi” u mill-grupp funzjonali “preservattivi”, hija awtorizzata bħala addittiv fin-nutrizzjoni tal-annimali, soġġetta għall-kundizzjonijiet imniżżlin f'dak l-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta' Marzu 2017.

Għall-Kummissjoni

Il-President

Jean-Claude JUNCKER


(1)   ĠU L 268, 18.10.2003, p. 29.

(2)   EFSA Journal 2016;14(1):4340.


ANNESS

Numru tal-identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija ta' annimal

Età massima

Kontenut minimu

Kontenut massimu

Dispożizzjonijiet oħrajn

Tmiem il-perjodu tal-awtorizzazzjoni

CFU tal-addittiv/kg ta' materjal tal-għalf

Kategorija tal-addittivi teknoloġiċi. Grupp funzjonali: preservattivi

1a001

—

Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640)

Kompożizzjoni tal-addittiv

Preparazzjoni tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640) fiha minimu ta' total ta' Lactobacilli ta' 1,0 × 108 CFU/g ta' addittiv (li fih minimu ta' kull Lactobacillus ta' 1,0 × 107 CFU/g ta' addittiv)

Karatterizzazzjoni tas-sustanza attiva

Iċ-ċelloli vijabbli tal-Lactobacillus fermentum (NCIMB 41636), Lactobacillus plantarum (NCIMB 41638) u Lactobacillus rhamnosus (NCIMB 41640)

Metodu analitiku  (1)

Enumerazzjoni fl-addittiv tal-għalf: metodu tat-tifrix fuq MSR agar (EN 15787).

Identifikazzjoni: Elettroforeżi bil-Ġell f'Kamp Pulsat (PFGE)

Klieb

—

—

—

1.

Fl-istruzzjonijiet għall-użu tal-addittiv u tat-taħlita lesta minn qabel, indika l-kundizzjonijiet tal-ħażna.

2.

Dan l-addittiv għandu jintuża biss fi prodotti derivati mill-ħafur u fil-ħalib pasturizzat.

3.

Kwantitajiet rakkomandati ta' użu tal-addittiv:

—

6 × 108 CFU/kg ta' prodotti derivati mill-ħafur (b'kontenut ta' ndewwa ta' 90 %);

—

2,7 × 1010 CFU/kg ta' ħalib ippasturizzat.

4.

Għal min juża l-addittiv u t-taħlitiet lesti minn qabel, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi xierqa biex jindirizzaw ir-riskji potenzjali tal-inalazzjoni, il-kuntatt mal-ġilda jew il-kuntatt mal-għajnejn. Meta r-riskji ma jkunux jistgħu jitnaqqsu għal livell aċċettabli b'dawn il-proċeduri u l-miżuri, l-addittiv u t-taħlitiet lesti minn qabel għandhom jintużaw b'tagħmir ta' protezzjoni personali, inkluża l-protezzjoni tal-ġilda.

Il-5 ta' April 2027


(1)  Id-dettalji dwar il-metodi analitiċi jinsabu fl-indirizz tal-laboratorju ta' referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx