Id-Deċiżjoni tal-Kummissjoni

tal-21 ta’ Diċembru 1999

li temenda d-Deċiżjoni 93/436/KEE li tistabilixxi kondizzjonijiet speċjali li jirregolaw l-importazzjonijiet ta’ prodotti tas-sajd li joriġinaw fiċ-Ċili

(notifikat bid-dokument numru Ċ(1999) 4749)

(Test b’rilevanza għaż-ŻEE)

(2000/61/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunita Ewropea,

Wara li kkunsidrat id-Direttiva tal-Kunsill 91/493/KEE tat-22 ta’ Lulju 1991 li tistabbilixxi l-kundizzjonijiet tas-saħħa għall-produzzjoni u t-tpoġġija fis-suq tal-prodotti tas-sajd [1], kif l-aħħar emendata mid-Direttiva 97/79/KE [2], u b’mod partikolari l-Artikolu 11 tagħha,

Billi:

(1) Iċ-ċertifikat tas-saħħa għal prodotti tas-sajd li joriġinaw fiċ-Ċili u intenzjonati għall-esportazzjoni lill-Komunità Ewropea kien stabbilit mid-Deċiżjoni tal-Kummissjoni 93/436/KEE tat-30 ta’ Ġunju 1993 li jqiegħed kondizzjonijiet speċjali li jirregolaw l-importazzjonijiet ta’ prodotti tas-sajd li joriġinaw fiċ-Ċili [3], kif l-aħħar emendat mid-Deċiżjoni 96/674/KE [4];

(2) Il-kundizzjonijiet għall-importazzjoni ta’ molluski bivalvi, tunikati ekinodermi u gastropodi marini li joriġinaw fiċ-Ċili huma stabbiliti mid-Deċiżjoni tal-Kummissjoni 96/675/KE [5];

(3) Ir-riferenzi leġislattivi msemmija fil-mudell taċ-ċertifikat tas-saħħa inkluż fl-Anness A mad-Deċiżjoni 93/436/KEE fihom ċerti żbalji, u huwa għalhekk neċessarju li timmodifikah;

(4) l-miżuri previsti f’din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

L-Anness A mad-Deċiżjoni 93/436/KEE għandu jiġi sostitwit bl-Anness ma hawnhekk.

Artikolu 2

Din id-Deċiżjoni hi ndirizzata lill-Istati Membri.

Magħmulha fi Brussell, fil-21 ta’ Diċembru 1999.

Għall-Kummissjoni

David Byrne

Membru tal-Kummissjoni

[1] ĠU L 268, ta’ l-24.9.1991, p. 15.

[2] ĠU L 24, tat-30.1.1998, p. 31.

[3] ĠU L 202, tat-12.8.1993, p. 31.

[4] ĠU L 313, tat-3.12.1996, p. 29.

[5] ĠU L 313, tat-3.12.1996, p. 38.

--------------------------------------------------

L-ANNESS

"

L-ANNESS A

+++++ TIFF +++++

+++++ TIFF +++++

"

--------------------------------------------------