L_2022108GA.01001301.xml

RIALACHÁN CUR CHUN FEIDHME (AE) 2022/556 ÓN gCOIMISIÚN

an 1 Aibreán 2022

maidir le haicmiú earraí áirithe san Ainmníocht Chomhcheangailte

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,

De bharr an mhéid seo a leanas:

(1)	Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo.

(2)

Le Rialachán (CEE) Uimh. 2658/87, leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm.

(3)	De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, is earraí iad ba cheart a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin.

(4)

Maidir le faisnéis taraife cheangailteach arna heisiúint i leith na n-earraí a bhaineann leis an Rialachán seo, ar faisnéis í nach bhfuil i gcomhréir leis an Rialachán seo, is iomchuí a fhoráil go bhféadfaidh an sealbhóir an fhaisnéis sin a agairt fós, go ceann tréimhse áirithe, i gcomhréir le hAirteagal 34(9) de Rialachán (AE) Uimh. 952/2013. Is tréimhse trí mhí ba cheart a bheith sa tréimhse sin.

(5)	Na bearta dá bhforáiltear sa Rialachán seo, is bearta iad atá i gcomhréir leis an tuairim ón gCoiste um an gCód Custaim,

TAR ÉIS AN RIALACHÁN SEO A GHLACADH:

Airteagal 1

Na hearraí a bhfuil tuairisc orthu i gcolún (1) den tábla a leagtar amach san Iarscríbhinn, aicmeofar iad faoi chuimsiú na hAinmníochta Comhcheangailte faoin gcód AC a luaitear i gcolún (2) den tábla sin.

Airteagal 2

Faisnéis taraife cheangailteach nach bhfuil i gcomhréir leis an Rialachán seo, féadfar í a agairt fós i gcomhréir le hAirteagal 34(9) de Rialachán (AE) Uimh. 952/2013 go ceann tréimhse trí mhí ó dháta theacht i bhfeidhm an Rialacháin seo.

Airteagal 3

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 1 Aibreán 2022.

Thar ceann an Choimisiúin,

Ar son an Uachtaráin,

Gerassimos THOMAS

An tArd-Stiúrthóir

Ard-Stiúrthóireacht an Chánachais agus an Aontais Chustaim

(1) IO L 269, 10.10.2013, lch. 1.

(2) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1).

IARSCRÍBHINN

Tuairisc ar na hearraí

Aicmiú (Cód AC)

Cúiseanna

(1)

(2)

(3)

Tacar a thuairiscítear mar ‘córas ilchodach le haghaidh deisiú fiaclóireachta’ atá cóirithe lena miondíol i mbosca cartáin ina gcuirtear na heilimintí uile i láthair in éineacht le treoir úsáide.

Tá an tacar comhdhéanta de na nithe seo a leanas:

3006 40 00

Is le rialacha ginearálta 1, 3(b) agus 6 maidir le léirmhíniú na hAinmníochta Comhcheangailte, le nóta 4(f) a ghabhann le Caibidil 30 agus le foclaíocht chóid AC 3006 agus 3006 40 00 a chinntear an t-aicmiú.

Eisiatar an táirge óna aicmiú faoi cheannteideal 9021 , toisc nach táirge réamhdhéanta é (amhail coróin) atá cosúil le haon chuid éalangach den chorp ina dhreach (féach freisin Nóta Míniúcháin an Chórais Chomhchuibhithe a ghabhann le ceannteideal 9021 , Roinn III, an chéad mhír agus Cuid (B), pointe (4) agus an chéad abairt den dara fomhír).

Is iad na hábhair chomhchodacha atá líonta i steallairí na comhpháirteanna is saintréith don tacar. Féadfar iad a úsáid san fhiaclóireacht mar líonta fiaclóireachta, táirgí a chumhdaítear faoi cheannteideal 3006 (nóta 4 (f) a ghabhann le Caibidil 30, féach freisin Nóta Míniúcháin an Chórais Chomhchuibhithe thuasluaite a ghabhann le ceannteideal 9021 , Roinn III, Cuid (B), an dara fomhír, an chéad abairt).

Eisiatar an táirge óna aicmiú faoi cheannteideal 3824 agus faoi cheannteideal 3906 mar go gcumhdaítear é go sonrach le foclaíocht Nóta 4 (f) a ghabhann le Caibidil 30, mar líonadh déidliachta.

Dá bhrí sin, fearacht líonta eile déidliachta, is faoi chód AC 3006 40 00 atá an táirge le haicmiú.

—	Leafaois déanta teimhneach

(2×2ml);

—	Leafaois thréshoilseacha le haghaidh corp, scroig agus faobhar fiacla.

(4×4g);

—	Prímeálach grianghraif miotail (“Metal Photo Primer”]

(1×7ml);

—	Scuab (1 lámh + 10 bharr);

—	Miasa aon uaire;

—	Pillín páipéir;

—	Clúdach cosanta solais.

Tá na leafaois, atá ina n-ábhair chomhchodacha, bunaithe ar mheataicrioláití agus líonach neamhorgánach agus cuirtear i láthair iad i steallairí atá réidh le húsáid.

Is leacht greamaitheach é an prímeálach grianghraif, a nascann miotail agus ábhair chomhchodacha le chéile.

Cuirtear i láthair na comhpháirteanna den tacar lena n-úsáid le chéile san fhiaclóireacht chun corónacha (cinn shealadach agus bhuana), droichid, inleaganacha, onleaganacha, veinírí agus corónacha poircealláin tosaigh a mhonarú, chun athchóirithe a dheisiú agus mar líonta déidliachta.